Mar (- Valley Quadros)

Mar

Play the video

Watch on YouTube

Valley Quadros

hofteadhim konn‌cho nhoi as‌l'lea ikra vorsancha Kukura-k atam okhkho des vollkota. Sorv ttivicher hachevixeant tork-somvad.

To kaim montri nhoi, fuddariyi nhoi, devank vikhcho nhoi va khonchoi svami nhoi.

Ikra vorsancho bhurgo!. Gresot montnacho bhilkul nhoi - gorib bhurgo. Auy bapuy nastam vhodd zaun edoll kosoi jiel'lo. Holl'llechea rostear konnachengi kar ravo‌l'lem polleunk dhamvon ayil'lea bhurgeampoiki toi eklo zaunasolo. Tantlo saukar karathaun demvon il'lem sokla demvon mutonk bos‌l'lo. Tednanch he pokri bhurge ekameka marn poddtana saukar muton penttachem jip ghalon soraram pattim ghumvtana her bhurgeamni kukurak marn roddoun dhamv‌l'le. Saukaracha motik cherkeachi bhirmot disli dekhun kukurak pattim mukhar konn'nch nat‌l'lean oplea karar ghalon ghora vhorn gelo.

Hem ojik kaim tin char vorsadhim zal'lem. Penttent ghor ascha saukarak‌yi oplea ghora chakor tthikanatole dekun atam kaim ho lavaris cherko tthiklo tor mholl'llem chintap saukaracha motint.

Saukarak penttesalant vhoddlem zoullechem dukan aslem. Tachea ghorant tachim tin bhurgim, dog pette, char majram ani tachi bail soddlear konn'nch nat‌l'lim. Eka sokallim panchank utton bamychem udak voddon zal nitoll korchem, ghor zaddun puschem, randpa kudd nitoll korchem. Handdio ghaschem, puschem kam' korn zatana voram novo utrtalim. Uprant kukurak kalchem ur‌l'lem xit ani nistem tonddlaun jeunk poddtalem. Tannem jeunk xita unddi tonddak ghaltananch "vegim vegim jevo‌re" mhonn dhoninn bobatt martali. Poilem poilem kukurak xit tallear xirkotalem punn uprant souyer zal'lem.

Jeun zatechch vostram umbllunk astalim, tim sukot ghalunk astalim. Vostram sukot ghalon zatana donparachem jevann toyar zatalem dekun poilem to saukarak jevann vhorn ditalo. Uprant iskolak gel'lea bhurgeank jevann diun pattim yetana kaim sovai don zatit. Donporam kaim il'li dall ani xit mirsangesovem khaun don ghoddi add poddlo tor dolleank kaim zop yetananch "khoim meloi‌re? fokta khamvchem hagchem ani nidchem itlench kam' yemvchem tuka" mhonnon dhoninn mur‍yo ditali. Vegim vegim utton suk‌l'lim vostram bhitor haddon, tim goddi korn kobattant dourn, portun bamyt‌lem udak voddon zalantlea fulam zhoddak votun zatana sanjechim so zatat. Uprant sanjechi cha ani nastto gheun penttek gel'lo ratim saukar angodd bondh korta poreant thoim‌cho rakon rautalo. Angodd bondh korcheadhim zaddon, nitoll korn saukarasovem pattim ghora yeun pautana voram sadde ikra. Uprant poilem don sukeo bhakreo khaun uprant bhair nhannyent vochon nhatalo ani bhailea sopear nidhtalo.

Hichch dinchori kukurachi. Tachesovem don pette soit sangat ditale; eklo ttomi, dusro dasu. Thoddepauttim bhurgim ’kuru kuru kukura’ mhonntana kukura ghuspoddololoyi asa.

"kitlim sobhit namvam? opnnachem namv‌yi ttomi as‌l'lem tor?" - bhurgeamni sodam-i kuru kuru kukura mhonn chiddaitana kukuran motint chintchem as‌l'lem. Punn atam kitem korunk zata? tachi auy koxi-i melea, bapuy opnnak dhamvddaun dusrem konnak‌gi kanngheono jietana oplea char vorsancha prayer kukuran rosto dhor‌l'lo. Rostea thaun xida saukaracha ghora pavo‌l'lo, ojik tin chear vorsadhim.

Kukurak dis, hafte, moine, voros sokkodd ek‌cho lek. Na konn taka vichartolo. Na konn aikomvocho. Opli dinchorint kaim chodd unnem zalear petteak bhandcha chamddeachea patteant sorsorit mar khaunk poddtalem. Dogam-i - saukar toxench dhoninn.

Ek pauttim udak vhauvn haddtana zoddayechi xidi sokla ghal'leak taka nagddo korn sorsorit martana tachea motint rig‌l'lem bhyem ozun tachea motint aslem. Dekun tea patteak polletana atam-i to kamptalo.

Punn ho kukura atam des‌bhor famad zaunk him karnnam bhilkul nhoi!

thoddea disam poilem, hea ghorant dedd vorsam kam' kel'lo madu ayil'lo. Tacho samball baki asa mhonn dhoninnekodde varjik kortalo. Kukura vostram umbollotana hem aikotalo. Madu uloun uloun oplo tallo roddkuro korn "goribanchem duk tumcher bhezanaye vochana.. Tumkam hamv bud xikoitam.. Hamv monddllik dur ditam.." mhonnon gel'lo. Vecheadim tachi bhirmotechi nodor kukuracher vochanasotam gelina.

Punn khonchi ti ’monddlli’ mholl'llem kukuracha motik gel'lench na.

Eka disa kotthinn xellint ani tokli foddafodd zaun kukurak sokallim uttonk‌cho zalemna. Dhoninn sokallim utton polletana randpakudd mhellem asa, ghor mhellem asa ani bhair kukura suxegat nidla. Tinnem ragan petteacho patto haddlo ani nid‌l'lea kukurak sorsorit marunk dhorlem "tuka disan dis chorab choddon yeta, tuka jevann konn tuzo bapuy ditave? amkam kamachim mellanant mhonn hea dorvexik voddon haddon aila mhozo poti. Tuka ek‌cho kam' korunk zata tor kor, nave at'tanche at'tam ghor soddon nikoll"

sokallim fuddench mar khaun utt‌l'lea kukurak aikomvochim konn‌cho nat‌l'lim tea ghorant. Tachea dolleamni duk umallon ailem. Tor‌yi uttauttim vochon nitllai korunk laglo.

Patteachem beltt lagon zaizoi, tachea tornea pamyachi kat futton rogat yetalem ani hulpatalem. Patticher‌yi kotthinn hulpatalem. Bamyt‌lem udak voddon koxttamni xidi matear choddoili, xidientolem udak gollon kukurachea matear, tonddar gollon tachea dukhamsovem vilin zaun dhorteuylea dhullicha konnant mellon ghoddyen mayag zalem.

Vegim vegim nitllai korn dhonparam bhuti vortana roddon'nch vecha taka vatter madu mukhamukhi mell'llo. Ekameka dogamni vollok dhorn madun taka rauylo ani kiteak roddta mholl'llem somzon ghetlem ani dhoir dilagolo;

"tum bhimyenaka, tankam hamv bud xikoitam, hamvem monddllik dur dilam. Monddllicheamni mhaka az porot vochon ye mhonn dhaddlam. Az mhaka mhozo bakhicho samball mellanatlear tankam xikoitam bud" mhonnon to gelo.

Kukura oplea kamar poddlo.

Uprant kitem zalem kollit na. To sanjer add podd‌l'leak ekachch‌foram ttomi ani dasun jeoran ghonkcha avazan zag zali. Sumar dha vis zonn zalant ekttam-i zal'lo. Thoddim bailam ani thodde dadle. Dog teg keamra gheun asle.

Tanche modhem ascha madun eklea dadleak mhojexim bott dhakhoilem. To dadlo lagim yetana kukurachi nodor tanchea hatant kaim patto asagai mhonn bhimyelo.

Punn na! to yeun kukurak mogan poxeun uttoun "bhimyenaka. Tuka amim asamv, sang tuka konnem marlem?" mhonn vicharilagolo.

"modamen" kukurachea tonddantolem utar suttlem.

Dog keamrache lagim aile.

"tum kitlea tempa thaun kam' korn asai?"

"...................." kukurachi zap natli.

"tuka kitlo sambhall mellta?"

"................" porot kukuran moun pangurolem. Punn tachi mot kotthinn bhimyel'li. Kaim opnnak ghor soddon vochonk poddlem tor opnnan khoim vechem? kitem khamvchem? hem chintun taka ovchit bhyem dislem.

Keamarache monis kukuracha angar dattxeono ayil'lem rogat oplea kemramni koid kortale. Ghora bhitor thaun dhoninnen bhailo lok polletechch zonelam dhamplim ani dar bondh korn bhitor‌chch bosli. Eka dogamni keamra gheun dar tthoklem tor‌yi tinne bagil ugtem kelench na. Potr‌kortamni tanchinch mholl'lli kanni vinnli ani ekeka potr‌kortan ekeka orthan, ti keamrant prostut keli.

Eklean kukurachem xortt kaddon tachea pattir ascha maranchi nixani dhakhoili. Onyeklean tachi chodd'ddi nisraili ani tachea kuleancher zal'lea maranchi nixani koid keli. Titlear hannem kukurak dhoir diun "bhimyenaka, amim asamv. Ami tuka bochavo kortamv.. Chol amchesongim" mhonn apoun velem.

Thoddeach vellan tim polis sttexnak paulim.

Thoddo vell raktoch ins‌pekttorak mellonk aukas mell'llo dekhun him bhitor gelim. Edoll‌cho monddllicheamni taka sang‌l'lem zaizoi dekun bhitor rigtoch ins‌pekttoran soval kelem;

"hochch‌gi to? kitemre namv kitemre tujem?"

"kukura"

"tujea auy bapaichem namv?"

"..............." kukura tixin hixin pollelagolo.

"kitlo temp thaun kam' kortai?"

"mosot temp thaun"

"kitlo sambhall mellta tuka?"

".............."

" konnem marlem tuka?"

"modamen"

"kitea? kaim chorlem-i? pokri keleoi?"

"na.... Hamv sokallim uttonk nat‌l'lom dekun" kukuran sot‌cho sanglem.

"kiteak uttonk nam-i?"

"sokall zal'lo kollona mhaka"

"mosot marlengi tuka?"

porot kukurak tachesovem ascha dadleamni tachem xortt ani chodd'ddi kaddon dhakhoitana kukurak bhyem toxench loz‌yi disli. Punn kitem kortolo to?

polisamni taka thoim‌cho bosoilo ani monddllichea sandean komplentt boroun ghetlem. Uprant polisamni jip sttartt korn gele.

Polis sttexnantole bhair yetana ttivigarank konnengi khobar dil'li dekhun tannim hancho revodd ghalo;

"amcha dexan az itli progti kelea tor‌yi ozun amcha dexant bhurgim kam' kortat ani tancher ozun zulum' zate asa"

itlem sangon keamrache dive palouvon tim lagim ailim.

Kukurak atam marancheaki chodd bhirant porot opnnachem vostur kaddtat mholl'lli.

Ttivivale monddllichea sandeamlagim uloun ascheporinch porot dive zoll'lle ani ttiviche keamra kukuracher ghale. Tacha angauyole ghai porot dhakhvonk porot kukurachem xortt ani chodd'ddi kaddlich.

Sokallim thaun ek ghott udak pienasotam, atam hea ttivichea ujvaddant koslogi kallok oplea dolleamni bhoron yeun kukura thoinch goll'llo.

Tokxonn thoddeamni tachea tonddar udak ximpddailem. Kukura atam utton atam apnnak pattim koxem vechem? gelear modameche mar koxe khamvche mhonn chintun tachea angachi lomv holltar ubhi zaun yetali.