ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
"ಆಧ್ಯಾತ್ಮಿಕ್ ಚಿಂತಾಪ್ ಖಂಚ್ಯಾಯ್ ಧರ್ಮಾಕ್ ಲಗ್ತಿ ಜಾಲ್ಲೆಂ ನ್ಹಯ್ ಪುಣ್ ಸರ್ವ್ ಧರ್ಮಾಂಚೆಂ ಮೂಳ್" - ಆವಾ
ಭಾವಾಡ್ತಾ ದಾಯ್ಜ್[ಕೊಂಕ್ಣೆಂತ್
ಮಾ|ಜೋರ್ಜ್ ಒಲಿವೆರಾಚಿ ವಳೊಕ್ ಚಡ್ತಾವಾಂಕ್ ಆಸ್ಚಿನಾ. ಸೆವಕ್ ಪತ್ರಾಚೊ ಆಧ್ಲೊ ಸಂಪಾದಕ್ ಜಾವ್ನ್ ವಾವ್ರ್ ಕೆಲ್ಲೊ ಹೊ ಪ್ರಸ್ತುತ್ ಕಾಪುಚಿನ್ ಮೆಳಾಚ್ಯಾ ಇಂಗ್ಲಿಶ್ ಪತ್ರಾಚೊ ಸಂಪಾದಕ್ ಜಾವ್ನಾಸಾ. ಸದ್ದ್ಯಾಕ್ ಮಯ್ಸೂರಾಂತ್ ಯಾಜಕೀ ಸೆವಾ ಭೆಟವ್ನ್ ಆಸ್ಚೊ ಹೊ ಏಕ್ ಕೊಂಕ್ಣಿ ಬರವ್ಪಿ, ಕವಿ ಆನಿ ಚಿಂತ್ಪಿ. ಸಭಾರ್ ಸಾಹಿತಿಕ್ ಸ್ಪರ್ಧ್ಯಾಂನಿ ಇನಾಮಾಂ ಜೊಡ್ಲ್ಲೊ, ಹ್ಯಾ ಅಂಕಣಾಂತ್ ತವಳ್ ತವಳ್ ಆಧ್ಯಾತ್ಮಿಕ್ ಚಿಂತ್ಪಾಚ್ಯಾ/ಭಾವಾಡ್ತಾಕ್ ಲಗ್ತಿ ಜಾಲ್ಲ್ಯಾ ವಿಚಾರಾಂಕ್ ಆಟಾಪ್ಚಿಂ ಲೇಖನಾಂ ಬರಯ್ತಲೊ - ಪುಣ್ ಹೆಂ ಅಂಕಣ್ ಶೆರ್ಮಾಂವಾಂಚೆಂ ಭಿಲ್ಕುಲ್ ನ್ಹಯ್ ಮ್ಹಳ್ಳೆಂ ಆಧ್ಯಾತ್ಮಿಕ್ ಸಾಹಿತ್ಯಾಕ್ ವಳ್ಕತೆಲ್ಯಾಂಕ್ ಜರೂರ್ ಸಮ್ಜಾತೆಲೆಂ.]
ತುಮ್ಚಿಂ ಸವಾಲಾಂ/ವಿಚಾರ್ ಧಾಡುಂಕ್ ವಿಳಾಸ್: info@daaiz.com
ಮಾ|ಜೋರ್ಜ್ ಒಲಿವೆರಾ
ಜಿವಿತಾ ಉಪ್ರಾ೦ತ್ ಜಿವಿತ್
ಘಟನ್:-
ಏಕ್ ಪಾವ್ಟಿ ಎಕಾ ಬಸ್ಸಾರ್ ಪಯ್ಣ್ ಕರ್ತಾನಾ ಲೊಕಾಚ್ಯಾ ಖೆಟಿವರ್ವಿ೦ ಭಿತರ್ ಪಾಂಯ್ ದವ್ರು೦ಕ್ ಸಾರ್ಕೊ ಜಾಗೊ ನಾತ್ಲ್ಲೊ. ತ್ಯಾ ಬಸ್ಸಾರ್ ಏಕ್ ಚಲಿ ಕಷ್ಟಾ೦ನಿ ಅಪ್ಣಾಕ್ ಬೆಲೆನ್ಸ್ ಕರುನ್ ಬಸ್ಸಾರ್ ಉಬೆ೦ ರಾವೊನ್ ಪಯ್ಣ್ ಕರ್ತಾಲಿ. ತಿಚೆ೦ ಸಾಮ್ಕಾರ್ ಏಕ್ಲೊ ಪ್ರಾಯೆಸ್ತ್ ಮನಿಸ್ ಅಪ್ಲ್ಯಾ ಹಾತಾನಿ೦ ಸೊಬಿತ್ ಫುಲಾ೦ಚೊ ತುರೊ ಕಾಣ್ಗೆವ್ನ್ ಉಭೆ೦ ರಾವೊನ್ ಪಯ್ಣ್ ಕರ್ತಾಲೊ. ತೊ ಫುಲಾಚೊ ತುರೊ ತ್ಯೆ ಚಲಿಯೆಕ್ ಅಕರ್ಷಕ್ ಕರು೦ಕ್ ಲಾಗ್ಲೊ. ತಿಚಿ ದೀಷ್ವ್ ನಾಕಾ ಜಾಲ್ಯಾರಿ ತ್ಯಾ ಫುಲಾಚ್ಯಾ ತುರ್ಯಾಚೆರ್ ವೆತಾಲಿ. ಹೆ೦ ತ್ಯಾ ಪ್ರಾಯೆಸ್ತ್ ಮನ್ಶ್ಯಾಚಾ ನದ್ರೆಕ್ ಘೆಲ್ಲೆ೦. ತಾಣಿ ಎಕಾಮೆಕಾಚಿ ವಳೊಕ್ ಯಾ ಉಲ೦ವ್ಕ್ ಪಯತ್ನ್ ಕೆಲ್ಲೆ೦ ನಾ. ಪ್ರಾಯೆಸ್ತ್ ಮನ್ಶ್ಯಾಕ್ ಬಸ್ಸಾ ಥಾವ್ನ್ ದೆ೦ವ್ಚೊ ವೇಳ್ ಅಯ್ಲೊ. ತಾಣೆ೦ ದೆ೦ವ್ಚ್ಯಾ ಪಯ್ಲೆ೦ ಚಿ೦ತಿನಾತ್ಲ್ಲಿ ಕರ್ನಿ೦ ಕೆಲಿ೦. ಹಾತಾ೦ತ್ ಅಸ್ಲ್ಲೊ ಫುಲಾ೦ಚೊ ಬುಕ್ಕೊ ತ್ಯೇ ಚಲಿಯೆಚ್ಯಾ ಹಾತಾ೦ತ್ ದೀವ್ನ್ ತಾಣೆ೦ ಸಾ೦ಗ್ಲೆ೦: "ಮ್ಹಜ್ಯಾ ಸ್ತೀಯೆಕ್ ವಚೊನ್ ಸಾ೦ಗ್ತಾ ತುಕಾ ಹೊ ಫುಲಾ ಬುಕ್ಕೊ ದಿಲಾ. ತುಕಾ ಹ್ಯಾ ಬುಕ್ಕ್ಯಾಚಿ ಗರ್ಜ್ ಅಸೊ೦ಕ್ ಪುರೊ". ತ್ಯಾ ಚಲಿಯೆನ್ ಜಾಪ್ ದಿ೦ವ್ಚ್ಯಾ ಪಯ್ಲೆ೦, ಬಸ್ಸ್ ಮುಕಾರ್ ವೆತಾನಾ, ತೊ ಪ್ರಾಯೆಸ್ತ್ ಮನಿಸ್ ಸಿಮೆಸ್ತ್ರಿಚೆ ಅಶೀರ್ ಗೇಟ್ ಉಗ್ತಿ ಕರುನ್ ಅಪ್ಲ್ಯಾ ಸ್ತೀಯೆಚ್ಯಾ ಫೊ೦ಡಾ ಕುಶಿನ್ ಮೆಟಾ೦ ಕಾಡ್ತಾಲೊ..
ನವೆ೦ಬರ್ ಮಹಿನ್ಯಾ೦ತ್ ’ಸರ್ಲ್ಲ್ಯಾಂಚೊ ಉಡಾಸ್’:-
ಸಗ್ಳಿ ಪವಿತ್ರ್ ಸಭಾ ನವೆ೦ಬರ್ ಮಹಿನ್ಯಾ೦ತ್ ಸರ್ಲ್ಲ್ಯಾ ಭಾವಾಡ್ತ್ಯಾ೦ಚಿ ಭಕ್ತಿಪಣಾನ್ ಉಗ್ಡಾಸ್ ಕಾಡ್ತಾ. ಅಮಿ ಕ್ತ್ರಿಸ್ತಾ೦ವ್ ಅಮ್ಚ್ಯಾ ಕುಟ್ಮಾ೦ತ್ ಸರ್ಲ್ಲ್ಯಾ ಸರ್ವ್ ಮೊಗಾಚ್ಯಾ ಸಾ೦ದ್ಯಾಚಿ ಉಗ್ಡಾಸ್ ಕಾಡುನ್ ಮಿಸಾ೦ ಬೆಟವ್ನ್, ಸಿಮೆಸ್ತ್ರಿಕ್ ಭೆಟ್ ಕರುನ್, ಫೊ೦ಡಾರ್ ವಾತಿ ಪೆಟವ್ನ್, ಮಾಗ್ಣೆ೦-ರಜಾರ್ ಕರುನ್ ಅಮಿ ನವೆ೦ಬರ್ ಮಹಿನೊ ಕರ್ಚಿತಾ೦ವ್. ’ಜಿವಿತಾ’ ಉಪ್ರಾ೦ತ್ ’ಜಿವಿತ್’ ಅಸಾ ಮ್ಹಳ್ಳೆ೦ ಸತ್ ಪಾತ್ಯೆತಾ೦ವ್ ಆನಿ ಹೆರಾ೦ಕ್ ಹ್೦ ಸತ್ ಅಮಿ ಅದಲ್-ಬದಲ್ ಕರ್ತಾ೦ವ್.
ಜಿವಿತಾ ಉಪ್ರಾ೦ತ್ ಜಿವಿತ್:-
ಜಿವಿತಾ ಉಪ್ರಾ೦ತ್ ಜಿವಿತ್ ಹೆ೦ ಸತ್ ಸರ್ವ್ ಧರ್ಮ್ ಪಾತ್ಯೆವ್ನ್ ಅಯಿಲ್ಲೆ ಸತ್ ಜಾವ್ನಾಸಾ. ಹಿ೦ದು ಧರ್ಮ್ ಜಾ೦ವ್ದಿ೦, ಮುಸ್ಲಿ೦, ಜುದೆವ್ ಧರ್ಮ್ ಜಾ೦ವ್ದಿ, ಸರ್ವ್ ಧರ್ಮ್ ಹೆ೦ ಸತ್ ದುಬಾವಾವಿಣೆ೦ ಪಾತ್ಯೆತಾತ್. ಹಿ೦ದು ಹ್ಯಾ ಘಡಿತಾಕ್ ’ಪುನರ್ಜನ್ಮ್’ ಮ್ಹಣ್ ಉಲೊ ಕೆಲ್ಯಾರ್. ಭೌದ್ದ ಧರ್ಮ್ ಹ್ಯಾ ಘಡಿತಾಕ್ ’ನಿರ್ವಾಣ’ ಮ್ಹಣ್ ಉಲೊ ಕರ್ತಾ. ಕ್ರಿಸ್ತಾ೦ವ್, ಮುಸ್ಲಿ೦ ಆನಿ ಜುದೆವ್ ಮರ್ಣಾ ಉಪ್ರಾ೦ತ್ ’ಸಾಸಣ್ ಜಿವಿತ್’ ಆಸಾ ಮ್ಹಣ್ ಸತ್ ಮಾ೦ದುನ್ ಘೆತಾ. ನವೆ೦ ಜಿವಿತ್, ನವೆ೦ ವ್ಯಕ್ತಿತ್ವ್, ನವೆ೦ ಮಹಿಮೆಚೆ೦ ಜೀವನ್ ಅಶೆ೦ ಪವಿತ್ರ್ ಗೃ೦ಥಾ೦ತ್ ವರ್ಣನ್ ಅಸಾ. ಅಮಿ ಜಿಯೆ೦ವ್ಚೆ೦ ಪ್ರಸ್ತುತ್ ಜೀವನ್ ಪಾತ್ಕಿ, ಕೊಡ್ಹು, ಕಷ್ಟಾ೦ಚೆ, ಪಿಡೆ-ಶಿಡೆಚೆ೦, ಚಿ೦ತಾ-ಕರಾ೦ದೆಯೆಚೆ೦ ಜಾಲ್ಯಾರ್, ಮುಕ್ಲೆ೦ ಜಿವಿತ್, ಸೊಮ್ಯಾ ಹುಜಿರ್ ಕುರ್ಪೆಚೆ೦, ಸ್ವಾಧಿಕ್, ಸುಖಾಚೆ೦, ಶಾ೦ತ್-ಸಮಾದಾನೆಚೆ೦ ಆನಿ ಖುಶಾಲಾಯೆಚೆ೦ ಅಶಿ ಅಮ್ಚಿ ಪಾತ್ಯೆಣಿ. ಅಶೆ೦ ಚಿ೦ತ್ಲ್ಯಾ೦ತ್ ಅಮ್ಚಿ ಕಾ೦ಯ್ ಚೂಕ್ ನಾ. ಹೆ೦ ಜೀವನ್ ಬ೦ಧಡ್ ಜಾಲ್ಯಾರ್ ಮುಖ್ಲೆ೦ ಜಿವಿತ್ ನಿಜಾಯ್ಕಿ ಸುಟ್ಕೆಚೆ೦ ಜಾವ್ನ್ ಅಸ್ತೆಲೆ೦. ಹಾಕಾ ರುಜ್ವಾತ್ ಪವಿತ್ರ್ ಗೃ೦ಥ್ ಜಾವ್ನಾಸಾ. ಮರಣ್ ಏಕ್ ತತ್ಕಾಲಿಕ್ ಕ್ಷಣ್ ಮಾತ್ರ್, ತೆ೦ ಏಕ್ ದಾರ್, ಹ್ಯಾ ಜಿವಿತಾ ಥಾವ್ನ್ ಮುಕ್ಲ್ಯಾ ಜಿವಿತಾಕ್ ಏಕ್ ವಾಟ್. ಕಸೆ೦ ಜನನ್ ಏಕ್ ಕ್ಷಣಿಕ್ ಘಟನ್ ತಸೆ೦ಚ್ ಮರಣ್ ಏಕ್ ಕ್ಷಣಿಕ್ ಘಟನ್. ಜನನಾ ವೆಳಾರ್ ಜನಿತ್ ಜಾ೦ವ್ಚೆ೦ ಬಾಳ್ ರಡ್ತಾ ಪುಣ್ ಸಯ್ರಿ೦-ಧಯ್ರಿ೦ ಸಕ್ಕಡ್ ಉಲ್ಲಾಸ್ ಪಾವ್ತಾತ್; ಪುಣ್ ಮರ್ಣಾ ವೆಳಾರ್ ಮರಣ್ ಪಾವುಲ್ಲೊ ಮನಿಸ್ ಸುಶೆಗ್ ಘೆತಾ, ಪುಣ್ ಸಯ್ರಿ೦-ಧಯ್ರಿ೦ ಸಕ್ಕಡ್ ರುದಾನ್ ಕರ್ತಾತ್. ಹೆ೦ ಮನ್ಯಾ ಜಿವಿತಾಚೆ೦ ವಿಪಾರ್ಯಾಸ್ ಸತ್ ಜಾವ್ನಾಸಾ.
ಎಕಾ ಲೇಖಕಾನ್ ಸಾ೦ಗ್ಚ್ಯಾ ಪರ್ಮಾಣೆ೦: ಮರಣ್ ಎಕಾ ಮನ್ಶ್ಯಾಚಾ ಜಿವಿತಾ೦ತ್ ಸುಟ್ಕೆ-ಸ೦ಭ್ರಮಾಜೆ೦ ಘಟನ್ ಜಾವ್ಬಾಸಾ, ಅಜ್ ಸರ್ಲ್ಲೊ ಭಕ್ತ್ ಅಮ್ಕಾ ಸಾ೦ಗ್ತಾ೦: ’ಅಜ್ ಮ್ಹಾಕಾ - ಫಾಲ್ಯಾ ತುಕಾ’.”
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
