ಇಸ್ವೆಚ್ಯೊ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್ ’-ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

2006 ಇಸ್ವೆಚ್ಯೊ ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿಚ್ಯೊ ಪ್ರಶಸ್ತ್ಯೊ ವಾಂಟಾಪ್

ಹುಬ್ಳಿ, (ಅಕ್ತೋಬರ್ 6): "ಜೆದ್ನಾಂ ಲೋಕ್ ಆಪ್ಲ್ಯಾ ಮಾಯ್‌ಭಾಸೆಚೆರ್ ಆಸಕ್ತ್ ದಾಖಯ್ನಾ, ತೆದ್ನಾಂ ಖಂಚ್ಯಾಯೀ ಭಾಸೆಕ್ ರಾಕ್ಚೆಂ ಭೋವ್ ಕಸ್ಟಾಂಚೆಂ" ಅಶೆಂ ಮ್ಹಣಾಲಿ ಫಾಮಾದ್ ಕೊಂಕ್ಣಿ ವಾವ್ರಾಡಿ ಮಾನೆಸ್ತಿಣ್ ಅನುರಾಧಾ ಧಾರೇಶ್ವರ್. ಹುಬ್ಳಿಂತ್ಲ್ಯಾ ಜಿ.ಎಸ್.ಬಿ. ಸಮಾಜೆಂತ್ ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿನ್ ಆಯೋಜಿತ್ ಕೆಲ್ಲ್ಯಾ ಕಾರ್ಯಾಂತ್ ತಿ 2006 ಇಸ್ವೆಚ್ಯಾ ಕೊಂಕ್ಣಿ ಪುಸ್ತಕಾಂಕ್ ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮೆಚಿ ಪ್ರಶಸ್ಥಿ ದಿಂವ್ಚ್ಯಾ ಸಂಧರ್ಭಾರ್ ಉಲಯ್ತಾಲಿ.

ತಿ ಅಪ್ಲ್ಯಾ ಉಲವ್ಪಾಂತ್ "ಫಕತ್ತ್ ಸರ್ಕಾರಾಚೊ ಪಾಟಿಂಬೊಚ್ ಎಕಾ ಭಾಸೆಕ್ ರಾಕೊಂಕ್ ಸಕಾನಾ, ಖಂಚೀಯ್ ಭಾಸ್ ವಾಡೊಂಕ್, ತಿ ವಾಪಾರ್ ಕರ್ಚೊ ಲೋಕ್ ಗರ್ಜೆಚೊ" ಮ್ಹಣಾಲಿ. ತೆಚ್ಚ್‌ಪರಿಂ ತಿ ಆಪ್ಲ್ಯಾ ಉತ್ರಾಂನಿ, ಕೊಂಕ್ಣಿ ಭಾಸ್, ಕಲಾ, ಸಂಸ್ಕೃತಿ, ಸಾಹಿತ್ಯ್, ಸಂಗೀತಾಕ್ ಪಾಟಿಂಬೊ ದಿಂವ್ಚ್ಯಾ ತಶೆಂಚ್ ಸರ್ವ್ ಬೊಲಿಂಚ್ಯಾ ಲೊಕಾಂಕ್ ಎಕ್ವಟಿತ್ ಕರ್ಚ್ಯಾ ವೆವೆಗ್ಳ್ಯಾ ರಿತಿಚ್ಯಾ ವಾವ್ರಾಖಾತಿರ್ ಅಕಾಡೆಮಿಕ್ ಉಲ್ಲಾಸ್ ಪಾಟಯ್ಲಾಗ್ಲಿ.

Placeholder: the original page gave this picture no description, and none has been written yet. It came from daaiz\daaiz\special\news\kksaw06.asp.

[ಮಾನೆಸ್ತಿಣ್ ಅನುರಾಧಾ ಧಾರೇಶ್ವರ್ ಶಿರ್ತಾಡಿ ವಿಲಿಯಮ್ ಪಿಂಟೊಕ್ ಪ್ರಶಸ್ತಿ ದಿತಾನಾ]

ಹಾಚ್ಯಾಧಿಂ 2006 ಇಸ್ವೆಚೆ ಪ್ರಮುಖ್ ಪ್ರಶಸ್ಥಿ ಜಿಕ್ಪಿ ಶಿರ್ತಾಡಿ ವಿಲಿಯಮ್ ಪಿಂಟೊ (ಕಾನೂನ್ ದರ್ಶನ್, ಅಧ್ಯಯನ್) ಹಾಕಾ ಶಾಲ್ ಪಾಂಗ್ರುನ್, ಫುಲಾಂ ಝೆಲೊ ದೀವ್ನ್, ಯಾದಿಸ್ತಿಕಾಸವೆಂ 5000 ನಗ್ದೆನ್ ದೀವ್ನ್ ಹೊ ಪುರಸ್ಕಾರ್ ದಿಲೊ. ತಶೆಂಚ್ ಸ್ಟೇನ್ ಅಗೇರಾ (ತಾಂಬ್ಡಿ ಮಿರ್ಸಾಂಗ್), ವಲ್ಲಿ ಕ್ವಾಡ್ರಸ್ (ದರ್ಭಾರಾಂತ್ಲಿ ಪಿಂರ್ಗೊಣ್) ಆನಿ ವಿಶೇಸ್ ಇನಾಮಾಂ ಜೊಡ್‌ಲ್ಲ್ಯಾ ಜೂಡಿತ್ ಪಿಂಟೊ (ಭಾಶಾಂತರ್), ಒಲಿವೆರಾ ಫ್ಲಾವಿಯಾ (ಕವಿತಾಂ) ಹಾಂಚೆ ತರ್ಫೆನ್ ಹಾಂಚ್ಯಾ ಸಯ್ರ್ಯಾಂನಿ ಹೊ ಪುರಸ್ಕಾರ್ ಘೆತ್ಲೊ. ಅನ್ಯೇಕ್ ವಿಶೇಸ್ ಇನಾಮ್ ಘೆವ್ಪಿ ಅರುಣ್ ಶ್ಯಾನ್‌ಭಾಗಾನ್ ಅಪ್ಲೊ ವಿಶೇಸ್ ಪುರಸ್ಕಾರ್ ಘೆತ್ಲೊ.

ಹೆಚ್ಚ್ ಸಂದರ್ಭಾರ್ ಉಲಯಿಲ್ಲೊ ಆಲ್ ಇಂಡಿಯಾ ರೇಡಿಯೊ ಧಾರ್‌ವಾಡ್‌ಚೊ ರಿಟಾಯರ್ಡ್ ಆಫಿಸರ್ ಮಾನೆಸ್ತ್ ನಾಗೇಶ್ ಶಾನ್‌ಭಾಗ್ ಉಲವ್ನ್, "ಕೊಂಕ್ಣಿ ಭಾಸೆಚ್ಯಾ ವಾಡಾವಳೆಕ್ ಆನಿ ರಾಕ್ವಣೆಕ್ ಕ್ರೀಸ್ತಾಂವ್ ಲೊಕಾಂಚೊ ಪಾಟಿಂಬೊ ಭೋವ್ ಮಹತ್ವಾಚೊ, ಎದೊಳ್ ಮ್ಹಣಾಸರ್ ಜಾಯ್ತ್ಯಾ ಸಂಕಶ್ಟಾಂಕ್ ಸೊಸುನ್ ಸಯ್ತ್ ಹ್ಯಾ ಸೊಭಿತ್ ಭಾಸೆಕ್ ರಾಕೊನ್ ಆಯಿಲ್ಲ್ಯಾ ಆಮ್ಚೆಂ ಕರ್ತವ್ಯ್ ಜಾವ್ನಾಸಾ ಆನಿ ಹಿ ಭಾಸ್ ರಾಕೊನ್ ವರ್ಚ್ಯಾಕ್ ಆಮಿ ಮಿನತ್ ಕರ್ಚಿ ಗರ್ಜ್ ಆಸಾ" ಮ್ಹಣಾಲೊ. ಹೆಚ್ಚ್ ಸಂದರ್ಭಾರ್ ತಾಣೆಂ ವೆವೆಗ್ಳ್ಯಾ ಪ್ರಾಂತ್ಯಾಂನಿ ವಾಪಾರ್ ಜಾಂವ್ಚ್ಯಾ ಕೊಂಕ್ಣಿ ಸಭ್ದಾಂಕ್ ಆಟಾಪ್ಚ್ಯಾ ಕೊಂಕ್ಣಿ-ಕೊಂಕ್ಣಿ ಡಿಕ್ಶಿನರಿಚಿ ಗರ್ಜ್ ಸಾಂಗೊನ್, ಅಕಾಡೆಮಿಕ್ ಹ್ಯಾ ದಿಶೆನ್ ವಾವ್ರ್ ಕರುಂಕ್ ಉಲೊ ದಿಲೊ.

ಅಪ್ಲ್ಯಾ ಸುರ್ವಾತೆಚ್ಯಾ ಉತ್ರಾಂನಿ ಅಕಾಡೆಮಿ ಅಧ್ಯಕ್ಷ್ ಬಾಬ್ ಎರಿಕ್ ಒಝೇರಾನ್ ರಾಜ್ಯ್ ಸರ್ಕಾರಾನ್ ಕೊಂಕ್ಣೆಕ್ ತಿಸ್ರಿ ಭಾಸ್ ಜಾವ್ನ್ ಹೈ ಸ್ಕೂಲಾಕ್ ಘೆಂವ್ಕ್ ಅಪ್ಲಿ ಕಬ್ಲಾತ್ ದಿಲ್ಲಿ ಖಬಾರ್ ದಿಲಿ. ತಶೆಂಚ್ ಕೊಂಕಣ್ ಕರಾವಳೆಂತ್ ವೆವೆಗ್ಳ್ಯಾ ಜಾತಿಚೆಂ, ಸಮುದಾಯಾಚೆಂ, ಬೊಲಿಚೆಂ ನೀಬ್ ಘೆವ್ನ್ ಕೊಂಕ್ಣಿ ಲೊಕಾಂಕ್ ಆಪ್ಲ್ಯಾ ರಾಜಕೀಯ್ ಮತ್ಲಬಾ ಖಾತಿರ್ ವಿವಿಂಗಡ್ ಕರ್ಚ್ಯಾ ಸಾಧನಾಚೆರ್ ತಾಣೆ ಅಪ್ಲೊ ಶಿಣ್ ಉಚಾರುನ್, ಲೊಕಾನ್ ಹ್ಯಾ ದಿಶೆನ್ ಜಾಗೃತ್ ರಾಂವ್ಚಿ ಗರ್ಜ್ ಸಾಂಗಾಲಾಗ್ಲೊ.

ಹೆಚ್ಚ್ ಸಂದರ್ಭಾರ್ ಬಾಬ್ ಎರಿಕಾನ್ ಅಕಾಡೆಮಿ ತರ್ಫೆನ್ ಫುಡೆಂ ಆಯೋಜಿತ್ ಕೆಲ್ಲ್ಯಾ ವೆವೆಗ್ಳ್ಯಾ ಕಾರ್ಯಾಂಚೊ ಮಟ್ವೊ ವಿವರ್ ದಿಲೊ.

ಹ್ಯಾ ಸಂದರ್ಭಾರ್ ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿಚೊ ರೆಜಿಸ್ತ್ರಾರ್ ಮಾನೆಸ್ತ್ ಜೆ.ಎಚ್.ಶಿವರುದ್ರಪ್ಪ ವೆದಿಚೆರ್ ಆಸ್ಲೊ.

ವರ್ದಿ: ಆಮ್ಚೊ ಭಾತ್ಮಿ

ಸಾಹಿತಿಲಾಗಿಂ ಸಂವಾದ್

ದಾಯ್ಜ್ ಪಾನಾಕ್

ಸಮನ್ವಯಾಂಚೆಂ

ವಸಯಾಂತ್

ಟೊಮಸ್