Kallzak Khaltiman Ghalchi Mot

Kallzak Khaltiman Ghalchi Mot

Zoxi ujeachi ek kaddi koxem randonn zhollounko sokta tech‌porim ekleachem ghor bhosmunk‌yi pauta. Toxem mhonnon ujeachi kaddi bori va vaitt mhonnonk zaina. Zo monis khonchea iradean tacho vapar korta tacher lobdon asta. Atancho kall A.I.-Cho kall. Choddunnem ujeachea kaddiek sori koruyeta. Zoxem A.I.Cho boro vapar kelo tor, borench protifoll zoddunk sadhy zata. Toxench khotto vapar kelo tor marekar protifoll labhta. Punn hangasor kovi hea A.I. Sovem mot ani kalliz hea donanchem mohotv kitlem mholl'llem bhovo opurbhayen chitrit kel'lem dison yeta. Oplea motichea budhvontkacher uddkannam ghalcheadhim ’kalliz’ natlelea hea tantrik kott‌putllechem tondd dhampounko sokta ani eka kovitechi sokot kitli asonk sadhy mholl'lli opurbhayen govai dita.

AI

Mhalgodde amche, bhoron as‌l'le 
zaitea denneamni!
nipunn te sorv kamamni 
mestri, kolakar, sutari
sahity, songit, vigoneani
anik‌yi vaur kelo zaitea xetamni 
ani
tanchye pillgek hatantor kelo 
xembhor vantteamni

Az tanchem sogllem kam' kor‍ta e‌oi (AI)!
amkam kitem zai tem
sogllem dita khoim!
eklench kor‍ta, ekach khinnan
kamam zaitim!

Somsarantlo lok sogllo
tacheach mogar poddla khoim
tachevixim durson boroilear punni,
amcheach angar uddtat 
az‌kal vattsop grupamni!

Chitr‌karalagim vichar‍lear 
tanchi lodin;
’az amchim pinturam 
eki monis  pollena!
lokak kednam-i amsor.
Vell na!
dekun sogllim takach bhul'leant
tachoch pattlavo kortat!

Sutari mhonnalo, 
hamvem don disamni kor‍chi ti kola
tem ekach minuttan sompoita!’
songit‌kar dursalo, 
’vorsam zai poddlim mhaka
vhazontram ani podam xikunk!’

Grafik ddisainor purpurlo,
’vividh ddisainam xikunk
ani tokli vhapar‍n soddounko
paxar keli ordhi jinni 
zhoron geli prai !’

Niz kovi thodde bhettle mhaka
ani tannim sor‍sori yettlem taka
"sogllem voros chintun boromvcho vixoi 
ekech ghoddie haddn  dita tem eklem e‌oi!"
mukkal jinni ubhon geli! 
progottle buk koxttamni
ek - don..
Bols khali!"

Urbha choddli mhakai 
ugtem kelem mobailar e‌oi
"sang mhaka vegim sang.
Motint mhojea kitem asa tem!"
tachi zap:
"hamv e‌oi
monis nhoi 
koxem sangum tujye moti bhitor‍lem bai!’?
tor‌yi kortam preton
tum moti bhitor chintun asai oxem..
"kitlo budvont ho e‌oi!
mhozo ondaz sarkogi?"
"na. Khonddit nhoi"
oxem tin chear dileo zapi
akrek solvon mhonnalem
tunch sang.
Hamvem sanglem...
Mhoji mot oxi chintun asa:
"e‌oi kosoli zap dit mhaka?"
e‌oi y hasta ani mhonnta..
"hohoho yu pul‌dd mi komplittli!
yu vin, oi sorenddor‌!"

Uprant hamvem mesez keli.
Konnak?
mhojea mam-i babak!
tim chikke pois asat 
vicharlem tench soval 
tannim sarki zap dil'li vachun
zalim hamv kongal!
akrek tannim zovab dili
’Kalliz nastam koxem sangtolem tujem e‌oi?’

(September 2026)