Hibiscus (- Stan Ageira)

Hibisokos

Stan Ageira

Ignexiasak vell paxar korunk kitemyi hoveas bhovo gorjecho mhonn bhog‌l'lem dedd moinea adim nivrit't zal'lea sondrbhim. Reyl‌vent tis vorsam kam' kor‍no ochanok kamathaun mekllo zatana taka dis lamb zal'lo. Putache noukori pattlean tachi mhinot gor‍jechi mhonn taka bhog‌l'lean tanne hoveasachi ximtti dhorli na. Punn putachea protikriadvarim taka her askt mohtvachi mhonn bhoglem.

Sokallim utton disallem kitlem mhonn vachyet? ttivicher khobro kar‍yokromam polleun‌yi kanttallo ayil'lo asa. Vokingak vetalo, bazarak vechem, khanna-jeunnacho vostu, mas-maslli, udak, viz sokot ani ttelifonachem bil'l farik kor‍chem, iteadi kamam xister kelear‍yi bakhicho vell kitem kor‍chem mhonn somzanasotana to koxttatalo. Donparam jeun nidon to nenna.

Bauddo ignexias.

To khali boson nenna. Adim doftarachea kamant to ovvol. Kompyuttora mukar boson kitlimyi voram khollnasotana kam' kor‍chi xati tachelagim as‌l'li. Tosli vamvtt atam novean bhor‍ti zal'lea tor‍natteam thoim dischi oprup. Doftorant krikett ani cholon chitranche vixoi gheun vell paxar kor‍chea yuvzonnank dektana ignexiasak zamvchi virarai sodanchi.

Ignexias ani zuliettak ekh‌cho foll, tancho ekloch put arthor. Arthoran eka vorsa adim podvi apnnayil'li. Sarkem kam' matr ozun mell‌l'lem na. Opunn nivrit't zatana put bor‍ya kamar zaitem zoddtolo mholl'llem soponn ignexiasache jinnient khorem zaunk nat‌l'lem.

"tuje thoim xisot na. Xisot nat‌l'leank sar‍ke aukas mellanant" putacher ignexiasachem sodanchem dur‍sonnem.

Arthorak somzoun to thok‌l'lo. Taka futt‌bolachem pixem, novea pikchorachi pisai. Kam' na tori sezarchea momtalagim dosti. Hi ixttagot kallzachea spor‍xea mhonnasor paulea mhonncho tacho dubavo bhouxa kitlea mott'ttak sot mhonn to nenna.

Apnnem dur‍salear‍yi putak sodam pattimbo ditali zuliett. Auychea konddatteavor‍vim arthor itlo bejvabdhar zala mhonn ignexiasachi patyenni. He viraraye thaun mekllo zaunk apnnak hoveas gor‍jeche mhonn tachea gumanak ayil'lem.

Petto ani majrank poscheavixim tanne chintlem. Tanche lomvechi ghann to kanttallotalo. Somaz sevent taka askt nat‌l'li. Somaz seukanchem polittiks taka vombanat‌l'lem. Cholon chitram taka virar kor‍talim. Khellamni tachem dhean riganat‌l'lem. Par‍tto‌ttoim' kamachem preton kelem. Askt dakoileamni sar‍ko samball bhasailona.

Tin disam adim disallear dek‌l'lem istihar gheun to grin nor‍sorik pavo‌l'lo. Chott'ttemni manddun dour‍l'lea thoraull zhaddamni taka bhuloilem. Ghora bhitor pachvem porisor ruta korunk tachem mon voddlem. Zhadd sombondi taka choddit mahet nat‌l'li. Nor‍sorichea menezorachi solha ghetana tanne satatt vor‍ganchea zhaddanchi vinchounn dakoili.

To somybant omsori nhoim. Soirannadvarim mett kaddcheant nipunn. Choddit sonkeant ek‌cho pauttim haddche pras poilem ek zhadd molaun ruta kor‍chem taka sarkem mhonn dislem. Hea onbhogadhvarim soukas choddit zhaddam ghora bhitor vaddomvche vixim chintyet mhonn tanne irado kelo.

"hem hibisokos" nor‍sorichea menezoran bott dakoilem. "hea zhaddacher sobit fulam fultat, rund pachvim panam, zhaddachi favoti zogasonn keli tor rukaporim vaddta."

zogasonn? opnna pras hea zhaddacho vorto pos her konn korunk sokta?! poixe farik korn chott'tti rikxar ghalon to ghora ailo.

Por‍gamvant zolmon mongllura thaun poisa pois vhodd zal'lea ignexiasak tea zhaddanchi ollok nat‌l'li tori monglluram-i zolma thaun zaitim vor‍sam khorchil'lea zuliett zhaddachi zat par‍kili.

"hem dasvalla porim dista" ti mhonnali.

"dasvalla mhollear?"

"mongllurchea gamvamni polleunk mellchem bhovo samany zhadd hem." tinne vivrilem. "hea zhaddak kiteak tuvem poixe yettleyi? hacho fantto haddon purlear somet zhadd zata. Oplesktim zata, fulam dorbosot zata."

"mhollear hibisokosacho fantto haddunk hamvem mongllurachi bhett korije as‌l'li mhonntayi tum?" to taplo.

"dasvallachim zhaddam hea xherant‌yi hamvem polleyleant." zuliettan zap dili.

"hem zhadd momtachea voddtant hamvem pollelam." arthoran mukarilem. "mhaka sang‌l'lem tor hamv fantto haddtom as‌l'lom."

arthorachem frendd momta. Momtachea auy bapaik masllechem bijnes. Maslli vikchea kuttmasongim arthorachi sollgi ignexiasak khais nat‌l'li. Tanchi dosti tuttvonk tanne dil'le xer‍mamv sor‍vo vert zal'le.

"hem zhadd kiteak haddlamyi mhonn bhouxa tum nennam-i." ignexiasachem tondd saullelem. "mhojea eka utrak somet man dinat‌l'lea tujer hea fuddem vell attomvchona monnon hamvem nichevo kela. To anmol vell hamv oslim zaitim zhaddam pos korcheant khorchitolom. Mhozo vell nirfoll zamvcho na."

arthorachem tondd baulem.

"tujea hibisokak ani cher‍keak kitem konekxon?" zuliettachem kalliz duklem. "cherkeacho mudd bhong kor‍chem tuka souyer poddlam."

cherkeak dukcheavixim tika somzonni asa. Tachea sobhavadvarim apnnak to kitlem dukoita mhonn tinne chintun polloilam?

zhaddachi chott'tti tanne ttiviche boglen douroli. Pachvim zhaddam sitt'ttink rumachi sobhai choddoita mhonncheant dubhavo nat‌l'lo. Hem zhadd ghora ayil'lea uprant ignexiasak tachea hibisokosacher vixes mog ani moipas udelo. Tem zhadd vegim vaddon fulam dimvchea sangata ruk zatlo mhonn to bhorvosolo. Sokallim utton dant brox kor‍no chha piemvchea poilem zhaddacher ek dixtt ghalinasotana taka somdhan nat‌l'lem.

Panachi novi ankri to sodtalo.

"mam'mi, faleanchem meach amkam bhovo mohtvachem. Kochan mhaka senttor far‍vordd khellonk sanglam. Jikleamv tor ami semi foinlak pauteleamv." sonvara sokallim nastto zalea uprant arthor auy‌lagim mhonnalo.

Putacho vichar kor‍yam mhonn taka bhoglem. Preton pur‍vokim tanne mountai samball'lli. Put sitti klobbak khelltalo. Punn kolejik ya sitti klobbak khellon edoll mell'llem tori kitem? to vell noukori drixtten khorchil'lo tori edoll khonchayi borem kam' melltem as‌l'lem.

"hamv tin gol mar‍lem mam'mi, choritrent poile pauttim sitti klob semi fainolak paulem" aitara sanjer khellon ayil'lo arthor bobattolo.

Putak ul'las pattveam mhonn to prerit zalo tori eka bekar futt‌bol khellgaddeak ut'tejit korunk tachem mon aikalem na. Kam' nastana futt‌bol khellon kitem faido?

geletea moineant ignexiasan roil‌vent uncholea hud'dear aschea narainn ravak mellonk dhadd‌l'lem. Ar‍thoran roilvechi porikxa dil'li. Narainn ravak bhetton porikxechem nombor dilem tor kamachi veusota zateli mhonn ignexiasacho bhorvoso. Opunn preton kor‍tam mhonn narainn ravan axvason dil'lem.

Arthoran roil‌vechi porikxa dil'li khorem. Punn narainn ravak bhettlo na.

"hamvem porikxa dilea. Kam' melltelem. Xifaros naka" arthoracho vad.

"tuka jinniecho onbhog na." ignexiasacho rag spoxtt dis‌l'lo. "aicha kallar xifaros nastana kam' melana."

put kiteak apnnachim utram kanank vhorina? upkarak poddanat‌l'lim totvam, momtachi ixttagat, futt‌bolachi pisai, hindi pikchorancher askt.. Koslo fuddar favo zatlo apnnachea ekleach putak?

sukrara sokallim utton zhaddacher novi ankri paleleagi mhonnchea bhor‍voxean ignexiasan zhaddachem topasonn kelem.

Itle dis paxar zaleari hem zhadd kiteak vaddonk na, vaddaull asa toxi raulea mhonn chintun to khontixtt zalo. Nove ankrechi zhollok nat‌l'li.

"mhaka niraxi korinaka." zhaddachea mullak udak votun to mhonnalo. "tujer hamvem zaito bhor‍voso dourola."

tachea uleak zhaddathaun protikria axelo to.

"hem katt dasvallachem zhadd haddchea bodlak tumvem monipolantt haddije as‌l'lem." zuliettan te sanjer tersa uprant apli obhiporai dili. "edoll vaddon sobtem as‌l'lem."

"poixe khali zamvchea ghorant moni plantt vaddchem osombou" ignexiasan putak aika sarkem spoxtt utramni zap dili.

"tujea utramni razamv na" bailen soddon dilem na, "poixeank ani moni planttak kitem sombond? tuji tokli dadd'dd zalea"

"hea hibisokosan mhoji tokli dadd'dd kelea." to purpurolo. "hea zhaddacher ghet‌l'li vamvtt ani umed nir‍foll zaunk laglea"

"soirann samball" zuliettan dhoir dilem. "thoddea zhoddank paleunk ani boll zaunk vell lagta."

muklea char disamni kitemyi boreponn dixttik ailem na. Itlem pavanat‌l'leak tea sokallim utton zhaddacher nodor bhomvddaitana pikim panam tachea dolleank sampddolim. Avakk zalo ignexias. Gormi sosunk zainasotana panam pikonk lagleant mhonn tanne chintlem. Frijzantole aisache kuddke vinchun tanne zhaddachea mullak ghale.

Hea modem semi fainalant sitti klobban oplem meach hogddayil'lem. Arthoran ek gol mar‌l'lo. Zap zaun vijet pongddan tin gol hankam dil'le. Te sanjer arthor sarkem jeulona. Kam' na mhonnon cherkeak bezarayi na, meach soloulem mhonnchi niraxa. Hankam konne somzomvoche?

"ek vixoi zannam-i?" te ratim nidonk vetana bailen khobor dili. "arthorachem ixttinn momtachi soirik ghott zali."

"voi‌gi?" to anondan huskar‍lo. "arthorak momtalagim lofdde asat monn hamv somzal'lom."

"tuvem somzal'lem sorv sot nhoim" tinne tirp dilem. "tim ekameka posond kortat mhonnon tanne khud'd ya her konnemyi tuka sanglam?"

"na" mhonn tokli haloili ignexiasan.

"tor tum koxem tea hontak pauloi?" zuliettan vichar kelo. "ekach klasint xikon sollgen ulyil'lea fora tuje tosle axir somzonneche oplem kolpon sot mhonn patyetat ani kolponacha bhian dis sar‍tat."

chintop oxir zamv ya rund, apnnacho cher‍ko momtachea zallathaun mukt zalo mhonn to khux paulo. Tanne devak or‍gam dilim. Ochanok taka zhaddacho uddas ailo. Apnnachem hibisokos kedink‌cho fulam dimvche sthitek pamvchem na?

sokallim utt'tana taka choddit niraxa rakon as‌l'li. Zhaddachim zaitim panam pikon sokla goll‌l'lim. Niraxen tachea dolleamni dukam udelim. Chott'tte somet zhadd uklon kochrea ddobbeak uddveam mhonn taka bhoglem. Zhaddam vaddamvcho hoveas opnnak sang‌l'lo nhoim. Opunn fulanchim svopnnam polleun as‌l'lom. Hea zhaddar novim novim panam sodd, as‌l'lim panam zhoddonk lagleant.

Bhouxa muklea ek don moineamni chott'ttent sukem mullkatt matr urtelem. Poixe, vell ani mhinot vyor‍tho zateli.

Apnnem xermamv diunk bond kel'lea disathaun arthorachea sobavant mohtvachi bodlaunn tachea gumanak ayil'li. Futt‌bol khelltalo, ixttamlagim ttelifonar onauxyok gozali kortallo. Momtachim fonam yetalim, novim pikchoram polletalo, punn sangatach kamache sodner gombirota chodd‌l'li. Disalleachim istiharam vinchun orji toppalak ghaltalo. Ttelifonar sondrxanank preton jeari as‌l'lem. Hofteant char-panch pauttim sobit nheson ttai bandun fail gheun bhair vetalo. Bhouxa inttor‍vyuvak vetalo zaije. Pattim yetech auy ani put puspuson uloitalim.

Istiharancher bhorvoso dourn monxak kam' mellta? haso yetaleo ignexiasak. Opnne dil'lea ollkinchea vektim pattlean gel'lo tor edoll noukori apnnaun hat‌bhor zoddto as‌l'lo.

Nasak toyar zal'lea hibisokosak dektana to virar zatalo. Hem zhadd apnnachi beprva kor‍ta. Desvattecho fondd khud khonddun asa.

Somarachea tea disa sokallim nastto kor‍no arthor borem nheson gel'lo. Ignexiasachi tokli tache hibisokosacher kendrit zal'li. Choddit zoton ani pos kor‍cheant arth nat‌l'lo. Tanne nichevo kelo. Zhaddachi chott'tti uklon bhair uddvonk to toyar zallo. Toull voram sokallinchim sadde-ikra.

Dar ugtem kortana bhair thaun pattim yemvcho arthor taka mukar bhettlo. Tachem mukamoll sontosachea kir‍nnamni prokasotalem.

"ddeddi, mhaka kam' zalem." bobattolo arthor. "inddiyon er‍lainanchea poblik rilexns vibhagant. Mhojea hea vorsachea futt‌bol prodrxonachea adharar mhaka hem favo zalam. Kamasovem ghor ani kar melltelem. Tanchea novea futt‌bol pongddant mhaka sthan favo zatelem."

arthorachea talleant vekt zamvcho sontos vornnunk osadhy. Putacher motint xizon ascho tirsokar ekach kinnan dhuvn gelo. Tanne hatim aschi chott'tti soukas sokla douroli.

"ul'las tuka" ignexiasan putak obimanan arailo.

"kongrattos puta" zuliettacho sontos sangcho nhoim. "tum osadharonn mhonn hamv zannas‌l'lim."

"hi chott'tti gheun tum khoinchor bhair sorlai?" putan vichar kelo.

"hem zhadd morche sthitek ailam. Hamvem bhorvoso hogddaila. Uddoinasotana her upavo na." ignexias niraxen mhonnalo.

"ek vatt asa.." arthoran bhorvoso ucharolo.

"vatt? imposibol." ignexiasan tokli haloili.

"Hor‍yeka somsseak ek porihar asa." putan oiddia dili. "hamvem thoddea disam adim inttor‍nettant hea vixim vachlem. Hibisokos ghora bhitor vaddomvchea zhadda vorgachem nhoim. Ghorchea bhandpasant ani bond'ddent tem he sthitek paulam. Tuvem ghal'lem udak chodd zaun pallam kusleant. Zoton gorjechi, punn viprit bori nhoim. Hangasor tuji zoton vikasak oddkoll zaunk paulea. Tum thodde dis hi chott'tti balkonichea votak dour. Udak suktelem. Uprant gorje tekid il'lexem udak ghalear borem. Hea zhoddak svotontr hoveant jieunk ek aukas favo kor ddeddi. Hem zhadd khud jieunk xiktelem."

Putachea utramni razamv zhollkalem ignexiasak.

Ignexiasan tech ghoddie chott'tti balkonir douroli. Davek thoddea disamni udak sukon mati ghott zali. Panam zhoddchim raulim. Ankoreo futtleo, novim panam udelim. Bonge dison aile, fulam ful'lim, zhadd vaddlem. Ignexiasan her thoraull zhaddam haddon pos kelo. Tache balkonir ek sobhit voddot toyar zalem.