ವ್ಯಂಗ್ಯ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಕೊಂಕ್ಣೆಂತ್ ವ್ಯಂಗ್ಯ್ ಸಾಹಿತ್ಯ್ ಆನಿ ಚಿತ್ರಾಂ

ಸಾಹಿತ್ಯ್ ಮ್ಹಳ್ಯಾರ್ ಕಿತೆಂ?

ಹ್ಯಾ ಸವಾಲಾಕ್ ಎಕಾ ಉತ್ರಾನ್ ಜವಾಬ್ ದೀಂವ್ಕ್ ಅಸಾಧ್ಯ್. ಕೊಣ್ ಮ್ಹಣಾತ್ ಜ್ಯೆ ಕಿತೆಂ ಬರ್ಪಾನ್ ಆಸಾ ತೆಂ ಸಾಹಿತ್ಯ್ ಮ್ಹಣೊನ್, ಪುಣ್ ತೆಂ ಬುಕಾರುಪಾಚೆಂ ಸಾಹಿತ್ಯ್ ಜಾತಾ. ಬರ್ಪಾ ರುಪಾರ್ ಆಸ್ಚೆಂ ತರ್‌ಯೀ ತೆಂ ಎಕ್ಲ್ಯಾಚ್ಯಾ ಮತಿಂತ್ಲೆಂ ಚಿಂತಾಪ್ ಲಿಖ್ಣೆಧ್ವಾರಿಂ ಅಭಿವ್ಯಕ್ತ್ ಜಾಲ್ಲೆಂ ಜಾವ್ನಾಸಾ. ತರ್ ’ಸಾಹಿತ್ಯ್ ಮ್ಹಳ್ಯಾರ್ ಏಕ್ ಅಭಿವ್ಯಕ್ತಿ’. ಆನಿ ಹಿ ಅಭಿವ್ಯಕ್ತಿ ಉತ್ರಾಂನಿ ಆಸ್ಯೆತಾ, ಸಬ್ಧಾಂನಿ ಆಸ್ಯೆತಾ, ವಾ ಹೆರ್ ಮಾಧ್ಯಮಾಂನಿ ಆಸ್ಯೆತಾ.

ಮನಿಸ್ ದಿಸಾನ್‌ದೀಸ್ ಸೃಜನಾತ್ಮಕ್ ಮಾಧ್ಯಮಾಂ ಮುಖಾಂತ್ರ್ ಅಪ್ಲೆಂ ಸಾಹಿತ್ಯ್ ಅಭಿವ್ಯಕ್ತ್ ಕರ್ತಾ, ತಾಂತ್ಲೆಂ ಏಕ್ ಭಳ್ವಂತ್ ಮಾಧ್ಯಮ್ ಜಾವ್ನಾಸಾ ವ್ಯಂಗ್ಯ್ ಚಿತ್ರಾಂ. ಶೆಂಬೊರ್/ಹಜಾರ್ ಸಬ್ಧಾಂಕ್ ಎಕಾ ಸಂಪ್ಯಾ ಇಮಾಜೆಂತ್ ಕಯ್ದ್ ಕರ್ಚಿ ಕಲಾ ಎಕಾ ಕಲಾಕಾರಾಶಿವಾಯ್ ಕೊಣಾಕ್ ಸಾಧ್ಯ್? ಹಾಂಗಾಸರ್ ಭಾಸ್ ಗರ್ಜ್ ನಾ, ಲಿಪಿ ಗರ್ಜ್ ನಾ, ಫಕತ್ತ್ ಪಳೆಂವ್ಚೆ ದೊಳೆ, ಪಾರ್ಕುಂಚಿ ದೀಶ್ಟ್ ತಶೆಂಚ್ ಸಮ್ಜೊಂಚೆಂ ಗಿನ್ಯಾನ್ ಆಸ್ಲ್ಯಾರ್ ಪುರೊ. ಹೆರ್ ಭಾಸಾಂನಿ ಅಸಲ್ಯಾ ಇಮಾಜಿಂಕ್ ಸಾಹಿತ್ಯಾಸವೆಂ ಜಿತ್ಲೆಂ ಮೆಳಯ್ಲಾಂ ತಿತ್ಲೆಂ ಕೊಂಕ್ಣೆಂತ್ ಮೆಳೊಂವ್ಕ್ ನಾ ಜಾವ್ಯೆತಾ, ತರೀ ಪುಣ್ ಅಸಲ್ಯಾ ಇಮಾಜಿಂಕ್ ಎಕ್ಟಾಂವ್ನ್ ಪರ್ಗಟ್‌ಲ್ಲ್ಯಾ ಬಾಯ್ ಶೀಲಾ ಕೊಲಂಬ್ಕರಾಚ್ಯಾ ’ಭುಂಯ್ ಛಾಪಿಂ’ (Pen-portraits) ಬುಕಾಕ್, 1997 ಇಸ್ವೆಂತ್ ಕೊಂಕ್ಣೆಚೊ ಕೇಂದ್ರ್ ಸಾಹಿತ್ಯ್ ಅಕಾಡೆಮಿಚೊ ಪುರಸ್ಕಾರ್‌ಯೀ ಲಾಭ್ಲಾ.

ಕೊಂಕ್ಣೆಂತ್ ಅಸಲಿ ಪ್ರತಿಭಾ ಆಸ್ಚೆ ಭೋವ್ ಥೊಡೆ, ತಾಂತುಂ ಆಯ್ಲೆವಾರ್ ಕೊಂಕ್ಣಿ ವರ್ತುಲಾಂತ್ ಉಟೊನ್ ದಿಸ್ಚೊ ಜಾವ್ನಾಸಾ ಕಯ್ಯಾರ್ ಫಿರ್ಗಜೆಚೊ ’ವಿಲ್ಸನ್ ಜೆ.ಪಿ. ಡಿ’ಸೊಜ್’. ದೇವ್ ಭಿರಾಂತೆಚಾ ಕುಟ್ಮಾಂತ್ ಜಲ್ಮೊನ್ ವ್ಹಡ್ ಜಾಲ್ಲೊ ವಿಲ್ಸನ್ ಕಯ್ಯಾರ್ ಏಕ್ ಪ್ರತಿಭಾವಂತ್ ಭುರ್ಗೊ, ಕೊಂಕ್ಣೆಂತ್ ಹಾಚಿ ಪ್ರತಿಭಾ ವಳ್ಕೊನ್ ಎದೊಳ್‌ಚ್ ಸಭಾರಾಂನಿ ಹಾಕಾ ಆವ್ಕಾಸ್ ದೀಂವ್ಕ್ ಸುರು ಕೆಲಾಂ. ಪ್ರಸ್ತುತ್ ಫಾಮಾದ್ ಕೊಂಕ್ಣಿ ಹಫ್ತ್ಯಾಳೆಂ ’ಮಿತ್ರ್’ ಪತ್ರಾಂತ್ ವಾವ್ರ್ ಕರುನ್ ಆಸಾ.

$Placeholder: the original page gave this picture no description, and none has been written yet. It came from daaiz\daaiz\special\wk\wk.asp.$ $Placeholder: the original page gave this picture no description, and none has been written yet. It came from daaiz\daaiz\special\wk\wk.asp.$ $Placeholder: the original page gave this picture no description, and none has been written yet. It came from daaiz\daaiz\special\wk\wk.asp.$ $Placeholder: the original page gave this picture no description, and none has been written yet. It came from daaiz\daaiz\special\wk\wk.asp.$ $Placeholder: the original page gave this picture no description, and none has been written yet. It came from daaiz\daaiz\special\wk\wk.asp.$ $Placeholder: the original page gave this picture no description, and none has been written yet. It came from daaiz\daaiz\special\wk\wk.asp.$

[ದೆ|ಚಾ.ಫ್ರಾ.ದೆ’ಕೋಸ್ತಾ, ವಲ್ಲಿ ವಗ್ಗ, ವಿಲ್ಫಿ ರೆಬಿಂಬಸ್, ಎಚ್ಚೆಮ್, ವಿಲ್ಸನ್ ಕಟೀಲ್, ಡಾ|ಎಡ್ವರ್ಡ್ ನಜ್ರೆತ್]

ಮಟ್ವಿ ವಳೊಕ್:

Placeholder: the original page gave this picture no description, and none has been written yet. It came from daaiz\daaiz\special\wk\wk.asp.

ಪುರ್ತೆಂ ನಾಂವ್: ವಿಲ್ಸನ್ ಜೆಸುಪ್ರಿಯಾ ಡಿ’ಸೊಜ್.

ಜಲ್ಮಾಲ್ಲಿ ತಾರಿಕ್: 28 ಅಗೋಸ್ತ್ 1983.

ಆವಯ್ ಬಾಪುಯ್: ಮಾನೆಸ್ತಿಣ್ ಜುಲಿಯಾನಾ ಡಿ’ಸೋಜ್ ಆನಿ ದೆ|ಪೀಟರ್ ಸೊಜ್.

ಪತ್ತೊ: ಕಯ್ಯಾರ್ ಪೋಸ್ಟ್, ಉಪ್ಪಾಳ ಮುಖಾಂತ್ರ್, ಕಾಸರಗೋಡ್ ಜಿಲ್ಲೊ - 671 322.

ಶಿಕಾಪ್: GD. Diploma in drawing & painting.

ಶ್ಹರೊ: ಹಾಂಗಾಸರ್ ಪರ್ಗಟ್ ಜಾಂವ್ಚಿಂ ವ್ಯಂಗ್ಯ್‌ಚಿತ್ರಾಂ, ವಿಲ್ಸನ್ ಕಯ್ಯಾರಾಚ್ಯಾ ಸೃಜನಶೀಲತೆಕ್ ಪಿಂತ್ರಾಂವ್ಚಾ ತಶೆಂಚ್ ಹ್ಯಾ ಯುವಪ್ರತಿಭೆಕ್ ಪ್ರೋತ್ಸಾಹ್ ದಿಂವ್ಚಾ ಇರಾದ್ಯಾನ್ ಆಮಿ ಪರ್ಗಟ್ ಕರುಂಕ್ ಯೆವ್ಜಿಲಾಂ ಶಿವಾಯ್ ಕೊಣಾಚೀಂಯೀ ನಕ್ಲಾಂ ಕರ್ಚ್ಯಾ ಇರಾದ್ಯಾನ್ ನ್ಹಂಯ್.

ದಾಯ್ಜ್ ಲೇಖನಾಂ

ದಾಯ್ಜ್ ಪಾನಾಕ್

[ಮಿಕ್‌ಮ್ಯಾಕ್ಸ್]

[8. ವಲ್ಲಿ]

[7. ಮಾನೆಸ್ತ್]