ತೆನ್ಕಾ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ತೆನ್ಕಾ ಅಮೇರಿಕಾಂತ್ ಕೊಂಕ್ಣಿ ಬರವ್ಪ್ಯಾಂಚೊ ಎಕ್ತಾರ್ - ’ಕೊಂಕ್ಣಿ ಸಾಂಗಾತಿ’

Placeholder: the original page gave this picture no description, and none has been written yet. It came from daaiz\daaiz\articles\ksc.asp.

ಉದೆಂತಿಚೆಂ ಕೊಂಕ್ಣಿ ಕುಳ್ವಾರ್ ಮಂಗ್ಳುರಾ ಆನಿಂ ಗೊಯಾಂ ಥಾವ್ನ್ ಆಸ್ತಮೆಚೊ ಪಾಚ್ವ್ಯಾ ಚರೊವಾಚೊ ಭಾಂಗ್ರಾಳೊ ಗಾಂವ್ ಕೆನಡಾಕ್ ಕುಟ್ಮಾಸಾಂಗಾತಾ ವಚೊನ್ ಜಿಣಿ ರುತಾ ಕೆಲ್ಲ್ಯಾ ಕೊಂಕ್ಣಿ ಬರವ್ಪ್ಯಾಂಕ್ ಏಕಾ ಬೊಂದೆರಾ ಖಾಲ್ ಸಾಂಗಾತಾ ಹಾಡ್ಚ್ಯಾ ಏಕಾಚ್ಚ್ ಖರ್‍ಯಾ ಆನಿಂ ಬರ್‍ಯಾ ಚಿಂತ್ಪಾಂತ್ ’ಕೆನಡಾಂತ್ಲ್ಯಾ ಕೊಂಕ್ಣ್ಯಾಂಕ್ ಕೊಂಕ್ಣಿ ಸಾಂಗಾತ್’ ಧ್ಯೇಯಾಖಾಲ್ ಉಗ್ತಾಡಾಕ್ ಆಯಿಲ್ಲೊ ಕೊಂಕ್ಣಿ ಬರವ್ಪ್ಯಾಂಚೊ ಎಕ್ತಾರ್ "ಕೊಂಕ್ಣಿ ಸಾಂಗಾತಿ", ಅಖ್ಖ್ಯಾ ತೆನ್ಕಾ ಅಮೇರಿಕಾಂತ್‌ಚ್ ಪಯಿಲ್ಲೊ ಜಾಂವ್ಕ್ ಪಾವ್ಲೊ. ಕೆನಡಾಂತ್ ಶಿಂಪಡ್ಲೆಲ್ಯಾ ಕೊಂಕ್ಣಿ ಬರವ್ಪ್ಯಾಂಕ್ ಎಕಾ ಸಾತ್ಯಾ ಪಂದಾ ಹಾಡುನ್ ಜಿರೊನ್ ವೆಚೆಂ ಬರ್‍ಪಾ ದೆಣೆಂ ಜಿವಂತ್ ಕರುನ್ ಕೆನಡಾಂತ್ಲ್ಯಾ ಕೊಂಕ್ಣೆಕ್ ಏಕ್ ನವೊ ಜೀವ್ ದಿಂವ್ಚೊ ಆನಿಂ ತಸೆಂ ಆಮ್ಚಿ ಮಾಂಯ್‌ಭಾಸ್ ಕೊಂಕ್ಣಿ ಆಮ್ಚ್ಯಾ ಥಾವ್ನ್ ಆಮ್ಚ್ಯಾ ಮುಕ್ಲ್ಯಾ ಪಿಳ್ಗೆಕ್ ವೊರ್‍ಚೊ ಪ್ರಮುಖ್ ಉದ್ದೇಶ್ ಹ್ಯಾ ಎಕ್ತಾರಾಚೊ.

ದಾಯ್ಜಿ ದುಬಾಯ್ ಕೊಂಕ್ಣಿ ಬರವ್ಪ್ಯಾಂಚಾ ಎಕ್ತಾರಾನ್ ಆಪ್ಲೊ ಧಾಕ್ಡೊ ಸಂಭ್ರಮ್ ಆಚರ್ಸುಂಚ್ಯಾ ಭಾಗಿ ಸಂಧರ್‍ಬಾರ್ ಕೆನಾಡಾಂತ್ ಸ್ಥಾಪನ್ ಜಾಲ್ಲೊ ’ಕೊಂಕ್ಣಿ ಸಾಂಗಾತಿ’ ಎಕ್ತಾರ್ ಕೆನಡಾಂತ್ ಕೊಂಕ್ಣಿ ಭಾಸ್, ಕಲಾ ಆನಿ ಸಂಸ್ರ್ಕತೆಕ್ ನವಿ ದಿಶಾ ದಾಕಂವ್ಚ್ಯಾ ಹುಮೆದಿರ್ ಆಸಾ. ದಾಯ್ಜಿ ದುಬಾಯ್ ಎಕ್ತಾರಾನ್ ಪಾಟ್ಲ್ಯಾ ಫಕತ್ತ್ ಎಕಾ ಧಾಕ್ಡ್ಯಾನ್ ಕಾರ್‍ಯಗತ್ ಕೆಲ್ಲೆಂ ಸಾಧನ್ ನಿಜಾಯ್ಕಿ ಅದ್ಭುತ್. ಮಾಂಯ್‌ಗಾಂವಾ ಥಾವ್ನ್ ಹಜಾರೊಂ ಮಯ್ಲಾಂ ಪಯ್ಸಿಲ್ಯಾ ಖಾಡಿ ಗಾಂವಾಂತ್ ತಾಣಿಂ ಪೆಟಯ್ಲೆಲ್ಯಾ ಕೊಂಕ್ಣಿ ಉಜ್ಯಾಚಿಂ ಕಿಟಾಳಾಂ ಸೆಜಾರಿ ಗಾಂವಾಕ್ ಪಾವೊನ್ ಆಜ್ ಮಸ್ಕತಾಂತ್ ಬರ್‍ಪಿಮಿತ್ರ್, ಕುವೇಯ್ಟಾಂತ್ ಕೊಂಕ್ಣಿ ಕುಳ್ವಾರ್, ಬಾಹ್ರೇನಾಂತ್ ಕೊಂಕ್ಣಿ ಕುಟಾಮ್ ಆನಿ ಆಜ್ ಕೆನಡಾಂತ್ ಕೊಂಕ್ಣಿ ಸಾಂಗಾತಿ ನಾಂವಾರ್ ಕೊಂಕ್ಣಿ ಎಕ್ತಾರಾಂಚೊ ಜಲ್ಮ್ ಜಾಲಾ ತರ್ ತಾಕಾ ಪ್ರೇರಣ್ ದಿಲ್ಲಿ ತಿ ಕೀರ್‍ತ್ ದಾಯ್ಜಿದುಭಾಯ್ ಕೊಂಕ್ಣಿ ಬರವ್ಪ್ಯಾಂಚಾ ಎಕ್ತಾರಾಕ್ ಫಾವೊ.

ಆಯ್ಲೆವಾರ್ ಕೆನರಾ ಥಾವ್ನ್ ಕೆನಡಾಕ್ ಪಾವ್‌ಲ್ಲೊ ಕೊಂಕ್ಣಿ ಬರವ್ಪಿ, ಕವಿ ಆನಿ ವಾವ್ರಾಡಿ ಜೆರಿ ಡಿ’ಮೆಲ್ಲೊ, ಬೆಂದುರ್ ಹಾಚ್ಯಾ ಮುಕೇಲ್ಪಣಾಖಾಲ್ ಕೆನಡಾಂತ್ ಕೊಂಕ್ಣಿ ಬರವ್ಪ್ಯಾಂಚೊ ಎಕ್ತಾರ್ ಉಭೊ ಜಾಲಾ. ತೆನ್ಕಾ ಅಮೆರಿಕಾಂತ್ ಶಿಂಪಡ್ಲೆಲ್ಯಾ ಕೊಂಕ್ಣೆಂತ್ಲ್ಯೊ ಪ್ರಮುಖ್ ಲಿಪಿ ಕಾನಡಿ, ರೋಮಿ ಆನಿ ದೇವ್‌ನಾಗರಿಂತ್ ಲಿಕ್ಣಿ ಝರಂವ್ಚ್ಯಾ ಬರವ್ಪ್ಯಾಂಕ್ ಹ್ಯಾ ಎಕ್ತಾರಾಚೆಂ ಸಾಂದೆಪಣ್ ಆಪ್ಣಾಂವ್ಕ್ ಸ್ವಾಗತ್ ಆಸಾ. ಕೊಂಕ್ಣಿ ಸಾಂಗಾತಿ ಸಾಂದೆಪಣ್ ಅಪ್ಣಾಂವ್ಕ್ ಖುಶಿ ಆಸ್ಲೆಲ್ಯಾನಿಂ ಇಮೆಯ್ಲಾಂ ಮಾರಿಫಾತ್ konkani.sangathi@yahoo.ca ವ konkani.sangathi@gmail.com ಮುಕಾಂತ್ರ್ ನೊಂದವ್ಣಿ ಕರುಂಕ್ ಸಂಚಾಲಕ್ ಜೆರಿ ಡಿ’ಮೆಲ್ಲೊನ್ ಉಲೊ ದಿಲಾ.

ಕೆನಡಾಂತ್ ನವ್ಯಾನ್ ಸ್ಥಾಪಿತ್ ಜಾಲ್ಲ್ಯಾ ಕೊಂಕ್ಣಿ ಸಾಂಗಾತಿ ಎಕ್ತಾರಾವಿಶಿಂ ಸಂಸಾರಾಚ್ಯಾ ಕೊನ್ಶಾ ಕೊನ್ಶಾ ಥಾವ್ನ್ ಸಭಾರಾನಿಂ ಆಪ್ಲೊ ಸಂತೊಸ್ ವೆಕ್ತ್ ಕೆಲಾ. ಕೆನಡಾಂತ್ ವಸ್ತಿ ಕರ್‍ಚ್ಯಾ ಸರ್‍ವ್ ಕೊಂಕ್ಣಿ ಲೊಕಾಂಚೊ ಸಾಂಗಾತ್ "ಕೊಂಕ್ಣಿ ಸಾಂಗಾತಿ" ಆಶೆತಾತ್.

ವರ್ದಿ: ಕೊ.ಸಾ. ಭಾತ್ಮಿ.

ಎಮ್‌ಸಿಸಿಪಿ

ಲೇಖನಾಂಚಾ ಪಾನಾಕ್

ದಾಯ್ಜ್ ಪಾನಾಕ್

ಸಜ್ಜಿಗೆ

ವಿಚಾರ್-ಉಚಾರ್

ಫ್ಲಾಯ್ಟ್!?