'Jednam tum herancha bor‍yapnnavixeant chintai, tednam tujem boremponn opapim zatelem’ - Dayan Dsouza

Konknni Karbhari - 7

Placeholder: the original page gave this picture no description, and none has been written yet. It came from daaiz\daaiz\kaarbhaari\kaarbhaari7.html.

Dayan Dsouza, Mukamar

Mottvean Vollok

Zolmal'li tarik: 16 Janer 1964
Auy-Bapachem Namv: Manesotinn Benedicta Dsouza ani De Maurice Dsouza
Kazaracho Dis: 26 May 1994
Potinn: Lavina Dsouza, Moodbelle 
Bhurgim: Delfina, Denica
Iskol: Prathmik Xikap Sam Juzechem Iskol, Belman
College: St.Aloysius College, Mongllur

Ek khoro mukheli, sodanch hastea tonddacho, khuxali svobhavacho, sodanch herancha gorjek pamvcho matr nhoi ek boroupi, uloupi, songhttok, nott - heram pasot jiemvchich khori monxachi jinni mholl'llem totv kallzathaun manun ghemvcho zo konknni bhas, konknni somajekhatir disacho oplo choddtavo vell khorchumvocho eklo porgamvant asa tor taka vollkonk bhovo solis - tochch zaunasa ddoyan ddi’soz, mukamar.

Somajent boro vaur korchank veggim vollkon, tanka ut'tezon ani protsah diun, tanka zokto man mellaxem korunk pechaddocho ho sodam pordeapattlean ravon aplim kamam korta. Az daijidubhai songhtton konknni somsarant itlem bhollixtt zaun ubhem zalam tor hea bhandpant hacha mintecho zaito gham' misllala mholl'llem sot konn‌yo negar korixenant mholl'lli mhoji patyenni zaunasa. Hacha xegunnancha hea punjeak zokto man dimvchak daijidubhai songhttonan zoktem mett kaddlam ani ’daiji vauraddi pursokar’ khatir ddoyan ddi’sozak vinchun hea purasokarachem mol choddoilam.

[Daaiji Vauraddi Pursokar favo zal'lea manesot ddoyan ddi’sozak daiz pongodd gourvan man dita toxench konknni karbhari zaun mandun gheunk vhodd sontosota]

1. Dayan, tum sodanch heranchem boremponn vollkotai, tankam zokto man mellonk pechaddotai ani tum khud'd pordeapattlean lipon bostai. Atam tuka pordeapattolo voddon mukhar hadon zokto man ditana kitem bhogta?

(Hason) - Sot sangom tor, mhoka kiteak‌gi ho pursokar bhovo zhoddayecho mhonn bhogta ani hamv haka favo zal'lo vyokti nhoi mhonn bhogta. Hamv itlench chintam zoxem amim beankant amcho duddu dourn vhadd ghetamv toxench, mhozo somajik vaur‌cho mhojem bonddvall, ani hea khatir mellche pursokar hachi vhadd mhonn chintam.

Onyek dhadosokayechi gozal khonchigi mhollear, jezun sang‌l'leprim, khonchai provadik aplea svont gamvant man mellana, toxem amcha kristamv somajen amchank man dimvcho bhovo unnem. Punn mhoza vantteak hem sot nhoi.

2. Tum kednam-i herank man mellaxem korunk, herank xabhasoki diunk pechaddotai kiteak?

Hem amchem durbhag‌ponn mhonnongi va amcha somajecher podd‌l'lo xirap mhonnongi tem mhaka somzana, punn sot hem ki, amcha somajent vevegllea xetamni jitle vaur kortele asat, tednam tankam konn‌yo vollkana ya xabhasoki diunk vochana. Ani zor konn‌yo eklo taka vollkata ani man dita tor ek borem utar amcha lokam thaun suttana. Hamv nennam hem kiteak oxem mhonn. Hi amchi kurleancha somajechi monogot ken'na bodlta mholl'llem hamv nennam. Jivo astana vollkanant, ani uprant mortoch taka fulam ghaltat ani dukham golloitat.

Hamv kar‍yall monis dekhun herancho vaur mhoza dolleank disanasotam vochana, zor‌tor to vaur namvakhatir korcho ya kel'lo nhoi tor.

3. Amchi somaz bhollvont somaz korunk tuji solha kosli?

Somaz mhollear kitem?
somaz mhollear gudde dongor nhoi, fator nhoi - bogar lok.
Lok mhollear konn?
hamv, tum mhojem kuttam' ani tujem kuttam'.

Itlem motint dourun amim amcha ghorant poilem amim borim zaun jieunk soktamv tor, amcha sezara amim bor‍yan jieunk soktamv tor, amcha firgojent bor‍yan jieunk soktamv tor, bori somaz opxench thoimsor rutam zateli. Amim poilem borem chintap chintchi gorz asa. Jednam amim kallokak dursanasotana vat dhorunk mukhar aileamv tor thoimsor opapinch zaitem boremponn zaunk sadhy asa.

4. Amche choddtavo mukheli bori somaz bhandun haddchant kiteak solvatat?

Bori somaz bhandun haddchem yozon hozar moilanchem poinn zaunasa, ani tem eka mettant arombota.

Amcha choddtavank borim kamanchi sur‍vat kortana tthika gheunk kollana va tthika ghemvchi xeathi na, dekhun tannim sur‍vat kel'lim kamam thoimnch soddtat. Hem somajek borem nhoi. Hea somsarant borim kamam kel'lea konnaik‌yo tthika mellonk na mholl'llo motlob nhoi. Punn tea tthikank koxem svikar korun oplem misamv mukharun vorizai mholl'llem tankam somzal'lem dekhun tanchean borim kamam korunk sadhy zalem mholl'llo orth

eddison polle, lokamni taka keppo mhollem tor‌yo oplem sadhon mukharun to ek vigeani zalo. Dekhun tum khoinchem-i borem kam' tuza ontosokrnak sori zaun kortai tor, heranchem gonn'nnem korinaka, tujem misamv mukharun vor. Ani oxem korche mukheli kedink‌cho solvanant.

5. Az‌kal gamvant konknni vaur korizai as‌l'lim ’lipi’ mholl'lle dore ubharun ekamekachim masam khaunk lagtana golfant konknni vaur korchamni ’poixeancha bhollan namvakhatir vaur korcho’ mholl'llo opradh thaptana tuka koxem bhogta?

Poile suvater - poixeacha bhollan namv zoddche amche modhem zaite asat mholl'llem sot punn soglleamni toxem korchem mholl'llem hamv opun ghena. Kiteak mhollear somajent don prokaracho lok jieta;

Poilo; oplea motlobhakhatir matr somaz‌sevechem kam' korta.
Dusro; somaz‌sevechem kam' korchoch aplo motlob mholl'llea orthan fokt't kam' korn veta.

Atam ho aprad thap‌l'le ya thapche choddtavo golfachi porigot nennasoche nennari, tem chintat asyet hangasor poixeanche ruk asat ani te ruk haloitoch poixe poddtat. Toxem nhoi, hangasor kitlexea koxttant asche dharall monis asat. Bhouxa dda|kironn beddi hangasor aili tor hangachi porigot polleun ’zoil’ mholl'llea sobdhacho orth bodlunk asa. Kitloso lok hea gorment oplea kuttmacha bor‍yapnnapasot hangasor vaur korun asat. Hankam ekttamvon konknni vaur korchem kam' khonddit solisayechem kam' nhoi.

Punn ho oprad‌yo ami bor‍ya spiritan ghemvcho gorjecho, konn‌yo sangta mhonntoch goddo gaddamv zaina.

5. Porgamvant az konknnichem bollvont varem vhallonk daijidubhai somstheacho motto hat asa, ani hachi sur‍vat kel'leantolo eklo zaun ascha tuka heavixim kitem bhogta?

bhovo sontos bhogta mhaka itlo vhoddlo man ditana. Punn fokt't daijidubhain matr hea xreyak favo zal'lem mhonn hamv sangana, amcha bhomvtonnim sobhar her songhttonam asat ani tanchoi khub vaur hantum asa.

Oxem mhonnon porgamvant ascha sorv songhttonant somaz seva zata mhonncho mhozo irado nhoi, punn zaizoi mholl'lli axa. Zori tori eka somstheacho eklo konn‌yo bhukent, piddent volloulloteleache kosott somzonk sokana tor to khonchai somstheant asonk na-favo zal'lo vyokti.

Onyek vixoi - amcha choddtavo somstheanchi nodor vistar zamvchi gorz asa. Tankam aplea firgojebhailem kitench poddon vochonk na, hem borem nhoi. Oxem mhonntana de|cha.Fracha eka utracho uddas yeta; ’kiddo xennant jietat mhonn kaim reddo xenn ghalchem rauytave?’
toxem mhonn osle somsthe borim kama bilkul korinant mhonncho mhozo irado nhoi.

6. Tum ek mukheli, ek boroupi, ek uloupi, ek nott, ek somaz seuk - khonchem tuka chodd mohtvachem?

Notton mhojem khas dennem.
Hamv chintam uloupachem dennem chodd mohtvachem. Amcha somajent bore uloupi bhovo unne asat.
Kiteak mhollear borem ulounnem aslear lokank ekh boro irado opurbhayen somzauyet, opurbhayecho irado ot'tyut'tom' iradeaporim somzauyet.

7. Tum kotholik yuv sonchalona thaun udel'lo mukhelo, tuza mukhelponnacher sivoiym' hacho probhavo kitlo asa?

Sot sangchem tor, kotholik yuvsonchalonacho xembhor tthokko probhavo mhojer asa. Mhoza auy bapaicha besamvasovem.

Amche choddtavo mukheli ’sevedhvarim mukhelponn’ mholl'llo dhyey ’mukhelponnadhvarim seva’ mhonn oparth korn ghetat. Hem khorem mukhelponn nhoi.

Amim motim hogddaunk puro, punn tem motim pattim mellat.
Amim bhangar hogddaunk puro, punn tem bhangar pattim mellat.
Punn amkam amchem tornattoponnache dis vaittak khorchile tor te pattim mellchenant.

Dekhun hamv atancha sorv yuvzonnank ulo ditam, tumcha firgojent ascha yuvsonchalonant meter zaunk.

8. Dev borem korum ddoyan tuza omolik vellak.

Tumkaim dev borem korum