AI (Artificial Intelligence)

[कविता] AI (Artificial Intelligence) 

भोव मारेकार संसारातेवशीन आमी आमकां कळीत नासतां मेटां काडून आसांव. ह्या संसारांत भोव मारेकार जीवी म्हळ्यार मनीस. कित्याक म्हळ्यार मनीस केदिंच सोधनां करुंक पाटीं सराना, हीं सोधनां केदनां, कोणाक आनी कशें निर्माम करुंक करुंक सक्ता म्हळ्ळें खोलायेन चिंतुंक वचानासतां. मनीस बुध्वंत, देकून ह्या बुध्वंत मनशाचो मेंदू गळसून तयार केल्ली तांत्रिकता डिजिटल काळार कृतीम भुध्वंत्काय वा आर्टिफिशल इंटलिजेन्स AI (Artificial Intelligence) कशें ’सताक फट’ आनी ’फटिंक सत’ करुंक लागलां. आनी ह्या ’सताक फट’ कर्च्या दंद्यांत सगळीं अपलें बोळकें भर्च्यांत वेसत जावन मनशाफणाक अस्वसत करुंक पावल्यात म्हण तांकांच कळीत ना.

ह्या कृतीम भुध्वंत्कायेचेर चिंतप लांवची कविता घेवन आयला बाब लारेन्स वी. बरबोज. डिजिटल कोंकणी साहित्य विश्याचेर हाणें कांय तेंपाथावन बरयलां. ही कविता सयत त्या दिशेन एक अपुर्भायेचें चिंतप दिता.

[कविता] AI (Artificial Intelligence) 

हांव‌ रचनारांची उत्तीम‌ रचनां

ताच्याच‌ सार्क्याची ताच्याच सरुपायेची

आसात‌ तर्कां, उदेतात तत्वां

भुमी वैंकुठांतली बुध्वंत‌ जीवी

चिमणेच्या उज्वाडांत बसोन

सूऱ्याक‌ पडदो बादुंक‌ चिंतलें

रेगिसतानांतल्या रेंवेक‌

पावसा उदकांत‌ न्हाणयलें

चिंत्पाक‌‌, चिंताप‌ मेळताना

बुध्वंत‌काय‌, पिशेपणांत बदलताना

भोगणां, अभिलाशा जाताना

पर्वत‌ हांवें मयदान‌ केलें

अधिकार‌ जाय‌ घेवंक‌ संसार‌ खांदी

रचनाराक‌ केलो देवाळांत‌ बंधी

रच‌ल्ल्या रचनाराचे केले वांटे

किर्कोळ‌ हांवें रचणार‌ जावंक‌ चिंतलें.

AI.. म्हजिंच‌ रचनां, जालो रचणार‌

अलेक्सा, सिरी, पिल्याद‌ जोडलां हांवें

ना भूक-तान‌, पिडा आनी पुरासण‌

ताकायी चिंतुंक‌ शिकयलां! म्हज्याकी वेगान

रोबोट म्हजेंच‌ रूप‌, चाल-चमकाण‌

म्हाका पळेयता, भुजयता, पोटलून‌ धर्ता

गर्ज‌ जाणां, सांगाती हात‌ धर्न‌ चलयता

तो सेजारा गेल्यार‌ चूक‌ल्ले परीं जाता!

कळनात‌ल्लेपरीं जालां कट‌पुतळी

चरित्रा सांग्ता, आदिंयी जालां

अतांयी जावन‌ आसा

भ्यें दिसता!

चरित्रा पुनरावर्तीत‌ जाता खंय!

[फेबरेर, २०२६]