आज्मानांत कोंकणी कविगोषटी. रोबर्ट उद्यावर म्हयन्याचो कवी
ओकटोबर २१: ह्याच ओकटोबर एकवीस तारिकेर ’कविता’ तर्फेन आज्मानांत कोंकणी कविगोषटी बोव यशस्वेन चल्ली. कवी मेलवीन रोड्रिगसान चलवन वेल्ल्या हे कविगोषटिंत रोबर्ट उद्यावर म्हयन्याचो कवी जावन विंचून आयलो. कुवैट थावन कवी वल्ली क्वाड्रस ह्या संदर्भीं हाजर आसल्लो.
’कविता’ ट्रसटान येदोळच्या संपरदाया भायर वचोन पयले पावटीं दुबाय शेरा भायर आज्मानांत कवी आर्थर पिरेराच्या घरा चलवन वेल्ली कविगोषटी हाजर आसल्ल्यांचीं काळजां मनां दाधोस करुंक पावली. येवकाराचीं उत्रां उलयिल्ल्या मेलवीन रोड्रिगसान "आधुनिकरण तशें कंप्यूटरीकरणाच्या आयच्या काळार संसाराच्या खंयच्याय कोनशाचो संपर्क करुंक आज सलीस जालां. ह्यावरवीं दुडू आनी वेळ ऊरता खरो. पूण कुटमाजिवीत आनी सामाजीक जिवीत मनशान होगडावन घेतलां. मनीस बोव एक्सुरो जाला. ताणे उलंवचें बंध केलां. इतलें बंध केलांकी ताका भासच नाका जाल्या या ना जाल्या" अशें सांगलें.
मुकारसून उलयिल्ल्या ताणे "असलो मनीस केदळा भस्मोन वचत सांगोंक साध्य ना. मतिचे मोडके भितर ताणे फिछार केल्लीं वेदनां भायर सोडुंक कविता एक उत्तीम साधन. असल्यांक कविता, वोकत कशें काम करुंक सक्ता" अशें ताणे पोयेट्री थेरपी विज्ञानाविशीं वेवेगळीं उदारणां दीवन सांगलें.
उपरांत चलल्ली कविगोषटी ताणेंच चलवन वेली. आर्थर पिरेरान आपलेच आवयविशीं कविता वाचून, थंयसर हाजर आसल्ले आपणाचे आवयक सरवाहुज्रीं मान दिलो. उपरांत दिनेश कोरेया, रेम्सी फेर्नांडीस, वायलेट पिरेरा, दिनेश कोरेया, आंडऱ्यू एल. डी’कुन्हा, स्टेनरो आजेकार, आंतोन मेंडोन्सा, रोबर्ट उद्यावर, सुनील कोट, अशोक डायस, वल्ली क्वाड्रस, हेमाचाऱ्य तशें मेलवीन रोड्रिगसान कविता वाचल्यो.
म्हयन्याचो कवी जावन विंचून आयिल्ल्या रोबर्ट उद्यावराक, श्रीमती सेलीन पिरेरान इनाम दिलें. आंडऱ्यू डी’कुन्हान विंचवणेची विधी चलवन वेली.
सूरवेर कवी वल्ली क्वाड्रसान आयलेवार मोकळीक जाल्ल्या आशावादी प्रकाशनाच्या पुसतकाची प्रती ’मोतियां आनी तारां’ दुबायच्या कविंक - दिनेश कोरेया, रोबर्ट उद्यावर आनी आर्थर पिरेरा - हांकां वांटली.
ह्याच संदर्भार कर्नाटक राज्योत्सव संदर्भार ’होरनाडू कन्नडिगांक’ आसच्या प्रशसतें पयकी साहित्याखातीर (कन्नड तशें कोंकणी) आसची प्रशसती जोडुंक वेच्या आर्थर पिरेराक सरवांनी उल्लास पाटयले.
- कविता भात्मी
