ಕವಿತಾकविताPoem
म्हजें नताल
कविताझर - ५८
कविताझर - ५८
म्हजें नताल
नताल म्हजें गेलां
सांगानासतांच धांवलां
खंय तरी तें लिपलां
तुमी कोणें तरी चोयलां?
नताल आयलेंरे म्हणताना
कोण गोडा पेळ्यांक
उतियेर सास्पातालें
कोण मुसाळ काडुंक
माळ्यार चडतालें
कोण दांत्याची माती
धुवन काडतालें
कोण सुरय तांदूळ
सुकवन भाजतालें
पूण आतां म्हजें नताल ना
उतियेर कोण सोधतलें?
माळ्यार कोण चडतलें?
नताल आयलेंरे म्हणताना
भूरगीं सगळ्या शेजाराचीं
गोटो बांधुंक जमतालीं
कोणें इंदा ताळे हाडले
कोणे चिवे वोडून बांदले
कोणें कट्टेचें तळें केलें
कोणें केलें पिड्याचें पांपाळें
कोणे तणा पासकेटी हाडल्यो
कोणे मुगाच्यो पाती वोंपल्यो
पूण आतां म्हजें नताल ना
गोटो कोण भांदतले?
ताळियो कोण हाडतले?
नताल आयलें म्हणताना
कोण तांदूळ धोळुंक
सांगाता बसतालीं
कोण तीळ वासुडन
भाजुंक धर्तालीं
कोण कायल चडवन
तेल वोत्तालीं
ऊण आतां म्हजें नताल ना
तांदूळ कोण धोळतेलें?
पीट कोण मेळतलें
नताल आयलेंरे म्हणताना
कोण गुमाट घेवन बसतालो
शेजारी ताका सांगात दितालो
गोट्यांत चिमणे उज्वाड फांक्तालो
मध्यानेर बाळोक हासतासो दिसतालो
पूण आतां म्हजें नताल ना
पेडे आसा दांतें ना
गोड आसा उतोव ना
मुसाळ आसा वान ना
शेजारयाक बाबा मान ना
ताळियो आसात ईंद ना
चिमणी आसा वात ना
फेसत आसा मोग ना
पुड्डिंग आसा चून ना
व्हय म्हजें नताल भयरें जालां
म्हजें नताल म्हाका पर्की जालां
म्हजा मोगाचें नताल फिंरगी जालां
- जोर्जी पींत आयकोळ
© 2005 जोर्जी पींत आयकोळ · दायज · आशावादी प्रकाशन सर्व हक्कां राखून दवरल्यांत.
More in Daaiz
ಕವಿತಾकविताPoem Nov 2006
परत आयल्यारे दिवाळी
ಕವಿತಾकविताPoem Nov 2006
कितले वेस?
ಕವಿತಾकविताPoem Nov 2006
मोगाचो घात
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.