Porot Ek Notalanchem (Christmas) Fest

ded6

Voros : 2004

Moino : December

Vorsan vorsa dosembracha ponchvis tariker yemvchem notalanchem fest somsar‌bhor sombromacho dis, amcho devo monis zaun zolmal'lo dis.

Ghoramni kusvar, ghoramni ya angnnamni gordanacho gotto, gotteant taram, gudde dongor, ghoram, ruk, anim tea modhem ek lhan kolvachem pakem anim tea pakeabhitor ascha gor‍vam'modhem ek nagddo ballok, tea ballkasovem ek oskot auy anim ek khalto bapui.

Voir umkallche anz bhoddve, mukhlean dis‌rat chorovar ascho xellio, anim tea xelliank rakche bhoddve. Va! krismos mhollear kitlo voddlo sombhrom' amkam? modeane ratim igorjent voibhovachem mis, sogllo lok novea/pornea pormollik tel vot‌l'lea suttar, buttar, kottar, penttar. Krismos kek, krismos kearol, krismos karddam oxem bhogtaki jezun ek pauttim nhoi, onyek pauttim zolmazoi as‌l'lem mhonn.

Punn hem soval osvabhavik mholl'llem hamv‌y zannam. Ratim suru zal'lea hea festachem achoronn zata dusre disa, mas, polli, sor, gain, nach partteo anim dhenk. Thoddim opnnakhatir anim thoddim heram khatir hem fest achoronn kortana lok, asom to gamvant ya porgamvant. Festachem karann ek‌ch - anim tem zaunasa amcha somean zolmal'lo divos bhovo sombhroman achoronn korcho. Ojik choddunnem pondra vorsadhim mhaka notalancha festacha sondhorbhar ayil'lea eka karddant as‌l'lim utram him; The most important thing in CHIRSTMAS is the CHRIST and not the MAS.

Bhouxa amcha sogllea chintpak soval korchem hem por‍yai chintap amkam zaitim sovalam kortat. Amcha chintpacha sobhar pallank, mullank ustitat.

Odduk disonk puro tor‌y ek songot matr amim negar kortamv pedrun jezuk negar kel'leporim, anim tem zaunasa amim krista thaun bhovo pois vochon vochon krismosachem achoronn kortamv. Amchim mot itli loukik zaleaki, osolem chintap chintchem soit ma-patok mhonn lekhche choddtavo soglle. Kiteak? notalancha festacho niz ghurt kosolo? achoronn? koxem?.

Devo put jezuk tannench roch‌l'lea somsarant oploch ek bonglo bandhun unchlea sosaitticha monxamporim IoU nt zolm' gheuyetone? amcho devo to, kiteak amkam amchem mott'tt (va ostitv) sokla demvounko got adhar nat‌l'leamporim gotteant zolmazoi as‌l'lem? kitem hacho ghurt? ek ghoddi niall kelo tor, dischem sot bhovo marmik;

jezu ayil'lo lhanvikayechi nixani ghevun, khalteponnachi nixani ghevun, got adhar nat‌l'leam pasot. Anim amim protogecha donnpeacher choddon kitem kortamv? amkam heranchi gorz somzomvchi mot vixevar asa (va melea), herancho husko motint dourunk amim kaim provadi nhoi.

Tor sanga, amim kristasovem hem fest kortamv va lusiferasovem? amim provadi nhoi, amkam sakrifis korunk naka, khursar choddonk naka, amkam amcho rattaulleo asat, amchem kuttam' asa, nirgotikank kumok korchem kam' somaz‌seukachem.

Borem - bhari borench.

Punn amim ek ghoddi chinteam zor‌tor tea nirgotikam poiki amchoch eklo bhavo, ya amchich ek bhoinn asti tor az amcha chintpak hi bhizuddai yetigi? amim provadi nhoi;

borem, punn amim eka disakhatir punnim monis tori zal'leamv tor? notalancha festadisa punnim amim eka nagddeak nesonk diunko sokleamv, eka nirgotikak punnim asro dixe korunk sokleamv, eka bekarik tor‌y kam' mellaxem korunk sokleamv, eka dukhestachim dukham pusunk sokleamv tor amkam kristak sodhun vechi gorz paddtina, bogar krist‌ch amkam sodhun yeto nhoi‌gi? anim oxem zor amim korunk pauleamv tor matr amim achoronn korcha festak khoro orth yeunko sokat nhoi‌gi? kiteak mhollyor sontos vanttlo tor doddto zata.

Anim notalancha festacho sondex hoch - sontos ekameka vanttun ghemvcho - khor‍ya kristi xegunnan.

Sorv daiz vachpeank hea notalancha festache ras ras ul'las pattoitam. Bhovo khalteponnim,

- Valley Quadros, Ajekar