ಕವಿತಾकविताPoem
ಉಲಯ್
This poem is available in its original Kannada only.
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಪಿಂತುರಾಚೆರ್ ಪ್ರೇರಣ್ ಜೊಡುನ್ ಕವಿತಾ ಬರಂವ್ಕ್ ’ತಿಂತೆರಾಂತ್ ಪಿಂತುರಾಂ’ ಅಂಕಣಾಕ್ ಭೆಟ್ ದಿ.
ಕವಿತಾಝರ್
ಉಲಯ್ ಉದ್ಕಾ ಉಲಯ್
ಬೊರ್ಗೊಳ್ ಹಾಂಗಾ ಖಿಣಾಂ ಖಿಣಾಂಕ್
ವೆಂಗ್ಲ್ಯಾ ಸುಕಿಧಾಡ್
ಕಾಂಪ್ತಾತ್ಮುಂಗಾ ಮನಾಂ ಮನಾಂ ಭೊಂಗ್ಲ್ಯಾ ತುಜಿ
ನಾಡ್?
ತೇಲ್ ಜಾವ್ನ್ ಜಳ್ಚೆಂ ಆದಿಂ.. ರಗತ್ ಜಾವ್ನ್ ಗಳ್ಚೆ ಆದಿಂ
ಉಲಯ್ ಉದ್ಕಾ ಉಲಯ್.
ವೈಂಕುಟಾಂತ್ ರಾಕ್ಸಾಭಾಶೆನ್ ಕೆಲಿ ತುಜಿ ಸೃಷ್ಟಿ
ತರ್ ಕಿತ್ಯಾಲ್ ಸುಕ್ಯಾ ಗಳ್ಯಾಂತ್ ಜಾಲಿ ಅನಾವೃಷ್ಟಿ?
ಸೊರೊ ಜಾವ್ನ್ ಮೊಳ್ಚೆ ಆದಿಂ.. ಆವ್ರ್ ಜಾವ್ನ್ ವ್ಹಾಳ್ಚೆ ಆದಿಂ
ಉಲಯ್ ಉದ್ಕಾ ಉಲಯ್..
ಪಾಚೆಂಮುಂಗೆ ಕರ್ಗೊನ್ ಗೆಲೆಂ ಮೊನ್ಜಾತಿಂಚ್ಯಾ ಹಾತಿಂ
ಕೊಕೊ ಮೆಮೆಂ ಪಾಕೆಂ ನಾಸ್ತಾಂ ಆಂಗಾಂಯ್ ರಿತಿಂ ರಿತಿಂ?
ಪೆಂಕಾಡ್ ಮೋಡ್ನ್ ಘೊಳ್ಚೆ ಆದಿಂ.. ದುಕಾಂ ಜಾವ್ನ್ ಪಿಳ್ಚೆ ಆದಿಂ
ಉಲಯ್ ಉದ್ಕಾ ಉಲಯ್...
ಪುರ್ತೆಂ ನಪಂಯ್ಚ್ ಜಾಂವ್ಚೆ ಫುಡೆಂ ನವಲ್ ತರಿ ಘಡ್ಟೆಂ
ಮೆಂದ್ವಾ ಶಿರಾಂಕ್ ಆರಾಯಿಲ್ಲೆಂ ಕಟ್ಟೆಂ ಕೊಣ್ಯ್ ಫೊಡ್ಟೆಂ?
ದುದಾಥೆಂಬೊ ಗಿಳ್ಚೆ ಆದಿಂ.. ಅಕ್ಕಲಾಂಕ್ ಕಳ್ಚೆ ಆದಿಂ
ಮನ್ಶಾ ಸಂಯ್ಬಾಂ ಮೊನಿಂ ದೆಕುನ್
ತುಜೆಂ ಮುಕೆಂ ಫುಲಯ್ ಆನಿ
ಉಲಯ್ ಉದ್ಕಾ ಉಲಯ್..
ದಯೇನ್
ಉಲಯ್ ಉದ್ಕಾ ಉಲಯ್
ಕವಿತಾಝರ್ - 97
- ಶಾನ್, ಬೊಂದೆಲ್
ಕೊಣ್ ಸಾಂಗ್ತಾ ಫಕತ್ತ್ ಜೀವ್ ಆಸ್ಚಾಂಕ್ ಮಾತ್ರ್ ಉಲಂವ್ಕ್ ಕಳ್ತಾ? ಯಾ ಕೊಣ್ ಸಾಂಗ್ತಾ ಉದ್ಕಾಕ್ ಜೀವ್ ನಾ ಮ್ಹಣ್? ಕವಿಚೊ ಸಂಸಾರ್ಚ್ ವೆಗ್ಳೊ ದೆಖುನ್ ಹಾಂಗಾಸರ್ ಕಿತೆಂಯ್ ಘಡೊಂಕ್ ಸಾಧ್ಯ್ ಆಸಾ ಮ್ಹಳ್ಳೆಂ ಹೆಂ ಕವಿತಾ ಅಪುರ್ಭಾಯೆಚಿ ಗೊವಾಯ್ ದಿತಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.