Zolmadis - Porot Ek Novem Voros?

ded4

Voros : 2004

Moino : October

October moino mohatma gandicha zolmadisachem achoronn korcho moino, toxench amcha zolma disachoi uddas korun dimvcho mhonnyeta. Monis konn‌y zamv, zamv grest, ya dubllo. Zamv to achoronn korundi ya korinam-i ravondi.

Punn hor‍yekleank zolmacho dis ek mohotvachochch mhonnyet. Paxar zal'lea vorsa xik‌l'lim lisamvam fo಼uddlea vorsant oplea jinnyek logti korunk ek sondorbh matr nhoi aukas soit.

"jivit zaunasa vorsank (aukak) jivo bhorchem xivai jivak (aukak) vorsam bhorchim nhoi" [Life is not filling YEARS into LIFE, but filling LIFE into YEARS] mhonntat gineani. Khoinchak khoinchem bhorchem mholl'lli songot veglli, punn vorsam/vell novim novim svopnnam ghevun yetat anim paxar zavun vetana, aplea chintpacher besor ghalinastam ramvcho monis matr thoinche thoinch urta.

Aicha hea fo಼astt‌laifant (Fastlife) monxak disachim chovis voram-i unnim zatat anim opnnan sadhsunk ascha songteanchi pott'tti lamb zaun'nch veta tor‌y zo vekti vinchounnent (Priority) chukana to hea sor‍v songteank jeari korunk pauta.

Hor‍yekleak mellchem ek auk anim oplea jivitacha vatter ekameka cholon astana, somybik svarthache dore opapem ubhe zatat anim motint hem borem, hem vaitt mholl'llem pintur ek rup gheta anim apapinch aschem borem sorv apnnachem korchi nadd‌y paxar zainastam ravana.

Tor borem anim khottem ya vaitt mhollear kitem? sompea ritin ucharchem tor ’jem aplea motin opun ghemvchem, aplea motik sobhchem matr borem’ anim ’jem oplea motik othvem dischem tem vaitt’. Tor somsarant khoinchench ’borem’ anim ’vaitt’ mhonnon na? apaplea iradeam khatir, apaplea svarthakhatir monxan opaplea somzonneprokar kel'le he bhed zaunasat.

Daklo; soro jivak boro mhonntat thodde. Soro marekar mhonntat her thodde. Sot kitem-i asom, ek sot matr amim, pedrun jezuk negar kel'leporim negar kortamv, tem zaunasa aplea motin opun ghet‌l'lea tea bor‍ya/vaittacher ekoddi nodor marchi.

Jim sotam oplea motint asat tim kitlim sotam mholl'llo ekoddo nihall korunk amkam nakach naka. Haka amim amcha motik besor ghalunk ghemvchi olokxai karonn zauyet. Dekun'nch sompem totv amim mandun ghetamv; ’borem mhollear hamv anim mhojim’ anim ’vaitt mhollear pelim anim peleanchim’.

Monis zolma thaun mornaporeant jieta fo಼kot xikonk. Jinnyent ken'nam-i khoinchar porigotent‌y monxank xikonk astach. Hem ’apunn zannari’ mhonncha kitlexea bud'dujivink‌y loghu zata. Amcha jinnyent‌y zaitim vorsam paxar zalim anim oplea antorik bodlaunnek novem voros‌ch kiteak yezoi mholl'llem borem soval. Niz zaun hem vajbi soval‌ch mhonnyet.

Novem voros ek nib matr, hea novea vorsant opunn ek borem kam' kortam - mhoza motint aschem sogllem borem niz zaun borengi? anim vaitt mhonnon aschem sogllem vaitt‌gi mholl'llem somzonk preton kor‍tam. Zor‌tor hamv itlem korunk soktam tor hem sot sobhar sotank opapench ughoddta tem khonddit. Punn hem opunn kortolom fo಼aleam nhoi, az‌ch otanch! kedallagi khoingi oxem vach‌l'lo uddas "boll bholaiki nhoi, lamb auk nhoi, deva di mhaka sevecho spirit jinn‌bhor".

Zolmadis sodanch novench/borench haddum mhoza peleathoim. Mhoza peleacha ghoramni somodhanecho divo petton'nch asom, mhoza peleacha kallzant ul'las asom, tacha ghoramni konnim pidde-xiddent poddana zamv, koxtta-noxttan urana zamv.

Kedalla zor hem chintap hor‍yeklo chintunk sokat‌gi, toull‌ch apaplo zolmadis bhagi zaunko pautolo.

- Valley Quadros, Ajekar