ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ದೆವಾ ತುಕಾ ಹೆಂ ಸರ್ವ್ ಕರುಂಕ್ ಆನಿ ಪಳೆಂವ್ಕ್ ಬರೆಂ ಲಾಗ್ತಾ? ತುಕಾ ಕಾಳಿಜ್ ನಾಂಗೀ? ಸಿಂತಿಮೆಂತಾಂ ನಾಂತ್ಗಿ? ಉಮಾಳೆ ನಾಂತ್ಗಿ? ಉದ್ವೇಗ್ ಯಾ ಉಬ್ದೇಸ್ ನಾಂತ್ಗಿ? ತುಕಾ ನಾತ್ಲೆಲೆ ಮ್ಹಾಕಾ ದೀವ್ನ್ ದೆವಾ ಹೆಂ ಜೀವನ್ ಏಕ್ಧಮ್ ದುಖಿಪಾಸ್ಟ್ ಜಾಲಾಂ ದೆವಾ.. ತುವೆಂ ಮ್ಹಾಕಾ ಸರ್ವ್ ದಿಲೆಂಯ್. ಹೆಂ ಪೋಟ್ ಆನಿ ಪೊಟಾಭಿತರ್ ಭುಕ್ ಮ್ಹಳ್ಳೊ ಭಯಂಕರ್ ಉಜೊ ದೀವ್ನ್ ಹ್ಯಾ ಸಂಸಾರಾಂತ್ ಕಸಲೆ ಕಸಲೆ ಕಷ್ಟ್ ವಾವ್ರ್, ಸಂಕಷ್ಟ್ ಆನಿ ವಾಯ್ಟ್ ಸರ್ವ್ ಆಡಾಯೆತೆಂ ಹಾವೆಂ ತುಕಾ ಫಕತ್ತ್ ಸವಾಲಾಂ ಕರ್ಯೆತ್ ಜವಾಬ್ ಮಾತ್ರ್ ತುಜೆಲಾಗಿಂ ಆಸಾತ್.
ಸತಾಂತ್ಲಿಂ ವಿಚಿತ್ರಾಂ - 6. ಭುಕ್
ಜೆಮ್ಮಾ ಪಡೀಲ್
ದೆವಾ ತುಂ ಸರ್ವ್ ಪದ್ವೆದಾರ್. ದೆವಾ ತುಂ ಸರ್ವ್ ಜಾಣಾರ್. ತುಕಾ ಸರ್ವ್ ಕಳಿತ್ ಆಸಾ. ಆತಾಂ ಆನಿ ಮುಕಾರ್ ಕಿತೆಂ ಜಾತಾ ಆನಿ ಕಿತೆಂ ಜಾತೆಲೆಂ ಹೆಂ ಸರ್ವ್ ತುಂ ಜಾಣಾಂಯ್. ತುವೆಂ ತುಜ್ಯಾ ಪರ್ಜೆಕ್ ತಕ್ಲಿ ದಿಲ್ಯಾಯ್ ತೆಂ ಪಳೆತಾನ್ಬಾ ಕಳಿತ್ ಜಾತಾ. ತುವೆಂ ರಚ್ಲ್ಲೊ ಸಂಸಾರ್ ಹಜಾರ್ ಹಜಾರ್ ವರ್ಸಾಂ ಆದಿಂ ಕಸೊ
ಆಸ್ಲ್ಲೊ, ಆತಾಂಯ್ ಕಸೊ ಆಸಾ ತೆಂ ಪಳೆಲ್ಯಾರ್ ತುಜಿ ತಕ್ಲಿ ಸಂತೊಸಾನ್ ಆನಿ ಒಕ್ಕಾಣೆನ್ ’ವ್ಹಯ್’ ಮ್ಹಣ್ಚಾ ಜೀನ್ಸಾರ್ ಹಾಲಂವ್ಕ್ ಸಾ. ಹೆಂ ಸತ್ ನ್ಹಯ್?
ತುವೆಂ ಆದಾಂವ್ ಎವೆಕ್ ಜನನ್ ಕೆಲ್ಲ್ಯಾ ನಂತರ್ ತಾಂಕಾಂ ಕುಟ್ಮಾಚೊ ವೊಸೊ ದಿಲೊಯ್. ಕಿತೇಂಯ್ ಜಾಂವ್ದಿ - ಭಾವ್ ಭಯ್ಣ್ ಏಕ್ ಕುಟಾಮ್ ಜಾವ್ನ್ ಹ್ಯಾ ಸಂಸಾರಾಕ್ ನವಿ ವಾಟ್ ದಾಖಯ್ಲಿ. ತಸಲಿ ಪರಿಗತ್ ಆತಾಂ ನಾಂ ಆನಿ ನಾಕಾಯ್. ಕಿತ್ಯಾಕ್ ಹಾಂಗಾ ಲೊಕಾಚ್ಯಾ
ಭಿರಾಂನಿ ರಾವೊಂಕ್ ಜಾಗೊ ನಾ. ಹಾಂವ್ ಸಾಂಗ್ತಾಂ ಆಮ್ಚ್ಯಾ ಹ್ಯಾ ಮಂಗ್ಳುರ್ಗಾರಾಂಕ್ ಮಂಗ್ಳುರ್ ನಾಕಾ. ಮಂಗ್ಳುರ್ ನ್ಹಯ್ ಭಾರತ್ ನಾಕಾ. ತಾಂಕಾಂ ಅಮೆರಿಕಾ, ಕೆನಡಾ ಯಾ ಆಸ್ಟ್ರೇಲಿಯಾಚೊ ಅಂಗಾಲಾಪ್ ಲಾಗ್ಲಾ. ಆಮ್ಚ್ಯಾ ಕುಶಿಚಾ ಕೇರಳಾಚಾಂಕ್ ಮಂಗ್ಳುರ್ ಮ್ಹಳ್ಯಾರ್ ಭಾರಿ. ಇತ್ಲೆಂ ಮೊಗಾಚೆಂ ಮ್ಹಳ್ಯಾರ್ ತೆ ಮಂಗಳಾಪುರ ಮ್ಹಣ್ತಾತ್. ಕರ್ನಾಟಾಕ ಸರ್ಕಾರ್ ಮ್ಹಣ್ತಾ ’ಮಂಗಳೂರ’ ಕರ್ಚ್ಯಾ ತಕ್ಲೆರ್ ಆಸ್ಚಾ ಪಯ್ಲೆಂ, ಆಮ್ಚ್ಯಾ ಮಂಗ್ಳುರ್ಚೆಂ ನಾಂವ್ ಕೇರಳಾಂನಿ ಬದ್ಲಿಲಾಂ ಮ್ಹಳ್ಯಾರ್
’ತೆ’ ಮನಿಸ್ ಕಿತ್ಲೆ ಮುಖಾರ್ ತೆಂ ತುವೆಂ ಲೇಕ್ ಕೆಲಾಂಯ್ ಆಸ್ತೆಲೆಂ. ದೆವಾ ತುಂ ಸರ್ವ್ ಜಾಣಾರ್ ಹ್ಯಾ ಉತ್ರಾಕ್ ದೋನ್ ಉತ್ರಾಂ ನಾಂತ್.
ತುಂ ಸರ್ವ್ ಜಾಣಾರ್, ಕಿತೆಂ ತುಂ ಕರ್ತಾಯ್ ತೆಂ ತುಕಾ ಕಳಿತ್ ಆಸಾ; ತಾಕಾ ಕಾರಾಣ್ ಆಸಾ. ಮ್ಹಾಕಾ ಹೆಂ ಏಕ್ ಸವಾಲ್ ಕೆದಾಳಾಯ್
ಧೊಸ್ಚೆಂ ಆಸಾ. ತುವೆಂ ತುಜ್ಯಾ ಪರ್ಜೆಕ್ ತಶೆಂ ಮನ್ಜಾತಿಂಕ್ ಕಿತ್ಯಾಕ್ ದೆವಾ ಪೋಟ್ ದಿಲೆಂಯ್. ಪೋಟ್ ದಿಲೆಂಯ್ ಜಾಲೆಂ - ಕಿತ್ಯಾಕ್ ತುವೆಂ ತಿ ಭುಕ್ ಮ್ಹಳ್ಳೊ ಉಜೊ ಯಾ ದೆಂವ್ಚಾರ್
ದಿಲಾಯ್. ಹೆಂ ಚಿಂತುನ್ ಚಿಂತುನ್ ಮ್ಹಜಿ ತಕ್ಲಿ ಪಾಡ್ ಜಾಲ್ಯಾ. ಹೆಂ ಸವಾಲ್ ಕಿತ್ಯಾಕ್ ಮ್ಹಾಕಾ ಧೊಸ್ತಾ ಮ್ಹಳ್ಯಾರ್, ಹರ್ಯೆಕ್ ದೀಸ್ ಹಾವೆಂ ವಾಸ್ಚೆಂ ಖಬ್ರಾಳೆಂ ಪತ್ರ್, ತುಜ್ಯಾ ಮಣ್ಶಾನ್ ರಚಿತ್ ಕೆಲ್ಲಿ ಟಿ.ವಿ ಪಳೆತಾನಾ ಯಾ ಆಯ್ಕೊಂಚ್ಯಾ ರೇಡಿಯೊರ್ ಮ್ಹಾಕಾ ವಿರಾರ್ ಕರ್ಚೆಂ ಸವಾಲ್ ಏಕ್ಚ್ಚ್!
-
ಆವಯ್ ಬಾಪಾಯ್ನ್ ಭುರ್ಗ್ಯಾಂಕ್ ವಿಖ್ಲೆಂ.
- ದುರ್ಬಳ್ಯಾನ್ ಗ್ರೇಸ್ತ್ ಮನ್ಶಾಚಿ ಖುನಿ ಕೆಲಿ.
- ದುರ್ಬಳ್ಯಾ ಚೆಡ್ವಾನ್ ವೇಶ್ಯ್ವೃತ್ತೆಕ್ ಮೆತೆರ್ ಜಾಲೆಂ.
- ಹಾಂಗಾ ಥಂಯ್ ಚಲ್ಚಿ ಚೊರಿ, ಲೂಟ್ ಇತ್ಯಾದಿ
ಖಂಯ್ಚಾ ವಿಶಯಾಚೆರ್ ಚಲ್ತಾ ಸೊಮಿಯಾಂ.
ತುವೆಂ ಪೊಟಾಭಿತರ್ ಭಿಕ್ ದೀವ್ನ್ ಭಾರಿ ವ್ಹಡ್ಲಿ ಗಡ್ಬಡ್ ಕೆಲ್ಯಾಯ್. ಕಿತ್ಯಾಕ್ ಮ್ಹಳ್ಯಾರ್ ಹ್ಯಾ ಸಂಸಾರಾಂತ್ಲ್ಯೊ ಸರ್ವ್ ಉಪಾದ್ರ್, ಗಲಾಟೊ ಯಾ ಆವಾಜ್ ಆರಂಬ್ ಜಾಂವ್ಕ್ ಕಾರಾಣ್ ಫಕತ್ತ್ ತುವೆಂ ದಿಲ್ಲ್ಯಾ ಪೊಟಾಭಿತರ್ಲ್ಯಾ ಭುಕೆವರ್ವಿಂ!
ಹಿ ಭುಕ್ ಮ್ಹಳ್ಯಾರ್ ಕಿತೆಂ ಸೊಮಿಯಾಂ? ಚಿಂತುಂಕ್ ಜಾಯ್ನಾಂ. ಹ್ಯಾ ಭುಕೆವರ್ವಿಂ ದುಬ್ಳೆ ಗ್ರೇಸ್ತ್ ಜಾಂವ್ಕ್ ಪಳೆತಾತ್. ಗ್ರೇಸ್ತ್ ಆನಿಕ್ಯೀ ವಯ್ರ್ ವಚೊಂಕ್ ಪಳೆತಾತ್. ಕಿತೆಂ ಕರ್ಯಾಂ ದೆವಾ? ಮ್ಹಾಕಾ ಕಿತೆಂಚ್ ಸಮ್ಜಾನಾ. ಲ್ಹಾನ್ ಲ್ಹಾನ್ ಭುರ್ಗಿಂ
ಭಿಕ್ ಮಾಗ್ತಾನಾ ಚೊರಿ ಕರ್ತಾನಾ, ಹೆಣೆಂ ತೆಣೆಂ ಕಾಮ್ ಕರ್ತಾನಾ, ಖಚ್ರ್ಯಾಚಾ ಡಬ್ಬ್ಯಾಥಾವ್ನ್ ಕುಸ್ಲ್ಲೆಂ ಆನಿ ಉಸ್ಟ್ಯಾಚೆಂ ಖಾಣ್ ಕಾಡ್ಲ್ಲ್ಯಾ ನಂತರ್
ತಾಂಚಿ ಭುಕ್ ಥಾಂಬಾನಾ, ದೆವಾ ಮ್ಹಾಕಾ ತುಜೆರ್ ರಾಗ್ ಯೆತಾ. ದೆವಾ ತುಕಾ ಹೆಂ ಸರ್ವ್ ಕರುಂಕ್ ಆನಿ ಪಳೆಂವ್ಕ್ ಬರೆಂ ಲಾಗ್ತಾ? ತುಕಾ ಕಾಳಿಜ್ ನಾಂಗೀ? ಸಿಂತಿಮೆಂತಾಂ ನಾಂತ್ಗಿ? ಉಮಾಳೆ ನಾಂತ್ಗಿ? ಉದ್ವೇಗ್ ಯಾ ಉಬ್ದೇಸ್ ನಾಂತ್ಗಿ? ತುಕಾ ನಾತ್ಲೆಲೆ ಮ್ಹಾಕಾ ದೀವ್ನ್ ದೆವಾ ಹೆಂ ಜೀವನ್ ಏಕ್ಧಮ್ ದುಖಿಪಾಸ್ಟ್ ಜಾಲಾಂ ದೆವಾ.. ತುವೆಂ ಮ್ಹಾಕಾ ಸರ್ವ್ ದಿಲೆಂಯ್. ಹೆಂ ಪೋಟ್ ಆನಿ ಪೊಟಾಭಿತರ್ ಭುಕ್ ಮ್ಹಳ್ಳೊ
ಭಯಂಕರ್ ಉಜೊ ದೀವ್ನ್ ಹ್ಯಾ ಸಂಸಾರಾಂತ್ ಕಸಲೆ ಕಸಲೆ ಕಷ್ಟ್ ವಾವ್ರ್, ಸಂಕಷ್ಟ್ ಆನಿ ವಾಯ್ಟ್ ಸರ್ವ್
ಆಡಾಯೆತೆಂ ಹಾವೆಂ ತುಕಾ ಫಕತ್ತ್ ಸವಾಲಾಂ ಕರ್ಯೆತ್ ಜವಾಬ್ ಮಾತ್ರ್ ತುಜೆಲಾಗಿಂ ಆಸಾತ್.
ಹಾಂವ್ ಮಾಗಿರ್ ಚಿಂತುನ್ ಮತ್ ವಿರಾರ್ ಜಾಲ್ಲ್ಯಾನಂತರ್ ಮತ್ ಪರತ್ ಸ್ಥಿಮಿತಾಕ್ ಆಯ್ಲ್ಯಾ ನಂತರ್ ಹಾಂವ್ ಸಮ್ಜತಾಂ - ತುವೆಂ ಭುಕ್ ದಿಲ್ಲ್ಯಾನ್ ಹೊ ತುಜೊ
ಕಾಮ್ ಕರ್ತಾ. ಘಾಮ್ ಕಾಡ್ನ್ ದೀಸ್ ಕಾಡ್ತಾ. ಫಾಲ್ಯಾಂ ಖಾತಿರ್ ಕಾಮ್ ಕರ್ತಾನಾ ಆಪ್ಲ್ಯಾ ಭುರ್ಗ್ಯಾಂ ಖಾತಿರ್ ಕಿತೆಂಯೀ ಬರೆಂ ಕರುಂಕ್ ಪಳೆತಾ. ಜಸೆಂ ಬರ್ಯಾಂ ಸಂಗಿಂ ಪಾಡ್ ಆಸಾ ತಸೆಂ ತುವೆಂ ಬರೆಂಪಣ್ ಕರ್ಚ್ಯಾ ಖಾತಿರ್ ಮನ್ಶಾಕುಳಾಚ್ಯಾ ಉದರ್ಗತೆಕ್ ಹಿ ಭುಕ್ ದೀವ್ನ್ ಹೊ ಸಂಸಾರ್ ಮುಕಾರ್ ಹಾಡ್ಲಾಯ್. ಹಾಂವೆಂ ಹೆಂ ಮಾಂದುಂಕ್ ಜಾಯ್. ಹೆಂ ಸತ್ ಜಾವ್ನಾಸಾ. ತುಂ ನೀಜ್ ಜಾವ್ನ್ ಉಜ್ವಾಡ್ ಕಾಳೊಕ್ ಧಾಂವ್ಡಾಂವ್ಚೊ!
ಆಧ್ಲೆ ಆಂಕ್ಡೆ: ಸಂವಾದ್, 1, 2, 3, 4, 5
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
