ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
[2006 ಇಸ್ವೆಚಾ ಸಪ್ತೆಂಬರ್ 23 ತಾರಿಕೆರ್ ಅಪ್ಲೊ 41ವೊ ಜಲ್ಮಾದಿವಸ್ ಆಚರಣ್ ಕರ್ಚಾ ಆಂಡ್ರು ತುಕಾ ಹೆಂ ಅಂಕಣ್ ಅರ್ಪಣ್]
ಸತಾಂ ಆನಿ ಖತಾಂ - 6. ಕೋಣ್ ವ್ಹಡ್?
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ಏಕ್ ಪಾವ್ಟಿಂ ಎಕಾ ಮನಶಾಸ್ತಿರಾಚಾ ಶಿಭಿರಾವೆಳಾರ್ ತೆಂ ಶಿಭಿರ್ ಚಲಯ್ತೆಲ್ಯಾನ್ ಥಂಯ್ಸರ್ ಜಮೊ ಆಸ್ಲೆಲ್ಯಾ ಲೊಕಾಂಕ್ ಏಕ್ ಕಾಮ್ ದಿಲೆಂ.
ಬೊರ್ಡಾರ್ ಎಕಾ ಚೊಕಾಂತ್ ಏಕ್ ಗೀಟ್(ಲಾಯ್ನ್) ಘಾಲ್ನ್ ತಾಂಕಾ ಸಾಂಗ್ಲೆಂ ಹೊ ಗೀಟ್ ಮಟ್ವೊ ಕರಾ ಮ್ಹಣೊನ್. ಪುಣ್ ಏಕ್ ಹಿಶಾರೊಯ್ ತಾಂಕಾಂ ತಾಣೆಂ ದಿಲೊ, ಕೊಣೆಂಚ್ ತೊ ಗೀಟ್ ಆಳ್ಸಿನಾಯೆ ಮ್ಹಣೊನ್.
ತವಳ್ ಜಮೊ ಜಾಲ್ಲೆ ಚಿಂತುಂಕ್ ಪಡ್ಲೆ ಆನಿಂ ಎಕೆಕ್ಲೊ ಎಕೆಕಾ ರಿತಿನ್ ಚಿಂತುನ್ ಆಪಾಪ್ಲೆ ವಿಚಾರ್ ಉಚಾರಿಲಾಗ್ಲೆ ತರ್ಯ್ ಕೊಣಾಚಾನ್ಂಚ್ ತೊ ಗೀಟ್ ಆಳ್ಸಿಲ್ಲೆಶಿವಾಯ್ ಮಟ್ವೊ ಕರುಂಕ್ ಜಾಲೆಂಚ್ನಾ.
ಅಖ್ರೇಕ್ ಚಡಾವತ್ ಜಣಾಂಚಿ ಅಭಿಪ್ರಾಯ್ ಎಕ್ಚ್ಚ್ ಜಾಲಿ - ತೊ ಘಾಲ್ಲೊ ಗೀಟ್ ಲ್ಹಾನ್ ಕರಿಜಾಯ್ ತರ್ ತೊ ಅಳ್ಸಿಜಯ್ ವಾ ಕಾತರಿಜಾಯ್ ಮ್ಹಳ್ಳೊ.
ತವಳ್ ತೊ ಶಿಭಿರ್ ಚಲಯ್ತಲೊ ಆಯ್ಲೊ ಆನಿಂ ತ್ಯಾ ಗಿಟಾ ಮುಖಾರ್ ಅನ್ಯೇಕ್ ವ್ಹಡ್ ಗೀಟ್ ಘಾಲ್ನ್ ವಿಚಾರಿಲಾಗ್ಲೊ;
"ಆತಾಂ ಸಾಂಗಾ ಖಂಚೊ ಗೀಟ್ ಲ್ಹಾನ್?"
"ಪಯ್ಲೊ ಗೀಟ್" ಸಗ್ಳ್ಯಾಂನಿ ಜಾಪ್ ದಿಲಿ.
ಸಂದೇಶ್: ಹೆಂ ಲ್ಹಾನ್ ಘಡಿತ್ ಆಮ್ಚಾ ಜಿಣ್ಯೆಚಿಂ
ಸತಾಂ ಉಚಾರಿನಾಂಗೀ? ಜಿಣ್ಯೆಂತ್ ಕಿತ್ಲೆಶೆ ಪಾವ್ಟಿಂ ಆಮಿಂ ಹೆರಾಂಕ್
ಲ್ಹಾನ್ ಕರ್ನ್೦ಚ್ ಆಮಿಂ ವ್ಹಡ್ ಮ್ಹಣೊನ್ ಲೆಖ್ತಾಂವ್ ಯಾ ಆಪ್ಣಾಚಿ ಬಡಾಯ್ ಉಲವ್ನ್೦ಚ್ ಆನಿಂ
ಹೆರಾಂಚಿಂ ಖೆಳ್ಕುಳಾಂ ಕರ್ನ್೦ಚ್ ಆಮ್ಕಾಂ ವ್ಹಡ್ ಮ್ಹಣೊನ್
ಲೆಖ್ತಾಂವ್. ಪುಣ್ ಆಪ್ಣಾಕ್ ವಡ್ ಮ್ಹಣ್ ಧಾಖಂವ್ಚಾಕ್
ಹೆರಾಂಕ್ ಲ್ಹಾನ್ ಕರ್ಚಿ ಏಕ್ ಮಾತ್ರ್ ವಾಟ್ಗೀ? ’ಕೋಣ್ ವ್ಹಡ್?’
ಭೋವ್ಶಾ ಹ್ಯಾ ಸಂಸಾರಾಂತ್ಲೆಂ ಅತ್ಯಂತ್ ಕಠೀಣ್ ಸವಾಲ್.
ಹ್ಯಾಚ್ಚ್ ಸವಾಲಾಕ್ ಲಾಗೊನ್ ಕುಟ್ಮಾಭಿತರ್, ಘರಾಣ್ಯಾಂನಿ,
ಸೆಜ್-ಸಾಂಬಾರಾ, ವಾಡ್ಯಾಂನಿ, ಗಾಂವಾಂನಿ, ರಾಜ್ಯಾಂನಿ, ದೇಶಾಂನಿ
ಝಗ್ಡೆಂ-ಝುಜ್ ಚಲ್ತಾ
ನ್ಹಂಯ್ಗೀ? ಪುಣ್ ನೀಜ್ ಜಾವ್ನ್ ವ್ಹಡ್ ಮನಿಸ್ ತಶೆಂ ಕರಿನಾ, ತಾಚಾ ಬದ್ಲಾಕ್ ತೊ ಜಾವ್ನ್
ವ್ಹಡ್ ಕರ್ನಿ ಕರ್ನ್ ದಾಖಯ್ತಾ ಆನಿಂ ತಿ ಕರ್ನಿ ಆಪಾಪಿಂ ದುಸ್ರ್ಯಾಕ್
ಲ್ಹಾನ್ ಕರುಂಕ್ ಪಾವ್ತಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
