ಕವಿತಾकविताPoem
Mojem Notal
Kovitazhor - 58
Kovitazhor - 58
Mojem Notal
Notal mhojem gelam
sanganasotanch dhamvlam
khoim tori tem liplam
tumi konnem tori choilam?
notal ailemre mhonntana
konn godda pelleank
utier saspatalem
konn musall kaddunk
mallear choddtalem
konn danteachi mati
dhuvn kaddtalem
konn suroi tandull
sukoun bhajtalem
punn atam mhojem notal na
utier konn sodhtolem?
mallear konn choddtolem?
notal ailemre mhonntana
bhurgim sogllea xezarachim
gotto bandhunk zomtalim
konnem inda talle haddle
konne chive voddun bandle
konnem kott'ttechem tollem kelem
konnem kelem piddeachem pampallem
konne tonna pasketti haddleo
konne mugacheo pati vompleo
punn atam mhojem notal na
gotto konn bhandtole?
tallio konn haddtole?
notal ailem mhonntana
konn tandull dhollunk
sangata bostalim
konn till vasuddon
bhazunk dhortalim
konn kail choddoun
tel vot'talim
unn atam mhojem notal na
tandull konn dholltelem?
pitt konn melltolem
notal ailemre mhonntana
konn gumatt gheun bostalo
xezari taka sangat ditalo
gotteant chimnne ujvadd fanktalo
modheaner ballok hastaso distalo
punn atam mhojem notal na
pedde asa dantem na
godd asa utovo na
musall asa van na
xezaryak baba man na
tallio asat ind na
chimnni asa vat na
fesot asa mog na
pudd'dding asa chun na
vhoi mhojem notal bhoirem zalam
mhojem notal mhaka porki zalam
mhoza mogachem notal fimrgi zalam
- George Pinto, Aikoll
© 2005 George Pinto Aikoll · Daaiz · ASHAWADI PROKAXON All rights reserved.
More in Daaiz
ಕವಿತಾकविताPoem Nov 2006
Porot Aileare Divalli
ಕವಿತಾकविताPoem Nov 2006
Kitle Ves?
ಕವಿತಾकविताPoem Nov 2006
Mogacho Ghat
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.