ಕವಿತಾकविताPoem
पातकां
कविता
पातकां
पातकां रडचाक
मिसाक गेल्लों हांव
पातकां कर्नंच पाटीं आयलों!
बसलो सेजार म्हज्या मुकल्या बांकार
दुसमान आमीं, केल्ले लफडे हजार
देकतच ताका जालों रागार
देव पोळ्ळो रिगलो देंवचार!
तरनें एकलें मिसाक आयलें
हरदें इल्लें उगतें दिसलें
ताचेच विशीं म्हजीं चिंतनां घुंवलीं
विसरालों हांव मागणीं पुरतें!
मोबाय्ल वाजलें मिसा वेळार
बंद करुंक पडली विसर
सगळ्यांनि जोकली म्हजेर नदर
तांच्या अडचण्यांक जालों चुकिदार!
पातकां रडचाक मिसाक गेल्लों हांव...
पातकां कर्नंच पाटिं आयलों!
मेळ्ळो म्हणोन चड्डी दोस्त
बसलों बांकार लास्ट
विसरोन मिसा वेळाचि शिस्त
कांतुन बसल्यांव गजालि मोस्त!
’मिसा उपरांत कितें करुं?’
चिंता हांव
पाद्रि सांगताना शेरमांव
बाराक रिगों वा पिक्चर पळेंव
खंच्याकी वेग्गिं मीस आकेर जांव!
भोगशी देवा भोगशी म्हका
जेदनां हांव मिसांत बसतां
तेदनां...
तुका कित्याक
हांव म्हकाच विसरतां!!
- विलफ्रेड आर. पांगळा.
More in Ashawadi
ಸಂಪಾದಕೀಯ್संपादकीयEditorial 22 Aug 2026
यदाहां जीवमी, अहमाशंसे (जीव आसतासर भर्वसतां)
ಲೇಖನ್लेखनArticle 16 Aug 2026
कोंकणींत कथा अध्ययनाचें महत्व
ಲೇಖನ್लेखनArticle 16 Aug 2026
कोंकणी बियोंड स्क्रिप्ट
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.