’Konxeant Thaun Monxeant’ Haddomvcho Vaur

’Konxeant Thaun Monxeant’ Haddomvcho Vaur

Hemachar‍ya Konknni Potrikodhyom' xetant malghoddo toxench ek zovabdharecho  sahiti, kolakar. Konknni bhasecho mog ascho ho konknni vaur korteleank vhodda zotnen ani mayamogan choloita anim marg‌dorxon dita. Ek nattok‌kar, nott, onkonn‌gar, kannyegar, potrikodhyomi toxench ek probhud'd sahiti, kuveyttant ’daiz’ pongddan choloun vorcha kovitapatth hacher zamvcha buk somikxavixim ople vichar oxe boroita. [hem kovitapatth hacho poilo buk hachem ek prostaun]

Hemachar‍ya

om: ostoma sodhgomoi

tomsom' jeotirgomoi

mrotyum' omrityomoi

"Ostathaun sotateuxim, noxvorathaun xaxvotateuxim, kallokathaun ujvaddateuxim amkam tanddun vor pormexvora"- hem mhojem magnnem, jednam thaun hamv magonk xiklam tednam thaun.

Monxeajivit oskot, hangacha bazarant sot ani osot doni borxim vigtem mellta. Kallok monxeache motint‌yi asa, bhair‌yi asa. Somsaracha noxvor songtint ami angalap korcho asta - duddu, bhangar, biddar-mottar, hud'de, xet-bhatt, iteadi. Punn xaxvot uroije zal'le songtivixim ami tokli ottoi‌namv.

Ami magat gele, devan dita’sor. Maglelem mell'llena, tor khuball'lle, devak’cho dur‍sale, (tujelagim poile pautti ani nimanne pauttim magchem.....Ditai‌gi na...) dilem tor misamv tir‍salem.

Oskot soimbhache ami, fokot magon ghemvcheant oni khamvcheant vixvas dourtamv, kornent nohim.

Atam konknni sahityocha somsaracher dixott khonchveam. Hangasor‌yi vorsam adhim thaun magnnim ami aikaleant. Konknnek boro puddar di deva, hi bhas jivi uroi deva, oni ti uloiteleank jivont dour deva (kiteak novim zolmon yemvchim konknnent uloitit mholl'lli homidari na!), konknnek somvidanache attve vollerint sthan melloi deva. (attve vollerint konknni rigon pondra vor‍sam somplim, thodde ozun magtat!)

askot soimbhache ami, pokot magon khamvcheant vixvas dour‍tat, kornent nohim. Yotha korni totha bhorni.

Konknni jivi dourunk devalagim matr maglear pavana, ti jivi dourunk omi kitem kor‍yet tem jintunk zai. Hi bhas svotache jiber poili ghollvonk zai, potrancher chhapun aileli rokdde diun vachunk zai, dusreamni vachisar‍kem vot'todd ghalunk zai (tanka punkeak vachunk diun nohim!)

halinch eke bailen aplea ghovak sangchem aikalem hamve: "alleya, sezara konn monglluri bhail ailea, tika konknnim potram vachchi pisai khoim. Ami vachun kaddlelim potram, pustokam vicharta".

Ghovan mhollem: "zor tis hozar rupia khorchun hanga ailea tor tin dirom' yettun ek konknni potr vachchi tank tikai asteli. Tika omkea dukanachem namv sang, auycho ani tiche bhaxecho tiche putak mog asa tor to haddon ditolo".

Kitlea omche ghoramni aslim utram aikonk mellanant?

boroita konn‌yo zamv, chhapta konn‌yo zamv, amkam fukttak vachlear zalem. Uprant vell melltana konknnecha udrgotekhatir magchem, to polleun ghetlo.

Punn ami title nirax‌vadi na zamvea, amche modhem asat thodde teach konknni mayecha udrant zolmon ailele. Tannim konknnecha salvasamvachem xopoth ghetlam. Te maganant, kriteamni korn dakoitat. Aplea mai‌bhaxechem rinn horyeklean parik korchem porom' dhorm' mholl'llem sot te somsar‌bhor pachartat, zoxem konknni kogull vilpi rebimbosan vorsam odhim gaun kaddlam:

Gorbant tujeage omi zonmal'lim bhur‍gim

bhaxe seva korunk rak deva sorgim

chornnam poddon omchi orgam bhettoitamv

vornnam vornnamni tuka tornnam choddoitamv

tujem namv sobhoitamv.....

Zoyo, zoyo, zoyo tuka konknni mata.

Kitli vhodd sthuti, man oni mohima, konknni mayek! konknni kogollen axem gaitana angant rogat vallcho konni nut'ta bostolo? kedink’cho na.

’daiz’ pongddan hatim ghet‌l'lo vaur’yi vilfin boroun kaddlelea sthutethaun othvo nhoi. Tey konknni mayecha gorbhanthaun zolmon ailele konknni vir suputr, bhaxecha sevekhatir komor bandlele, bhaxecha ani sahiteacha udrgotekhatir dis rat ek korche mukhantor te aple mai‌bhaxecha manak rongarongall tor‍nnam choddoitat, zaunk puro konknni potram, pustokam ghora ghoramni vikun, konknni karbar‍yank ar‍thik digo zaun, zaunk puro konknni kovitanchi ani pustokanchi khodd kaddche mukhantor.

Oni atam pustokanchi somikxa va khodd kaddchi kamasallam manddun haddchim tanchi yeuzonni ani ti khodd prokott korchem sahos ami hea odi konknni sahiteacha somsarant deklelem ani aikal'lem asa tor tem bhovo unnem. Manadik vil'li de’selvamni, cha.Fra. Baban, melvin roddrigos toslea konknni sahsimni tea dixen hatim ghetlolo vaur soddlear khonchyai monddllen, porixoden hea dixen chintlelem na.

Atam ’daiz’ pongodd, tantum-i hea pongddacho yejman, chotur songhttok ani xrextt kovi, vol'li kvaddros, aplea sangoddeank yekttam-i korun gheun, ’konxeant aschea sahiteak oni sahiteakarank monxeant haddchea vaurak aito zala.

Tacha misavant ami zoit axetamv, ani tachi patt thapddun tache bhuzamni boll bhortamv.

Toxench zamv.

Hemacharea

Sonchalok, ’Daiji Dubai’ - Konknni Bor‍peancho Ektar ani ’Daiji Rong Mondir’. Dubai,

July 1 tarik.