"amcha jinnyethaun ami nizaiki axemvchi khonddit boutik ast nhoi"

Korejmant Amchi Jinni Ani Retir

de22

Voros : 2006

Moino : April

Korejmacho kall ailo mhonntana choddaut kristamv lok zago zata ani opnnalagim nat‌l'lea vellant thoddo vell punnim oplea otmik niallak gollsunk sodhta. Khoim korejmacha kallar sorag retir‍yo asa kortat tor khoim magnnim voresamvam, khursavatto zatat ani zaito niall. Hachemodhem ubhem zata soval - kitem monis hea sorvam thaun kitlo/koso porivortit zata?

Ailevar kuveyttant povitr otmeachem magnnem korn zaitim ojeapam kel'lo, amcha bharotacho famad bhavo paul dinokor ayil'lo. Hozaramni lok haka polleunko, aikonk ayil'lo. Hamv‌y tanchemodhlo eklom. Punn vijmit korchi gozal khoinchigi mhollear kuveyttantle sobhar orbhi soit hea magnneazomatek hazor zal'le. Zaite her dhormache her pongddache hea zomatent hazor as‌l'le polletana kosolo sonket mellta?

Bhouxa ’monis aicha somsarant oplebhitor‌ch oplemponn hogddaun, somodhan nastana jieun astana tem hogddayil'lem oplemponn sodhchak hennem tennem sodhunk lagla, hor‍yek eka na eka ritin manosik ritin koxttant asa ani kednam dhorm', kednam vigean mhonn bhomvon asa’.

Konn khadd vhaddoita tor konn biddi-sigrett voddchi soddta vo unni korta. Konn sur-soro soddta tor konn pikchoram pollemvchim soddta. Ani konn upas korta tor konn mas maslli khaina vo unnim korta. Korejmacho niz motlob hochch‌gi? ek ghoddibhor niall kor‍yangi?

Korejmant hem sorv soddunk dhorm' pustokamni � sangonk na, hem monxamni asa kel'lem kolpon. Konn khonchai karannank lagon korejmant soddta/dhorta punn jye kitem monis korejmavellar soddta/dhorta tem fokot boutik nhoi‌gi? punn khoremponni korejmant eka kristamvak/bhavarthik kosolem korunk sadhy?

Fokot mas khainayem ramvchem, soro pienastam, sigrett voddinastam ramvche tit'tun matr oplem chintap simit korchaki, bhouxa sadhon kelem tor onik‌y thoddem kor‍yet?

Upas korcho punn rag ani dhvexak sanddchak.
Upas korcho punn heranchi nit korchem sanddchak.
Upas korcho punn herank ujjejit korinastana ramvchem soddunk.
Upas korcho punn heranchim duram/khobro sangcheo sanddun.
Upas korcho punn oplea khorchant il'lem unnem korn gorjeuntank pamvchem.

David rayacha utramni sangchem tor "monxak kan asat punn aikana, dolle asat punn pollena" - mhollear khori dixtt ascho monis poilem opnnak tojviz korun polleunko sokta. Retir mhollear fokot't pollemvchem, aikomvchem ani kumsar zaun porot techch jinnyent aschem bhilkul nhoi. Bogar aicha disa opnnan koxem boro zauyet mholl'llem chintun, disak ek borem kam' korchemukhantr khoro korejm'/retir poripurnn ritin jieunko sadhon kor‍yet.

Oxem ekeklo pallunk sokat tor khonddit korejm' fokot't boutik ritin matr nhoi, otmik ritin, doivik ritin somsarachem boremponn labhoun diunko sokat. Punn tachaki vhoddlem soval hem ’amkam konnak titlem chintunk sadhy?’ mholl'llem.

Dev borem korum,
- Valley Quadros