ಕಾಣ್ಯೊ
ಸಾಹಿತಿಕ್ ಸ್ಪರ್ಧೊ 2004
ಕಥಾಪಾಠ್
ಅಂಕಣಾಂ
ಸಾಹಿತಿಕ್ ಸ್ಪರ್ಧೊ 2005
ಕವಿತಾಂ
ಸಾಹಿತಿಕ್ ಸ್ಪರ್ಧೊ 2006
ದಾಯ್ಜ್ ಶಿಭಿರ್ 2006
ವಿಡಂಬನಾಂ
ದಾಯ್ಜ್ ಶಿಭಿರ್ 2007
ಕಥಾಮೃತ್
ವಿಮರ್ಶೆ
ಸತಾಂ ಆನಿ ಖತಾಂ - 32. ಶಿಕ್ಶಾ
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ಎಕಾ ಗಾಂವಾಂತ್ ಏಕ್ ಬ್ರದರ್ ಆಸ್ಲ್ಲೊ .
ಏಕಾ ಪಾಸ್ಕಾಂಚಾ ಫೆಸ್ತಾಚಾ ಸಕಾಳಿಂ ತೊ ಮಿಸಾಕ್ ಯೆತಾನಾ ಅಪ್ಣಾಸವೆಂ ಏಕ್ ಪರ್ನೆಂ, ಧುಳಿಂತ್ ಬುಡ್ಲೆಲೆಂ ಸುಕ್ಣ್ಯಾಚೆಂ ಗುಡ್ ಘೆವ್ನ್ ಆಯ್ಲೊ ಆನಿಂ ತ್ಯಾ ಗುಡಾಕ್ ತಾಣೆಂ ಪುಲ್ಪುತ್ರಾರ್ ದವರ್ಲೊ. ಆನಿಂ ಮಿಸಾರ್ ಶೆರ್ಮಾಂವಾವೆಳಾರ್ ತಾಚಿ ಹಿ ಕರ್ನಿ ಪಳೆಲ್ಲೊ ಲೋಕ್ ದೊಳ್ಯಾಂಚೊ ಆಸ್ಡ್ಯೊ ವಯ್ರ್ ಕರುಂಕ್ ಲಾಗ್ಲೊ. ಆತಾಂ ಬ್ರದರ್ ಉಲಂವ್ಕ್ ಲಾಗ್ಲೊ;
"ಮೊಗಾಚಾನೊಂ, ಹಾಂವ್ ಪೋರ್ ಎಕಾ ಹಳ್ಳೆಂತ್ ಚಲೊನ್ ವೆತಾಲೊಂ, ತೆನ್ನಾ ಎಕ್ಲೊ ಬುರ್ಗೊ ಹ್ಯಾ ಸುಕ್ಣ್ಯಾಂಚಾ ಗುಡಾಕ್ ಹಾತಿಂ ಘೆವ್ನ್ ಯೆಂವ್ಚೊ ದಿಸ್ಲೊ, ಆನಿಂ ಹ್ಯಾ ಗುಡಾಂತ್ ಲ್ಹಾಲ್ಹಾನ್ ತೀನ್ ಸುಕ್ಣಿಂ ಆಸ್ಲ್ಲಿಂ ತಿಂ ಹಿಂವಾನ್ ಆನಿಂ ಭಿಂಯಾನ್ ಕಾಂಪ್ತಾಲಿಂ, ಹಾವೆಂ ತ್ಯಾ ಬುರ್ಗ್ಯಾಕ್ ಸವಾಲ್ ಕೆಲೆಂ "ತುಜೆಲಾಗಿಂ ಆಸ್ಚೆಂ ಕಿತೆಂ ಪುತಾ?" ಮ್ಹಣ್.
"ಫಕತ್ ಥೊಡಿಂ ಸುಕ್ಣಿಂ" ಜಾಪ್ ಆಯ್ಲಿ.
"ತುಂ ತಾಂಕಾ ಕಿತೆಂ ಕರ್ತಾಯ್?"
"ಘರಾ ವರ್ತಲೊಂ ಆನಿಂ ತಮಾಸೊ ಪಳೆತಲೊಂ" ತಾಣೆ ಜಾಪ್ ದಿಲಿ. "ಹಾಂವ್ ತ್ಯಾ ಸುಕ್ಣ್ಯಾಂಕ್ ಚಿಡಾಯ್ತಲೊಂ, ತಾಂಚಿಂ ಪಾಕಾಂ ಸೊಲ್ತಲೊಂ ಆನಿಂ ತಾಂಕಾಂ ಎಕಾಮೆಕಾ ಝಗ್ಡೆಂ ಕರಯ್ತಲೊಂ, ಮ್ಹಾಕಾ ನಿಜಾಯ್ಕೀ ಆಜ್ ಬರೊ ತಮಾಸೊ ಪಳೆಂವ್ಕ್ ಆಸಾ"
"ಪುಣ್ ತುಂ ಇಲ್ಲ್ಯಾವೆಳಾನ್ ಥಕ್ತಲೊಯ್ ತವಳ್ ಕಿತೆಂ ಕರ್ತಲೊಯ್?"
"ನಾ.. ಮ್ಹಜೆಲಾಗಿಂ ದೋನ್ ಲ್ಹಾನ್ ಮಾಜ್ರಾಂ ಆಸಾತ್, ಜೆನ್ನಾಂ ಹಾಂವ್ ಥಕ್ತಾಂ ತೆನ್ನಾಂ ಹಾಂವ್ ತ್ಯಾ ಸುಕ್ಣ್ಯಾಂಕ್ ಮಾಜ್ರಾಂಚಾ ಹಾತಿಂ ಖೆಳೊಂಕ್ ದಿತಾಂ" ತೊ ಹಾಸಾಲಾಗ್ಲೊ.
ಇಲ್ಲೊ ವೇಳ್ ಹಾಂವ್ ವಗೊ ರಾವೊನ್ ತ್ಯಾ ಬುರ್ಗ್ಯಾಕ್ ಸವಾಲ್ ಕೆಲೆಂ "ತುಕಾ ಹ್ಯಾ ಸುಕ್ಣ್ಯಾಕ್ ಕಿತ್ಲೆ ಪೊಯ್ಶೆ ದೀಂವ್ ಪುತಾ?"
"ಹಾಂ? ಕಿತ್ಯಾಕ್? ತುಕಾ ಹಿಂ ಸುಕ್ಣಿಂ ನಾಕಾತ್, ತಿಂ ರಾನ್ ಸುಕ್ಣಿಂ ತಿಂ ಗಾಯ್ನಾಂತ್, ಪಳೆಂವ್ಕ್ಯ್ ಸೊಭಿತ್ ನಾಂತ್" ಬುರ್ಗ್ಯಾನ್ ಜಾಪ್ ದಿಲಿ.
"ಕಿತ್ಲೆ ಪೊಯ್ಶೆ ಜಾಯ್?" ಹಾವೆಂ ಪರತ್ ಸವಾಲ್ ಕೆಲೆಂ.
ತೊ ಬುರ್ಗೊ ಮ್ಹಾಕಾಚ್ ಪಳೆಲಾಗ್ಲೊ ಕಾಂಯ್ ಅಪುಣ್ ತಾಚೆಲಾಗಿಂ ತಮಾಶ್ಯಾನ್ ಉಲಯ್ತಾಂಕೀ ಮ್ಹಣೊನ್.
"ಪಾಂಯ್ಶಿಂ ರುಪಯ್"
ಹಾವೆಂ ಪರ್ಸಾಂತ್ಲೆ ಪಾಂಯ್ಶಿಂ ರುಪಯ್ ಕಾಡ್ನ್ ತಾಚಾ ಹಾತಿಂ ದಿಲ್ಲೆಚ್ ತೊ ಘಡ್ಯೆನ್ ಮಾಯಾಗ್ ಜಾಲೊ.
ಇಲ್ಲೊ ಮುಖಾರ್ ಗೆಲ್ಲೊಂಚ್ ಹ್ಯಾ ಗುಡಾಚೆಂ ದಾರ್ ಉಘಡ್ಲೆಂ ಆನಿಂ ತ್ಯಾ ತಿನೀಂ ಸುಕ್ಣ್ಯಾಂಕ್ ಉಭೊಂಕ್ ಮಜತ್ ಕೆಲಿ ಆನಿಂ ತಿಂ ಸುಕ್ಣಿಂ ಸಂತೊಸಾನ್ ಉಭ್ಲಿಂ.
ಬ್ರದರ್ ಮುಖಾರುನ್ ಸಾಂಗಾಲಾಗ್ಲೊ; "ಆತಾಂ ತುಮ್ಚೆಲಾಗಿಂ ಮ್ಹಾಕಾ ಸಾಂಗೊಂಕ್ ಆಸಾ ತೆಂ ಆಯ್ಕಾ, ಎಕಾ ದಿಸಾ ಜೆಜು ಆನಿ ಸಯ್ತಾನ್ ಅಶೆಂ ಉಲಂವ್ಚಾರ್ ಪಡ್ಲೆ. ಸಯ್ತಾನ್ ಅಪ್ಣಾಚಿ ಬಡಾಯ್ ಉಲವ್ನ್ ಆಸ್ಲ್ಲೊ; ಆನಿಂ ಮ್ಹಣಾಲೊ ’ಪಳೆ ದೆವಾ, ಹಾವೆಂ ಎಕಾ ಜಾಳಾಂತ್ ಕಶೆಂ ಇತ್ಲ್ಯಾ ಮನ್ಶಾಂಕ್ ಧರ್ಲೆಂ ಪಳೆ, ಆತಾಂ ಹಿಂ ಮನ್ಶಾಂ ಮ್ಹಜಿಂ"
"ತುಂ ತಾಂಕಾಂ ಕಿತೆಂ ಕರ್ತಾಯ್ ಆತಾಂ?" ಜೆಜುನ್ ಸವಾಳ್ ಕೆಲೆಂ.
"ವಾ! ಹಾಂವ್ ಆತಾಂ ತಾಂಚೊ ತಮಾಸೊ ಕತ್ರಾಂ ಪಳೆ, ತಾಂಕಾ ಕಶೆಂ ಕಾಜಾರ್ ಜಾಂವ್ಚೆಂ ಆನಿಂ ಡೈವೋರ್ಸ್ ದಿಂವ್ಚೊ ಮ್ಹಳ್ಳೆಂ ಶಿಕಯ್ತಾಂ, ಕಶೆಂ ಎಕಾಮೆಕಾಚೊ ಧ್ವೇಷ್ ಕರ್ಚೊ ಗಾಳಿ ಸೊಂವ್ಚ್ಯೊ ಮ್ಹಳ್ಳೆಂ ಶಿಕಯ್ತಾಂ ಆನಿಂ ಪಿಯೆವ್ಣೆಂ ಕರುಂಕ್ ಶಿಕಯ್ತಾಂ, ತಶೆಂಚ್ ಹಾಂವ್ ತಾಂಕಾಂ ಕಶೆಂ ಬಂಧೂಕ್ಯೊ ಕರ್ಚೊ, ಬೋಂಬ್ ಕಶೆ ತಯಾರ್ ಕರ್ಚೆ ಆನಿಂ ಎಕಾಮೆಕಾ ಲಗಾಡ್ ಕಾಡ್ಚೆಂ ಮ್ಹಳ್ಳೆಂ ಶಿಕಯ್ತಾಂ, ಆನಿಂ ತಮಾಸೊ ಪಳೆತಾಂ"
"ಪುಣ್ ಉಪ್ರಾಂತ್ ತುಂ ಕಿತೆಂ ಜೊಡ್ತಲೊಯ್?" ಜೆಜುನ್ ಸವಾಲ್ ಕೆಲೆಂ
"ಉಪ್ರಾಂತ್ ತಾಂಕಾಂ ಸಗ್ಳ್ಯಾಂಕ್ ಲಗಾಡ್ ಕಾಡ್ತಾಂ ಪಳೆ" ಸಯ್ತಾನ್ ಬಡಾಯ್ ಉಲಯ್ಲಾಗ್ಲೊ.
"ತುಕಾ ತಾಂಚೆ ಬದ್ಲಾಕ್ ಕಿತೆಂ ಜಾಯ್?" ಜೆಜುನ್ ಸವಾಲ್ ಕೆಲೆಂ.
"ಹೋ, ತುಕಾ ತಿಂ ಮನ್ಶಾಂ ನಾಕಾತ್ ತಿಂ ಬರಿಂ ನಾಂತ್, ಕಿತ್ಯಾಕ್? ತುಂ ತಾಂಕಾಂ ಘೆಶಿ ತರ್ ತುಕಾ ಗಾಳಿ ದಿತೆಲಿಂ, ತುಜೆರ್ ಥುಕ್ತೆಲಿಂ, ತುಕಾ ಲಘಾಡ್ ಕಾಡ್ತೆಲಿಂ, ತುಕಾ ಹಿಂ ಮನ್ಶಾಂ ನಾಕಾತ್"
"ಕಿತೆಂ ಜಾಯ್ ತುಕಾ?" ಜೆಜುನ್ ಪರತ್ ಸವಾಲ್ ಕೆಲೆಂ.
ಸಯ್ತಾನ್ ಏಕ್ ಘಡಿ ಚಿಂತುಂಕ್ ಪಡ್ಲೊ ಆನಿಂ ಮ್ಹಣಾಲೊ "ಸಗ್ಳೆಂ ತುಜೆಂ ರಗಾತ್, ದುಖಾಂ, ಆನಿಂ ತುಜೊ ಜೀವ್"
ಜೆಜುನ್ ಜಾಪ್ ದಿಲಿ "ಬರೆಂ" ಆನಿಂ ಮೋಲ್ ಫಾರಿಕ್ ಕೆಲೆಂ.
ಇತ್ಲೆಂ ಉಲವ್ನ್ ಬ್ರದರಾನ್ ಶೇರ್ಮಾಂವ್ ರಾವಯ್ಲೊ, ಸುಕ್ಣ್ಯಾಂಚೆಂ ತ್ಯಾ ಸುಕ್ಣ್ಯಾಚಾ ಗುಡಾಚೆಂ ದಾರ್ ಉಘಡ್ಲೆಂ ಆನಿಂ ಥಂಯ್ಸರ್ಚೊ ಗೆಲೊ.
ಸಂದೇಶ್: QvÉèA ¦±ÉA¥Àuï £ÀíAiÀiïVà D«ÄA QvÁè÷å ¸ÀįÁ¨sÁAiÉÄ£ï zɪÁa ¤®ðPÁê PÀvÁðAªï? QvÉèA ¦±ÉA¥Àuï £ÀíAiÀiïVà D«ÄA "¸ÀvÀä£ÁÛA zɪÁ ¨Á¥ÁPï" ªÀÄíuÁÛAªï D¤A ¸ÀAiÀiÁÛ£ÁZÁ ¥ÁmÁè÷å£ï ªÉvÁAªï eÉÆ ¸ÀAiÀiÁÛ£ï ¸ÀAiÀiïÛ zɪÁPï ¥ÁvÉåvÁ£Á?
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
