ಕಾಣ್ಯೊ
ಸಾಹಿತಿಕ್ ಸ್ಪರ್ಧೊ 2004
ಕಥಾಪಾಠ್
ಅಂಕಣಾಂ
ಸಾಹಿತಿಕ್ ಸ್ಪರ್ಧೊ 2005
ಕವಿತಾಂ
ಸಾಹಿತಿಕ್ ಸ್ಪರ್ಧೊ 2006
ದಾಯ್ಜ್ ಶಿಭಿರ್ 2006
ವಿಡಂಬನಾಂ
ದಾಯ್ಜ್ ಶಿಭಿರ್ 2007
ಕಥಾಮೃತ್
ವಿಮರ್ಶೆ
ಸತಾಂ ಆನಿ ಖತಾಂ - 30. ಪಾತ್ಯೆಣಿ
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ಎಕಾ ಗಾಂವಾಂತ್ ಏಕ್ ದೊಂಗೊರ್ ಚಡ್ಚೊ ಸಂಸಾರಾಂತ್ ಆಸ್ಚೊ ಉಭಾರಾಯೆಚೊ ದೊಂಗೊರ್ ಚಡೊಂಕ್ ಆಶೆತಾಲೊ. ಆನಿಂ ಹ್ಯಾ ಖಾತಿರ್ ಸಭಾರ್ ತೆಂಪಾ ಥಾವ್ನ್ ದೊಂಗೊರ್ ಚಡ್ಚಿ ತರ್ಭೆತಿ ಘೆಂವ್ಕ್ ಧರ್ಲೆಂ. ತೊ ಸಗ್ಳೊ ದೊಂಗೊರ್ ಐಸಾಂತ್ ಬುಡೊನ್ ಆಸ್ತಾಲೊ ಆನಿಂ ತಾಕಾ ಚಡೊಂಕ್ ನಿಜಾಯ್ಕೀ ತಿತ್ಲೆಂ ಸಲೀಸ್ ನಾ ಮ್ಹಳ್ಳೆಂ ತೊ ಜಾಣಾಸ್ಲ್ಲೊ. ಅಶೆಂ ಎಕಾ ದಿಸಾ ತಾಣೆಂ ಅಪುಣ್ಂಚ್ ಪಯ್ಲೊ ತ್ಯಾ ದೊಂಗೊರಾಕ್ ಚಡ್ತಾಂ ಮ್ಹಣೊನ್ ಚಿಂತುನ್ ಎಕ್ಲೊಚ್ ತ್ಯಾ ದೊಂಗೊರಾಕ್ ಚಡೊಂಕ್ ಗೆಲೊ.
ತಾಣೆಂ ಸಗ್ಳಿ ತಯಾರಾಯ್ ಕೆಲ್ಲಿ, ಜಾಯ್ ಪುರ್ತೆಂ ನೆಸಾಪ್, ಹಾತಾಕ್ ಗ್ಲಾವ್ಸ್, ಪಾಂಯಾಂಕ್ ಮೊಚೆ ಆನಿಂ ತಾಚಾ ಪಾಟಿಚೆರ್ ದೊರಿ ಆನಿಂ ಖಾಂದ್ಯಾರ್ ಪೊತೆಂ ಅಶೆಂ ತೊ ಚಡೊಂಕ್ ಲಾಗ್ಲೊ. ಅಶೆಂಚ್ ಚಡೊನ್ ತೊ ವಯ್ರ್ ವಯ್ರ್ ಪಾವ್ತಾನಾ ಕಾಳೊಕ್ ಜಾಲೊ ಆನಿಂ ತ್ಯಾ ಕಾಳೊಕಾಂತ್ ತೊ ಟೆಂಟ್ ಘಾಲ್ನ್ ವಿಶೆವ್ ಘೆಂವ್ಚಿಂ ಚಿಂತ್ನಾಂ ಸೊಡ್ನ್, ತೊ ವೇಳ್ ವಿಭಾಡ್ಚೊ ನಾಕಾ ಮ್ಹಣೊನ್ ರಾತಿಕ್ಯ್ ತೊ ದೊಂಗೊರ್ ಚಡೊಂಕ್ ಲಾಗ್ಲೊ.
ರಾತ್ ದಾಟ್ ಜಾವ್ನ್ ಆಯಿಲ್ಲಿ ಆನಿಂ ಚಂದ್ರೆಮ್ ಆನಿಂ ತಾರಾಂಕ್ ಕುಪಾಂನಿ ರೆಂವೊಡ್ ಘಾಲ್ಲ್ಯಾನ್ ತಾಕಾ ಸ್ವಷ್ಟ್ ದಿಸಾನಾತ್ಲ್ಲೆಂ. ತ್ಯೇ ಶಿವಾಯ್ ರಾತ್ ಜೂನ್ ಜಾಲ್ಲೆಪರಿಂಚ್ ಐಸ್ ಪಡೊಂಕ್ ಲಾಗ್ತಾನಾ ತಾಕಾ ಜ್ಯೊರಾನ್ ಹಿಂವ್ ಖಾಂವ್ಕ್ ಲಾಗ್ಲೆಂ. ಪುಣ್ ತಾಕಾ ಹೆರ್ ವಾಟ್ ನಾತ್ಲ್ಲಿ ದೆಕುನ್ ಚಡ್ಚಾರ್ ಪಡ್ಲೊ, ಅಶೆಂ ತೊ ಚಡೊನ್ ತ್ಯಾ ದೊಂಗ್ರಾಚಾ ತುದಿಯೆಕ್ ಪಾಂವೊಂಕ್ ಅನಿಕ್ಯೀ ಥೊಡಿಂ ಮೆಟಾಂ ಆಸ್ತಾಂ ಮೇಟ್ ಚುಕೊನ್ ನಿಸರ್ಲೊ ಆನಿಂ ವೇಗಾನ್ ಸಕ್ಲಾ ಗಳೊಂಕ್ ಲಾಗ್ಲೊ.
ತಾಕಾ ಆತಾಂ ಕಿತೆಂ ಕರ್ಚೆಂ ಮ್ಹಳ್ಳೆಂಚ್ ಕಳ್ಳೆಂನಾ. ಎಕಾ ವಾಟೆರ್ ಸಗ್ಳ್ಯಾನ್ಯಿ ಕಾಳೊಕ್, ದೀಸ್ಭರ್ ತೊ ಚಡ್ಲ್ಲೊ ತರ್ಯ್ ಆತಾಂ ವೆಗಾನ್ ಸಕ್ಲಾ ಪಡ್ತಾನಾ ಏಕ್ ಘಡ್ಯೆ ತಾಣೆಂ ಆಪ್ಲ್ಯಾ ಜಿಣ್ಯೆಂತ್ ಕೆಲ್ಲಿಂ ಬರಿಂ ತಶೆಂಚ್ ಖೊಟಿಂ ಕಾಮಾಂ ಉಡಾಸಾಕ್ ಆಯ್ಲಿಂ. ಎಕಾಚ್ಫರಾಂ ತಾಂಚಾ ಪಾಟಿಕ್ ಬಾಂದ್ಲ್ಲಿ ದೊರಿ ತ್ಯಾ ದೊಂಗ್ರಾಚಾ ಮಧೆಗಾತ್ ಖಂಯ್ಗೀ ಶಿರ್ಕಲಿ ಜಾಯ್ಜಯ್ ಆನಿಂ ತೊ ಎಕಾಚ್ಫರಾಂ ವಾರ್ಯಾರ್ ತ್ಯಾ ದೊರಿಯೆರ್ ಉಮ್ಕಾಳೊಂಕ್ ಲಾಗ್ಲೊ.
ಆತಾಂ ತಾಕಾ ದೆವಾಚೊ ಉಡಾಸ್ ಆಯ್ಲೊ ಆನಿಂ "ದೆವಾ ಮ್ಹಾಕಾ ರಾಕ್" ಮ್ಹಣೊನ್ ಉಲೊ ದಿಲೊ. ಆತಾಂ ದೇವ್ ತಾಚೆಲಾಗಿಂ ಉಲವ್ನ್ ಮ್ಹಣಾಲೊ "ಆತಾಂ ತುಂ ಮ್ಹಜೆ ಥಾವ್ನ್ ಕಿತೆಂ ಆಶೆತಾಯ್?"
"ಮ್ಹಾಕಾ ರಾಕ್ ದೆವಾ" ತಾಣೆಂ ಜಾಪ್ ದಿಲಿ.
"ಬರೆಂ, ತುಜಾ ಪಾಟಿರ್ ಆಸ್ಚಿ ದೊರಿ ಖಾತರ್"
ಪುಣ್ ತಾಣೆಂ ತಿ ದೊರಿ ಖಾತರ್ಲಿನಾ ಬಗಾರ್ ಘಟ್ಟ್ ಕರ್ನ್ ತ್ಯಾ ದೊರಿಯೆಕ್ ಧರ್ನ್ ತೊ ರಾವ್ಲೊ.
ದುಸ್ರೆ ದಿಸಾ ಎಕಾ ದಿಸಾಳ್ಯಾರ್ ಆಯಿಲ್ಲ್ಯಾ ವರ್ದೆ ಪ್ರಕಾರ್ ’ಏಕ್ ದೊಂಗೊರ್ ಚಡ್ಪಿ, ನಿಸ್ರೊನ್ ಪಡೊನ್ ದೊರಿಯೆಚೆರ್ ಉಮ್ಕಾಳೊನ್ ಆಸ್ಲ್ಲೊ, ಐಸ್ ಪಡೊನ್ ಐಸಾಚೊ ಘೆಟೊ ಜಾಲ್ಲೊ. ಪುಣ್ ತಾಚಿ ಕೂಡ್ ಧರ್ಣಿಥಾವ್ನ್ ಫಕತ್ ಚ್ಯಾರ್ ಮಿಟರಾಂ ವಯ್ರ್ ಆಸ್ಲ್ಲಿ’ ಮ್ಹಣ್.
ಸಂದೇಶ್: ದೆವಾಕ್ ಆನಿಂ ತಾಚಾ ಉಲ್ಯಾಕ್ ಕೆದಿಂಕ್ಚ್ ದುಭಾವ್ನಾಕಾ. ದೇವ್ ತುಜೊ ರಾಕಣ್ ಭಡ್ವೊ ಆನಿಂ ತುಜೆಂ ಪಾಡ್ ಜಾಂವ್ಕ್ ತೊ ಕೆದಿಂಕ್ಚ್ ಆಶೆಚೊನಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
