Konnacho Avaz Vhoddlo? 

de3

Voros : 2004
Moino : September

’Voddlim sotam ken'nam-i sompim zaunasotat’ mholl'lli inglixant ek sangnnim asa (The greatest truths are simple). Hi sangnni sarke ritin voraun pollelear amcha jinnyek ek nhoi ek ritin loghu zatach.

Punn hokigotent ek sot mat amim vopun ghezoi anim tem khoinchengi mhollear amchi nodor choddaut zaun voddlea songteamvixim matr astana osleo promukh tor‌yo chil'lor songteo sobhar pauttim amcha gumanak yechch‌nant.

Ek mohrxin ranant ascha aplea guddsulant adheatmik xikap xikonk ayil'lea thoddeank ’ran mhollear kitem?’ mholl'llea vixeacher ek lekhon borvonk sanglem khoim.

Thoddea disam uprant ekekean ekeka ritin lekon boroun mohrxik dilem.

Eklean boroilem ranant jiemvcha krur monzatim vixeant, tancha gorzonneam vixeant, vag, bolpe, hosteo ani her monzateam vixeant.

Mohrxin dusrem lekhon vachlem tantum ranant ascha suknneam sauzam vixeant as‌l'lem. Ghugi, gid, mor, anim her suknnim.

Mohrxi vachun'nch gelo mukhlem lekhon, tantum eklean ranant jiemvcha jivdallim vixeant boryil'lem, permari, sorop, aggeo oxem thoraull jivdallim vixeant boryil'lem.

Vidhearthimni itli minot korun itlim opurbhayechim leknam toyar kel'lim tor‌yo mohrxicha tonddar sur‍yo udelochch na. To onyekleachem lekon vachunk laglo, tannem ranant ascha rukam zhoddamvixeant, vali kantteam vixeant boryil'lem.

Okhrek mohrxin niraxecho suskar soddlo. Burgeank ud'dexun sanglem

’Burgeamno, adheatmik zannvai zoddunk poilem ek bhitroli dixtt gorjechi, dekun tumim oniki preton kora anim tumchan sadhy nam tor uprant hamvnch tumkam sangtam’ mhonnalo.

Porot thodde dis paxar zale anim him vidhearthim porot thoddea disamni porot thoddim opurbhayechim lekhnam boroun mohrxik haddon dilagolim.

Mohrxin ekek‌cho vachlim, hor‍yek leknam adhle pauttim tannim boryil'lea leknanchaki borim as‌l'lim. Punn mohrxicha tonddachi amas ozun utor‌l'li na. Okhrek tannem vidhearthink sanglem;

"Bhurgeamno, dolleam mukhar aschem polleunk konnaichanm-i sadhy, punn tumim dolleam bhailem rup pollezai, ranant tumim konnench pollenat‌l'lem ek asa - tem ’moun’.

Tumim parkilam? anim hench moun tumim tumcha leknamni pintrayil'lea avazam avazachaki voddlean uloita"

Somsar itlo motlobi zalaki hangasor jiemvcha hor monxanchem chintap itlench, sogllem apnnachem korn ghezai, sogllean opnnan'nch asazoi, sorvamni apnnachem aikonk zai, soglleamni apunn! hea porigotent amim jieun geleamv tor tea vidhearthink anim amkam kaim tof಼aut asa? amim amcha antrik dolleamni dolleank add aschem pollemvchi gorz asa.

Punn tachaki adhim te amche antrik dolle soddchi bhovo gorz asa.

- Valley Quadros, Ajekar