Amim Svotontr 

de2

Voros : 2004
Moino : August

August-acho moino sobhar karannank lagon mohtvacho, hea sobhar karannam poiki promukh karann zaunasa amkam labh‌l'lem svatontr. Ojik sot'taun vorsadhim mhonnje ek hozar noixim sot'tachallis isvethaun, ozun por‍yant amim svotontr?.

Choddunnem saddepanch dakddeamni omim kitem xikleamv? amcho des khoincha dixen chomkon asa? ailevar ’inddia is xaining’ mholl'lle nare thoim hanga aikonk mell'lle. Te nare talle aschamni ghal'le anim kan aschamni aikale.

Punn hea sor‍vo vorsamni thoddeo songteo matr adhim thavun ozun por‍yant samany zaun'nch ur‍leo. Ek ’loz’ onyek ’bhuk’. Monis zoso somsar bodl'la toxem bodl'la, oplea mott'ttak sori zal'leporim nesta, pangurta, khata, pieta.

Irado man dampcho tor‌yi konn eklo sutt tor konn eklo kholsamv, irado cholcho tor‌yi konn eklo butt tor konn eklo ritea pamyancher. Irado pott bhorcho tor‌yi konn chikon monchuriyon tor konn mitt mirsang chidd'ddil'li pez.

Tor‌yi ozun somsarant vattam vattamni, mettam mettamni koso pettonasa toch uzo, fo಼arikoponnacho, dhvexacho, hogeacho, mosracho. Monis ekameka tirkutt korunk lagla, zaticha, katicha, dhor‍macha namvan. Xikap ek dondo zala, nit mholl'llo ek bazar‌so zala. Moipas, monxaponn mholl'lle fo಼kot sobd zaun sobd‌koxacha bukamni pigll'lleat.

Hea disam modhem porot porot heddamvchak yevun veta svotontracho dis. Heachch disa khoim bhaxnnam zatat, khoim raxttracho bautto ubhar zata, khoim fo಼ulam sokla poddtat, konn mostitat, konn chidd'dditat, konn gudd'ddaitat anim lokancha talliancha avaza borabor konn vantt'tat mittai.

Hea porigotecha xinkllent xirkon sado lok ozun moron tor‌yi jieta. Ritea kuddint, ritea bolsamni matr nhoi ritea pottan soit. Aplem falem nennasotam, oplea ballanchem falem nennasotam.

Hea kongal disamni zoritori hea bhaxnnancha bodlak, mittayam bodlak hea eka disa punnim hea nirgotinkam khatir jieunk soktit tor? hanchi bhuk aikotit tor? hanchi tan chounk soktit tor? zamvchemnagi hea svotontr disacho novo orth?

Aicha progtipor somsarant amim eka uddken chondrak pautamv, eka khinnan ek gamv hulpaxem korunk soktamv, eka ghoddyen dor‍yacha gorbhak ustunk soktamv. Kiteak mhollear amchi nodor amche mukhar asa, zoxem damvcha ghoddeacha dolleambhomvarim patto band‌l'leprim amcha allsayecho patto amim amcha jinnyent‌yi bandla.

Amcha bhomvarim amkam polleunk naka. Kitlem borem aschem zor amcha bhomvarim amim dekhonk sok‌l'leamv tor? amim eklim zaun, amcha isttam montrank gheun, amcha somajecha monxank gheun, amcha gamvchank gheun ek dis, ya ek ghoddi amim heram khatir jiel'leamv tor? amcha sonchalonadhvarim, amcha gorjeuntank eka disachem punnim pavonk sok‌l'leamv tor?

Boutik ya loukik somsarache nodren pollelem tor hantum, mhonnje gorjent aschank pavonk gelear, protifoll kosloch mellchona, khoimsor‌yo namv gajchenam, tosvir zamv vordi zamv chhapchina, man mellchona, dhon dir‍vem mellchaki hogddaizoi poddtelem.

Tor‌yi monxaponnachim khorim molam heach kor‍nemni attapon asat nhoi‌gi? toxem astam hea vorsa, hamv, amim, amchem sonchalon, fo಼kot ek ud'dex oplea ghottnaullek melloita anim to zaunasa ’omchachch gorjeuntank ek disa punnim pamvcho’

Punn lakh rupeachem soval matr odhurench zaun urta ’majrak ghantt bandhta konn?’

- Valley Quadros, Ajekar