ಕಾಣ್ಯೊ
ಸಾಹಿತಿಕ್ ಸ್ಪರ್ಧೊ 2004
ಕಥಾಪಾಠ್
ಅಂಕಣಾಂ
ಸಾಹಿತಿಕ್ ಸ್ಪರ್ಧೊ 2005
ಕವಿತಾಂ
ಸಾಹಿತಿಕ್ ಸ್ಪರ್ಧೊ 2006
ದಾಯ್ಜ್ ಶಿಭಿರ್ 2006
ವಿಡಂಬನಾಂ
ದಾಯ್ಜ್ ಶಿಭಿರ್ 2007
ಕಥಾಮೃತ್
ವಿಮರ್ಶೆ
ದಾಯ್ಜ್ ಸಾಹಿತಿಕ್ ಸ್ಪರ್ಧೆ
ಕಾನಡಿ ಲಿಪಿಯೆಂತ್ಲ್ಯಾ ಕೊಂಕ್ಣೆಂತ್ ಸಾಹಿತಿಕ್ ಸ್ಪರ್ಧೆ ಆಸಾತ್, ’ರಾಕ್ಣೊ’ ಪತ್ರ್ ಹರ್ಯೆಕಾ ವರ್ಸಾ ಚುಕಾನಾಸ್ತಾಂ ಚಲವ್ನ್ ವರ್ತಾ ತರ್ಯೀ, ಜಶೆಂ ಹೆರ್ ಭಾಸಾಂನಿ ಜಾಂವ್ಚೆಪರಿಂ ಕೊಂಕ್ಣೆಂತ್ ಅಸಲೆ ಸ್ಪರ್ಧೆ ನಾಂತ್ ಮ್ಹಳ್ಳೆ ಇರಾದ್ಯಾನ್ ಆಮಿ ಹೆ ಸಾಹಿತಿಕ್ ಸ್ಪರ್ಧೆ ಆಸಾ ಕೆಲ್ಲೆ.
ಜಾಯ್ತಿ ತಯಾರಾಯ್ ಕರುನ್, ಜಾಯ್ತೊ ವೇಳ್ ದೀವ್ನ್, ಜೊಕ್ತ್ಯಾಂಕ್ ಜೊಕ್ತೆಂ ಇನಾಮ್ ಲಾಭಾಶೆಂ ಕರ್ಚ್ಯಾ ಇರಾದ್ಯಾನ್ ಆಮಿ ಆಸಾ ಕೆಲ್ಲ್ಯಾ ಸ್ಪರ್ಧ್ಯಾಂತ್ ವರ್ಸಾನ್ ವರಸ್ ಭಾಗ್ ಘೆಂವ್ಚ್ಯಾ ಸ್ಪರ್ಧಿಕಾಂಚೊ ಸಂಖೊ ಮಾತ್ರ್ ಚಡ್ಲೊ ಶಿವಾಯ್ ಆಮಿ ಅಪೇಕ್ಶಾ ಕೆಲ್ಲೆಪರಿಂ ಸಾಹಿತಿಕ್ ಮಟ್ಟ್ ಚಡ್ಲ್ಲೆಂ ನಾ. ತ್ಯಾ ಶಿವಾಯ್ ಆಯಿಲ್ಲ್ಯಾ ಬರ್ಪಾಂ ಪಯ್ಕಿಂತ್ ವೊರಾವ್ಣಿ ಕರ್ತಾನಾ, ಎಕಾ ಕಾಣ್ಯೆಕ್ ಪಯ್ಲೆಂ ಇನಾಮ್ ಫಾವೊ ಜಾಲೆಂ ತರ್ ದುಸ್ರೆಂ ವಾ ತಿಸ್ರೆಂ ಇನಾಮ್ ಜೊಡ್ಚೆತಸ್ಲಿ ಯೋಗ್ಯತಾ ಆಸ್ಚಿಂ ಬರ್ಪಾಂ ನಾಂತ್ ತರ್ - ಫಕತ್ತ್ ದೀಜಯ್ ಮ್ಹಳ್ಳೆ ಖಾತಿರ್ ದುಸ್ರೆಂ ವ ತಿಸ್ರೆಂ ಇನಾಮ್ ದಿಂವ್ಚೆಂ ಆಮ್ಕಾಂ ಕಿತ್ಯಾಕ್ಗೀ ಸಾರ್ಕೆಂ ಮ್ಹಣ್ ದಿಸೊಂಕ್ ನಾ. ತರ್ಯೀ ಸರಾಗ್ ಚ್ಯಾರ್ ವರ್ಸಾಂ ಆಮಿ ಚುಕಯ್ನಾಸ್ತಾಂ ಹೆ ಸ್ಪರ್ಧೆಂ ಭೋವ್ ಬರೆ ರಿತಿನ್ ಮಾಂಡುನ್ ಹಾಡ್ಲೆ.
ದೆಕುನ್ ಆಮಿ ಕೊಂಕ್ಣೆಂತ್ ಸಕ್ರಿಯ್ ರಿತಿನ್ ಬರ್ಪಾಂ ಬರಯ್ತೆಲ್ಯಾ ತೆಗಾಂಕ್ ವಿಂಚುನ್, ಆಮ್ಚ್ಯಾ ವೊರಯ್ಣಾರಾಂಚ್ಯಾ ಶಿಫಾರಸೆಕ್ ಯೋಗ್ಯ್ ಜಾಲ್ಲ್ಯಾಂಕ್ ’ವರ್ಸಾಚೊ ಕಾಣ್ಯೆಗಾರ್’ ತಶೆಂಚ್ ’ವರ್ಸಾಚೊ ಕವಿ’ ಇನಾಮ್ ದೀಂವ್ಕ್ ನಿಚೆವ್ ಕೆಲೊ;
ಪಾಟ್ಲ್ಯಾ ದೋನ್ ವರ್ಸಾಂನಿ ವರ್ಸಾಚೊ ಕಾಣ್ಯೆಗಾರ್ ಆನಿ ವರ್ಸಾಚೊ ಕವಿ ಇನಾಮ್ ಫಾವೊ ಜಾಲ್ಲಿಂ;
2006 ಇಸ್ವಿ: ವರ್ಸಾಚೊ ಕವಿ (ಎಚ್ಚೆಮ್)
2007 ಇಸ್ವಿ: ವರ್ಸಾಚೊ ಕಾಣ್ಯೆಗಾರ್ (ಕ್ಲೆರೆನ್ಸ್ ಕೈಕಂಬ), ವರ್ಸಾಚೊ ಕವಿ (ಆಂಟನಿ ಬಾರ್ಕುರ್)
2008 ಇಸ್ವಿ: ವರ್ಸಾಚೊ ಕಾಣ್ಯೆಗಾರ್ (ಸ್ಟೇನ್ ಅಗೇರಾ)
ಹ್ಯೇ ಪಯ್ಕಿಂತ್ ಆಮಿ ’2006 ವರ್ಸಾಚೊ ಕವಿ’ ಇನಾಮ್ ಮಾತ್ರ್ ಎದೊಳ್ ಹಸ್ತಾಂತರ್ ಕೆಲಾ, ಬಾಕಿಚಿಂ ಇನಾಮಾಂ ಹೆಚ್ಚ್ ವರ್ಸಾಂತ್ ಮಾಂಡುನ್ ಹಾಡುಂಕ್ ಆಸ್ಚ್ಯಾ ಕಾರ್ಯಾವೆಳಾರ್ ಹಸ್ತಾಂತರ್ ಕರ್ತೆಲ್ಯಾಂವ್.
ವಿ.ಸೂ: ಆಮ್ಚ್ಯಾ ಥೊಡ್ಯಾ ಬರಯ್ಣಾ ಮಿತ್ರಾಂನಿ ದಾಯ್ಜ್ ವರ್ಸಾಚೊ ಕಾಣ್ಯೆಗಾರ್/ಕವಿ ಪುರಸ್ಕಾರಾಕ್ ವಿಂಚವ್ಣ್ ಜಾಂವ್ಚೆ ರಿತಿಕ್ ಸಮ್ಜೊಂಚಿ ಆತುರಾಯ್ ಧಾಖಯಿಲ್ಲಿ. ಹ್ಯೇ ವಿಶಿಂ ದಾಯ್ಜಾಚೆರ್ ಆಮಿ ಸವಿಸ್ತಾರ್ ಮಾಹೆತ್ ದೀಂವ್ಕ್ ನಾ ದೆಕುನ್ ಹಾಂಗಾಸರ್ ಮಟ್ವ್ಯಾನ್ ಹ್ಯೇವಿಶಿಂ ಥೊಡಿ ಮಾಹೆತ್.
ಹ್ಯಾ ಪುರಸ್ಕಾರಾಕ್, ಜಿವಂತ್ ಆಸ್ಚ್ಯಾ ಬರಯ್ಣಾರಾಂಕ್ ಮಾತ್ರ್ ವಿಂಚ್ತೆಲ್ಯಾಂವ್. ಮಾಲ್ಘಡ್ಯಾ ಬರಯ್ಣಾರಾಂಕ್ ಹ್ಯಾ ಮೆಳಿಂತ್ ಆಮಿ ಲೆಕಾಕ್ ಧರುಂಕ್ ನಾ, ಕಿತ್ಯಾಕ್; ಮಾಲ್ಘಡ್ಯಾಂಕ್, ತಶೆಂಚ್ ಕೊಂಕ್ಣೆಂತ್ ಭರ್ಪೂರ್ ವಾವ್ರ್ ಕೆಲ್ಲ್ಯಾಂಕ್ ವರ್ಸಾನ್ ವರಸ್ ವಿಂಚುನ್ ಕಾಡ್ನ್, ಜೊಕ್ತೊ ಮಾನ್ ದಿಂವ್ಚಿ ರಿವಾಜ್ ದಾಯ್ಜಿದುಭಾಯ್ ಎಕ್ತಾರ್ ಭೋವ್ ಬರೆ ರಿತಿನ್ ಚಲವ್ನ್ ಆಸಾ.
ಆಮ್ಕಾಂ ಉದೆವ್ನ್ ಯೆಂವ್ಚ್ಯಾ ಬರಯ್ಣಾರಾಂಕ್, ಕವಿಂಕ್ ಉತ್ತೇಜಿತ್ ಕರ್ಚ್ಯಾ ಇರಾದ್ಯಾನ್ ಹೊ ಪುರಸ್ಕಾರ್ ದೀಂವ್ಕ್ ಮನ್ ಆಸ್ಲೆಂ ತರ್ಯೀ, ಉದೆವ್ನ್ ಯೆಂವ್ಚ್ಯಾ ಬರಯ್ಣಾರಾಂಚಿ ವೊರಾವ್ಣಿ ಕರ್ಚಿ ಪ್ರಕ್ರಿಯಾ ತಿತ್ಲಿ ಸಲೀಸ್ ನ್ಹಯ್, ದೆಕುನ್ ಆಮಿ ಅಸಲ್ಯಾ ಬರಯ್ಣಾರ್ ವರ್ಗಾಕ್ ವಿಂಚ್ಲಾ; ಜೆ ಸಕ್ರಿಯ್ ರಿತಿನ್ ಬರಯ್ತಾತ್ ಆನಿ ಕೊಂಕ್ಣಿ ಸಾಹಿತ್ಯಾಂತ್ ತಾಣಿಂ ಅಪ್ಲಿಚ್ಚ್ ಮ್ಹಳ್ಳಿ ಶೈಲಿ ರುತಾಂ ಕೆಲ್ಯಾ. ಹಾಂಗಾಸರ್ ಪ್ರಾಯ್/ ಶಿಕಾಪ್/ ಅನ್ಭೋಗ್ ಆಮಿ ಚಡಿತ್ ಗುಮಾನ್ ಕರಿನಾಂವ್, ಬಗಾರ್ ತಾಣೆಂ/ತಿಣೆಂ ರಚ್ಲ್ಲ್ಯಾ ಸಾಹಿತ್ಯಾಚೆಂ ಮೋಲ್ ಲೆಖಾಕ್ ಧರ್ನ್, ಆಮ್ಚೆ ವೊರಾಯ್ಣಾರ್ ಹಿ ವಿಂಚವ್ಣಿ ಕರ್ತಾತ್.
2009 ಇಸ್ವಿ: ವರ್ಸಾಚೊ ಕಾಣ್ಯೆಗಾರ್ ತಶೆಂಚ್ ವರ್ಸಾಚೊ ಕವಿ ಜಾಂವ್ಚಿ ಯೋಗ್ಯತಾ ಆನಿ ಪ್ರತಿಭಾ ಆಸ್ಚ್ಯಾಂಚಿ ನಾಂವಾಂ ಆಮ್ಕಾಂ 2009 ಇಸ್ವೆಚ್ಯಾ ಮಾಯ್ ಮಯ್ನ್ಯಾ ಪಯ್ಲೆಂ info@daaiz.com ವ daaiz.com@gmail.com ಕ್ ಇಮೇಯ್ಲಾಂ ಮುಖಾಂತ್ರ್ ಧಾಡುನ್ ದಿವ್ಯೆತಾ.
- ಸಂ.
ದಾಯ್ಜ್ ವರ್ಸಾಚೊ ಕಾಣ್ಯೆಗಾರ್ 2008
ದಾಯ್ಜ್ ವರ್ಸಾಚೊ ಕಾಣ್ಯೆಗಾರ್ 2007
About us | Feedback | Contact us
Copyright ©
2005 DAAIZ.COM All rights reserved.
Page concept, designed, hosted and maintained by Ashawadi Publications
