’ಸಿರಿವಂತ್’

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಕೊಂಕ್ಣಿ ಫುಲಯ್, ಕೊಂಕ್ಣಿ ಪಾಲಯ್, ಕೊಂಕ್ಣಿ ಸದಾಂಚ್ ಬಾಳ್ವೊಂಕ್ ಜಾಯ್.

ಸಾಹಿತಿಲಾಗಿಂ ಸಂವಾದ್

Placeholder: the original page gave this picture no description, and none has been written yet. It came from daaiz\daaiz\column\ss\sirivant.asp.

ಸಂವಾದ್ ಚಲವ್ಪಿಣ್: ವಾಯ್ಲೆಟ್ ಜೆ. ಪಿರೇರಾ

ಸಿರಿವಂತ್ ವಿಶ್ಯಾಂತ್, ಸಾಳಕ್ ಪ್ರಕಾಶನಾವಿಶ್ಯಾಂತ್ ಜಾಣಾಂ ಜಾಂವ್ಕ್ ಭೆಟ್ ದೀ

ಸಿರಿವಂತ್

ಸಾಹಿತಿವಿಶಿಂ ದೋನ್ ಉತ್ರಾಂ:

’ಸಿರಿವಂತ್’ ಮ್ಹಣ್ಂಚ್ ಕೊಂಕ್ಣಿ ಸಾಹಿತ್ಯಾಂತ್ ಫಾಮಾದ್ ಜಾಲ್ಲೊ ಸಿರಿಲ್ ವೇಗಸ್ ಏಕ್ ಕಾಣ್ಯೆಗಾರ್, ಕೊಂಕ್ಣೆಕ್ ಗ್ರೇಸ್ತ್ ಕರುಂಕ್ ಪಾವ್‌ಲ್ಲ್ಯಾಂತ್ಲೊ ಪ್ರಮುಕ್. ಆಪ್ಲ್ಯಾ ’ಸಾಳಕ್ ಪ್ರಕಾಶನ್’ ಥಾವ್ನ್ 78 ಬೂಕ್ ಪರ್ಗಟ್ ಕರ್ನ್ ಜಾಯ್ತ್ಯಾಂಚಾ ಸಾಹಿತ್ಯಾಕ್ ಕೊಂಕ್ಣೆಂತ್ ಜೊಗಾಸಣೆನ್ ಸಾಂಭಾಳುಂಕ್ ಪ್ರೇತನ್ ಕೆಲಾಂ. ಸಂಯ್ಭಾನ್ ಖಾಲ್ತೊ, ಸಾದೊ ಆನಿ ಮೊವಾಳ್ ಜಾವ್ನ್ ಆಸ್ಚೊ ಹೊ ಸಾಹಿತ್ಯಾಂತ್ ಪ್ರಭುದ್ದ್ ಆನಿ ಪ್ರತಿಭಾವಂತ್ ಮ್ಹಣ್ಚಾಂತ್ ಕಾಂಯ್ ದುಭಾವ್ ನಾ.

ಸಂವಾದ್:

ಸ: "ಸಿರಿವಂತ್" ಮ್ಹಳ್ಳ್ಯಾ ಲಿಖ್ಣೆ ನಾಂವಾಂತ್ಲಿ ಕಾಣಿ ಕಸಲಿ?

ಜಾ: ಮ್ಹಜೆ ನಾಂವ್ ’ಸಿರಿಲ್’. ಮ್ಹಾಕಾ ಎಕ್ ಲಿಖ್ಣೆ ನಾಂವ್ ಜಾಯ್ ಆಸ್‌ಲ್ಲೆಂ, ತವಳ್ ಹಿಂದಿ ಕ್ರಿಶ್ಚಿಯನ್ ನೇಮ್ಸ್ ಮ್ಹಳ್ಳೊ ಏಕ್ ಬೂಕ್ ಆಸ್‌ಲ್ಲೊ. ತಾಂತು "ಸಿರಿಲ್" ಮ್ಹಳ್ಳ್ಯಾ ನಾಂವಾಕ್ "ನರೇಶ್" ಆನಿಂ ತಾಚೊ ಅರ್ಥ್ ಗ್ರೇಸ್ತ್‌ಮನಿಸ್ ಮ್ಹಣ್ ದಿಲ್ಲೊ. ಕನ್ನಡಾಂತ್ ’ಸಿರಿವಂತ’ ಮ್ಹಳ್ಯಾರ್ ಕೊಂಕ್ಣಿಕ್ ಸಿರಿವಂತ್ ಜಾವ್ಯೆತ್ ಮ್ಹಣ್ ಭೊಗ್ಲೆಂ. ಹಾಂವ್ ದುರ್ಬಳೊ ಜಾವ್ನ್ ಉರ್‍ಲೊಂ ತರ್‌ಯೀ, ನಾಂವ್ ಮಾತ್ರ್ "ಗ್ರೇಸ್ತ್" ಜಾಲೆಂ.

ಸ: "ಸಾಳಕ್ ಪ್ರಕಾಶಕ್" ಜಾವ್ನ್ 78 ಬೂಕ್ ಪರ್ಗಟ್ಚೆಂ ಅಪ್ರೂಪ್ ಕಾಮ್ ಕೆಲ್ಲ್ಯಾ ತುಮ್ಕಾಂ ಹ್ಯಾವಿಶಿಂ ಆತಾಂ ಭೊಗ್ಚೆಂ ಭಗಾಪ್ ಕಸಲೆಂ?

ಜಾ: ಸಂತುಷ್ಟತಾ ಸಾಂಗಾತಾಚ್ಚ್ ಆನಿಕ್‌ಯೀ ಚಡ್ ಪುಸ್ತಕಾಂ ಪ್ರಕಟುಂಕ್ ಚಿಂತ್‌ಲ್ಲೆಂ ಪೊತಾಂಕ್ ಪಾವಾನಾತ್‌ಲ್ಲ್ಯಾಕ್ ದು:ಖ್‌ಯಿ ಆಸಾ.

ಸ: ಕೊಂಕ್ಣಿ ಸಾಹಿತ್ಯಾಂತ್ ಏಕ್ ಕಾಣ್ಯೆಗಾರ್, ಪ್ರಕಾಶಕ್ ಜಾವ್ನ್ ತುಮಿಂ ಫಾಮಾದ್ ತರೀ ತುಮ್ಕಾಂ ಚಡ್ ದಾಧೊಸ್ಕಾಯೆಚೊ ಪ್ರಕಾರ್ ಖಂಚೊ? ಕಿತ್ಯಾಕ್?

ಜಾ: ಮಟ್ವ್ಯೊ ಕಥಾ - ಮ್ಹಾಕಾ ಬರಂವ್ಕ್ ಸುಲಭ್ ಜಾತಾ ದೆಕುನ್ ಮಾತ್ರ್. ಪುಣ್ ಕಾದಂಬರಿ ಯಾ ಲಾಂಬ್ ಕಥೆಂಚಿ ರೂಚ್ ವೆಗ್ಳಿಚ್ ಆಸ್ತಾ. ಹಾಂವೆ ಪ್ರಕಟ್‌ಲ್ಲ್ಯಾ ಪುಸ್ತಕಾಂನಿ ಕಾದಂಬರಿ ಚಡ್ ಆಸಾತ್.

ಸ: ತುಮಿ ಪಾಟ್ಲ್ಯಾ ಚಾಳಿಸ್ ವರ್ಸಾಂ ಥಾವ್ನ್ ಕೊಂಕ್ಣೆ ಖಾತಿರ್ ಜ್ಯೆ ಕಿತೆಂ ಕೆಲಾಂ, ತುಮ್ಕಾಂ ತಾಂಚೆರ್ ಖಂಚಾಯ್ ರಿತಿಚೊ ಪಶ್ಚಾತ್ತಾಪ್ ಆಸಾ? ಕಸಲೊ?

ಜಾ: ಪಶ್ಚಾತಾಪ್ ನಾ. ಆನಿಕ್‌ಯೀ ಪ್ರಕಟುಂಕ್ ಉರ್ಭಾ ಆಸಾ. ಯೆವ್ಜಿಲ್ಲಿ ಥೊಡಿಂ ಕಾಮಾಂ ದೆವಾಚಾ ಆಧಾರಾನ್ ಪೊಂತಾಕ್ ಪಾಂವ್ಚೊ ಭರ್ವಸೊ ಆಸಾ. "ಮರ್ಮ:ಶಕ್ತಿ ಕಮಲಾನಾಥ", ದೇವ್ ಮ್ಹಜಿ ಸಕತ್" ಹೆಂ ಧ್ಯೇಯ್ ವಾಕ್ಯ್ ಸಾಳಕಾನ್ ಸುರು ಥಾವ್ನ್ ಆಪ್ಣಾಯ್ಲಾಂ.

ಸ: ಕೊಂಕ್ಣೆಚಾ ತವಳ್ಚಾ ಆನಿಂ ಆತಾಂಚಾ ಸ್ಥಿತಿಗತೆ ವಿಶಿಂ ತುಮ್ಚೆಂ ವಿಚಾರ್ ಕಸಲೆ?

ಜಾ: ಕೊಂಕ್ಣೆಂತ್ ತವಳ್ "ವಾಚ್ಚೊ ಲೋಕ್" ಮಸ್ತ್ ಮೆಳ್‌ಲ್ಲೊ. ಹ್ಯಾ ದಿಸಾಂನಿ ತೊ ಇಲ್ಲೊ ಉಣೊ ಜಾಲಾ ಮ್ಹಣ್ತಾತ್. ಪುಣ್ ಉರ್ಭೆವಂತ್ ಯುವಜಣ್ ಹಾಂತುಂ ಮೆತೆರ್ ಜಾತಿತ್ ತರ್ ಭವಿಷ್ಯ್ ಉಜ್ವಲ್ ಆಸಾ ಮ್ಹಣ್ಯೆತ್.

ಸ: ತುಮ್ಚ್ಯಾ ಕಾಳಾಕ್ ಸರಿ ಕರ್ತಾನಾ, ಕೊಂಕ್ಣೆಂತ್ಲೆಂ ಆಯ್ಚೆಂ ಪತ್ರಿಕೋಧ್ಯಮ್ ಕಿತ್ತುನ್ ಪಾವ್ಲಾಂ?

ಜಾ: ಕೊಂಕ್ಣೆಂತ್ ಪತ್ರಿಕೋದ್ಯಮ್ ಆಜ್ ಪ್ರಗತೆಚಾ ಮೆಟಾಂನಿ ಚಲ್ತಾ ಮ್ಹಣ್ಯೆತ್. ಕಂಪ್ಯೂಟರ್ ಸವ್ಲತೆ ವರ್ವಿಂ ಹೆಂ ಆನಿಕೀ ಇಲ್ಲೆಂ ಸುಲಭ್ ಜಾಲಾಂ. ಪುಣ್ ಆಜ್ ಹಾಚಿ ಯಶಸ್ವಿ, ಶ್ಯಾತಿವಂತ್ ಯುವಜಣ್ ಮೆತೆರ್ ಜಾವ್ನ್ ಉರ್ಬೆನ್ ಆನಿಂ ಕಷ್ಟ್ ಕಾಡ್ನ್ ವಾವುರ್ಚೆಂಚ್ ಪ್ರಮುಕ್ ಕಾರಾಣ್ ಜಾವ್ನಾಸಾ.

ಸ: ಆಜ್‌ಕಾಲ್ ಅಂತರ್‌ಜಾಳಿನಿಂ ಕೊಂಕ್ಣಿ ವಾವ್ರ್ ಧಾರಾಳ್ ಮಾಪಾನ್ ಚಲೊನ್ ಆಸಾ. ಕೊಂಕ್ಣಿ ವಾಡಾವಳೆಕ್ ಹೊ ಕಿತ್ತುನ್ ಉಪ್ಕಾರಾಕ್ ಪಡಾತ್?

ಜಾ: ಅಂತರ್‌ಜಾಳ್ ಆಜ್ ಏಕ್ ಅನಿವಾರ್ಯ್ ಮಾಧ್ಯಮ್ ಜಾಲಾಂ ಜಾಲ್ಲ್ಯಾನ್ ಕೊಂಕ್ಣಿಂತ್ ಪಯ್ಸ್ ಶಿಂಪಡ್‌ಲ್ಲ್ಯಾ ಲೊಕಾಕ್ ಪಾವಂವ್ಚೊ ವಾವ್ರ್ ಹಾಚೆದ್ವಾರಿಂ ಕೆಲ್ಯಾರ್ ಪರಿಣಾಮ್ ಯಶಸ್ವೆಚೊ ಜಾವ್ಯೆತ್.

ಸ: ಕೊಂಕ್ಣಿ ಬೂಕ್ ಆಜ್‌ಕಾಲ್ ವಾಚ್ತೆಲೆ ಉಣೆ ಜಾಲ್ಯಾತ್. ಕೊಂಕ್ಣೆಂತ್ ಲೊಕಾಕ್ ವಾಚ್ಪಾಚಿ ಅಭಿರುಚ್ ಚಡಂವ್ಚಾ ದಿಶೆನ್ ಕಸಲೊ ವಾವ್ರ್ ಗರ್ಜೆಚೊ?

ಜಾ: ಉಣೆದರಿರ್ ಬರೆ ವಾಚಾಪ್ ದಿಂವ್ಚೆ ಬೂಕ್ ಆನಿಂ ಕೊಂಕ್ಣಿಚಿ ಅಭಿರುಚ್ ಆಸ್‌ಲ್ಲ್ಯಾಂಕ್ ತೆ ಸುಲಭಾಯೆನ್ ಪಾವಂವ್ಚೆ ಬರಿ ಮ್ಹಿನತ್ ಘೆತ್ಲ್ಯಾರ್ ವಾವ್ರ್ ಜಯ್ತೆವಂತ್ ಜಾತಾ.

ಸ: ಕೊಂಕ್ಣಿ ಲಿಪಿವಿಶಿಂ ತುಮ್ಚೆಂ ವಿಚಾರ್ ಕಸಲೆಂ?

ಜಾ: ಪ್ರಾದೇಶಿಕ್ (ಸ್ಥಳೀಯ್) ಲಿಪಿಂತ್ ಸುಲಭಾಯೆನ್ ಬರವ್ನ್ ಶಿಕೊನ್ ಭಾಸ್ ಲೊಕಾಮೊಗಾಳ್ ಜಾತಚ್ಚ್ ಉಪ್ರಾಂತ್ ತಿಂಚ್ ಸುಲಭಾಯೆನ್ ನಾಗರಿತ್ ವ ರೋಮಿಂತ್ ವಾಚುಂಕ್ ಶಿಕ್ತಾತ್.

ಸ: ದಾಯ್ಜ್.ಕೊಮ್ ಸಾಯ್ಟಿಚಾ ವಾವ್ರಾವಿಶಿಂ ತುಮ್ಚೆ ವಿಚಾರ್ ಕಸಲೆಂ? ತುಮ್ಚೆಂ ಸಂದೇಶ್ ಕಸಲೆಂ?

ಜಾ: ತುಮಿಂ ಕಷ್ಟ್ ಕಾಡ್ನ್ ವಾವುರ್ತಾತ್ - ತುಮ್ಕಾಂ ಹಾಂವ್ ಬರೆಂ ಮಾಗ್ತಾಂ ಆನಿಂ ಉಜ್ವಲ್ ಭವಿಷ್ಯ್ ಆಶೆತಾಂ.

ಹಾಸೊ

ಮೊಗ್ರಿಂ

ಸೈಂಟ್