Amim Kitle Vhodd?

ded5

Voros : 2004

Moino : Novembor

Hea somsarant vaddaull axenat‌l'lo konn'nch aschona mhonn hamv chintam. Zamv ti vaddaull kuddichi, otmeachi, zannvai-somzonnechi, xikpachi, duddvachi, namvachi ya her kosoli-i. Ti zauyet loukik vaddaull ya boutik vaddaull, zamv ti khonchai vorgachi, punn horyeklo monis oxeta opnnan vaddazoi mholl'llem.

Ek ghoddi hea chintpacher amim amchi nodor ghumvddaveangi? amcha somajecha ekekach vorgacher ek nodor ghaln, koxem hea horyeka vorgantlo koryek prokaracho monis vaddaull axeta mholl'llem? borem -

Poilem kam' korcha vorgak polleyam, zamv to kompenint kam' korum ya doftorant kam' korum. Tannem kam' korcho mull ud'dex pott bhorcho anim aplea kuttmak poscho tor‌y opnnak‌y voddlo zaizoi mholl'lli axa/voddnnim asta anim to hea khatir minot korta.

Filmachem notton korchank polleyam, horyeklo kolavid nhoi tor‌y ek kolakar kitem axeta? opnnan voddlo zaizoi, opnnan namv, doulot, gourou, sthan opnnaizai anim opnnan‌y supor‌sttar zaizoi, nirdexok zaizoi.. Oxem pura oxeta.

Anim hea vaddaullek axemvchem svabhavik. Dotor zaun kam' korcho zamv, ijner ya vokil zaun kam' korcho zamv, soglle hich vaddaull axetat. Punn aicha somsarant fokot namv vorcha iradean, opunn'nch voddlom mholl'llem somajecha lokam mukhar ruzu korn dhakhomvchak monis sorv thorancho khell khellta.

Prostut somajecha loukik chintnamni to buddon itlench chinta, koxem punnim korn opnnan namv haddizai, somajent opunnm-i ek protixtta ascho monis mholl'llem ruzu korizai mholl'llea chintnamni buddta. Bhari borem chintap - zor sogllo hech‌porim chintit tor amchi somaz, amcho gamv, amcho dex khonddit mukhar pauta tem khonddit.

Punn ek songot hangasor hantlo choddtavo lok visrota anim to zaunasa, hea namvacha dhamvnnent monis zaitepauttim vankddi vatt dhorta. Zaitepauttim herancha vatteuylo kantto zata. Hea rattaullemodhem meter zaun monis ople dhyey, ople vichar, oplem sot soit addovo ghalta.Anim hich dhamvnnim disan dis hea vorgacha monxank itli oblexi korta mhollear, tannim korchem sogllem sarkem mhonn te chintunk lagtat anim tancha vattemodhem ayil'leank te moddtat, chirtat, khatortat. Kiteak mhollear hamvmv voddlom mholl'llo ohombhavo tancha toklent tancha moticher pallam romboita.

Atam hench chintap amcha somajek, amcha bhomvtonnecha somsarak logti korunk pollelem tor az‌kal pausant udemvcha allmeamporim sonchalonam udetat. Anim namv nastananch moron‌y vetat. Az‌kalcha spordhatmok somsarant spordheacha monobhavamodhem xirkon bore monobhou chukon, urta fokot kochchatt. Fokot borim kamam korunk sonchalonam onivary mhonn na.

Sonchalonam nastana soit tim borim kamam koryeta. Tor‌y somaje mukhar hamv tacho hea sonchalonacho nirdexok, hea sonchalonacho sonchalok, hea sonchalonacho ghoddnnar, hea sonchalonacho odhyokx mhonnon toklecher xingam ghevun bhomvche monis hea somajek moddche tosole xivai zoddche bilkul nhoi. Amchi vaddaull koxi asazoi? oplea bhomvtonnicho lok kosolea chintpacho? amim borim mhonn vopun ghemvchim sotam kitlim borim? mholl'llem ovolokon korchi kitli goroz amkam? kitle bore vichar amkam amcho dhorm' xikoita.

Tor‌y kiteak sorv thorachem hogem, jid'd, mosor anim kusddemponn amcha xiram xiramni vallta? hem chintap konnachem? anim khoncha orthar chintamv amim voddle mhonn? hi amchi vaddaull? ken'nam amim herank nhoi amkanch him sovalam korunk soktamv anim hea sovalank zapi sodhunk preton kortamv tednamv amim vhoddle zaunko pautamv. Punn vaddaullek axemvcha horyeklean somzaje zal'lem sot zaunasa hem ’sorvanchaki voddlo zaunasa, zo sakrifis korunk zanna ascho’.

Anim sakrifisacho monobhavo nat‌l'lem sonchalon mhollear futtkor tarvacher poinn korcheporinch nhoi‌ve?

- Valley Quadros, Ajekar