Dhamv.. Dhamv...

Dhamv... Dhamv...

Nandini (Stella Dcosta)

To dhamvlo .. ... Dhamvt raulo. Ghor‍chim raticha jeunnar astana to angar ghal'lea mustaikecher‌cho ghor soddon dhamvlo. Dhamvlear ghora thaun roil‌ve sttexnak pondram minuttam. Khoinchem roil zai? tem soval‌cho na. Khoinchey zata. Ghora thaun pois paulear puro. To pondra minuttanche dhamvnnen roil‌ve sttexnak paulo. Tannem chint l'lebrich roil toyar as‌l'lem. Zonn amsor kor‍ta tem polloitana roil at'tam sutt'taxem dista. To lokacha payam modhlean mholl'llebori vochon roilar choddlo. Hem taka onbhogachem. Hem tannem choutem pautti ghor soddon dhamvchem. Kiteak? kiteak mhollear ghorant konni borem monis nas‌l'lem. Sokkodd tachem tondd polloilea tokxonn kitem na kitem mhonnchinch. Morondi mam'mi punni bori asti, ti mhoji mam'mi noye? tinnem-i kiteak ur‌l'leam borich ulomvchem? iskolak voch‌re, xik‌re, xik‌re, xik‌re. Foil zalear pas za, pas zalear mar‍ko unnem, mar‍ko chodd kaddlear xemborank panch kiteak unne re? xemborant xembor kaddije. Thu, hankam bari mar‍ko mhell'lleat iskolant!

ek hat taka kuxik lottilagolo. To tikexe ser‍von boslo. Vadd‌l'lea monxachem masachem vojem tacha kuddik borem laglem na. To utton sokoil boslo. Masall monis khux pavon suxegat bosli. Eklen lamb zoit nondor‌kai kellem kaddon cher‍keak dilem. Tannem tem ghetlem.

Hem ek boreponn tache thoim kedallai ghoddtalem. Konn na konn taka khaunk ditalem. Pap cher‍keache poixe bhair poddleat oxem chintun thoddim poixe ditalim. Ttikett topasonnar yetana kosoi nopyinch zatalo. Poile pautti dhamvtana eka zanttean tachi ttikett kadd‌l'li ani taka koxttantolo vanchyil'lo.

Roilar taka konnachi-i chodd vollok naka. Vollok zal'lich monis iskolant porikxecha vellar dimvchem zoit sovalam potr‌cho zata. Khoim? kitem? konn? kiteak? koxem? khoinche? konnak? konnachem? iteadi ‘ko’sovalam suru zatat ani tea sovalank zapi ditana taka iskolant ttichri mukar ravo‌l'lebri zata. Angar hozar kottar‍leo, nokkur ani pali ott'ttuk chor‌l'lebri zata.

To monxank zata titlo chukoita. Tori him monxam protyek zaun him vhodd zal'lim monxam konn na konn tacha pattik poddtat. Hanka he pautti chukoije, khonddit chukoije na torpor‍tun konn tori maka dhor‍telem ani pattim ghora paitelem. Temyi polisam mukantr - polis mhonntana taka ek thor xem zata. Eka polisan goroz mar‍no vichar‌l'lem,

“ghora thaun dhamvtai kiteak re?"’tannem sot't sang‌l'lem. “ghora maka iskolak dhaddtat. Maka iskol naka" tem aikon to has‌l'lo bhum-i‌kamp zal'lebori. Hakayi iskolak vochonk borem zainas‌l'lem astelem, cher‍kean chint‌l'lem. Dolleam mukar as‌l'lo polis tacha motik lhan bhur‍go zaun iskol soddon ghor soddon dhamvchem pintur ailem ani toyi vhoddlean haslo. Itlear polisan mhollem, “dhamp‌re tondd! iskolak geloi bochavo zaloi. Na tor olle vo tea rukak tokli sokoil kor‍no umkallaitam tuka!’’
he pautti polisancha hatak poddanaye. Rukak umkallaitat tor konn umkallotolo rat dis?"roil

raulem. Sttexon khoinchem? to nennam, taka tachi gor‍zo na. To muklea kompar‍tto menttak riglo. Thoim zonnam unnim as‌l'lim. Hangasor boschem borem tannem chintlem. To boslo. Tea kompar‍tto‌menttant dog‌cho as‌l'le. Eklo pikea kesancho sittir lambayek nid‌l'lo. Dusro kallea kesancho. Nitt boson datt buk vachtalo. Taka cher‍ko yeun bos‌l'lo kollit‌cho zalem na. Roil suttlem. .. .. ..

Cher‍ko tea bukok polloilagolo. Taka buk zai. Vachije oxem bhogtalem. Punn iskolache buk nhoi, ho kallea kesancho vachta polle to buk vachije. Taka tacha iskolacha begacho uddas zalo. Tannem tem sttor rumacha mallear uddoilam. Morondit thoim! undir khamvdit! valloi lagondi!! te buk tea ttichrin sang‌l'lebri vachije, tinnem sangchebori or‍to kor‍no kanngheje , magir tonddpatt kor‍no porikxek polloinasotana tea ttichrik zai zal'lebori boryije. “veakk!!" tannem vonkare kaddle.

“ah! kitem zata tuka? khoim thaun yetai?" kallea kesancho ko sovalam vicharunk laglo. Cher‍ko tea monxak pollvonk poddlo. To taka boro laglo. Kitem tondd!? ek thor por‍zollta mhonnchebori bhoglem cher‍keak. Taka tacha onbhogan sovalank zovabi tokxonn dinaye mhonn xikyil'lem. Tannem taka ek osombd'd zap dili.

“kaim na"

“mam'mi khoim asa?"

“nam"

“ghor khoim?"

“nam"

itlear tea monxan hatantolo buk sokoil dour‍lo. Cher‍kean tacha angacha nitoll mustaikek polloilem. Tacha xor‍ttacha bolsar lhan khuris tholl tholltalo. “jezu maka pavo." oxem cheron motint‌cho magon hat mukar kor‍no tannem tea khur‍sacho umo ghetlo.

To monis khus paulo. Kristamv bhur‍go, onath astolo, chintlem tannem. “tum mhoje sangata yetai?" tannem bhur‍geak vichar‍lem.

“khoim?"

“igor‍jek. Hamv thomyinch rautam."

“oh! zait!" cher‍ko sontosan oplo. ‘deva mhoza , igor‍zo vhodd nhoi, iskolak vhor‍nam zalear puro.’ tannem chintlem.

“ye hanga bos. Polle, hamv padreab. Tuka kitem korunk zai? tuza soireanger vhor‍no pai‌je tor paitam ghor khoim sang".

Cher‍ko kaujennen mhonnalo, “naka, naka"’

“tor tum kitem kor‍tai?"

“kam' kor‍tam"

“kam' kor‍tai? iskolak vochanas‌l'loi? kitem kam' kor‍tai tum?"

“kitem-i kor‍tam." cher‍kean zap dili. Padreab akach polloun boslo. Cher‍kean il'lo vell taka dixott pattim melloili, magir bhair kallokak polloi laglo.

Dusrea fantear gaddi sttexnant rautana cher‍ko padreaba pattlean apnnak uklunk tankchem beg kanngheono demvlo. Rikxa dhor‍no dogi igor‍jek paule.

Bottler barich kutuholan cher‍keak pollvonk poddlo. Padrean taka mottvean khobor kolloili. Ani sanglem, “taka namvchi veusota kor ani uprant follar di."

cher‍ko nhaun follar kor‍no bottleracha pattlean muklean ghumvon tannem sang‌l'lem kam' korilagolo. ‘osoch randpa kuddant ravo‌l'lo tor borem as‌l'lem." chintlem bottleran. Punn toxem zalem na.

Ikra vorar‌xem padreab cher‍keak vhor‍no kuxicha koventak gelo. “ roni, hangasor thoddim bhur‍gim asat. Tanche songim ravo. Sisttor tuka il'lexem kam' diteli. Kor. Zunant dusri veusota kor‍tam."

padreab ani sisttor kitem uloilim taka kollit zalem na. “hanga ravo roni mhoje kodde ulvonk zai zalear igor‍jek ye, melltam" mhonnon padreab gelo.

Sisttorin taka “ye ba" mhonn apoun velem. Bor‍ddingant ravo, atam bhur‍gim pura ghora geleant. Roza nhoi‌ve? ghor nas‌l'lim char panch zonnam asat. Tancha sangata ravo. Sisttor on'namaria tuka mustaiki dakoiteli. Tuka som' zamvchi vinch."

ronicho iskol nas‌l'lo novo odhyai odhyai suru zalo. Mis magnnem, voresamv, jeunn nid iteadi zaun ur‌l'lea vellant kitem na kitem kam' bhur‍geancha hatak poddtalem. Roni bari sontosan him kamam kor‍talo. Hatak mell‌l'lea khali kagdancher taka borem lagchem gichchitalo. Pinturam soddoitalo. Bor‍ddigant podd‌l'le iskolache por‍ne buk aturayen vachtalo. Konnache roglle nastana apnnak zai tea ritin zai tem somzon ghetalo.

Thoddeach disamni cher‍ko osadharonn budhvont‌kayecho mholl'llem sot sisttorik ani sisttori thaun padreabak koll'llem. Padreab cher‍keak apoun gozalink bostalo. To ek svotontr jivi. Apnnak zai toxem jieunk axemvcho. Apnnak zai zal'learitin apnnak zai zal'lench kor‍cho. Haka nazukayen tidvinam tor hachi budhvont kai vankdde vattek ghumvonki puro. Osleank padreab vollkatalo punn haka tidvunche koxem? ho kaim lhan marak tidvonnim kannghemvocho nhoi. Haka oxem tidvije ki apnnak konn tori tidvita tem haka kollanch zaye. Hem koxem kor‍chem? padreabak hem ek soval zalem.

Roni choutent xiktalo ani tachi ttichor taka tidvun'nch astali. Tinnem ek pautti chiz mhollear tup mhonn sang‌l'lem. Ronin ‘gi’ mhollear kitem mhonn ttichrik vichar‌l'lem. Gi ani chiz mhollear ek‌cho mhonn tinnem sang‌l'lem. Padreaban taka chiz mhollear kitem tem vivr‍sun sanglem. Roni mhonnalo, “vhoi, hamve chiz khelam ani tup randcha kuddant polloilam" hangasor padreabak to tup ani chiz vapor‍cha ghora thaun aila mholl'llem koll'llem. “aha puta, tum ek dis khonddit maka tuza bapoichem namv ani villas sangtai. To motint‌cho sontos paulo.

Bor‍ddingacha bhur‍geam thaun dusroch mholl'llebori as‌l'lo roni. Bhur‍geam sangata bhur‍go zaun astalo tori to dusroch. Sokddam sangata mellon kam' kor‍talo tori tachem kam' vingodd‌cho ritin utton distalem. “konn puta tuza mam'mi?" sisttor on'n marian ek pautti vichar‍lem.

“mam'mi! konn mam'mi?" cher‍keacho charoch bodl'lo. Tondd ekachchhannem soir bhoir toxem disalagolem. Sisttor bhieli. “mam'mi nangi puta? vhodd nhoi amim asa bhienaka." mhonnali tachi patt thapddun.

Mam'micho uddas ronik yetalo. Tinnem vadd‌l'lem jevinasotana, tachem pott toll molltalem. Punn tacha mam'mik tachaki chodd tacha iskolacho ani tannem kaddcha mar‍ksancho chodd mog mhonn taka khonddit bhogtalem. Ani ronik tacha mam'micha mogachaki tacha iskolacho chodd kor‍no tacha ttichrancho kanttallo kuddi otmeant bhor‌l'lo. Hea foinol porikxecha vellar iskol soddon mam'mi kitem dusrem uloilea? ghor‌yi iskol‌cho kel'lem nhoi tinnem? maka khellonki soddunk na. Mam'mi thoinch asondi. Tika sogllo dis buk kanngheono boschem mhojem bhoinn lolitta asa nhoi?

hea sisttorank kiteak mhoza mam'michi khont? hannim sang‌l'lem kam' sang‌l'lea chaki il'lem chodd‌cho kor‍tam nhoi? chhe! hanchekodde ani chodd'dd uloi naye.

Roni atam barich chotrayen mholl'lleabori sisttorankodde ani padreabakodde uloitalo. Sot sangaje tor ulomvchench unnem kel'lem mhonnyet. Sisttorank hem kaim somzalem na. Pap cher‍keak problem' mhonn tannim svotaHk sangon kannghelem ani padreabaki tich khobor dili. “cher‍ko pap auy bapoi nas‌l'lem vor‍vim ek thor asa. Taka zata titlo kamamnim lagoije.. Dusrea bhur‍geam sangata tannem chodd ani chodd mellon asaje, kitlo mholleari problem' choilodd polle!"

ho problem' choilodd aplesthokim barich sontosan astalo. Sisttoram, padreab ani itor vhoddam lagim astana tachi jib suddall halanas‌l'li. Kosleagi sovalak kosligi zap ditalo. Tacho ghutt to matr zannam as‌l'lo. Tacho zapi aikal'lim matr to patt kor‍no gel'lea tokxonn tachi bir‍mot pautalim.

Oxe mohine don paxar zale. Vixex ghoddit kitem ghoddlem na. Meyacha akerik bhur‍gim bor‍ddingak pattim yeunk laglim. Pon'nas - satt bhur‍gheam modhem roniyi eklo zalo.

Hea modhem taka motik korkore dimvchi ek gozal ghoddli. Ti kosligi mhollear padreaban taka iskolak apoun vhor‍no dakhol kel'li. “fador, fador maka isol naka fador, hamv kam' kor‍tam. Buk zai zalear vachtam, borvonk zai zalear boroitam. Punn iskol naka fador!" to roddon'nch mhonnalo. Padreaban taka mogan lagim voddlo tacha tokler hat dour‍lo. Mogan tachi patt puxit mhollem,“polle puta, xikop gor‍jechem. Kitlixim bhur‍gim iskolak vochonk axetat tori tankam tem bhag na. Tuka devan xikop favo kelam.

Xik, ek monis za. Hache vor‍vim tukach nhoi, tum jiemvchea somajek yi boreponn labhta.

“fador iskolak vochanasotana mhoje itleak‌cho xiktam... .. .. Fador fador iskol naka fador zai zal'lebori bukank gitt ghalunki soddinant fador. .. .. .. Fador hamv mhoje itleak‌cho xiktam......." roni roddlo.

Pap cher‍ko! bhexttoch bhieta. Padreab boslo. Tannem ronichi tokli aplea hor‍dheak dambun dhor‍li ani mhollem; “roni maka tum mhollear bari mog. Tumve iskolak vochon vhodd monis zaije mhonn mhoji axa ......" ronik hem borem laglem. Tachelagim oxem konni ulvonkonch na. Toyi ek padreab! to koxttamni mhonnalo,

“zait fador."

zunache poiler potem pattir ghalon cher‍ko iskolak gelo. Tea disa taka kaim virarai bhogli na, punn oxe patth suru zale mhonntana roniche koxott‌yi suru zale. Lekk kor‍tana zapi sar‍keo ailear pavanant‌gi? tem kiteak tea ttichrin bor‍ddar kel'lebori korije? hamve kel'lem chuk koxem? bukant aschench vakyem koxem soma? teach or‍tar vakyem bodl'lem tor kitem zata? nottos bukancher itlim sobit pinturam asat tankam kiteak tem braun pepor kour? tteksott bukancher as‌l'lem pavanangi? tem kiteak por‍tun nottos bukacher boroije? ddroying piriyddik hinnem bor‍ddar soddyil'lem por‍kott pintur‌cho kiteak soddoije? tachaki borim maka soddvonk yetat nhoi?

roni dha disamni sompur‍nno virar zalo. Taka padreaban tokler hat dour‌l'lo magir patt pus‌l'lo uprant tum mhollear bari mog mholl'llem pura visor‍lem. Tacha bodlak tachi mottvi kalli ttichor tokler zoit xingam ani pattlean lamb‌dig ximtti kanngheono kekkor‍ya tallean for‍mamvchich disalagoli.

Sanjer bel zatana to sodanchebori iskolantolo bhair dhomvlo na. Soukas klasintolo bhair yeun pasayent raulo. Bhur‍gim unnim zaun yetana tannem potem pasayecha konxak uddoilem. Uprant mar‍gadegok yeun raulo. Ek boss omsoran mholl'llebori ailem. Konddkottor muklea baglar beg, beg mhonnon astana to pattlealamb sitticha konxar as‌l'lea ttoiracher boson bhair pollelagolo. Boss suttlem.

“dhamv. .. .. .. Dhamv puta. .. .. .. Dhamv"’tannem svotaHk sanglem. Punn bossamni dhamvanaka, poile pautti bossar dhamv‌l'loi vegim xir‍kon podd‌l'loi. Dhamv. .. .. .. Roilar dhamv temyi he pautti eks‌press roilar dhamv.

***

Aker‍cha raunner to demvlo roil ve sttexnak vatt vicharit, cholon gelo. Ho hennem voch, o tennem voch, mholl'llem kollanasotana panch minuttanchi vatt vis minuttamni cholon roil‌ve sttexnak paulo. Sttexon khali. .. .. .. Khali. .. .. .. Ek na ek roil yetelem yezai‌cho nhoi‌ve? to vetting rumant boslo. Bos‌l'lekdden nidon poddlo. Taka zag zatana rat zal'li. Sttexnant lok. Gujguzo avaz. To bhair ailo, vhoi, roil ayil'lem.

To roilar choddlo. Roil sutt'ta voreg tacho jivo tachekodden nas‌l'lo. Thoddea vellan roil suttlem. Ronin suxegayecho svas soddlo. Soukasayen suru zal'lem roil thoddeach vellan veg araun dhamvalagolem. To bos‌l'lekdde dholalagolo. Roilacha avazak sori zaun to takach sangalagolo, “dhamv. .. .. .. Dhamv... .. .. Dhamv. .. .. .. Dhamv. .. .. .. Dhamv......... Dhamv. .. .. .."

iskolacha niti nemank ani ghor‍chancha ot'toddank boli zaun aplea svontikayechem ani budvont‌kayechem mol kollanasotana mansik thoran koxtton kor‍gon vecha roni toslea bhur‍geank hi kanni somor‍ponn.