ಕವಿತಾकविताPoem

त्या पयसुल्ल्या गांवांत

[कविता]

त्या पयसुल्ल्या गांवांत

सुर्वेक ताणीं शाळेचो लासून केलो गोबोरपुसतकांची पेटयली होळीआनी नाचले जावन बेभान तांकां मुखार दिसताले फकतडोळे धांपून पूजपाचे निर्जीव फातरजांचेर कोरांतिल्लें‘सा विद्या या विमुक्तये’ताणीं लासलीं घरां दारांआनी गोर्वांचे गोठे लेगीततांकां शुद्ध जावंचे आसलेपंचगव्याच्या पवित्र घोंटान.

ताणीं काडले कापूनदयेची भीक मागपी जाणट्या नेणट्या सगळ्यांकनिरपराध भूर्ग्यां बाळांसयत.तांच्या तोंडांत आशिल्ल्यो घोश्णासमेसतांक न्याय दिवपी राम‌राज्याच्योताणीं पिंजून काडलीं वसत्रांतर्ण्या आनी म्हातार‍या कुडींवयल्यानआनी भागयल्यो आपल्यो पुरुशार्थाच्यो वासना.तांचे तकलेंत तेन्ना वाजताली बास्रीद्रौपदीची लज राखपी राखण्याची.

आमी पळयताले, वाचतालेतांच्या विकृत पराक्रमाच्यो व्हडवीकायोमातशे खंती जाताले,चार दीस ताचेर भासाभास कर्तालेआनी परत दिसपट्ट्या वावरांत घुस्पतालेपूण आमचे मदलेच कांय जाणमनांतल्या मनांत खोशी जातालेतांचे हड्डे अभिमानान भरून येताले’पळय कशी बुद्द शिकयली दुस्मानांक’अशें फुत्फुतत एकामेकांक परबीं दिताले.

आयज आमच्याय गांवचे ‘ते’निरढावल्यात दरबारी आशीर्वादानतांचेय हात फुर्फुरुंक लागल्यातआमच्याय गांवची शाळा लासूनएक वेगळी सुर्वात करूंक.

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

शैलेंद्र मेहता

जल्म: पणजी
मुळावे शिक्षण वागळे हायस्कूल मंगेशी, ताचे उपरान्त सरकारी उच्च माध्यमिक विद्यालय आनी धेम्पे कॉलेज, पणजी. उपरांत मुंबय विद्यापीठाची तत्वगिन्यान विशयांतआनी गोवा विद्यापीठाची राज्यशास्त्र आनी लॅटिन अमेरिकन स्टडीज विशयांनी पदव्युत्तर पदवी. 1980 च्या दसकांत विद्यार्थी, कामगार आनी कोंकणी चळवळीनी सक्रिय.
कोंकणी, मराठी, इंग्लेझ भाशांतल्यान कविता, लेख, नाट्यपरिक्षण, निबंद, सोद निबंद, मुलाखती तशेंच स्थापत्यशास्त्र, डीझायन, हस्तकला, समाजशास्त्र, राज्यशास्त्र अश्या विंगडविंगड विशयांवेली बरपावळ थळाव्या, राश्ट्रीय आनी आंतरराश्ट्रीय नेमाळ्यानी सातत्यान उजवाडाक येत आसा.
गोवा विद्यापीठाच्या कोंकणी विश्वकोश प्रकल्पांत संशोधन सहायक: 3 वर्सां
गोवन विकलिचो संपादक: 1 वर्स
गोमंतक टायम्स नेमाळ्यांत पत्रकार: 5 वर्सां
फादरआग्नेल कॉलेज, पिलार हांगा राज्यशास्त्र विशयाचो व्याख्याता: 6 वर्सां
गेलीं 26 वर्सां चडसो मुंबय राबितो.
'इंडेक्स फर्निचर जर्नल ' ह्या आंतरराश्ट्रीय नेमाळ्याचें 20 वर्सां संपादन,
'माय मँटर'(3 वर्सां) ह्या इंग्लेझ आनी 'संग्राम' (7 वर्सां) ह्या मराठी नेमाळ्याचें संपादन
गोमंतक टीव्ही ह्या चॅनलाचो माजी सल्लागार संपादक: देड वर्स
पयणारी पोर्टल, सहसंपाद्क: 2020 सावन
संपादक: वर्णमुद्रा, कोंकणी साहित्यिक तीन म्हयन्याळें 2024 सावन

उजवाडयल्लें साहित्य:
1. सिसिफस तेंगशेर: कोंकणी कवितासंग्रह
2. मुक्त चिंतन: निबंद संग्रह (कोंकणी)
3. अभिजात: संवसारीक साहित्याचेर मराठी निबंध संग्रह.
4. विजनवासांतलो भोवंडेकर: कोंकणी कवितासंग्रह
5. शीमेपलतडचें दायज: कथासंग्रह (१६ संवसारीक कथांचो कोंकणींत अणकार)
6. मुक्त मंथन: निबंद संग्रह (कोंकणी)
7. मुंबयचो वेपारी: के जी मल्ल्या हांचे कादंबरीचो कोंकणी अणकार
8. आल्गोरिदमाच्या विश्वांत: कविता संग्रह (कोंकणी)
9. प्लेग: आल्बेर काम्युचे फ्रेंच कादंबरीचो कोंकणी अणकार
10. गोव्यातील परशुराम कथा व ब्राह्मणी इतिहासलेखन: मराठी

फुडें येवपी प्रकाशनां:
1. अक्षर: निबंद संग्रह (पुर्विल्ल्या ते मध्ययुगामेरेनच्या नामनेच्या साहित्य रचणूकांची मोलावणी) (मराठी)
2. अस्वस्थ वर्तमान: कविता संग्रह (मराठी)
3. परदेसांतलीं फुलां: 60 संवसारीक कवींचेर टिपणां आणि तांच्या कवितांचे अणकार (कोंकणी)
4. कथा परिक्रमा: वीस संवसारीक कथांचो मराठी अणकार
5. असमानतेआड बंड: पेरियार (कोंकणी)
6. सौंदर्यशास्त्र आनी कोंकणी साहित्य
7. काळखांतलें रंग आनी हेर कथा: कोंकणी कथासंग्रह
8. Against the Silence: Poetry collection in English
9. Mocking the Mundane: Collection of Essays in English
10. The Parashuram Myth and Brahminical Historiography in Goa (English)
11. अल्पाक्षर: कथनां आनी कवनां (कोंकणी)
12. आर्विल्ल्या विचारविश्वांतले बंडखोर: 10 चिचारवंत आनी तांचे विचार (कोंकणी)
13. सृजनसंवसाराचो हारसो: संवसारीक साहित्याचेर निबंद (कोंकणी)

लिप्यांतरण जाल्लीं पुस्तकां
1. सिसिफस तेंगशेर: कोंकणी कवितासंग्रह (कन्नड)
2. निर्वासित यात्रीची भोवंडी (कन्नड)

इ बुक्स
सिसिफस तेंगशेर: कोंकणी कवितासंग्रह

• १०० परस चड विंगड विंगड अंतरराश्ट्रीय आनी भारतीय भाशांतल्या कवितांचो कोंकणींत अणकार.
• पयणारी अंकाच्या कवी हक्क आनी मान, म्हयन्याचो कवी भौमान मेळिल्ल्या कवितांचेर परीक्षणां

पुरस्कार:

सिसिफस तेंगशेर (कविता संग्रह):
• कोंकणी अकादेमीचो राज्य पुरस्कार (2018)
• कोंकणी भाशा मंडळाचो रॉक बार्रेटो पुरस्कार (२018)
• विश्व कोंकणी केंद्रांचो विमला पै पुरस्कार (2021)
मुक्त चिंतन (निबंध संग्रह):
• कोंकणी अकादेमीचो राज्य पुरस्कार (2024)
मुबंयचो वेपारी (अणकार):
• कोंकणी भाशा मंडळाचो पुरस्कार (2024)
निर्वासित यात्रीची भोवंडी
• आशावादी प्रकाशनाचो स. डेनिस डिकुन्हा कन्नड लिप्यांतरण पुरस्कार (2025)

All 10 pages by this writer