ಕವಿತಾकविताPoem
ಖಂಯ್ ಗೆಲೆಂ ಪೊಲ್ಲಕ್ಕ
[ತರ್ಜಣ್ ಕವಿತಾ]
ಖಂಯ್ ಗೆಲೆಂ ಪೊಲ್ಲಕ್ಕ
ಖಂಯ್ ಗೆಲೆಂ ಪೊಲ್ಲಕ್ಕ,
ಮ್ಹಜಿ ಧುವ್...
ಮಾಸ್ಳಿ (ನುಸ್ತೆಂ) ಹಾಡ್ತಾಂ ಮ್ಹಣ್ ಗೆಲೆಲೆಂ...
ವೆಗಿಂಚ್ ಯೆತಲಿಂ ಮ್ಹಣ್ಲೆಲೆಂ...
ವೇಳ್ ಕಾಳೊಕ್ ಜಾಲಾ,
ಅಕೆರಿಚೆಂ ಬಸ್ ಸಯ್ತ್
ಯೆವ್ನ್ ವಚೊನ್ ಜಾಲೆಂ...!
ಕಿತೆಂ ಪಳೆವ್ನ್ ರಾವ್ಲಾಂ ಕಾಯ್...
ಸಾಂತೆಂತ್ ಲ್ಯಾಂಟಾನಾಚೊ ಉಜ್ವಾಡ್
ಪರ್ಜಳಿತ್ ರಂಗಾಚೊ ಘಾಗ್ರೊ
ಪೆಂಟೆಚ್ಯಾಂನಿ ನ್ಹೆಸ್ಚಿಂ
ಚಪ್ಪಲಾಂ
ನವ್ಯಾ ನಮುನ್ಯಾಚಿಂ ಕಾಂಕ್ಣಾಂ
ತಾಚಿ ಆಶಾ... ಹಾತಿಂ ಆಸಾತ್ ಪಾವ್ಲ್ಯೊ ಮಾತ್ರ್...!!
ಬೊಂಬ್ಯಾಂಚ್ಯಾ ಖೆಳಾಕ್ ಪಿಶೆಂ ಜಾಂವ್ಚೆಂ
ನವ್ಯಾಂಕ್ ಪಳೆತಚ್
ಕಾವ್ಜೆಂವ್ಚೆಂ
ಮಾಸ್ಳೆಚೆಂ ಪೊತೆಂ ಘತ್ಲೆಲೆಂ
ಖಂಯ್ ಗೆಲೆಂ ಪೊಲ್ಲಕ್ಕ,
ಮ್ಹಜಿ ಧುವ್
ವೆಗಿಂಚ್ ಯೆತಲಿಂ ಮ್ಹಣ್ಲೆಲೆಂ...
ಪಟೆಲಾಚ್ಯಾ ಪುತಾಚ್ಯಾ ಕಾರಾರ್ ಯೆಂವ್ಚಿಂ ನಾ ಮ್ಹಳ್ಳೆಲೆಂ
ತರ್‌ಯೀ ಗಳೊ
ಗೊಮ್ಟಿ ದೊಳ್ಯಾಂನಿ ಪಳೆಲ್ಲೆಂ
ಪೆಂಟರ್ ಪೆದ್ದುಚ್ಯಾ ಆಶೆಚ್ಯಾ ದೊಳ್ಯಾಂಕ್
ನೆಗಾರ್ಲೆಲೆಂ...
ಘರಾಂತ್ ದೋನ್ ಘಡಿಯೊ ಸಂಪೊನ್ ಸಯ್ತ್ ಗೆಲ್ಯೊ!?
ಖಂಯ್ ಗೆಲೆಂ ಪೊಲ್ಲಕ್ಕ...??!
ಮೂಳ್ (ತುಳು): ಮುದ್ದು ಮೂಡುಬೆಳ್ಳೆ
ಕೊಂಕಣಿಕ್: ವಲ್ಲಿ ಕ್ವಾಡ್ರಸ್
© 2026 ಮುದ್ದು ಮೂಡುಬೆಳ್ಳೆ · ಆಶಾವಾದಿ ಪ್ರಕಾಶನ್ ಸರ್ವ್ ಹಕ್ಕಾಂ ರಾಕೊನ್ ದವರ್ಲ್ಯಾಂತ್.
More in Ashawadi
ಕವಿತಾकविताPoem Sep 2026
ಪ್ರತಿಕಾರಾಚಿಂ ಮುಳಾಂ
ಕವಿತಾकविताPoem Sep 2026
AI
ಕವಿತಾकविताPoem Sep 2026
ಭಾಂಗಾರಾಚೊ ಪಿಂಜ್ರೊ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.