ಕವಿತಾकविताPoem
ಸತಾ
This poem is available in its original Kannada only.
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕವಿತಾಝರ್
ಸತಾ ವಾಟೆರ್
ಹಾಂವ್ ಸತ್
ತಕ್ಲಿ ಉಭಾರ್ನ್ ಚಲ್ತಾಂ
ದೋನ್ ಕದಮಾಂ ಚಮ್ಕಾತಾನಾ
ಪರ್ಜಾ ಮ್ಹಾಕಾ ದೆಖ್ತಾ
ಅಸ್ಕತ್ ಜಿವಾಚಿ
ನಿಂದಾ ಜಾತಾ!
ಗಾದ್ಯಾ ಮೆರೆರ್ ಚಮ್ಕಾತಾನಾ
ರೈತಾ ಪರ್ಜಾ ಹಾಸ್ತಾ
ಸತ್ ಆಯ್ಲೆಂ... ಸತ್ ಆಯ್ಲೆಂ
ಪುಕ್ಕಟ್ ಲುವ್ಣಿಂ ಕರ್ಯಾಂ
ಪಿಕ್ಚಾ ಆದಿಂ ತಾಕಾ ಬೆಂಡುನ್
ಮುಸ್ಳಾನ್ ತಾಕಾ ಕಾಂಡ್ಯಾಂ
ಸತಾ ಪೇಜ್ ನಿಂವ್ಚಾ ಆದಿಂ
ಮಿರ್ಸಾಂಗ್ ಚಿಡ್ಡುನ್ ಜೆವ್ಯಾಂ!
ರಾಜ್ ರಸ್ತ್ಯಾರ್ ಚಮ್ಕಾತಾನಾ
ರಾಯಾಳ್ ಪರ್ಜಾ ಚೊಯ್ತಾ
ಸತ್ ಆಯ್ಲೆಂ... ಸತ್ ಆಯ್ಲೆಂ
ಗೊಮ್ಟಿ ತಾಚಿ ಲುಂವ್ಯಾಂ
ಪೊಕೊಳ್ ಭಾಯ್ರ್ ಪಡ್ಚಾ ಆದಿಂ
ಕಾಳೊ ದುಡು ಪುರ್ಯಾಂ
ಸತಾ ಬೊಬ್ ಯೆಂವ್ಚಾ ಆದಿಂ
ಮಾತಿಯೆಕ್ ಸಾರೆಂ ಕರ್ಯಾಂ!
ದೈವಿಕ್ ವೆದಿ ಪುಜಾ ಭಂವ್ತಿಂ
ಪಾವ್ಲಾಂ ಮಾತ್ಶಿಂ ಕಾಡ್ತಾಂ
ಆಂತು ಖುರಿಸ್ ದೆಂವ್ಲ್ಯಾತ್ ಆಂಗ್ಣ್ಯಾಂತ್
ಮಾಣಿಯಾರಿ ಬಾವ್ಡೊ ವೊಂಕ್ತಾ
ಸತಾ ಉಜ್ವಾಡ್ ಪೆಟ್ಚಾ ಆದಿಂ
ಚಿಮ್ಟುನ್ ತಾಕಾ ಧರ್ಯಾಂ
ಸತಾಕ್ ರುಜ್ವಾತ್ ದಿಂವ್ಚಾ ಆದಿಂ
ಘುಟಾನ್ ತಾಕಾ ಪುರ್ಯಾಂ.
ಬಳ್ವಂತ್ ಹಾತೆರ್ ಶಿಕ್ಪಿ ನದರ್
ಕೊವೆಂತಾ ಶೆತಾಂತ್ ಘುಂವ್ತಾಂ
ಮಾತ್ಯಾರ್ ಶೆಲೊ, ಹಾತಿಂ ರಜಾರ್
ಸತಾಕ್ ಉಲೊ ಮರ್ತಾತ್
ಮುಖ್ಲ್ಯಾ ದಾರಾನ್ ಯೆವ್ಕಾರ್ ಮಾಗ್ಲಾ
ಪರ್ಜಳ್ ಮಂದಿರಾಂತ್ ಭರ್ಲಾ
ಬೊಲ್ಪೆ ಕೊಲೆ ಯೆಂವ್ಚಾ ಆದಿಂ
ಪೊಳ್ನ್ ಧಾಂವೊಂಕ್ ಸಾಂಗ್ಲಾಂ
ಸಂಸ್ರಾಕ್ ವಿಸ್ರೊನ್ "ಆಪ್ಲೆಂ" ಸಾಂಡುನ್
ಅಮರ್ ಕಾಲ್ವೊರ್ ಚಡ್ತಾಂ
ಆಡ್ ಉಬ್ಯೊ ನಾಗ್ಡ್ಯೊ ಪಳಿಯೊ
ಖುರ್ಸಾಕ್ ವೇಂಗ್ ಮಾರ್ತಾಂ
ಸತಾ ಚಾಂದ್ನೆಂ ಫಾಂಕ್ಲಾಂ
ಖತಾ ಸಂಸಾರ್ ಲಿಪ್ತಾ
ಸತಾ ನಿತಿಚಿ ವಾಟ್ ದಾಖವ್ನ್
ಬಾವ್ಟೊ ವಿಜಯ್ ಉಬ್ತಾ!!
ಕವಿತಾಝರ್ - 127
- ಪ್ರೀತಮ್, ಕಿರೆಂ
ಸಂಸಾರಾಂತ್ ಜಿಯೆಂವ್ಕ್ ಜರ್ ’ಸತ್’ ಜೀವ್ ಘೆವ್ನ್ ಆಯ್ಲೆಂ ತರ್ ಹ್ಯಾ ಮನ್ಶಾಂ ಮಧೆಂ ಸತಾಕ್ ಜಿಯೆಂವ್ಕ್ ಸಾಧ್ಯ್ಗಿ? ಸತಾಚಿ ಸಕತ್ ತರ್ಯ್ ಕಿತ್ಲಿ? ಮ್ಹಳ್ಳ್ಯಾ ವಿಚಾರಾಂಚೆರ್ ಅಪುರ್ಭಾಯೆಚಿ ನದರ್ ಭಂವ್ಡಾವ್ನ್ ಬರಯಿಲ್ಲೆಂ ಹೆಂ ಕವಿತಾ ಖರೆಂಚ್ ಏಕ್ ಅದ್ಭುತ್ ಕವಿತಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.