ಮೆಲ್ವಿನ್ ಜೆರಾಲ್ಡ್ ವಾಸ್

ಕೆಲರಾಯ್ ಫಿರ್ಗಜೆಜೊ, ಪಾಟ್ಲ್ಯಾ ಭಾರಾ ವರ್ಸಾಂ ಥಾವ್ನ್ ಕುವೆಯ್ಟಾಂತ್ ವಾವ್ರ್ ಕರುನ್ ಆಸಾ. ಚಡುಣೆಂ ಪಂದ್ರಾ-ಸೊಳಾ ವರ್ಸಾಧಿಂ ಸಾಹಿತ್ಯಾಚಿ ಸುರ್ವಾತ್ ಕರುನ್, 35 ಮಟ್ವ್ಯೊ ಕಾಣ್ಯೊ ಆನಿ ಏಕ್ ಕಾದಂಬರಿ ಬರಯಿಲ್ಲಿ ತರ್‌ಯೀ ಸಭಾರ್ ವರ್ಸಾಂನಿ ತಿ ಜಿವಾಳ್ ದವ್ರುಂಕ್ ಸಕಾನಾಸ್ತಾಂ ರಾವ್ಲೊ ತರ್‌ಯ್ ಕೊಂಕ್ಣಿ ಸಾಹಿತ್ಯಾಚೆರ್ ತೊಚ್ಚ್ ಮೋಗ್ ಆನಿ ಹುಸ್ಕೊ ಅಸೊನ್, ಆಯ್ಲೆವಾರ್ ಸರಾಗ್ ರಿತಿನ್ ವೆವೆಗ್ಳ್ಯಾ ಪ್ರಕಾರಾಚಿ ಸಾಹಿತಿಕ್ ಕೃಷಿ ಕರುನ್ ಕೊಂಕ್ಣಿ ವರ್ತುಲಾಂತ್ ನಾಂವಾಡ್ದಿಕ್ ಜಾಲಾ. ಕಾಣ್ಯಾಂಶಿವಾಯ್ 4 ನಾಟ್ಕುಳೆ, 75 ಕವಿತಾ, 10 ಲೇಖನಾಂ, 20 ವಿಮರ್ಶೆ/ಸಮೀಕ್ಶಾ ಬರಯ್ಲ್ಯಾತ್. ಹಾಚೊ ಸ್ವತಾಚೊ ( ಫುಡ್ಲದ್) ಕವಿತಾಜಮೊ ’ಆಟ್ವ್ಯಾ ರಂಗಾಚೊ ಧೊಣು’ ವೆಗಿಂಚ್ ’ಆಶಾವಾದಿ ಪ್ರಕಾಶನ್’ ಪರ್ಗಟ್ಚಾರ್ ಆಸಾ. ಹಾಚ್ಯಾಧಿಂ ಹಾಚಿಂ ಕವಿತಾಂ/ಲೇಕನಾಂ ’ಮೊತಿಯಾಂ ಆನಿ ತಾರಾಂ’, ’ಸಾಗೊರಾಚ್ಯಾ ವಾಟೆಚ್ಯೊ ಝರಿ’, ’ಕವಿತಾಪಾಠ್’ ಆನಿ ’ದರ್ಯಾಕ್ ಉದಾಕ್’ ಬುಕಾಂನಿ ಪರ್ಗಟ್ಲ್ಯಾಂತ್. ಪಾಟ್ಲ್ಯಾ ದೋನ್ ವರ್ಸಾಂ ಥಾವ್ನ್ ದಾಯ್ಜ್.ಕೊಮ್ ಸಾಯ್ಟಿಚೊ ಸಹ-ಸಂಪಾದಕ್‌ಯೀ ಹೊ ಜಾವ್ನಾಸಾ.