Aichem Konknni Kovita Xet - Ek Dixtt

Vimorxea Lekhon - 6

2003 - 2004 vor‍sa konknnent por‍gott zal'lea promuk chear kovita songrohancher ’vatt’ (melvin roddrigos); ’koideacheo kovita’ (echchem'); ’vhollu vhollu vhall vhallea’ (anddryu el. Ddi’kunha) ani ’kott‌putlli’ (vol'li kvaddros) bukancher vimorxatmon nodor bhomvddaun kel'lem vostunixtt (objective) lekhon.

Melvin Pintto, Nirudde

Aichem Konknni Kovita Xet - Ek Dixtt

thoddea tempa adim sahiti eddvor‍dd nojretan, sod'deak konknni bhaxek ani sahit xetak ho suggecho kall mholl'llem thoraull ritimni sar‍kem. Eke ritichi krantich konknnent az cholon asa mhollear chuk zamvchina. Konknni karyim, somvad, bhasabhas choddleat. Sobhar vor‍samni por‍gott zaunko nat‌l'le title buk pattlea thoddea vor‍samni por‍gott zaleat. Konknnechea fuddaravixim khont, oklas as‌l'leaborich konknnent choddit potram, choddit kesetti, nattok ani film' soit yeun asa!

konknni kovita xetak‌y ho ek suggecho kall‌ch soi. Kovita patth, kovigoxtti choddon asat. Golfant kovita xetavixim choddit husko ani mog dison yeta. Chodd kovita songroh por‍gott zaleat. Pattlea tin vor‍samni kon'nodd lipientle konknnent sumar bara kovita songroh bhair aileat - mhollear vor‍sak chear.

Kovincho sonkoi choddla. Nove nove, sintimentall titlech tarkik, marmik ani sukxm', axavadi ani niraxavadi; punn choddtavo gombhir, kovi konknnent fulon asat. Kon'nodd bhaxent polleya - thoimsor az‌y kovi mhollear lokxmi narainno bhott'tto, ji.Es. Xivorudroppo, venkottex murti ani chen'novir konnovi. Hanchi sor‍vanchi prai panchattank utor‍lea. Tor‍ne kullient hea kovink soman ramvche bhor‍voxeache kovi konn‌y disonant. Sid'dholingoiyo, boroguru tosole dolit-bonddai kovi az razoki-i kovi zaleat. Tanchea kounamni odhikar‌xahi vevestek fugar‍n ghette zal'lim bhognnanch distat xivai donnsol'leanchem duk vhallchem disona. Inglix bhaxechi got‌y tich! inglixant likche aiche probud'dh kovi konn mhonn vichar‍lear bott zokunk‌y konn‌y nodrek poddona. Ejra pamvdd, tti.Es. Iliett tosole namv vel'le kovi moron atam 20-30 vor‍sam zalim. Tanche uprant probud'dh mhonncho kovi inglixant dixttik poddona.

Dekun‌ch konknni kovita xetak ho sugge kall mhonn sang‌l'leant vhoddponn kaim na. Konknneche vhodd omor kovi luvis moskoreF, chafra, moridas, ran udeavor ani azun likche mhalghodde kovi je.Bi. Morais ani je.Bi. Sikvera hamnni zhoroyil'li vatt dhor‍n‌ch chomkol'lea nove pillgechea konknni kovimni az tancheach khaxeleponnant osmitayechem kauyem bhair haddchem dekon hor‌eka konknni kovita mogin dadhos zamvchem vajbi.

2003 - 2004 vor‍sa konknnent por‍gott zal'lea promuk chear kovita songrohancher ’vatt’ (melvin roddrigos); ’koideacheo kovita’ (echchem'); ’vhollu vhollu vhall vhallea’ (anddryu el. Ddikunha) ani ’kott‌putlli’ (vol'li kvaddros) kholayen dixtt ghaln prostut konknni kovita xetachi porigot kosoli, fuddar kosolo tem tojviz kor‍chem preton hea lekonant kor‍tam.

Novodoi, nouy, noveot'tor probhavo:

amchea kovink her bhasanchea vixes kor‍n inglix ani kon'nodd, sahiteasovem sompork asa mholl'llem tancher tea sahiteacho poddla to probhavo dektana kollta. Niz zaun pollelear kon'nodd kovita xetak inglix sahiteacho, thoinchea chollvollencho probhavo borpur poddla. Inglixachea ’rinesans’ chollvollecho probhavo kon'noddant ’novodoi’ chollvollek karonn zalo tor, ’moddornisom'’ ani ostitv‌vad ’nouy’ krantek mull zalo. Zaleari progotixil ani dolit-bonddai kovimni aple matiechi mur, aplea monxanchim bhognnam, sintimentam vekt kor‍chem preton kelem.

Melvin roddrigosachea ’vatt’ ani echchem'machea ’koideacheo kovita’ songrohamni osolea chollvollencho bollvont probhavo dixttik poddta. Toriki kovi melvin roddrigos apli vimor‍xa nodor bovo‌ch chodd proyog kor‍ta. Noveot'tor probhavo tacher podd‌l'lea titloch to noveot'tor riti-rivajinchi tthika kor‍ta. Az zagotikoronn ani noveot'tor chintpa lagxilo bandh asa. Noveot'tor chintop - zagotikoronna dhor‍man ghoddon asat tea onahutanchi khori tthika korinastam, khauge somskritek imbu dimvchebori asa. Dekun‌ch kovi melvin roddrigos he vattethaun add vochon aplich vatt zhoromvchem preton kor‍ta ani te dixim sufoll‌y zala.

Nouy ani novodoi chintpacho choddit probhavo kovi echchem'macher poddla. Chintpa gunddayent melvin roddrigos ani echchem' ekach storar rautat. Punn echchem' somsarachim ’patkam’ choddit veyuktik ritin gheta tor melvin ek mett pois ravon‌ch tthika kor‍ta. ’vinoti’ kounant echchem' oso roddta:

"ken'nam-i oso uzo pettoinakat
masam bhajtat, rogtam pett'ttat - bobek
xer lutt'tana, pirann loz sangata lutt'tat"

echchemacho jivo jivo onbhog hanga bhazon vas uttoita.

Tacho ’mog‌y probud'dh. Tea mogant zoddai asa, zovabdari asa. Bendre, ke.Es.No. - chea kounamni vhallta tosolo mog to:

"xitachea hor ghasant‌go svad tujea hatacho
amoreche ghanttint nad tujea pachvea kanknnancho
meza konxar tutton podd‌l'lo bajve butamv tuzo
sakxek ur‍lea ollnni peje nis moddke thollant" (tujevinn)

noveot'tor probhavo anddryu el. Ddi’kunhacho kovita songroh, ’vhollu vhollu vhall vhallea’nt dixttik poddta. Noveot'tor somsrachi osohozota, adorx‌vad iteadinchi zhollok thoinchea thoddea kounamni ami dekyet. Toriki sukxm' somvedon anddryuchi sokot.

Sanketikota:

konknni kovita xet az choddit girest disonk anyek karonn, thoimsor vapor zal'lo protimam, sonket, rupokancho proyog. Ek kovita amkam auddche thoim hancho patr vixes asa. Nouy, noveot'tor sahiteant‌y protimam, sonketancho vapor chodd. Oxem to probhavo kovink bor‍yak‌ch poddla. Melvin roddrigos bollvont sonket vapor‍n zokto orth bhair haddcheant xanno. ’vatt’ kounachim ’ttoiram’, ’zog‌fols’, ’remveche konn’, ’zhuz’ tanne vapor‌l'le mojbut sonket. ’deva mhojea’ kounantleo thoddeo ponkti oxeo vhalltat:

"monxa utor koddu ghoro
kalliz fatra muro
ghemvchem zalear sogllem-i asa
mayamogak mero"

fokot tin protimam vapor‍n kantt‌bhor orth uskaita tem!

’kanknnam gol'lent’ kounant echchem' ’kankonn’ ek marmik sonket koso kor‍ta. ’kott‌putlli’ songrohant vol'li kvaddrosan bombim, sorkos osole bollvont sonket vapor‍n tikxnn kounam guntleant. Anddryun vapor‌l'lo ’nid’ sonket choddit chintpak iddem kor‍n dita.

Ostitv‌vad:

konknni kovita xetant sod'deak vhallo asa tea novin lharachem anyek mukel lokxonn, kovin apnnak‌ch sodhunk kor‍chem preton! eke ritim ostitv‌vadacho probhavo ho. Kovi chodd ani chodd apnnabhitor veta; aplea ostitvak, jinnyek orth, xevott sodhunk choddpoddta.

’hamv ani to’ kounant kovi anddryu apnna bhitor‌ch eka adorx vektik rochta. Apunn tea adorx vektiporim zaunko na tem duk eke vatten tor tache unchayek pauje mholl'llem hott‌y kovilagim asa. Punn apnnak‌ch apnnem azun sompurnn dekonk na tem adduk sot‌y (’gunddayethaun’) taka kollit asa.

Vol'li kvaddrosachem ’hamv, hamv nhoim’ koun‌y hech kaletichem. Hea krur somsarant apunn kritok jinni jietangai, porigotithaun pollapoll ghemvchea khatir vividh rupam ghetangai mholl'lle dubhavo kovilagim as‌l'lean to oxem apleach ostitvak soval ghalun ’hamv, hamv nhoim’ mhonnta!

eksur‍ponnant orth sodchea kovi echchem'man lik‌l'lea thoddea kounamni apnna bhitor‌ch devonk kel'lem preton dison yeta. Melvin roddrigosachea thoddea svogot kounamn‌y kovi svo-vimor‍so kor‍ta; apnnem chomkol'leo vatto sar‍keogi mholl'llem tojviz kor‍ta!

apaple jinniek, ostitvak sovalam ghaln vimor‍so kel'lea kovimni aple jinnie dhoronn spoxtt kelam. Ostitv‌vadachea vaitt porinnamank vollog zainat‌l'lebori te zagrut rauleat. Tench tanchem vhoddponn!

samajik husko:

hangachea char‌yi kovim thoim samajik husko bhoron vomtata. Kovi zal'leak asoje zal'li zovabdari ti. Tanne fokot osongot uron, sintimentall zaun eksuroch aslear tosolea kovindvarim vachpi-i chodd sintimentall zaun vimor‍xatmok nodor apnnainastam ur‍cho apai asa.

Kovi melvin ani anddryu zhuzachim, zagotikoronnachim krur drixeam dekon tanchedvarim zal'lim onahutam dekon kollvolltat ani bollvont honkari raxttram voir utranchem, bhognnanchem ’zhuz’ manddtat. Kovi vol'li kvaddros aplea bhomvtinchea hipokritam voir zhuz manddta ani echchem'mak xheramni polloyil'lea bhirankull drixeamni dhoko zata, somskritecher‌y zaun ascho hol'lo polleun to kollvollta.

He char‌y kovi probud'dh zaun ful'leat. Eka tempar konknni kovita mhollear teltea mogan ghette zal'lim bhognnam matr tor, az kovinchi dixtt vixal zalea. Toxem mhonn ’mog’ na mhonn nhoim. Tachi veapt vistar‍lea. Hangacho mog poripikayecho, zovabdaricho mog. Samajik huskoi eke riticho mog.

Punn amche kovi niras kiteak?

he char‌y kovita songroh eka usvasan vachun kaddlea uprant hem soval sohridoyik dhosta. Hor‌eka songrohant niras bhognnam vixes asat ya korunn ros‌ch choddtavo kounamni usketa. Nouy, noveot'tor lharancho vaitt probhavo hogi kollona. Amche kovi choddtavo jinnyechi ek‌ch kus polloitat‌gi mholl'lli bhirant‌y dista.

’vatt’ songrohant kitli gunddai asagi, te gunddaye thaun‌ch duk utton yemvchem dista. Zaunko puro, kovik zal'le onbhog‌ch tosole ani kovita madhyoma dvarim tanne aplea dukall, vikall onbhogank utram, bhognnam bhor‍xileant. Zaleari hangasor niraxent kovi bhor‍voso dekchem preton kor‍ta mholl'lli gozal somadhanachi.

’koideacheo kovita’ songrohant choddtavo kounam chodd dukall ani niraxadaik distat. Punn kovin teoch songti kounanchem boll koxem kel'lean kovi jikla.

Anddryucho ’vhallo’y korunn rosan bhoron vhallta. Novodoyacho zai pur‍to probhavo tacher asleari tanne choddit sombhrom' kounamni achorunk na. Punn ’vhollu vhollu vhall vhallea’ kounant prokritecho vixixtt sombhrom' asa.

Vol'li kvaddrosachea bonddayak mull karonn niras xivai her kitench nhoim. Tachea bhomvtim ghoddchim otor‍vonnam polleun kovi dhonddoll'lla, niraxi zala ani oxem bonddai chintop tache thoim zagem zalam. Toriki tachea kounanchea niraxe modhem-i tacho ek ’husko’y zahir zala.

Voir ul'lek kel'lea kovita songrohamni sombhromachim, sontosachim kounam nant‌ch mhonnchem nhoim hamvem. Thoimsor jinniecheo don‌y khuxi soman ritim vekt zaunant mholl'llo akxep mhozo. Kovi zal'lean hor ek ghoddi zagrut rauje zal'li gorz asa. Nantor, ekech kuxik malvon thoimsor‌ch vixes tropti zoddunk otregon somsar visor‍cho ya chodd ani chodd niraxavadi zamvcho opai asa.

Kon'noddo kovi bendre sangta:
’rosove zonono
viroso moronno
somorosove jiuno"

Roso, Viroso don‌y mell'llear matr somoroso. ’ek ghutt: nouros‌y melltit tor somoroso bovo‌xea koxttanchem zamvchem na. Konknni kovita xetak boroch fuddar asa. Punn amchea kovimni somsar vostunixtt (objective) ritin pollemvchem preton matxem choddoije. Amchea kovinchem borem zamv!

[Hem vimorxea lekhon ’raknno’ haftealleacher porgottlam]