ಕಾಣ್ಯೊ
ಸಾಹಿತಿಕ್ ಸ್ಪರ್ಧೊ 2004
ಕಥಾಪಾಠ್
ಅಂಕಣಾಂ
ಸಾಹಿತಿಕ್ ಸ್ಪರ್ಧೊ 2005
ಕವಿತಾಂ
ಸಾಹಿತಿಕ್ ಸ್ಪರ್ಧೊ 2006
ದಾಯ್ಜ್ ಶಿಭಿರ್ 2006
ವಿಡಂಬನಾಂ
ದಾಯ್ಜ್ ಶಿಭಿರ್ 2007
ಕಥಾಮೃತ್
ವಿಮರ್ಶೆ
ಸತಾಂ ಆನಿ ಖತಾಂ - 33. ಉಲೊ
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ಎಕ್ಲೊ ಗ್ರೇಸ್ತ್ ಬಿಜ್ನೆಸ್ಮೆನ್ ತರ್ನಾಟೊ, ಆಪ್ಲ್ಯಾ ಮೊಲಾಧಿಕ್ ಕಾರಾಕ್ ಘೆವ್ನ್ ಏಕ್ ಪಾವ್ಟಿಂ ಆಪ್ಲ್ಯಾ ಸೆಜಾರ್ಚಾ ಗಾಂವಾಂತ್ ಭಂವೊಂಕ್ ಮ್ಹಣ್ ಗೆಲೊ. ಲಾಖಾಂಚೆಂ ಕಾರ್ ತೊ ಸೊಡ್ನ್ ಆಸ್ಲ್ಲೊ ದೆಕುನ್ ಇಲ್ಲ್ಯಾ ವೇಗಾನ್ ತೆಂ ಕಾರ್ ಚಲವ್ನ್ ಆಸ್ತಾನಾ ತೆಚ್ಚ್ ವಾಟೆರ್ ಖೆಳೊನ್ ಆಸ್ಚಾ ಬುರ್ಗ್ಯಾಂಚೆರ್ ಆಪ್ಲಿ ನದರ್ ತಾಣೆಂ ಘುಂವ್ಡಾಯ್ಲಿ. ಥೊಡಿಂ ಬುರ್ಗಿಂ ಕಾಗ್ದಾಕ್ ಬಾರೀಕ್ ದೊಡುನ್ ರೊಕೆಟಿಪರಿಂ ಉಡಂವ್ಚೊ ಖೆಳ್ ಖೆಳೊನ್ ಆಸ್ಲ್ಲಿಂ. ಆನಿಂ ತ್ಯಾ ವಾಟೆನ್ ಫಾಶಾಜ್ ಜಾಂವ್ಚಾ ಹರ್ಯೆಕಾ ಕಾರಾ ತೆವ್ಶಿನ್ ತಿಂ ತ್ಯಾ ಕಾಗ್ದಾಚ್ಯಾ ರೊಕೆಟಿಂ ಉಡಯ್ತಾಲಿಂ. ಆನಿಂ ಹೊ ತರ್ನಾಟೊ ಪಾಶಾರ್ ಜಾತಾಸ್ತಾಂ ತಾಚಾ ಮೊಲಾಧಿಕ್ ಕಾರಾಕ್ ಕೊಣೇಂಯ್ ಕಾಗ್ದಾಚಿ ರೊಕೆಟ್ ಉಡಯ್ಲಿನಾ ಬಗಾರ್ ಏಕ್ ಹಳ್ತಾಚೊ ಫಾತೊರ್ ಯೇವ್ನ್ ತಾಚಾ ಕಾರಾಚಾ ಬಾಗ್ಲಾಕ್ ಲಾಗ್ಲೊ. ಎಕಾಚ್ಫರಾಂ ತೊ ರಾಗಾರ್ ಪೆಟೊನ್ ಬ್ರೇಕ್ ಘಾಲುನ್ ಕಾರ್ ರಾವವ್ನ್ ತೊ ಫಾತೊರ್ ಆಯಿಲ್ಲ್ಯಾ ಕುಶಿನ್ ಚಮ್ಕಲಾಗ್ಲೊ ಆನಿಂ ಥಂಯ್ಸರ್ ತಾಕಾ ಮೆಳ್ಲ್ಲ್ಯಾ ಎಕಾ ಬುರ್ಗ್ಯಾಕ್ ಆರಾವ್ನ್ ದೆಗೆನ್ ಉಭೆಂ ಆಸ್ಚಾ ಅನ್ಯೇಕಾ ಕಾರಾಚೆರ್ ನಿದಾವ್ನ್ ವಿಚಾರಿಲಾಗ್ಲೊ;
"ಕಿತ್ಯಾಕ್ ತುವೆಂ ಫಾತೊರ್ ಮಾರ್ಲೊಯ್? ಕೋಣ್ ತುಂ?".
ಬುರ್ಗೊ ಜಾಪ್ ದೀಂವ್ಕ್ ಕಬೂಲ್ ಜಾಲೊನಾ ದೆಕುನ್ ತರ್ನಾಟ್ಯಾನ್ ಅನಿಕ್ಯ್ ತಾಳೊ ಉಭಾರ್ನ್ ಸಾಂಗ್ಲೆಂ; "ಪಿಶ್ಯಾ, ತುಂ ಜಾಣಾಂಯ್ ಹ್ಯಾ ಕಾರಾಚೆಂ ಮೋಲ್ ಕಿತ್ಲೆ ಲಾಖ್ ಮ್ಹಳ್ಳೆ? ಸಾಂಗ್ ಮ್ಹಾಕಾ ಕಿತ್ಯಾಕ್ ಅಶೆಂ ಕೆಲೆಂಯ್ ಮ್ಹಳ್ಳೆಂ"
"ದಯಕರ್ನ್ ಮ್ಹಾಕಾ ಭೊಗ್ಶಿ ಸರ್, ಹಾಂವ್ ನೆಣಾಂ ಹೆರ್ ಕಸಲಿ ವಾಟ್ ಮ್ಹಜೆಲಾಗಿಂ ಆಸ್ಲ್ಲಿ ಮ್ಹಳ್ಳೆಂ, ಕಿತ್ಯಾಕ್ ಮ್ಹಳ್ಯಾರ್ ಹಾವೆಂ ಶೀದಾ ವಾಟೆನ್ ತುಕಾ ರಾವಂವ್ಕ್ ಗೆಲ್ಲೊಂ ತರ್ ತುಂಯ್ ಹೆರಾಂನಿ ಗೆಲ್ಲೆಪರಿಂಚ್ ಅಪ್ಲಿ ವಾಟ್ ಧರ್ನ್ ವೆತೊಯ್, ದೆಕುನ್ ತುಕಾ ಹಾವೆಂ ಫಾತೊರ್ ಮಾರಿಜಯ್ ಪಡ್ಲೊ"
ಉಲಯ್ತಾಂ ಉಲಯ್ತಾಂ ಬುರ್ಗ್ಯಾಚಾ ದೊಳ್ಯಾಂನಿ ದುಖಾಂ ದೆಂವ್ಲಿಂ. ತೊ ಫುಡೆಂ ಅಪ್ಲೊ ಹಾತ್ ದಾಖವ್ನ್ ಮ್ಹಣಾಲೊ;
"ತೊ ಮ್ಹಜೊ ಭಾವ್, ಆತ್ತಾಂ ಪರ್ತೊನ್ ಪಡ್ಲೊ, ವೀಲ್ಚೆರಾರ್ ಆಸ್ಲ್ಲ್ಯಾ ತಾಕಾ ಪರತ್ ತ್ಯಾ ವೀಲ್ಚೆರಾರ್ ಬಸಂವ್ಕ್ ಮ್ಹಜಾನ್ ಸಾಧ್ಯ್ ನಾ, ತ್ಯಾ ಶಿವಾಯ್ ತಾಕಾ ಘಾಯ್ ಜಾಲಾ ಆನಿಂ ತಾಕಾ ಉಕ್ಲುಂಚೆಂ ತ್ರಾಣ್ಯ್ ಮ್ಹಜೆಲಾಗಿಂ ನಾಂ, ದೆಕುನ್ ದಯಕರ್ನ್ ಮ್ಹಾಕಾ ಕುಮೊಕ್ ಕರ್" ಆನಿಂ ವಡಾ ತಾಳ್ಯಾನ್ ರಡಾಲಾಗ್ಲೊ.
ಏಕ್ ಘಡಿ ಶಾಂತ್ ಜಾಲ್ಲೊ ತರ್ಣಾಟೊ ತ್ಯಾ ಬುರ್ಗ್ಯಾಚಾ ಗೊಮ್ಟೆರ್ ಆಸ್ಲ್ಲೊ ಆಪ್ಣಾಚೊ ಹಾತ್ ಕಾಡ್ನ್ ಚಿಂತುಂಕ್ ಪಡ್ಲೊ ಆನಿಂ ಅಖ್ರೇಕ್ ತಾಚಾ ಭಾವಾಕ್ ಉಕ್ಲುನ್ ತ್ಯಾ ವೀಲ್ಚೆರಾರ್ ಬೊಸಯ್ಲೆಂ. ಆನಿಂ ಘಾಯೆಲ್ಲ್ಯಾ ತಾಚಾ ಪಾಂಯಾಚೆರ್ ದೆಂವ್ಚೆಂ ರಗಾತ್ ಪಳೆಂವ್ಕ್ ಜಾಯ್ನಾಸ್ತಾಂ ಅಪ್ಲ್ಯಾ ಪೆಂಟಾಂತ್ ಆಸ್ಚಾ ತುವಾಲ್ಯಾಂತ್ ತ್ಯಾ ಘಾಯಾಚೆರ್ ಬಾಂದ್ಲೆಂ. ತೊ ಬುರ್ಗೊ "ದೇವ್ ತುಜೆರ್ ಬೆಸಾವಾಂ ಘಾಲುಂದಿ" ಮ್ಹಣೊನ್ ತ್ಯಾ ವೀಲ್ಚೆರಾರ್ ಬೊಸೊನ್ ಆಸ್ಚಾ ಭಾವಾಕ್ ಲೊಟುನ್ ಆಪ್ಲ್ಯಾ ಘರಾಶಿಂ ವರುಂಕ್ ಲಾಗ್ಲೊ.
ಆತಾಂ ತೊ ತರ್ಣಾಟೊ ಜಡಾಯೆಚಿಂ ಪಾವ್ಲಾಂ ಕಾಡೀತ್ ಆಪ್ಲ್ಯಾ ಮೊಲಾಧಿಕ್ ಕಾರಾಲಾಗಿಂ ಪಾಟಿಂ ಆಯ್ಲೊ. ಪುಣ್ ದೀಸ್ ಗೆಲ್ಯಾರ್ಯ್ ತಾಣೆ ತೆಂ ದಾರ್ ರಿಪೇರಿ ಕೆಲೆಂಚ್ ನಾ. ತಾಚಾ ಕಾರಾಚೆರ್ ಜಾಲ್ಲ್ಯಾ ತ್ಯಾ ಲ್ಹಾನ್ ಘಾಯಾನ್ ಸದಾಂ ತಾಕಾ ಏಕ್ ಸಂಗ್ತೆಕ್ ಉಡಾಸ್ ಹಾಡುಂಕ್ ಧರ್ಲೆಂ; "ಜಿಣ್ಯೆಂತ್ ತುಂ ಇತ್ಲೊ ವೆಗಾನ್ ಚಲಾನಾಕಾಕೀ ಖಂಯ್ ಗರ್ಜೆವಂತ್ ಮನ್ಶಾಂಕ್ ಸಮ್ಜೊಂಕ್ ದೆವಾನ್ಂಚ್ ಎಕಾ ಬುರ್ಗ್ಯಾರುಪಾರ್ ಏಕ್ ಫಾತೊರ್ ಮಾರುಂಕ್ ಪಡ್ತೆಲೆಂ"
ಸಂದೇಶ್: zÉÃªï ¸ÀzÁA DªÀiÁÑ CvÁä÷åPï G¯ÉÆ ¢Ãªïß D¸ÁÛ, vÀgïAiÀiï eÁAiÉÄÛ¥Á«ÖA DªÀiÁÌA vÉÆ DAiÀÄÌ£Á, ¸ÀA¸ÁgÁZÁ ¸ÀAUÁÛ÷åA¤ D«ÄA EwèA ªÉÄvÉgï eÁvÁAªïQà vÉÆ G¯ÉÆ DAiÀiÁ̱ÉA PÀgÀÄAPï zɪÁ£ïAZï ¦qɲqÉZÉÆ ¥sÁvÉÆgï GqÀAiÉÄÓ ¥ÀqÁÛ. DvÁA vÀgïAiÀiï KPï WÀr ºÉgÁAZÁ UÀeÉðPï ¸ÀªÀiÁÓAªÉÇÑ vÉÆ G¯ÉÆ DAiÉÆ̪ÁåAVÃ?
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
