ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
[2006 ಇಸ್ವೆಚಾ ಸಪ್ತೆಂಬರ್ 23 ತಾರಿಕೆರ್ ಅಪ್ಲೊ 41ವೊ ಜಲ್ಮಾದಿವಸ್ ಆಚರಣ್ ಕರ್ಚಾ ಆಂಡ್ರು ತುಕಾ ಹೆಂ ಅಂಕಣ್ ಅರ್ಪಣ್]
ಸತಾಂ ಆನಿ ಖತಾಂ - 8. ಏಕ್ ಮಾಗ್ಣೆಂ
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ದೆವಾಕ್ ಪಳಂವ್ಕ್ ಆನಿಂ ತಾಚೆಂ ಆಶಿರ್ವಾದ್ ಘೆಂವ್ಚೆಖಾತಿರ್ ಖಂಯ್ಸರ್ಗೀ ಎಕಾ ಬುಕಾಂತ್ಲೆಂ ವಾಚಾಪ್ ವಾಚುನ್ ಪ್ರೇರಿತ್ ಜಾಲ್ಲೊ ಏಕ್ ಬುರ್ಗೊ ಉಪಾಶಿಂ ರಾವೊನ್ ತಪಸ್ಸ್ ಕರುಂಕ್ ಬಸ್ಲೊ.
’ದೇವ್ ಉಪಾಶಿಂ ರಾವೊನ್ ತಪಸ್ಸ್ ಕೆಲ್ಲ್ಯಾಂಕ್ ದಿಶ್ಟಿಕ್ ಪಡ್ತಾ’ ಮ್ಹಣೊನ್ ತ್ಯಾ ಬುಕಾಂತ್ ಹ್ಯಾ ಬುರ್ಗ್ಯಾನ್ ವಾಚ್ಲೆಲೆಂ.
ಅಶೆಂಚ್ಚ್ ಹಾಣೆಂ ತಪಸ್ಸ್ ಕರ್ನ್ ಆಸ್ತಾನಾ ತ್ಯಾ ಬುರ್ಗ್ಯಾಚೊ ಲ್ಹಾನ್ ಭಾವ್ ಪಳೆವ್ನ್ ಆತುರಿತ್ ಜಾಲೊ ಆನಿಂ ಆಪ್ಲ್ಯಾ ವ್ಹಡ್ ಭಾವಾಪರಿಂಚ್ಚ್ ತಾಚೆಸವೆಂ ಲ್ಹಾನ್ ಭಾವ್ ಸಯ್ತ್ ತಪಸ್ಸಾಕ್ ಬಸ್ಲೊ.
ಸುಮಾರ್ ದಿಸಾಂ ನಂತರ್ ಏಕ್ ದೀಸ್ ದೇವ್ ವ್ಹಡ್ ಭಾವಾಕ್ ದಿಶ್ಟಿಕ್ ಪಡೊನ್ ಉಲಯ್ಲಾಗ್ಲೊ "ತುಮ್ಚಾ ದೊಗಾಂಯೀ ಭಾವಾಂಚ್ಯಾ ಮಾಗ್ಣ್ಯಾಂತ್ ಹಾಂವ್ ಸಂತಸ್ಲೊಂ ಆನಿಂ ಆತಾಂ ವಿಚಾರಾ ತುಮ್ಕಾಂ ಕಿತೆಂ ಜಾಯ್?"
ವ್ಹಡ್ ಭಾವಾಕ್ ಏಕ್ ಘಡಿ ಅಜ್ಯಾಪ್ ಜಾಲೆಂ ಆನಿಂ ಚಿಂತಿಲಾಗ್ಲೊ ’ತಪಸ್ಸ್ ಸುರು ಕೆಲ್ಲೆಂ ಆಪ್ಣೆಂ ಆನಿಂ ಆತಾಂ ಫಾಯ್ದೊ ದಾಕ್ಟ್ಯಾ ಭಾವಾಕ್ಯೀ ಮೆಳ್ತಾ’ ದೇವ್ ಹಾಚಾ ಮತಿಂತ್ಲೆಂ ಚಿಂತಾಪ್ ಸಮ್ಜೊನ್ ಉಲಯ್ಲೊ "ಪಳೆ ಏಕ್ ಉಡಾಸ್ ದವರ್, ತುಂ ಕಿತೆಂ ಮಾಗ್ತಾಯ್ ಪಳೆ, ತಾಚಾಕ್ಯೀ ದೊಡ್ತ್ಯಾನ್ ಹಾಂವ್ ತುಜಾ ದಾಕ್ಟ್ಯಾ ಭಾವಾಕ್ ದಿತಲೊಂ"
ಹಿಂ ಉತ್ರಾಂ ಆಯ್ಕೊನ್ ಬುರ್ಗೊ ಶೆರ್ಮೆಲೊ ಆನಿಂ ಚಿಂತುನ್ ವಿಚಾರಿಲಾಗ್ಲೊ "ದೆವಾ ಮ್ಹಾಕಾ ತುಂ ಏಕ್ ಮಾರ್ ದೀ"
ಸಂದೇಶ್: ದೆವಾನ್ ಅಪ್ಲ್ಯಾ ರಚ್ನೆ
ಪಯ್ಕಿ ಶ್ರೇಷ್ಟ್ ಮ್ಹಣ್ ಮನ್ಶಾಕ್ ರಚ್ಲೆಂ ತರೀ ಮನ್ಶಾ
ಸಂಯ್ಬಾಂತ್ ಲಿಪ್ಲೆಲೆ ಆವ್ಗುಣ್ ಧಾರಾಳ್. ಜಾಂವ್ಕ್ ಪುರೊ
’ರಾಗ್’, ’ಮೊಸೊರ್’, ’ಜಿದ್ದ್’, ’ಹಗೆಂ’, ’ಆಶಾ’, ’ದುರಾಶಾ’ ಇತ್ಯಾದಿ.
ಸಂಸಾರಾಂತ್ ಖಂಚ್ಯಾಯ್ ಪಿಡೆಕ್ ವ್ಹಕಾತ್ ಆಸಾ ತರೀ ಮೊಸ್ರಾಕ್
ವ್ಹಕಾತ್ ನಾ ಅಶೆಂ ಮಾಲ್ಘಡೆ ಮ್ಹಣ್ತಾತ್. ಆಮ್ಚ್ಯಾನ್
ಹೆರಾಂಕ್ ಬರೆಂ ಕರುಂಕ್ ಸಾಧ್ಯ್ ನಾ ತರೀ, ತೆಂ ಪ್ರೇತನ್ ಕರ್ತೆಲ್ಯಾಂಕ್
ಮೊಸ್ರಾನ್ ಖೊಂಕ್ಚೆಂ, ಹಿಣ್ಸುಂಚೆಂ ಮನ್ಶಾ ಸಂಯ್ಬಾಚೊ ಗೂಣ್
ಮ್ಹಣೊಂ ಯಾ ಆವ್ಗುಣ್?.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
