Bam-i

Placeholder: the original page gave this picture no description, and none has been written yet. It came from daaiz\daaiz\katha\kj\kvq2.asp.

Valley Quadros

Baltazar sozak bapain korn dourolelo sat ekro zago as‌l'lo tor‌yo kumericha pok pintacha vidhvi dhuvecha mogar poddon gamvar nalisai zal'lea kormak bapain gabrun taka ghorantolo bhair nikllayil'lo. Oxem vonttar hollot mixio fo಼utton yetananch to ghattak dhamvlo anim eka kapye tottant kam' korunk laglo. Oxem tor‍natto zatana fo಼ulon dhoddong jivacho as‌l'lo to oplo bapuy sortoch to gamvak pattim ailo. 

kapye tottachem kam' korun as‌l'lo tor‌yo polleteleank tacho bhorti jivo polletana kaim to milittricho sipai‌ki mholl'llo dubhavo yetalo. Oxem taka gamvant‌cho sorkari aspotrent nitoll korchem kam' kor‍cha gasperachi dhuv maggilagim kazar zalem anim eka pattlea ek mhonnon panch burgim zalim. 

Malghoddem cheddum pul'lu tor pattle mor‍yann, dumga, mingel, bosteamv he chougi put. Baltazarak atam gamvant aschi utpot'ti mhollear tacha bapaicho sat ekro zago, tantum asche madd, maddio ani gade. Tor‌yo ghorant prayesot auy, anim panch burgim mhonntana att monxancho dispoddoto gras koso vocho? tea bhair tegam burgim sorkari iskolak vetalim zal'lean khorch rautaye?

Oxem dis gel'leporinch tottachi vrod'dhi korunk laglo. Kemllbeachem tott as‌l'lem dekun sodam-i penttentlea kongnneacha hottlak goddai, xirteo vikun tacho dispoddoto gras vetalo. Torkari, fo಼ulam soit vikun tacha kuttacho dispoddoto gras vetalo. Ghorant att monxam matr nhoi, dogam majram, dog pette, il'lim kunkddam, gottear tin gayo, ek zodd padde mhonntana ghorant dis‌bhor kamak kaim unnem asa?

Eka sokallim utton kamam suru zalim tor sanz zatam mhonnasor, kamak kaim pursot nat‌l'li. Koxttant tor‌yo mayamogan ghorannem choltalem. Punn ekach songtechem unnemponn baltazorak bhogtalem sat ekro suvatecha zagear ek bam-i as‌l'li tor kitlem borem mhonnon.

Abacha kallachi bam-i as‌l'li, ti konne khondd‌l'li mholl'llem bhouxa tacho sor‌l'lo bapuy gabruk‌yo kollit aschemna. Tich sadde tin allanchi bam-i. Punn mai moino suru zal'leporinch ti bam-i suktali anim udkachi kotthinn oddchonn tankam zatali. Gamvchi nhoim choddunnem ordhea moilant as‌l'li dekun hapteak ek pauttim vochon vostram dhumvn yetalim. Oxem astam ek bori gundd bam-i aplyai zagear as‌l'li tor kitlem borem mhonnon baltazar attovo ghalun as‌l'lo.

Punn ek bam-i khondchi kaim chil'lor gozal nhoi. Disan dis margai choddon vecha kallar burgeanchem xikap, dispoddoto gras, soirim dhoirim, anim kar‍yim, pidda xidda oxem mhonntana zodd‌l'le titlem moddunk poddtalem. Punn vellachim rodam hea kos‌lyai songteanchi por‍va nastam ghumvon as‌l'lim.

Dis gel'leporim tachi auy seuri ontoroli anim ticha mornnant baltazar chodd akantolona. Kiteak mhollear tika edoll‌cho prai sot'tor utor‌l'li. Atam sogllim burgim iskolak vetalim. Pul'lun satvichi klas xikon auyk kumok korunk ghorant‌cho as‌l'lem. Punn kitlim vorsam paxar zalim tor‌yo apli axa matr baltazorak jeari korunk zalichch na. Mor‍yann xikpant il'lo bodd'dd dekun tisri klas xikon edoll‌cho baltazaran taka gade kosunk anim paddeanchi zoton ghemvchi zovabdari dil'li. Dumga novecha klaxent tisre pauttim bos‌l'loch tachem xikap‌yo somplem anim tottachi zovabdari tanne vohsun ghetli. Mingel atam attve klaxent xikon as‌l'lo. Bosteamv bapaicha konddattean vodd zal'lo anim satvecha klaxent xiktalo. Dis oxech paxar zale anim bosteamvochi bamychi axa jeari zalichch na.

Kazar zaun edoll‌cho tachim vis vorsa utral'lim. Fo಼esota porbek yemvchim tachim soirim toull toull burgeank tanger apoun vortalim. Oxem tankam nesonk vostram ditalim. Baltazar tor‌yo penttent ascha aplea soireank narol, mogim, dudim, gosallim, vamygim bhorun bhorun ditalo. Oxech dis paxar zale anim burgim tornattim zaun ailim.

Atam pul'luk kosoi tacha chintpacho nouro sodhun sodhun bombomyt kam' korcho pedru ghorcho malghoddo zamvy zaun pul'luk ghoram thaun apoun vorn gelo. 

Burgeang ghorathaun bhair dhaddunk maggu bhietalem. Tacha bhoinnicha pagur mamvachim bhurgim oxench xikap zaun bhair gel'lim khoim asat mhonn konnak‌yo kollit na. Konn mhonnta eklem par‍sealagim login zalam mhonnon, konn sangtat eklem tomllancha pattlean dhamvlam. Ani eklo parpoll zaun bomboicha zoilachim sorllam mejta mhonn. Hem aikon bhyem motik rigoun gel'lem maggi koxtt zamv sukh zamv, amim sogllim ekach ghorant raveam mholl'llem chintap dourun as‌l'lem.

Vodd zal'lim burgim az nhoi tor fo಼aleam apnnak khandeak khand diun kam' kortelim mholl'llo bhor‍voso baltazarak as‌l'lo punn fo಼uddem aschi vatt taka kitak‌gi oxir disonk lagli. Tottachi vrod'di korchi koxi? dorbosot udak as‌l'lem tor gozal veglli. Punn atam ascha tea bamyk koxem gundd korchem? addovo ghaleam mhollear bhangar na. Vikeam mhollear kaim asot na. Rinn vichar‍yam mhollear tem fo಼arik korchi vatt mellana. Oxem astam asom burgim vodd zal'leporim tim kaim vat sodtit. Ji mhoza kott'tteant rigana mholl'llem chintap chintun to as‌l'lo tor‌yo tacha motint ek‌cho khatalem ki morchadhim apnnak oplea zageant ek bam-i zai. Ti gundd asazoi, taka simenttiche dore asazoi kuxin ek lhan udkachi ttenk asazoi iteadi chintun as‌l'lo.

Dis matr koslich por‍va nastam mukhar vetale anim atam pul'luk dogam burgim zalim, mor‍yann kazar zalo, ghorant sun aili.

Ochanok baltazarak ek pauttim dellear choddon mirim kaddtana delleacho pam-i chukon poddon penkadd moddlem. Haptebhor aspotrecha khottlear volloull'llo. Moine zale anim ghora pattim ayil'lo tor‌yo voktam chalu as‌l'lim. Dotoran koslench kam' korinaye mholl'lli takid dil'leurvim mandrer‌cho lollon aple dis paxar korunk laglo.

Az nhoi tor fo಼aleam apunn borom zatlom mholl'llo tacho bhor‍voso disan dis sot zaunk dhortana to atatam utton bhair bhitor vochon apli kuddichi nitllai opunn'nch korunk laglo. Bhouxa taka devan oplea motint aschi axa jeari korche pasot jivo dour‌l'lo zaizoi. 

Oxe dis paxar zale, moine, vorsam paxar zalim. Baltazar atam konnaichai ghora zamv, soireanger zamv, penttek zamv vechem koid zaun vor‍sam zal'lim. Burgim vodd zal'lim anim atam ghorant tegam suno anim panch natram zal'lim. Sukh duk oxem dispoddoto gras choltalo.

Ochanok eka disa maggucha hordheant kosligi duk aili. Dotorak apoilo, punn to yemvchadhinch tinnem prann soddlo. Baltazar atam kongal zalo. Edoll por‍yant jinnyent tacho sangat diun ayil'li potinn ekach ghoddye sasnnacho odheus magon vetana to xirim chuklo. Punn kitem kor‍yet? hem somsarachem niym' polle. Ayil'leank soglleank vochonk asta. Dis pattim fo಼uddem astit tor‌yo vechem matr kodd'ddai. Konnaichani hem rauvonk sadhea na.

Atam maggu soron vorsam zal'lim. Baltazarache kes soglle dhove zaun ayil'le. Ghor‌bhor natram anim golatto, oxem astam eka disa mor‍yannak lagim apoun baltazaran apli axa taka sangtoch to hum kutt'ttun zait polleyam mhonnalo. To tosoch ulomvchem unnem. Dusrea hapteant sezarchim thoddim khorim pikkasam gheun ailim, moriynnan penttek vochon bhattio, konddeo haddleo. Anim soglleamni mellon bam-i khondduk dhor‍lem. Baltazarache dolle bizon aile. As‌l'li tank ekttam-i korn to ti bam-i khonddcha suvater bosonk laglo.

Disan‌dis bamychi gunddai parkilagolo. Dis gel'leporinch bam-i gund zaun yetali. Thoddim khondtalim thoddim vauytalim. Thoddim tanka khank pieunk ditalim. Konxar baltazar deva borem udak ascho char zhori fo಼uttoi mhonnon oplesotokim devalagim magtalo. Oxem choddunnem tin hapteachem kam' zal'lench atam bam-i kaim sadde tin all gund zatana bamycha gunddayer konnengi bob gali. Udak mell'llem mhonnon. Sor‍vank khuxi. Konne narol fo಼oddolo, konne povo kaloilo. Punn kam' mukharsilem. Konnem kodvoll udak oddlem anim konnem ti bam-i oniki gundd korunk dhor‍lem. 

Atam bamyt dorbosot udak as‌l'lem. Kaim don all buddchetitolem gundd udok as‌l'lem. Oxench porot ek hapto utrolo. Moriynnan siment haddoun bamyk doro bandoilo, addem, latto, dori sokkodd haddun ghali anim bamyt aschem udak bonddea udkaporim nitoll distalem. Atam udak‌cho udak. Baltazar tye eka sanjer eksuro bamycha khatear ravon bam-i‌kodde ulvonk laglo. Kitlim svopnnam opnnan polleunk nant edoll por‍yant? kitlim vorsam rakonk‌na hea disakhatir opunn? bagvon tea udkant oplem rupnnem pollel'lea baltazarak opli axa zari zal'lo vodd sontos zal'lo.

Tye sanjer angnnant ascha matyecha sopeacher boson astana bhitor burgeanchem ulounnem zatalem. Kitem gozal mhonnon bhitor kan dil'lo baltazar ek ghoddi xer‍melo. Tim sat ekreak vantto korchevixeamot uloitalim. 

Ek ghoddi baltazaracho jivo apnnalagim asagi mhonn kallzak hat dour‍no parkilem. Aplea kanank patyeunk tachan zalemna. Tanne axel'lo dis udel'lo. Ek bam-i oplea zagear as‌l'li. Atam burgim hea bam-i khatir ekameka masam khatana taka oskot zal'lea kuddik samballunk zalemna. Bhair asor as‌l'lean to mandri bhair angant‌cho soddoun nidlo tor‌yo taka nid poddlina. Oplinch burgim mhonn edoll por‍yant opli axa burgeancha fo಼uddarak bandchepasot dambun dourun zal'lo fo಼aido tor‌yo koslo? ho nihall taka vixex korkore korunk lagtana dolleam hujir tachi sor‌l'li auy seuri ek pauttim, sor‌l'li bail seuri ek pauttim ek paxar zalim. To oxench chintun eka xevottak paulo.

Sokallim utton gotteak vochon dud kaddon yeun ek ghott cha diunk mhonnon sodcha sunek aplo mamv mandrer nat‌l'lo polleun kaim guddeak gelasotolo mholl'llo dubhavo ailo. Punn cha piel'leakhorit uttanasocho to az kiteak ani koso gelo mholl'llo dubhavo‌yo ailo. Ta bhair tanne guddeak vorcho voddlo chembu ghorabhitor‌cho as‌l'leur‍vim tem dubhavon bhair bhitor sodchar poddlem. Thoddeach vellar sogllim burgim oplem kalcha ratichem zhogddem visron oplea bapaik ulo korit sodhunk laglim. Vochon eklean bamyk tilltana kitem polleta? ugtea dolleant voir dixtt laun jib bhair ghal'li baltazorachi vidrup kudd tye bamyt upyetali.