ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ರುಸ್ತುರುಸಾಂವ್
ಹೆಂ ತತ್ವಾಂ-ತರ್ಕಾಂಚೆಂ ತೆಂತೆಸಾಂವ್
ಹೆಂ ಆಮ್ಶೆಂ-ತಿಕ್ಶೆಂ ಮಿಸಾಂವ್
ಹೆಂ ರಾಜಾಂವ್-ವಿಚಾರಾಂಚೆಂ ಲಿಸಾಂವ್
ರುಸ್ತುರುಸಾಂವ್ - 5. ಸುರಾತ್
ಲ್ಯಾನ್ಸಿ ಪಿಂಟೊ ನಾಯಕ್
"ಉಣ್ಣದೊಡವೆಯಗಳಿಸಿ ಮಣ್ಣಿನೊಳು ತಾನಿರಿಸಿ
ಸಣ್ಣಸಿ ನೆಲನ ಸಾರಿದನ ಬಾಯೊಳಗೆ
ಮಣ್ಣ ಕಾಣಯ್ಯ ಸರ್ವಜ್ನ"
ಮ್ಹಣ್ಜೆ, ಜೆವಾಣ್ ಖಾಣ್ಯೀ ಸಾರ್ಕೆಂ ಸೆವಿನಾಸ್ತಾಂ, ಮಾತ್ಯೆಂತ್ ದಿರ್ವೆಂ ಪುರುನ್ ದವ್ರುನ್ ಲಾನ್ವಿಕ್ಪಣಾನ್ ಜಿಣಿ ಸಾರ್ಲ್ಯಾರ್ ನಿಮಾಣೆಂ ತೊಂಡಾಂತ್ಯ್ ಮಾತಿ ಪಡ್ಚಿ ಖಂಡಿತ್ ಮ್ಹಣ್ ಸರ್ವಜ್ನಚ್ಯಾ ವಚನಾಂತ್ ವಾಚುಂಕ್ ಮೆಳ್ತಾ..
ತೆಂ ಆಸೊಂ..
ಗಜಾಲ್ ಕಠಿಣ್ ಆಸ್ತಾ ಸುರಾತ್ಯಾಂಚಿ...
ದೆಕುನ್ ಮ್ಹಣ್ತಾತ್.. ಭಿಕಾರ್ಯಾ ಸರ್ಶಿನ್ ತರೀ ದೀಸ್ ಸಾರ್ಯೆತ್ ಪುಣ್ ಸುರಾತ್ಯಾಕಡೆಂ ಅಸಾಧ್ಯ್ ಮ್ಹಣೊನ್.
ಸತ್ಮೂ! ತುಮ್ಕಾಂ ಅನ್ಭವ್ ಜಾಲಾ ಆಸ್ತಲೊ...
ಅವಾಯ್ಸ್ ಮ್ಹನ್ಯಾ.. ಸತ್ಚ್ ಸಾಂಗ್ತಾಂ... ಹವೆಂ ಜಾಯ್ತೆ ನಮುನಾಚೆ ಸುರಾತಿ ಪಳೆವ್ನ್, ಗಿಳುನ್, ಮೆಳವ್ನ್, ಥಕ್ಲಾಂ.
ಪಯ್ಶ್ಯಾನಿಂ ಸುರಾತ್ಪಣಾಚಿ ಗಜಾಲ್ ವಿಂಗಡ್.. ಕಾಮ್ ಕೆಲ್ಲ್ಯಾಂಕ್ ಸಾಂಬಾಳ್ ದಿನಾಸ್ತಾಂ ರಾಂವ್ಚೆಂ ಕಿತ್ಲೆಂ ಉಣೆಂಪಣ್ ಜಾಲ್ಯಾರೀ ಪರ್ವಾನಾ ’ಚಾಮ್ಡಿ ಜಾಯೆ ಮಗರ್ ದಾಬ್ಡಿ ನ ಜಾಯೆ’ ಮ್ಹಳ್ಳೆಪರಿಂ ಕರ್ಚೆ, ಪಯ್ಶ್ಯಾಖಾತಿರ್ ಪೊಟ್ ಮಾರ್ಚೆ, ಜಮೊಂವ್ಚೆ, ಥಕೊಂವ್ಚೆ, ರಾಕೊಂವ್ಚೆ, ಜಾಯ್ತೆ ಸುರಾತಿ ಕಶೆಂಯೀ ಜಾಲೆಮೂ?!
ದುಸ್ರ್ಯಾ ಜಾತಿಚ್ಯಾ, ಮತಿಚ್ಯಾ, ಕಾತಿಚ್ಯಾ ಸುರಾತ್ಯಾಂಚಿ ಗಜಾಲ್ ತುಮಿಂ ಜಾಣಾಂತ್ವೆ?!
ಮನಿಸ್ ಆಪ್ಲ್ಯಾ ಫಾಯ್ದ್ಯಾಖಾತಿರ್ ಕಿತ್ಲೊ ನಿಸ್ವಾರ್ಥಿಪಣ್ ವೆಂಗ್ತಾಕೀ ತಾಚಾಕೀ ಚಡ್ ಮೊಸ್ರಾವರ್ವಿಂ ಸುರಾತಿ ಜಾತಾ...
ಫಾಲ್ಯಾಂ ಸಕಾಳಿಂ ’ತುಕಾ’ ಎಕ್ ಧಾ ಲಾಖಾಂಚಿ ಲಾತ್ರಿ ಟಿಕೆಟ್ ಮೆಳೊಂದಿ ಮಾಗಿರ್ ಪಳೆ ಮನ್ಶಾಚೆಂ ಮನ್ಶಾಪಣ್..!!
ಫಕತ್ತ್ ಸುರಾತ್ಪಣ್ ನ್ಹಯ್ ಸಗ್ಳೆಂ ಹಣೆಬರಪ್. ಸದಾಂಚ್ಯಾಪರಿಂ ಉಲಂವ್ಚೊ ಮನಿಸ್ ಹಾಸೊ ದಿಂವ್ಚಾಂತ್ ಸುರಾತ್ ಕರ್ತಾ ಮಾತ್ರ್ ನ್ಹಯ್ ಕುಟ್ಟುನ್ ಉಲಯ್ಲ್ಯಾರೀ ಉಲವ್ಣ್ಯಾಂತ್ ನಂಜ್ಯೊ ಭರುನ್... ಸುರಾತ್.
"ತುಂ ವ್ಹಡ್ಲೊ ಮನಿಸ್ ಜಾಲೊಯ್.. ತುಜ್ಯಾಲಾಗಿಂ ಉಲವ್ನ್ ಫಾಯ್ದೊ ಕಿತೆಂ?! ತುಂ ಕಾಂಯ್ ದಿತಾಯ್ವೆ?!"
ತಾಕಾ ಮೆಳ್ಯಾರ್ ತೊ ಕಾಂಯ್ ದಿತಾಗೀ? ಮ್ಹಳ್ಳೆಂ ಸವಾಲ್?! ಬರೆಂ ಚಿಂತ್ಚೊ ಸುರಾತ್.
ಪಳೆವ್ಯಾಂ.. ಖಂಚೊಯೀ ಏಕ್ ಪೂತ್ ಸಂತೊಸಾನ್ ಯೇವ್ನ್ ವೆಂಗೊನ್ ಖುಶೆನ್ ಸಾಂಗೊಂದಿ ಪಳೆವ್ಯಾಂ ’ಶಹಬ್ಬಾಸ್!!" ಜಾವ್ಯೆತ್.. ತುಕಾ ನಶಿಬ್ ದೆವಾನ್ಂಚ್ ದಿಲೆಂ ತುಜ್ಯಾ ಬರ್ಯಾ ಮನಾಕ್.. ಅನಿಕೀ ಧಾರಾಳ್ ದಿಂವ್ದಿ ಮ್ಹಣೊನ್.
ಖಂಡಿತ್ ನಾ.. ಹೊವೀ ಅಭಿನಂದನ್ ಪಾಟಂವ್ಕ್, ಶಾಭಾಸ್ಕಿ ದೀಂವ್ಕ್, ಉಲ್ಲಾಸುಂಕ್ಯೀ ಸುರಾತ್.
ಖಂಚಾಯೀ ಬರವ್ಪ್ಯಾಂಚೆಂ ಬರೆಂ ಲೇಖನ್, ಕಥಾ ಕವಿತಾ ಯೇಂವ್ದಿ.. ಕೊಣೀ ಎಕ್ಲೊ ಶಾಭಾಸ್ಕಿ ದೀಂವ್ದಿ ಪಳೊವ್ಯಾಂ.. ಹೊವೀ ಏಕ್ ಸುರಾತ್ಗೀ?! ವ ದುಸ್ರ್ಯಾಂಕ್ ಹೊಗಳ್ಸಿಲ್ಯಾನ್ ತೊ ವಯ್ರ್ ಯೆತಾ ಆನಿ ಅಪುಣ್ ಸಕ್ಲಾ ಪಡ್ತಾ ಮ್ಹಳ್ಳಿ ಭಿರಾಂತ್?! ತೆಂ ನೆಣಾಂ. ಸಭಾರ್ ಕುಟ್ಮಾಂತ್, ದುಭಾವಾಂತ್ ಯೇರ್ ಆಯ್ಲ್ಯಾ ಜಾವ್ಯೆತ್.. ತಾಚ್ಯಾಕೀ ಚಡ್ ಸುರಾತ್ಯಾವರ್ವಿಂ ಖಂದಿತ್ ದೆಸ್ವಾಟ್ ಜಾಲ್ಯಾ ಮ್ಹಣ್ಯೆತ್.
ಸುರಾತ್ ಕುಟ್ಮಾಚಾ ಆರ್ತಿಕ್ ಸಂಗ್ತಿಂನಿ ಮಾತ್ರ್ ನ್ಹಯ್ ಉರ್ಲ್ಲ್ಯಾ ಸಭಾರ್ ಸಂಗ್ತಿಚೊ ಸುರಾತ್ ಕುಟ್ಮಾಕ್ ಸಲಿಸಾಯೆನ್ ನಾಲಿಸಾಯೆಕ್ ವೊಳಗ್ ಕರ್ನ್ ಧೆಸ್ವಾಟ್ ಕರುಂಕ್ ಕಾರಾಣ್ ಜಾಲಾ ಮ್ಹಣ್ಯೆತ್.
ಹಾಂವ್ ಥೊಡ್ಯಾ ಕುಟ್ಮಾಕ್ ಜಾಣಾಂ.. ಥೊಡಿಂ ಘಡಿತಾಂ ಸಾಂಗ್ಲ್ಯಾರ್ ತುಮಿ ಪಾತ್ಯೆಂವ್ಚಿಂನಾಂತ್, ತರೀ ಸಾಂಗ್ತಾಂ.. ಆಯ್ಕಾ ಸೊರ್ರಿ ವಾಚಾ.
* ಬರ್ಯಾ ತಾಂದ್ಳಾಕ್ ಮೋಲ್ ಚಡ್ ಮ್ಹಣ್ ಬೊರೊಡ್ ಪಡ್ಲ್ಲೊ ತಾಂದು ಹಾಡ್ನ್ ನಿತಳ್ ಕರ್ನ್ ಖಾಂವ್ಚೊ (ಪೊಯ್ಶೆ ಅಸೊನ್ಯ್)
* ಭಾಜ್ಲ್ಲೆಂ ತೇಲ್ ಏಕ್ ದೋನ್ ಹಾಫ್ತೆ ಸಭಾರ್ ಪಾವ್ಟಿಂ ಉಪ್ಯೋಗ್ ಕರ್ಚೆಂ (ಉಡಂವ್ಕ್ ಸುರಾತ್)
* ರಾಂದ್ಲ್ಲ್ಯಾ ಆಯ್ದಾನಾಂತ್ಲೆಂ ನಿಸ್ತೆಂ ಕುಲೆರಾಂತ್ ಕಾಡ್ಲ್ಲ್ಯಾ ಉಪ್ರಾಂತ್ ಹಾತಾಚ್ಯಾ ಬೊಟಾಂನಿ ಲೆಂವ್ಚೆಂ (ಅಂಗಲಾಪ್)
* ಸಾಬು ಖರ್ಚತಾ ಮ್ಹಣೊನ್ ಗಾಗ್ರೊ ಏಕ್ ಹಾಫ್ತೊ ಎಕಾ ಕುಶಿನ್ ತರ್ ದುಸ್ರ್ಯಾ ಹಾಫ್ತ್ಯಾಂತ್ ದುಸ್ರ್ಯಾ ಕುಶಿನ್!! (ಉರ್ಲ್ಲ್ಯಾ ಸಂಗ್ತಿವಿಶಿಂ ನೆಣಾಂ ಹ ಹ ಹ)
* ಖರೆಂಟ್ ಖರ್ಚಾತ್ ಮ್ಹಣ್ ಮಹಿನ್ಯಾಚೆಂ ಆಳೆನ್ ಎಕ್ಚ್ ಪಾವ್ಟಿಂ ವಾಟುನ್ಬ್ ಫ್ರಿಜ್ಜಾಂತ್ ದವರ್ಚೆಂ.
* ಮಾಲ್ಘಡ್ಯಾಂಚೊ ಸಗ್ಳ್ಯೊ ಉಪ್ಯೋಗ್ ಜಾಲ್ಲ್ಯೊ ವಸ್ತು (ಪೇಂಟ್, ಶರ್ಟಾಂ, ವ್ಹಾಣೊಂಯೀ) ಪಾಟ್ಲ್ಯಾನ್ ದಿಂವ್ಚ್ಯೊ. ಪಾಟ್ಲ್ಯಾಕ್ ನವ್ಯೊ ನಾಂತ್.. ಕಿತ್ಯಾಕ್ ತಾಚಾ ಪಾಟ್ಲ್ಯಾನ್ ನಾಂ ಮ್ಹಳ್ಳ್ಯಾ ಸುರಾತಾಚ್ಯಾ ಕಾರಾಣಾಲಾಗೊನ್.
* ಖಾಂವ್ಚ್ಯಾ ಜೆವ್ಣಾವೆಳಾ ದುಸ್ರ್ಯಾ ಘರಾಂನಿ ವಚೊನ್ ಪಯ್ಶೆ ಉರಂವ್ಚೆ.. ಆಪ್ಲ್ಯಾ ಘರಾ ಯೆಂವ್ಚೆಂ ಆಡಾಂವ್ಚೆಂ
* ಲ್ಹಾನ್ ಲ್ಹಾನ್ ದುಸ್ರ್ಯಾಲಾಗಿಂ ವಿಚಾರ್ನ್ ಘೆಂವ್ಚೆಂ.
* ಬರೀ ಫಳ್ ವಸ್ತು ಖಾಂವ್ಚ್ಯಾಕೀ ಉಣ್ಯಾ ಮೊಲಾಚ್ಯೊ ಬಾವ್ಲ್ಲ್ಯೊ, ಧಾಡಾಲ್ಲ್ಯೊ, ಎಕಾ ಕುಶಿನ್ ಕುಸ್ಲ್ಲ್ಯೊ ಘೆವ್ನ್ ಖಾಂವ್ಚ್ಯೊ.
* ಬರ್ಯಾ ಸಂಗ್ತಿಕ್ ಖರ್ಚ್ ಜಾತಾ ಮ್ಹಣ್ತಾನಾ ತ್ಯಾವಿಶಿಂ ಖೊಡಿ ಕಾಡ್ನ್ ಪಾಡ್ ಉಲಂವ್ಚೆಂ ಇತ್ಯಾದಿ ಇತ್ಯಾದಿ.
ತೆಂ ಸೊಡ್ಯಾ ಕುಟ್ಮಾಂತ್ ಸುರಾತ್ ಕರ್ಚೆಂ.. ತೆಂವೀ ಸಾಂಗಾತಾ ಜಿವಿತ್ ಸಾರ್ತಾನಾ..
ಬಾಯ್ಲೆಕ್ ಮೊಗಾನ್ ಕಿತೆಂಯೀ ವಿಚಾರ್ಲ್ಯಾರ್ ’ತೆಂ ಆಮ್ಕಾಂ ಗರ್ಜ್ ನಾ/ನಾಕಾ ಮ್ಹಣೊನ್ ಪಟ್ಟಾ ಶೆಳೆಂ ಉದಾಕ್ ವೊತ್ಚೆಂ’
ಬುರ್ಗ್ಯಾನ್ ಕಿತೆಂಯ್ ಖೆಳಾಂತ್, ಕಲೆಂತ್ ಅಪ್ಲ್ಯಾ ದೆಣ್ಯಾಂತ್ ಶಾಭಾಸ್ಕಿ ಜೊಡ್ತಾನಾ ’ಪುರೊ ಪುರೊ.. ತಾಂತುಂ ನಾಂವ್ ಜೊಡ್ನ್ ಪೊಟ್ ಭರಾನಾ.. ಶಿಕ್ಪಾಂತ್ ಗಮನ್ ದೀ’ ಬರೆಂ ಉತ್ತೇಜನ್ ದೀಂವ್ಕ್ಯ್ ಸುರಾತ್.
"ಸಾಂಜೆರ್ ವೆಗಿಂ ಯೆ ಸಾಯ್ಭಾ ಸಾಂಗಾತಾ ಶೊಪಿಂಗಾಕ್ ಯಾ" ಮ್ಹಳ್ಯಾರ್..
"ನಾಕಾ ನಾಕಾ.. ಕಿತೆಂ ಜಾಯ್ ತಿ ಲಿಸ್ಟ್ ದೀ.. ಹಾಂವ್ ಯೆತಾನಾ ಹಾಡ್ತಾಂ.. ತುಂ ಸಾಂಗಾತಾ ಆಯ್ಲ್ಯಾರ್ ಮ್ಹಾಕಾ ಮುಗ್ದುನ್ ಸೊಡ್ತಾಯ್.."
ಬರ್ಯಾ ಸಾಮ್ಗಾತಾಕ್ ಬರ್ಯಾ ಘಡಿಯಾಂಕ್ಯೀ ಸುರಾತ್. ಆಜ್ಕಾಲ್ ಜಿವಿತ್ ಯಾಂತ್ರಿಕ್ ಜಾವ್ನ್ ಬರ್ಯಾ ಸಂಬಂದಾಂತ್ ಸುರಾತ್ ಘುಸ್ಲಾ. ಆನಿ ಹಾಚೊ ಮುಖ್ಯಾ ಆನಿ ಪ್ರಮುಖ್ಯ ದಿಂವ್ಚೊ ಸುರಾತ್ "ಮೊಗಾಚೊ" ಹೊ ಮೊಗಾಚೊ ಸುರಾತ್ ನಿಮಾಣೆಂ ಬೆಜ್ರಾಯ್, ರಾಗ್, ವಿರಾರಾಯ್, ಅಭಿಪ್ರಾಯ್ ಭೇಧ್ ಆನಿ ದುಸ್ಮಾನ್ಕಾಯ್ ಆಸಾ ಕರ್ತಾ ಮಾತ್ರ್ ನ್ಹಯ್ ಸಂಬಂಧ್ ತುಟಯ್ತಾ, ಸುಟಯ್ತಾ. ಮೊಗಾಚಾ ಸುರಾತಾನ್ ದುಬಾವ್ ಆನಿ ದುಬಾವಾನ್ ದೆದೆಸ್ಪ್ರಾರ್ ಜಾವ್ನ್ ತಾಂಡ್ ವ್ಹಡ್!! (ಸ್ಟ್ರೆಸ್ಸ್)
ಜಿವಿತ್ ದೆವಾನ್ ದಿಲಾಂ ಮೊಗಾಚ್ಯಾ ಬುನ್ಯಾದಿಚೆರ್ ಭರ್ವಶ್ಯಾನ್ ಸಾರುಂಕ್ ಆನಿ ಆಮಿಂಚ್ ಕುರಾಡ್ ಮಾರ್ತಾಂವ್. ಘೊವ್ ಬಾಯ್ಲೆಕ್, ಬಾಯ್ಲ್ ಘೊವಾಕ್ ವ್ಹಡಿಲಾಂ ಭುರ್ಗ್ಯಾಂಕ್ ಮೊಗಾಂತ್ ಸುರಾತ್ ಕರ್ನ್ ಎಕ್ ಪಿಡೇಸ್ತ್ ಸಮಾಜ್ ರಚ್ತಾಂವ್, ನಿಜಾಯ್ಕಿ ಗಜಾಲ್ ಆನಿ ನಾಲಿಸಾಯೆಚಿ ಗಜಾಲ್ ನ್ಹಯ್ಗಿ?
ಆಮಿ ಆಮ್ಕಾಂಚ್ ಬಿಲ್ಲೆ ಲಾಯ್ಲ್ಯಾತ್. ಜಾತಿ, ಕಾತಿ ಆನಿ ಮತಿಚೆ ಮಾತ್ರ್ ನ್ಹಯ್, ರಾಜ್ಯ್, ರಾಷ್ಟ್ರಾಂಚೆಯೀ. ನಿಜಾಯ್ಕೀ ಆಮಿ ರಚ್ಣಾಂ ವಿಶಾಲ್ ಮನಾಚಿಂ ದೆವಾಚಿಂ ದುಸ್ರ್ಯಾಂತ್ ಆಮಿ ಮನಿಸ್. ಎಕಾ ಮೆಕಾ ಖಾತಿರ್ ಮನ್ಶಾಪಣಾಚೆಂ ತೆಂ ಸತ್ ವಿಸ್ರಲ್ಯಾಂವ್ ಆನಿ ಚಿಂತ್ಚೊ ಸುರಾತ್ ಆಮ್ಚೆಲಾಗಿಂ ಜಾಲಾಂ, ಉಭ್ಜಾಲಾ ನ್ಹಯ್ಗೀ?
ಏಕ್ ಪಾವ್ಟಿಂ ಎಕಾ ಸುರಾತಿ ಇಂಜಿನಿಯರಾಲಾಗಿಂ ಅನ್ಯೇಕ್ ಸುರಾತಿ ಇಂಜಿನಿಯರ್ ಎಕಾ ವ್ಹಡ್ ಪ್ರೊಜೆಕ್ಟ್ ಡಿಸ್ಕಸ್ ಕರ್ತಾಲೊ.
ಪಯ್ಲೊ ಮ್ಹಣ್ತಾ "ಚಡ್ ಖರ್ಚ್ ಕರುಂಕ್ ನಜೊ ಚಡ್ ಮನಿಸ್ ವಾವ್ರುಂಕ್ ನಜೊ, ಚಡ್ ದೀಸ್ ಲಾಗೊಂಕ್ ನಜೊ.. ಹೊ ಸಗ್ಳೊ ಅಶೀರ್ ರೋಡ್ ವ್ಹಡ್ ಕರಿಜಾಯ್"
ದುಸ್ರೊ ಸುರಾತಿ ಇಜ್ನೆರ್ ಖುಶೇನ್ ಮೇಪ್ ಪಳಯ್ತಾ "ತಾಂತುಂ ಕಿತೆಂ? ಕರಯಾಂ.. ಖರ್ಚ್ ಜಾಯ್ನಾ, ವೇಳ್ಯ್ ಲಾಗಾನಾ, ಮೇಪ್ ಖಂಯ್ ಆಸಾ?"
"ಧರ್" ದಿತಾ
"ಅಶೀರ್ ರೋಆಡ್ ಖಂಯ್ ಆಸಾ?" ದುಸ್ರೊ ವಿಚಾರ್ತಾ
"ಪಳೆ ಹಾಂಗಾ ಆಸಾ ಅಶೀರ್ ರೋಆಡ್" ಪಯ್ಲೊ ಸಮ್ಜಾಯ್ತಾ
"ಆತಾಂ ತುಕಾ ಖರ್ಚ್ ನಾಚ್ತಾಂ ರೂಂದ್ ಕರಿಜಾಯ್ಮೂ?"
"ವ್ಹಯ್ ಸಾಯ್ಭಾ.." ಎಕಾಚ್ಚ್ ದಮ್ಮಾನ್ ಸಾಂಗ್ತಾ
"ಬರೆಂ" ಮ್ಹಣೊನ್ ರೋಆಡ್ ಸಬ್ಧಾಚ್ಯಾ ಮುಖಾರ್ ’ಭ್’ ಅಕ್ಶರ್ ಘಾಲ್ತಾ"
"ಆತಾಂ ಪಳೆ ರೋಡ್ ಆಶೀರ್ ಆಸ್ಲ್ಲೊ ಬ್ರೋಡ್ ಜಾಲೊ"
ದುಸ್ರೊ ಹ ಹ ಹ ಕರುನ್ ಅನುಪಮ್ ಖೇರಾಪರಿಂ ಹಾಸಾಲಾಗ್ಲೊ.
ರುಸ್ತುರುಸಾಂವಾಚಾ ಆಧ್ಲ್ಯಾ ತೆಸಾಂವಾಂಕ್ ಭೆಟ್ ದಿಯಾ
1. ರೋದ್
3. ಚೂಕ್
4. ದೂಕ್
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
