Bhalo

Placeholder: the original page gave this picture no description, and none has been written yet. It came from daaiz\daaiz\katha\kj\kn1.asp.

[Daaiz Sahitik Spordho 2006 cher Vixes Inam' Labh‌l'li Mottvi Kanni]

Ek bhalo dhonnva thaun suttlo. Bhalo apnnak konnem khoim‌sor dhaddla ani kiteak khatir dhaddla mholl'llem nennam. To oshaik zala, ki taka dhaddlelean tir zokunk‌cho nas‌l'lo. Eka visrallea ghoddie dhonnu voddon zal'lo ani bhalo usllon zal'lo.

Bhalean atam kitem korije? to aplo mull ud'dex‌cho nennam; tache sangati bhaleyi nennas‌l'le. Ubon vecha bhaleak sumypun vecha var‍yan sangat dilo. Bhaleacho veg choddlo. To tannem aple khuxen choddyil'lo nhoim, to atam var‍yacha vengent as‌l'lo. Ani khoim vhalltalem varem? foddla thaun muddlak tem vhalltalem.

“amim toxench varem mhonnalem, “foddlant dambnni (pressure) choddlea. Eka zagear dambnni choddat tor ami unnea dambnnecha votthara teuxin vhalltamv. Thodde pautti pausa moddamyi vhauaitamv. Punn tum konn? vichitr distai‌mu tum? khoim vetai?

Bhaleak loz disli. Punn tacha angachi khoinchi-i kus taka dis‌l'le lojen bagali na. Ek soroll toso to nitt‌cho ur‍lo. Tachem ghomondd polloun varem ghosghoson haslem.

“tuka ornonneo il'leo chodd‌xeo distat. Amim toxem nhoim, koxem-i bagtamv. Khoim zai thoim kednam zai tednam rigtamv. Amkam mell‌l'lem sor‍vo araun ghetamv, atam tuka ghetlam polle toxem. Naka zatana soddtamv atam tuka kor‍teleamv toxem. Amkam ornonneo unneo, soddillai chodd. Soddillai pollvonk soddill soddill dista vhoi, punn ti zayit'tem xikoita ani ti tuje tosleank kollanas‌l'li ghottai dita. Hhi hhihhi.... Hhi.... Hhi.... Varem haslem ani mukarun mhonnalem, “atam polle nhoim, tum kaim amkam kitem-i korunk soktai? amim nhoim‌gi tuka amche borabor vhor‍tamv! ani il'lea vellan tuka mon na tea zageak soddon vetamv. Tankta tor tukach tum bochavo kor!’

Bhalo bhielo tori bagalona. Ek kes titloi hal'lo na. Taka var‍yacho rag ailo. “maka ho vhor‍ta khoim‌sor? hamvem tache borabor vechem nhoim, hamv vochana to chintam chintam var‍yan oniki veg arailo. Zoit raksa kastache ruk tokleo bagoun raule. Varem tancha matea voilean mholl'llebori rapun gelem. Bhaleak apnna voile niyontronn chuklem toxem bhoglem. Apnnak osli ek got yet mhonn konnem-i taka ek lhan hixaro por‍yant dil'lo na. Fuddara vixant kaim il'lem poilench koll‌l'lem tor apunn itlo ghomonddi zato na, apnnachi kudd itle ornonnen bhor‍ti na, gor‍je pur‍ti bodlaunn korunk sokti!

Varem thambon yemvche lokxonn dakoi‌laglem. Ekachchhannem bhaleak aplea dhamvnnechi vatt chuk‌l'lebri bhogunk laglem. Apnnem kitem tori korije mhonn taka bhoglem punn to itlo ghott ani nitt ur‍lo ki taka kitench korunk zalem na. Bhari koxttamni tannem dixtt sokoil veli. Bhum-i‌cher vadd‌l'lem tonn add poddon ravo‌l'lem. Punn tancho tharo chukonk nas‌l'lo. Bhaleak roddonk ailem. Apunn konn? tannem apnnak‌cho vichar‍lem. Punn taka zap mell'lli na, koxi mellteli zap? tem ek soval‌gi apnnem apnnak‌cho vichar‍chem?! bhalo eka thoracha hott'ttan oniki nitt zalo. Tori taka apnnacho tharo khoim mholl'llem koll'llem na ani tea gondollant apnnak vegan haddon ayil'lea var‍yan ek‌cho pautti soddon sodd‌l'lea akantak to dhor‍nni kuxik maloulo. To atam tachich mholl'lli ek vixixott killonch marilagolo. Tonna modhem pilank choroun aschi kombi ghabreono voir pollelagoli, gozal tika somzon tinnem pollapoll ghemvche adinch bhalo ticha pattint riglo.

Rogot ghette kor‍chi killonch kombiecha tonddant thaun aili. Pilam dhuspotton dhaulim. Roitachi bail ho golatto aikon dhamvchea pilank somadhan kor‍chea khatir “vuve... Vuve.... Vuve.. Vuve... Mhonnat't dhavon aili. Apleach rogtant buddon mel'lea kombiek polloun tichim ontor‍mollam uddlim. Ekachchhannem tichi jib soddill zali. Xirandharimni utram ticha tonddantun vhallalagolim. Bhalo bhian kalubulo zalo. Tika somzomvochem preton korit apunn zai mhonn poddonk na, apunn apnnache khobrevinnem poddlom, tujye kombiek dhamvyetem, oxem boddboddolo.

Punn tika tem kaim nottval'lebori disle na. Dekun bhalean tondd dhamplem. Tichem aikatam aikatam taka somadhan zalem. Ti taka yettinas‌l'li. Ti bhalo sodd‌l'leak yett'tali, xiraptali ani tachem sot'teanas magtoli. Tichi bhangara sangddi kombi ek raz dileari mhellche tosli nhoim. “to mat'ti khaun vochom oxem mhonntam mhonntam tinnem kombiecha pattint rig‌l'lo bhalo voddon kaddlo.

Zolmal'leak poile pautti bhalo movo hatant poddlo. Tichi jib koxi-i asom,

Tiche hat matr movo movall. Bhalo ticha hatant guttli zaun uronk axelo- punn na, taka zalem na. Konnem tori apnnak oso baganas‌l'lo soroll kor‍no soddla, to apnnak asakel'lea hatank niallon khontixott zalo. Roitachi bail aplea hatant as‌l'lea rogtant budd‌l'lea bhaleak polloun kongal zali. Eka hatant bhalo, dusrea hatant kombi dhor‍no “ba.... Ba... Ba.... Vuve.... Yeyago... Mhonn dhuspotton gel'lea pilank apyit't ghora kuxin geli.

Thoim‌sor as‌l'lo zoit dhanddig! tinnem taka tacha hatant dilo. Kitem dorog hat?! bhalo aple khuxe virodh ornonk laglo. “chhe!  tannem chintlem, ‘zor‌hamv ticha hatant ur‍tom, tor khonddit veginch movall zatom, magir maka zai toxem bagonk zatem! maka soma dischebori jietom, hi ornonnim, hi ghottai mhoje thaun maka naka as‌l'lem koroita ani koslengi ek jinnem jiexem kor‍ta. Taka roddonk zai as‌l'lem punn tich ornonni, tich ghottai taka addai‌lagli.

Roitan bhaleak lag‌l'lem rogot sor‍xin as‌l'lea mellea kuddkean pusun kaddlem. Magir chirputt mar‍no pollelagolo ani avaz aikalagolo. ‘aha! hachem loh borem asa!! to sontosan mhonnalo ani bhalo kaddon voir follear dour‍lo.

Bhaleak tall‌mull somzalem na. Taka tea follear ravonk kaim borem laglem na. Thoinche vechem borem oxem tannem chintlem. Punn taka halonk‌cho zalem na. Tacha boglek as‌l'lo kagda kuddko sokoil poddlo ani ubon gelo, tacha bhomvtichi dhull ubon geli. Punn to ek inch‌yi hal'lo na. Atam bhaleak apnnak bagonk‌cho nhoi, uttonk zaina toslem vozon‌yi asa mhonn koll'llem. Chhe! oxem koxem zalem?! hi ornonni ani hi zoddai?! kiteak? kiteak? hi nas‌l'li tor kitlem borem as‌l'lem?! apunn kitle bore onbhog zoddunk pautom konn'nnam!! bhalo chur‍chur‍lo.

Bhalo mostu temp follear ur‍lo na. Eka disa roitan taka khoim‌gi velo, thoim‌sor uzachi davo, ani modem zolltem uzachem agttem!! ani kitem.... Ani kitem.... Bhalean tache jinnient dekanas‌l'lem toslem as‌l'lem. “hachi borixi ek suri kor mhonnat roitan bhalo tea monxacha odhin kelo.

Thoddea vellan tea monxan bhalo uzak uddoilo. Apnnak khamvcha uzak polloun bhalo kongal zalo ani sangatach aplem rup bodlon yemvchem polloun tachi dhat chukli!

Apunn kedalla motir ailom tem bhalo nenna. Punn motir yetana apnnem zayit'tem hogddailam mhonn taka koll'llem ani il'lexem chintana taka apnnem aplem sompur‍nno rup‌cho nhoim aplem namv‌yo hogddailam mhonn koll'llem.

Atam taka suri mhonntat, ti atam roitacha ghorant asa. Tika atam sodamnit mholl'llebori kator‍chench kam'. Roit tache kor‍na dukranche, kombeanche golle kator‍tana, roitachi bail, tea movall hatanchi stri, ti-i tache kor‍na kunkddanchi pilam katraita. Apnnak kosloi ud'dex‌cho nas‌l'lo, kosongi as‌l'lom, punn hannim kiteak maka kosai‌gar kelo? hem golle kator‍che kam' suri zaun rupantor zal'lea bhaleak kaim borem laglanas‌l'lem,dekun toull toull suriecha angar dadd'dd‌ponn yetalem. Punn suriek sukh nas‌l'lem. Roit tika dhor‍no kosleagi pitteacha voilean ghasun ghasun kaddtalo ani magir golle kator‍talo.......