ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕವಿತಾಪಾಠ್ ಆನಿ ಸಿಯೋನ್ ಆಶ್ರ್ಯಾಕ್ ದಾಯ್ಜ್ ಥಾವ್ನ್ ಅಡೇಜ್ ಲಾಕ್ ರುಪ್ಯಾಂಚಿ ಕುಮೊಕ್
ದಾಯ್ಜ್ ಪಂಗ್ಡಾನ್ ಕುವೆಯ್ಟಾಂತ್
ಮಯ್ನ್ಯಾವಾರ್ ಚಲವ್ನ್ ವರ್ಚೆಂ ಕೊಂಕ್ಣಿ ಕವಿತಾಚೆಂ ಕಾಮಾಸಾಳ್; ಕವಿತಾಪಾಠ್
ಹ್ಯಾಚ್ ದಸೆಂಬ್ರಾಚಾ 9 ತಾರಿಕೆರ್
ಸಾಲ್ಮಿಯಾಂತ್ ಆಸಾ ಕೆಲೆಂ. ಮಾನೆಸ್ತ್ ಎಲಿಯಾಸ್ ಸಾಂಕ್ತಿಸ್ ತಶೆಂಚ್ ಸಿಯೋನ್ ಆಶ್ರ್ಯಾಚೊ
ಸ್ಥಾಪಕ್ ಭಾವ್ ಯು.ಸಿ.ಪೌಲೋಸ್ ಮುಖೇಲ್ ಸಯ್ರೆ ಜಾವ್ನ್
ಹಾಜರ್ ಆಸ್ಲ್ಲ್ಯಾ ಹ್ಯಾ ಕವಿತಾಪಾಠಾಂತ್ ಆಯ್ಲೆವಾರ್ ದಾಯ್ಜಾನ್
ಮುಖೇಲ್ಪಣ್ ಘೆವ್ನ್ ಪರ್ಗಟ್ ಕೆಲ್ಲ್ಯಾ ಚಾರಿತ್ರಿಕ್ ದಿವೊ-ದಾಯ್ಜ್
ವಿಶೇಸ್ ಅಂಕ್ಯಾ ಥಾವ್ನ್ ಸಿಯೋನ್ ಆಶ್ರ್ಯಾಕ್ ಅಡೇಜ್ ಲಾಖ್ ರುಪ್ಯಾಂಚಿ ಕುಮೊಕ್ ದಿಲಿ.
ಕಾಮಾಸಾಳಾಚಾ ಸುರ್ವಾತೆರ್ 2006
ವರ್ಸಾಚಿಂ ಕವಿತಾಪಾಠ್ ಕಾಮಾಸಾಳಾಂಚೆಂ ಸಂಯೋಜಕ್ಪಣ್ ಘೆಂವ್ಕ್ ಕೊಂಕ್ಣೆಂತ್ ಆಯ್ಲೆವಾರ್ ಉದೆಲ್ಲ್ಯಾ ಭರ್ವಶ್ಯಾಚಾ ಕವಿಂಪಯ್ಕಿ ಎಕ್ಲ್ಯಾಕ್; ಜೊಮೆಲ್
ಬೊಂದೆಲ್ ಹಾಕಾ ಮುಖೆಲ್ ಸಂಯೋಜಕ್ ಜಾವ್ನ್ ತಶೆಂಚ್ ಆಂಟನಿ
ಮಿನೇಜಸ್ ಬೊಂದೆಲ್ ಹಾಕಾ ಸಹ-ಸಂಯೋಜಕ್ ಜಾವ್ನ್ ನಿಯುಕ್ತ್ ಕೆಲೊ. ಯೆಂವ್ಚಾ
ವರ್ಸಾಥಾವ್ನ್ ಹರ್ಯೆಕಾ ಮಯ್ನ್ಯಾಕ್ ಏಕ್ ಪಿಂತುರ್ ಆನಿ ಜೊಕ್ತೊ
ವಿಶಯ್ ದೀವ್ನ್ ತಾಚೆರ್ ಕವಿತಾ ಬರಂವ್ಕ್ ಆವ್ಕಾಸ್ ಕರ್ಚಾಕ್ ಆಸಾ ಕೆಲ್ಲ್ಯಾ
’ತಿಂತೆರಾಂತ್
ಪಿಂತುರ್’ ಅಂಕಣಾಚಿ ವಳೊಕ್ ವಲ್ಲಿ ಕ್ವಾಡ್ರಸಾನ್ ಕರುನ್ ದಿಲಿ ತಶೆಂಚ್
ಹರ್ಯೆಕಾ ಮಯ್ನ್ಯಾಂತ್ ಮಯ್ನ್ಯಾಚೆಂ ಕವಿತಾ ಜಾವ್ನ್ ಎಕ್ಲ್ಯಾಕ್ ಇನಾಮ್ ಜೊಡ್ಚೊ ಆವ್ಕಾಸ್ ಆಸಾ
ಮ್ಹಣಾಲೊ.
ಕಾಮಾಸಾಳಾಚಾ ಪಯ್ಲ್ಯಾ ಭಾಗಾಂತ್, ಬೂಕ್ ಸಮೀಕ್ಶಾಂತ್, ಆಯ್ಲೆವಾರ್ ಆಶಾವಾದಿ
ಪ್ರಕಾಶನಾನ್ ಪರ್ಗಟ್ ಕೆಲ್ಲ್ಯಾ ಇಕ್ರಾ ಕವಿಂಚಾ ವಿಂಚ್ಣಾರ್ ಕವಿತಾಂಚೊ ಜಮೊ ’ಮೊತಿಯಾಂ ಆನಿ ತಾರಾಂ’
ವಿಶ್ಯಾಂತ್ ಸಮೀಕ್ಶಾ ಚಲಯಿಲ್ಲೆಂ ಅಧ್ಯಯನ್ ಲೇಖನ್
ವಲ್ಲಿ ಕ್ವಾಡ್ರಸಾನ್ ಪ್ರಸ್ತುತ್ ಕೆಲೆಂ.
ಕಾಮಾಸಾಳಾಚಾ ದುಸ್ರ್ಯಾ ಭಾಗಾಂತ್, ಕವಿತಾಪಾಠಾಚೆರ್ ’ಮೊತಿಯಾ ಆನಿ ತಾರಾಂ’
ಬುಕಾಂತ್ ಆಸ್ಚಾ ಕೊಂಕ್ಣೆಚಾ ಫಾಮಾದ್ ಚಿಂತ್ಪಿ/ಕವಿ ಜಾವ್ನಾಸ್ಚಾ
ಮಾನೆಸ್ತ್ ವಲ್ಲಿ ವಗ್ಗ ಹಾಚಾ ’ದೇವ್ ಎಕ್ಸುರೊ’ ಕವಿತಾಚೆರ್ ಅಧ್ಯಯನ್ ಚಲ್ಲೆಂ.
ಹ್ಯಾ ಅಧ್ಯಯನಾಂತ್ ಜೊಮೆಲ್ ಬೊಂದೆಲ್, ಸಿರಿಲ್ ಪೆರಿಸ್,
ಪ್ರಿಯಾ ಸಿಕ್ವೇರಾ ಆನಿ ವಲ್ಲಿ ಕ್ವಾಡ್ರಸ್ ಹಾಣಿಂ ಆಪಾಪ್ಲಿಂ ಅಧ್ಯಯನ್
ಲೇಖನಾಂ ಪ್ರಸ್ತುತ್ ಕೆಲಿಂ.
(ದಾವ್ಯಾ ಥಾವ್ನ್ ಉಜ್ವ್ಯಾಕ್) (ಬಸ್ಲ್ಲಿಂ) ವಿನ್ಸಿ ನೊರೊನ್ಹಾ, ಯು.ಸಿ.ಪೌಲೋಸ್, ಎಲಿಯಾಸ್ ಸಾಂಕ್ತಿಸ್. (ಉಭಿಂ) ವಲ್ಲಿ ಕ್ವಾಡ್ರಸ್, ರೋಬರ್ಟ್ ಕ್ರಾಸ್ತಾ, ಸಿರಿಲ್ ಪೆರಿಸ್, ಜೊಮೆಲ್ ಬೊಂದೆಲ್, ಪ್ರಿಯಾ ಸಿಕ್ವೇರಾ, ಪ್ಯಾಟ್ರಿಸಿಯಾ ಕ್ಯಾಸ್ತಲಿನೊ, ಪೀಟರ್ ಕ್ಯಾಸ್ತಲಿನೊ.
(ದಾವ್ಯಾ ಥಾವ್ನ್ ಉಜ್ವ್ಯಾಕ್) ದಾಯ್ಜ್ ಥಾವ್ನ್ ಅಡೇಜ್ ಲಾಕ್ ರುಪ್ಯಾಂಚಿ ಚೆಕ್ ಮಾನೆಸ್ತ್ ಎಲಿಯಾಸ್ ಸಾಂಕ್ತಿಸ್ ಆನಿ ಮಾನೆಸ್ತ್ ವಿನ್ಸಿ ಪಿಂಟೊ, ಭಾವ್ ಯು.ಸಿ.ಪೌಲೋಸಾಕ್ ಹಸ್ತಾಂತರ್ ಕರ್ತಾತ್.
ಮುಖೆಲ್ ಸಯ್ರೊ ಜಾವ್ನ್ ಆಯಿಲ್ಲ್ಯಾ
ಮಾನೆಸ್ತ್ ಎಲಿಯಾಸ್ ಸಾಂಕ್ತಿಸಾನ್ ಹ್ಯಾ ಕವಿತಾಪಾಠಾಂತ್ ಅಪ್ಣಾಕ್ ಭೊಗ್ಲ್ಲ್ಯಾ
ಸಂಗ್ತೆಚೊ ಉಲ್ಲೇಕ್ ಕರುನ್, ಜಾಣ್ವಾಯ್ ಎಕಾಮೆಕಾ
ವಾಂಟುನ್ ಘೆಂವ್ಚೆಂ ಹೆಂ ಕಾಮ್ ನಿಜಾಯ್ಕೀ ವರ್ತೆಂ, ಹ್ಯಾ
ಸಂಸಾರಾಂತ್ ಕೊಣ್ಂಚ್ ಪರಿಪೂರ್ಣ್ ನ್ಹಯ್, ಆಮ್ಕಾಂ
ಸಗ್ಳ್ಯಾಂಕ್ ಎಕಾಮೆಕಾಚಿ ಜಾಣ್ವಾಯ್ ವಿನಿಮಯ್ ಕೆಲಿ ತರ್
ಮಾತ್ರ್ ಆಮ್ಚಾನ್ ಎಕ್ವಟಿತ್ ರಿತಿನ್ ವ್ಹಾಡಾವಳ್ ಸಾಧ್ಯ್
ಮ್ಹಣಾಲೊ.
ಹ್ಯಾಚ್ ಸಂದರ್ಭಾರ್ ದಿವೊ-ದಾಯ್ಜ್ ವಿಶೇಸ್ ಅಂಕ್ಯಾಚೆಂ
ಲೇಕ್ ಪರ್ಗಟ್ ಕರುನ್, ದಿವೊ ದಾಯ್ಜ್ ವಿಶೇಸ್ ಅಂಕ್ಯಾ
ಮುಖಾಂತ್ರ್ ಸಿಯೋನ್ ಆಶ್ರ್ಯಾಕ್ ಅಡೇಜ್ ಲಾಕ್ ರುಪ್ಯಾಂಚಿ ಚೆಕ್
ಹಸ್ತಾಂತರ್ ಕೆಲಿ. ಹ್ಯಾ ಮಿಸಾಂವಾಕ್ ಕುಮೊಕ್ ದಿಲ್ಲ್ಯಾಂಚೆಂ
ಲೇಖ್ ದಾಯ್ಜ್ ಸಾಯ್ಟಿಚೆರ್ ವೆಗಿಂಚ್ ಪರ್ಗಟ್ ಜಾತೆಲೆಂ.
ಭಾವ್ ಯು.ಸಿ.ಪೌಲೋಸ್
ಹ್ಯಾಚ್ ಸಂದರ್ಭಾರ್ ಉಲವ್ನ್, ಸಿಯೋನ್ ಆಸ್ರೊ ಚಲಂವ್ಚೊ
ಹಾವೆಂ ನ್ಹಯ್, ಬಗಾರ್ ಹಾಕಾ ಪ್ರತ್ಯಕ್ಶ್ ವ ಪರೋಕ್ಶ್ ರಿತಿನ್ ಕುಮೊಕ್ ಕರ್ಚಾಂನಿ ಚಲಂವ್ಚೊ, ಏಕ್
ಸಾಹಿತಿಂಚೊ ಪಂಗಡ್ ಜಾವ್ನ್ ಅಸಲಿಂ ಸಮಾಜ್ ಸೆವೆಚಿಂ ಕಾಮಾಂ ಕರ್ಚಾ ದಾಯ್ಜ್
ಪಂಗ್ಡಾಚೊ ಉಪ್ಕಾರ್ ತಾಣೆಂ ಆಟಯ್ಲೊ.
ಕವಿತಾಪಾಠಾಚೆಂ ಸುತಾರ್ಪಣ್ ಘೆತ್ಲ್ಲ್ಯಾ ಜೊಮೆಲ್ ಬೊಂದೆಲಾನ್ ಉಪ್ಕಾರ್ ಆಟಯ್ಲೊ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed, hosted and maintained by Ashawadi Publications
