[ವರ್ಸಾಚೊ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್ ’-ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ದಾಯ್ಜ್ ವರ್ಸಾಚೊ ಕಾಣ್ಯೆಗಾರ್ - 2008

ಕೊಂಕ್ಣೆಂತ್ಲೊ ಫಾಮಾದ್ ಕಾಣ್ಯೆಗಾರ್ ಸ್ಟೇನ್ ಅಗೇರಾ ಮುಲ್ಕಿ, ಹೊ 2008 ಇಸ್ವೆಚೊ ’ದಾಯ್ಜ್ ವರ್ಸಾಚೊ ಕಾಣ್ಯೆಗಾರ್’ ಪುರಸ್ಕಾರಾಕ್ ವಿಂಚೊನ್ ಆಯ್ಲಾ ಮ್ಹಣೊನ್ ಕೊಂಕ್ಣಿ ಸಾಹಿತ್ಯ್ ಆನಿ ಭಾಸೆಚ್ಯಾ ವ್ಹಾಡಾವಳೆಚೊ ವಾವ್ರ್ ಕರುನ್ ಆಸ್ಚ್ಯಾ ದಾಯ್ಜ್.ಕೊಮ್ ಅಂತರ್‌ಜಾಳಿನ್ ಪರ್ಗಟ್ ಕೆಲಾಂ.

ಸ್ಟೇನ್ ಅಗೇರಾ (48), ದಕ್ಶಿಣ್ ಕನ್ನಡಾಂತ್ಲ್ಯಾ ಮುಲ್ಕಿ ಮ್ಹಳ್ಳ್ಯಾ ಸೊಭಿತ್ ಗಾಂವಾಂತ್ ಜಲ್ಮಲ್ಲ್ಯಾ ಹಾಕಾ ಸಭಾರ್ ಸಾಹಿತಿಕ್ ಇನಾಮಾಂ, ಪ್ರಶಸ್ಥ್ಯೊ ಲಾಭ್ಲ್ಯಾತ್, ತಾಂತುಂ ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮೆಚಿ ಪ್ರಶಸ್ಥಿ ಸಯ್ತ್ ಏಕ್. ಬಿಜ್ನೆಸ್ ಮ್ಯಾನೇಜ್‌ಮೆಂಟಾಂತ್ ಪದ್ಯುತ್ತರ್ ಜಾಲ್ಲೊ ಹೊ ಸದ್ದ್ಯಾಕ್ ದುಭಾಯ್ ಶ್ಹೆರಾಂತ್ ಆಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರುನ್ ಆಸಾ ತಶೆಂ ಎಕಾ ಪ್ರತಿಷ್ಟಿತ್ ಕಂಪ್ಣೆಂತ್ ಉಂಚ್ಲ್ಯಾ ಹುದ್ದ್ಯಾರ್ ಕಾಮ್ ಕರುನ್ ಆಸಾ. ಪಾಟ್ಲ್ಯಾ ಸಭಾರ್ ವರ್ಸಾಂ ಥಾವ್ನ್ ಕೊಂಕ್ಣಿ ಸಾಹಿತ್ಯ್, ಕೊಂಕ್ಣಿ ಭಾಸೆಚ್ಯಾ ಉದರ್ಗತೆಖಾತಿರ್ ಭರ್ಪೂರ್ ವಾವ್ರ್ ಕರುನ್ ಆಯ್ಲಾ. ಎದೊಳ್‌ಚ್ ಸುಮಾರ್ ಅಡೇಯ್ಶಾಂಚ್ಯಾಕೀ ಚಡಿತ್ ಮಟ್ವ್ಯೊ ಕಾಣ್ಯೊ; ಕೊಂಕ್ಣಿ ಭಾಸೆಂತ್ ಮಾತ್ರ್ ನ್ಹಯ್ ಆಸ್ತಾಂ, ಇಂಗ್ಲಿಶ್/ಕಾನಡಿ ಭಾಸೆಂನಿ ಸಯ್ತ್ ಬರಯ್ಲ್ಯಾತ್. ಹಾಚ್ಯೊ ಸಭಾರ್ ಕೊಂಕ್ಣಿ ಕಾಣ್ಯೊ ಹೆರ್ ಭಾಸಾಂನಿ ಪರ್ಗಟ್ಲ್ಯಾತ್. ಹಾಚ್ಯೊ ಚಡ್ತಾವ್ ಇಂಗ್ಲಿಶ್ ಕಾಣ್ಯೊ ’ವುಮನ್ಸ್ ಇರಾ’, ’ರೀಡರ್ಸ್ ಡೈಜೆಸ್ಟ್’ ತಶೆಂಚ್ ’ಅಲೈವ್’ ಮ್ಯಾಗಜಿನಾಂನಿ ಪರ್ಗಟ್ ಜಾಲ್ಯಾತ್.

ಕೊಂಕ್ಣಿ ವರ್ತುಲಾಂತ್, ಸ್ಟೇನ್ ಅಗೇರಾ ಆಪ್ಲ್ಯಾ ಖುಶಾಲಿ, ಮೊವಾಳ್ ವೆಕ್ತಿತ್ವಾಕ್ ನಾಂವಾಡ್ಲಾ ತರ್‌ಯೀ, ಹೊ ಏಕ್ ಬರೊ ಉಲವ್ಪಿ, ಬರೊ ನಟ್, ಭರ್‍ವಶ್ಯಾಚೊ ಕಾದಂಬರಿಕಾರ್ ತಶೆಂಚ್ ಅಪ್ರೂಪ್ ಕವಿ ಸಯ್ತ್. ಹಾಚೆಂ ಫಾಮಾದ್ ಅಂಕಣ್ ’ಬಿಂದಾಸ್’, ಫಾಮಾದ್ ಮಾಧ್ಯಮ್ ಸಾಯ್ಟ್ ದಾಯ್ಜಿವರ್ಲ್ಡ್.ಕೊಮ್ ಹಾಚೆರ್ ಪರ್ಗಟೊನ್ ಆಸಾ ತಶೆಂಚ್ ಲೊಕಾಮೊಗಾಳ್ ಜಾವ್ನಾಸಾ.

ದಾಯ್ಜ್.ಕೊಮ್ ಪಾಟ್ಲ್ಯಾ ಪಾಂಚ್ ವರ್ಸಾಂ ಥಾವ್ನ್ ವೆವೆಗ್ಳ್ಯಾ ರಿತಿಚೆ ಸಾಹಿತಿಕ್ ಸ್ಪರ್ಧೆ ಮಾಂಡುನ್ ಆಸಾ, ಆಧ್ಲ್ಯಾ ವರ್ಸಾಂತ್ ಸುರ್ವಾತ್ ಕೆಲ್ಲೆಂ ಹೆಂ ಇನಾಮ್ ಫಾಮಾದ್ ಕಾಣ್ಯೆಗಾರ್ ಕ್ಲೆರೆನ್ಸ್ ಕೈಕಂಬ ಹಾಕಾ ಫಾವೊ ಜಾಲ್ಲೆಂ.

ಹ್ಯಾ ಪುರಸ್ಕಾರಾಸವೆಂ ಧಾ ಹಜಾರ್ ರುಪಯ್ ನಗದ್, ಏಕ್ ಯಾದಿಸ್ತಿಕಾ, ಶಿಫಾರಸ್ ಪತ್ರ್ ವೆಗಿಂಚ್ ಚಲೊಂಕ್ ಆಸ್ಚ್ಯಾ ದಾಯ್ಜ್.ಕೊಮ್ ಪಾಂಚ್ ವರ್ಸುಗೆಚ್ಯಾ ಉಡಾಸಾಚ್ಯಾ ಕಾರ್ಯಾವೆಳಾರ್ ದಿಂವ್ಚೆವಿಶಿಂ ಆಮ್ಕಾಂ ಕಳಯ್ಲಾಂ.

ಫಾಮಾದ್ ಕೊಂಕ್ಣಿ ಕಾಣ್ಯೆಗಾರ್ ಡೋಲ್ಫಿ ಕಾಸ್ಸಿಯಾ, ಆಂಡ್ರು ಎಲ್. ಡಿ’ಕುನ್ಹಾ, ಗಿಬ್ಬ ಕುಲ್ಶೇಕರ್, ಕೆವಿನ್ ಡಿ’ಮೆಲ್ಲೊ ಕಾರ್ಕಳ್, ಮೆಲ್ವಿನ್ ಜೆ. ವಾಸ್ ಆನಿ ವಲ್ಲಿ ಕ್ವಾಡ್ರಸ್ ವೊರಯ್ಣಾರ್ ಜಾವ್ನಾಸಾತ್.

Placeholder: the original page gave this picture no description, and none has been written yet. It came from daaiz\daaiz\special\dvk08.asp.

ಸ್ಟೇನ್ ಅಗೇರಾ [ವರ್ಸಾಚೊ ದಾಯ್ಜ್ ಕಾಣ್ಯೆಗಾರ್ 2008][ಹ್ಯಾ

ವರ್ಸಾ ಆಮಿ ತೆಗಾಂ ಉಂಚ್ಲ್ಯಾ ಕಾಣ್ಯೆಗಾರಾಂಕ್ ಹ್ಯಾ ಇನಾಮಾಕ್ ಯೋಗ್ಯ್ ಜಾಲ್ಲೆ ಮ್ಹಣ್ ವಿಂಚ್‌ಲ್ಲೆಂ, ತ್ಯಾ ತೆಗಾಂ ಪಯ್ಕಿಂತ್ ಸರ್ವ್ ವೊರಯ್ಣಾರಾಂಚ್ಯಾ ಚಿಂತ್ಪಾಪ್ರಕಾರ್ ’ಸ್ಟೇನ್ ಅಗೇರಾ’ ಕ್ ಆಮಿ ವಿಂಚ್ಲಾ. ಹಾಚ್ಯಾ ಮಟ್ವ್ಯಾ ಕಾಣ್ಯಾಂಚೆರ್ ಏಕ್ ಸವಿಸ್ತಾರ್ ಅಧ್ಯಯನ್, ಆಮಿ ವೆಗಿಂಚ್ ಮಾಂಡುನ್ ಹಾಡುಂಕ್ ಯೆವ್ಜಣ್ ಘಾಲ್ಯಾ. ಫುಡ್ಲೊ ವಿವರ್ ತುಮ್ಕಾಂ ವೆಗಿಂಚ್ ದಿತೆಲ್ಯಾಂವ್.] - ಸಂ.

ಸರ್ವ್ ವ್ಹೊರಾಯ್ಣಾರಾಂಕ್ ದೇವ್ ಬರೆಂ ಕರುಂ

$Placeholder: the original page gave this picture no description, and none has been written yet. It came from daaiz\daaiz\special\dvk08.asp.$ $Placeholder: the original page gave this picture no description, and none has been written yet. It came from daaiz\daaiz\special\dvk08.asp.$ $Placeholder: the original page gave this picture no description, and none has been written yet. It came from daaiz\daaiz\special\dvk08.asp.$ $Placeholder: the original page gave this picture no description, and none has been written yet. It came from daaiz\daaiz\special\dvk08.asp.$ $Placeholder: the original page gave this picture no description, and none has been written yet. It came from daaiz\daaiz\special\dvk08.asp.$