Kovitapatth Mhollear Kitem?

"Roddumnaka Konknni balla roddumnaka vogo, dolleambhair somr‍go dekun soddinaka dago" - Melvin Rodrigues

Kovitapatth

Kovitapatth Mhollear Kitem?

Kovitapatth mhollear konknni kovinchi vollok toxench konknni kovitachem odhyoin korcha iradean asa kel'li ek vedi. Hem koslem-i ek sonchalon ya songh nhoim. Eka monan ekamekache vichar somzon, amche vichar vaddomvchem anim oxem kovitavatter chomkotana kovitank somzomvochem, kovitank vaschem anim boromvche mull iradech hea kovitapatthacho promuk irado. ’kovitapatth’ hantum vinch‌l'lim kovita odhyoinak vinch‌l'lim karannam tim kovita konknnentoli xrexott kovita mhonnon nhoim. Toxench jea kovinchim kovita hantum vinchleat, jye tanche vichar amchesovem vanttun gheunk sokchetosole zaunasat mholl'lle khatir matr.

Kovita kamasall kiteak?

loukik songteamni meter zal'lea amkam amim korizai as‌l'lim zaitim kamam amchan korunk zainant. Haka karann vell na ya vell astana mudd na anim mudd astana sondrob nant. Oxem sobhar oddoklleo amcha chintpacha vaddavallek udetat. Amcha motintole vichar ravo‌l'lea udkaporim zainaye, nove nove vichar amcha moticha podd'dear paxar zaizai tor amim moineak ek ya don voram tor‌yi oslea songteam thoim gomon dizoi.

Poilem kovitachem kamasall:

pottacha zoddikhatir sat dor‍ye utron amim aileamv, ekekleak ekek oddoklleo asat, somsse asat, kosott asat. Punn hea modhem amcha motint novim chintnam udeunk amim preton korizai anim hye dixen amim moineak ek pauttim tor‌yi mellon sahitik/kovitank vaschem, aikomvochem sadhon korchi olochon ojik tin vorsadhim, mhoza mitran to ojik ho somsar sanddun gela to - de|zorji pint aikoll. Hannem dil'li solha jeari korchak 2002 isvecha novemboracha pondra tariker poilem kovitachem kamasall amchach ghora apoilem. Ikra boroupi hea zomatek hazor zal'lea hea kamasallant de|cha.Fra.De’kostacha kovitavixim ulounnem chol'lem. Oxem survat zal'lea hea kamasalla uprant sorag nhoim tor‌yi toull‌toull oslim kamasallam mukharun gelim.

Fuddlem kamasall 2002 dosemboracha bavis tariker chol'lem anim tea kamasallant de|luvis moskorenhosacha kovitamvixim sovisotar somvad chol'lo. Uprant sijyes takoddecha kovitamvixim kamasall chol'lem.

Novesamv:

moineallim kamasallamni yemvche urbheunt unne tor‌yi hea kamasallamni yeteleamni zaito onbhog zoddcha iradean him kamasallam gundd ritin odhyoin korchem kam' cholon asazoi mholl'llea iradean odhyoin probhondh/lekhon prostut korchi rivaz suru keli. Anim hachi sur‍vat melvin roddrigosacha kovitachem odhyoin korun tacher prostut kel'lem lekhon ’yeya amim kupam zhoddveam’ sador zalem.

Punn techch sondhrbhar hea kamasallank sur‍vat korunk karann zal'lo onyek promuk vekti, chintpi, kovi zorji pint aikoll somsarak odheus magon gelo dekun tacha vektitvavixeant, chintpavixeant, sahiteavixeant sovisotar vivr attapochem lekhon ’jivita sobhann sodanch sobhtelem’ prostut zalem.

Oxem thoddo temp moineallem kamasall chol'lemna. Punn hem kamasall chaluch dourizai mholl'llea iradean fuddlea disamni ’konknni potramni vimrso’ mholl'llea vixeacher lekhon prostut zalem. Fuddlea disamni konknni vaurak novim rupam dimvcha dixen ’konknni obhian somiti’chem ugtaunn zatana ’amchim konknni potram anim porigot’ mholl'llem lekhon prostut zalem. Konknni obhian somiticha dusrea zomatecher ’spiritacho vaur khonddit foll dita’ mholl'llem lekhon‌yo prostut zalem.

Punn hea uprant mhozach sahitik odhyoina khatir thoddo temp hem kamasall chol'lemna. Punn konknni obhian somiticho vaur matr mukharun gelo anim dusri somiticha vellar ’porot ek khursavatt’ mholl'llem lekhon prostut zalem.

Punn hea uprant kamacha rattaulle modhem thoddo vell hamvem mhojem odhyoin chalu dourolem tor‌yi koslinch kamasallam dourunk sadhy zalemna. Hechch vellar mhozo vell daiz ontor‌zallicher gelo anim her bhasancha kovitank odhyoin korchem kam' hatim dhorlem. Heranchem vichar somzotana oplea motint ascho kallok il'lo il'loso pois gelo. Punn hi ek prokria anim hi prokria choluch asazoi anim hochch faido heramni zoddizai mholl'llem mhojem chintap.

Kovitapatth:

oxem cholon ayil'leo heo moinealleo manchi, konknni kovitank novem rup/orth dimvcha dixen ’kovitapatth’ 2005 isvecha febrer 11 tariker survat zavun atam orthabhorit ritin cholon'nch asa. Hea kovitapattacher sokoile tin bhag asat;

poilo bhag:- kovitapatth odhyoin: horyeka odhyoinak ek kovita vinchun sorv sandeank ditamv. Ekekole sande opapolem odhyoin lekhon/probhondh kovitapatthacher prostut kortat, uprant hanchem zoktem sompadon korn porgott kortamv.

Dusro bhag:- buk somikxa: ailevar konknnent porgotton ayil'lea zoktea kovitajmeacher, nomear‌l'lo eklo odhyoin korun ek somikxa lekhon toyar korn prostut korta. Toxench sorv sande ekameka somvad choloitat.

Tisro bhag:- kovitagoxotti: sandeamni ailevar boryil'lim kovita ekameka vachun sangon tancher soval-somvad cholomvcho.

Kamasallant faido koslo?

hem soval apaplea chintpaporokar asa, sahitik vixeancher vixlexonn kel'lim leknam khonddit zaun novem chintap udexem kortat. Borem-vaitt somzonk kumok kortat. Punn hea khatir eklea dogamni zaiti minot korchi gorz asa, oplo vell khorchun, zaitim leknam vachun vixlexonn lekon toyar korunk asa anim tem kam' vhodda humedin kel'lea mhojea sahiteacher zaito sudhrap aila mholl'llem porgott ritin opun gheunk mhaka kaim koslich dakxenn na.

Hacho adai-khorch konnacho?

hea moineallea kamasallak orthabhorit zamvchak minot matr nhoim, hea kamasallachi khobar heramsovem vanttun ghemvchak tosvir‍yo kaddcho, uprant vordi toyar korchi, vordi dhaddchi hem sogllem kam' anim minot hamvnch eklom kortalom mhozachch bolsantole poixe ghalun. Hea kamasallamni yeteleamni koslench devem diunk na.

Thoddeank opleach khorchar hea kamasallak yeunk sadhy zata tor‌yi thoddeank mon aslear‌yi sadhy zaina dekun tankam apoun haddchem - pamvchem kam'‌yi hamvench kelam/korun asam. Hea kamasallant vantto gheteleank fokt't sahiteachi vhodd/askt aslear puro. Hem kamasall vell paxar korchak asa kel'lo bilkul nhoim dekun hea kamasallant khorchuncho vell oplea sahitik sudhrapak upkarak poddazoi mholl'llem amchem chintap.

Kovitapatth kiteak zai?

kovitapatth mukhantr kovitanchem chodd odhyoin korunk, bore vichar aschim kovita/sahity rachunk sadhy zalem tor amchem misamv sufoll zalem mhonn lekhtamv.

Kovitachem odhyoin kortana nove nove vichar ubhzazoi, konknnentlea kovink, tanchea chintpak vollkonk, tanche vichar somzonk oxem amcha chintpachi vhaddaull korcha iradean oslim odhyoinam bhovo gorjechim. Tednam matr amim srizonatmok sahity rochunk soktamv mholl'llem mhojem chintap matr nhoim khori patyenni zaunasa.

Edoll por‍yant cholyil'lim moineallim kamasallam:

15 Novembor 2002 - Cha.Fra.D;Costa-cha kovitancher somvad ani kovitagoxtti. [Zago: Salmia, Kuveytt, Choloupi: Valley Quadros]

22 Dosembor 2002 - Luvis Moskorenhosacha kovitancher somvad ani kovitagoxtti.

25 April 2003 - Melvin Rodrigues-acha kovitancher probhondh ’Yeya Kupam Zhoddveam’

27 June 2003 - Konknni Potramni Vimor‍so - Ek Attovo - Somvad ani Kovitagoxtti.

04 Julai 2003 - A.T.Lobo-cha sahiteachem odhyoin lekhon - Somvad ani kovitagoxtti.

08 August 2003 - Konknni Obhian somitichem ugtaunn lekhon.

05 Septembor 2003 - Konknni vauracher lekhon.

12 Novembor 2004 - Konknni obhian somitichem ugtaunn lekhon.

11 Febrer 2005 - Kovitapatth - 1 [Kovita: Vatt, (Melvin Roddrigos, Vatt, 2003, Kovita Poblikexns)].

11 March 2005 - Kovitapatth - 2 [Kovita: Koideachi Kovita, (HM, Koideacheo Kovita, 2004, Axavadi Prokaxon)].

15 April 2005 - Kovitapatth - 3 [Kovita: Solounn, (Fredd Kumar, Voullam, 1990, Prokriti Prit Prokaxon)].

13 Mai 2005 - Kovitapatth - 4 [Kovita: Az, (Valley Quadros, Kott‌putlli, 2004, Axavadi prokaxon)].

10 Jun 2005 - Kovitapatth - 5 [Kovita: Bam-i, (Andrew L Dcunha, Vhallu Vhollu Vhall Vhallea, 2004, Axavadi Prokaxon)].

08 July 2005 - Kovitapatth - 6 [Kovita: Mhozo Divo, (Mouris Xantipur, Kira Bonch, 1991, Pria Prokaxon)].

12 August 2005 - Kovitapatth - 7 [Kovita: Monis Mhonnje Kitem, (Luis Mascarenhas, obramvochem yozon‌dan, 1987, Progoti Prokaxon)].

09 September 2005 - Kovitapatth - 8 [Kovita: Doreak Uzo Pettla, (Cha.Fra.Dcosta, Sonxeache Kan, 1990 Progoti Prokaxon)].

14 October 2005 - Kovitapatth - 9 [Kovita: Bhitrolem Tufan, (J.B.Morais, Bhitrolem Tufan, 1984, Punou  Prokaxon)].

09 December 2005 - Kovitapatth - 10 [Kovita: Dev Eksuro, kovi: Valli Vogga, Buk: Motiam ani Taram (2005, Axavadi Prokaxon)].

13 Janer 2006 - Kovitapatth - 11 [Kovita: Bapachem Ghor, kovi: Robert Fernandes, Buk: Motiam ani Taram (2005, Axavadi Prokaxon)].

10 Febrer 2006 - Kovitapatth - 12 [Kovita: Ek Ulo, Kovi: A.T.Lobo].

24 March 2006 - Kovitapatth - 13 [Kovita: Don Dive. (Jomel Bondel, Motiam ani Taram, 2005, Axavadi Prokaxon)].

21 April 2006 - Kovitapatth - 14 [Kovita: Sodhnam, (Melvin J. Vas, Motiam ani Taram, 2005, Axavadi Prokaxon)].

18 August 2006 - Kovitapatth - 15 [Konknnent Gazhal - ek Odhyoin].

15 September 2006 - Kovitapatth - 16 [Konknni Bukancher ek Nodor - Somvad, ani Buk Somikxa].

03 Novembor 2006 - Kovitapatth - 17 [Kovita: Hamv Yetango Ghatti Demvon, (Wilfy Rebimbus)].

24 November 2006 - Kovitagoxotti ani Melki Hospettak Man [Odhyokx‌ponn: Melvin J. Vas Kelarai].

19 Janer 2007 - Kovitapatth - 18 [Kovita: Eka Kallar Mhojem Mongllur, (Sijyes Takodde, Motiam ani Taram, 2005, Axavadi Prokaxon)].

16 Febrer 2007 - Kovitapatth - 19 [Kovita: Vastou, (Ancy Paladka, Yego Baye, 1995, Raknno Prokaxon)].

16 March 2007 - Kovitapatth - 20 [Kovita: Kalliz, (Edwin J.F. Dsouza, Ximpddolelim Motiam, 2007, Axavadi prokaxon)].

20 April 2007 - Kovitapatth - 21 [Kovita: Chamddea Vhanno, (Sannu Monis, Ximpddolelim Motiam, 2007, Axavadi prokaxon)].

25 mai 2007 - Kovitapatth - 22 [Kovita: Noval, (Melvin Pinto Nirude, Ximpddolelim Motiam, 2007, Axavadi prokaxon)].

15 zun 2007 - Kovitapatth - 23 [Kovita: Dev Uloilo, (Wilson Kateel, Ximpddolelim Motiam, 2007, Axavadi prokaxon)].

20 July 2007 - Kovitapatth - 24 [Kovita: Kovita, (Avina Miyar, Ximpddolelim Motiam, 2007, Axavadi prokaxon)].

17 August 2007 - Kovitapatth - 25 [Kovita: Svadik Sakrament, (Lloyd Rego, 2007)].