ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
[ಸಪ್ತೆಂಬರ್ 23 ತಾರಿಕೆರ್ ಅಪ್ಲೊ 41ವೊ ಜಲ್ಮಾದಿವಸ್ ಆಚರಣ್ ಕರ್ಚಾ ಆಂಡ್ರು ತುಕಾ ಹೆಂ ಅಂಕಣ್ ಅರ್ಪಣ್]
ಸತಾಂ ಆನಿ ಖತಾಂ - 2. ಆಶಾವಾದಿ
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ಜಿಣ್ಯೆಂತ್ ದೆಧೆಸ್ಪೊರ್ ಜಾಲ್ಲೊ ಏಕ್ ಬುರ್ಗೊ ಎಕಾ ದರ್ಯಾ ದೆಗೆಂತ್ಲ್ಯಾನ್ ಪಾಶಾರ್ ಜಾತಾಸ್ತಾನಾ ತಾಕಾ ಥಂಯ್ಚರ್ ಸೊಭಿತ್ ಆನಿಂ ಪರ್ಜಳಿಕ್ ಲ್ಹಾಲ್ಹಾನ್ ಫಾತೊರ್ ಮೆಳ್ಳೆ ಆನಿಂ ತಾಣೆ ತೆ ಎಕೆಕ್ಚ್ಚ್ ವಿಂಚುನ್ ಆಪ್ಲ್ಯಾ ಬೊಲ್ಸಾಂನಿ ಚೆಪ್ಲೆ. ಆನಿಂ ತಶೆಂಚ್ ಮುಖಾರ್ ವಚೊನ್ ಎಕಾ ಕೊನ್ಶಾರ್ ಬಸೊನ್ ಆಪ್ಲ್ಯಾ ಬೊಲ್ಸಾಂತ್ಲೆ ಫಾತೊರ್ ಕಾಡುನ್ ಮೆಜುಂಕ್ ಲಾಗ್ಲೊ.
’ಏಕ್... ದೋನ್... ತೀನ್... ಚಾರ್... ಪಾಂಚ್... ಸ’ ಅಶೆಂ ಎಕೆಕ್ಚ್ಚ್ ಫಾತೊರ್ ಕಾಡುನ್ ದರ್ಯಾಕ್ ಉಡಯ್ಲಾಗ್ಲೊ.
’ಏಕ್...”ದೋನ್
...”ತೀನ್
...”ಚಾರ್
...’ತೆಚ್ಚ್
ವಾಟೆರ್ ಪಾಶಾರ್ ಜಾಂವ್ಚೊ ಎಕ್ಲೊ ವಜ್ರಾಂಚೊ ವೆಪಾರಿ ಹ್ಯಾ ಭುರ್ಗ್ಯಾಕ್ ಪಳೆವ್ನ್ ಆಸ್ಲ್ಲೊ, ಘಡ್ಯೆನ್ ಯೆವುನ್ ತ್ಯಾ ಬುರ್ಗ್ಯಾಚೊ ಹಾತ್ ಧರ್ನ್ ವಿಚಾರಿಲಾಗ್ಲೊ; "ಪಿಶ್ಯಾ ಚೆಡ್ಯಾ ತುಂ ಕಿತೆಂ ಕರ್ನ್ ಆಸಾಯ್?""ಕಿತೆಂ
ಕರ್ನ್ ಆಸಾಂ?.. ಹಾಂವ್ ಮ್ಹಜೆ ತಿತ್ಲ್ಯಾಕ್ ಫಾತ್ರಾಂಸಂವೆಂ ಖೆಳೊನ್ ಆಸ್ತಾಂ ತುಕಾ ಕಿತೆಂ ನಶ್ಟ್ ಕೆಲಾ ಹಾಂವೆಂ?" ಬುರ್ಗೊ ಪಾಟಿಂ ಸವಾಲ್ ಕರಿಲಾಗ್ಲೊ.
"ತೆಂಚ್ಚ್ ಸಾಂಗೊನ್ ಆಸಾಂ ಹಾಂವ್.. ತೆ ಫಾತೊರ್ ಮ್ಹಣ್ ತುವೆಂ ಉಡಂವ್ಚೆ ತೆ ಫಾತೊರ್ ನ್ಹಂಯ್, ಬಗಾರ್ ಮೊತಿಯಾಂ. ಏಕ್ ಮೊತಿಂ ದವರ್ಶಿ ತರೀ ತುಕಾ ತೆಂ ಜೀಣ್ಭರ್ ಪಾವ್ತೆಲೆಂ"ವಜ್ರಾಂ
ವೆಪಾರಿಚಿಂ ಉತ್ರಾಂ ಸಂಪ್ತಚ್ಚ್ ಬುರ್ಗ್ಯಾಚೊ ವದನ್ ಬಾವ್ಲೆಂ ಆನಿಂ ಚುರ್ಚುರ್ಯಾನಿಂ ಭರೊನ್ ಅಪ್ಲೇಸ್ತಕಿಂ ವಿಚಾರಿಲಾಗ್ಲೊ; "ಛೆಕ್ಕ್.. ಆಪ್ಣಾನ್ ಕೆದಿ ವ್ಹಡ್ ಚೂಕ್ ಆಧಾರ್ಲಿ? ಏಕ್ ಫಾತೊರ್ ದವರ್ಲೆಲೊ ತರ್ಯೀ ಆಪ್ಣಾಕ್ ತೊ ಜೀಣ್ಭರ್ ಪಾವ್ತೊ ಆಸ್ಲ್ಲೊ"ವಜ್ರಾಂ
ವೇಪಾರಿ ಆಪ್ಲಿ ವಾಟ್ ಧರ್ನ್ ಗೆಲೊ. ಪಯ್ಲೆಂಚ್ ದೆಧೆಸ್ಪೊರ್ ಆಸ್ಲ್ಲೊ ಬುರ್ಗೊ ಆತಾಂ ಅನಿಕ್ಯೀ ಚಡ್ ಚುರ್ಚುರ್ಯಾಂನಿ ಭರ್ಲೊ ಆನಿಂ ಅಪ್ಲೇಸ್ತಕಿಂ ವಿಚಾರಿಲಾಗ್ಲೊ "ಆಸ್ಲ್ಲೆ ಸ ಫಾತೊರ್ ಜರ್ ಆಪ್ಣಾನ್ ದವರ್ಲೆಲ್ಲೆ ತರ್ ಕಿತ್ಲೆಂ ಬರೆಂ ಆಸ್ತೆಂ? ಪುಣ್ ಆತಾಂ ಹ್ಯಾ ದೋನ್ ಫಾತ್ರಾಂನಿ ಕಿತೆಂ ಕರ್ಯೆತ್?" ಸ ಫಾತ್ರಾಂಕ್ ಆನಿಂ ದೋನ್ ಫಾತ್ರಾಂಕ್ ತುಲನ್ ಕರೀತ್ ತೊ ಎಕಾ ನಿರ್ಧಾರಾಕ್ ಪಾವ್ಲೊ ಆನಿಂ ಆಪ್ಲಾ ಹಾತಾಂತ್ ಆಸ್ಚೆ ದೊನ್ಯೀ ಫಾತೊರ್ ದರ್ಯಾಕ್ ಉಡವ್ನ್ ಚಲ್ತಚ್ಚ್ ರಾವ್ಲೊ.
ಸಂಧೇಶ್: ಆಮ್ಚಾ ಜಿಣ್ಯೆಂತ್ಯೀ ಆಮ್ಕಾಂ ಸಭಾರ್ ಬರೆ ಆವ್ಕಾಸ್ ಲಾಭ್ಲ್ಯಾತ್ ತರೀ ಆಮಿ ಜಾಯ್ತೆ ಪಾವ್ಟಿಂ ತೆ ಹೊಗ್ಡಾಯ್ಲ್ಯಾತ್. ಆಮ್ಚಾ ಜಿಣ್ಯೆಂತ್ಯೀ ಉರ್ಲ್ಲೆ ಆವ್ಕಾಸ್ ಹೊಗ್ಡಾಯ್ನಾಶೆಂ, ತೆ ಗಳ್ಸುಂಕ್ ಸಾಂಗೊಂಕ್ ಜಾಹಿತ್ತೆ ವೆಪಾರಿ ಆಮ್ಚೆ ಮುಖಾರ್ ಆಯ್ಲ್ಯಾತ್. ಪುಣ್ ತ್ಯಾ ಬುರ್ಗ್ಯಾಪರಿಂ ಆಮಿ ಉರ್ಲ್ಲೆ ಫಾತೊರ್ (ಆವ್ಕಾಸ್) ಹೊಗ್ಡಾಂವ್ಚೆ ಪ್ರಾಸ್ ಆಮಿಂ ತೆ ಜತ್ನೆನ್ ದವರ್ನ್ ತಾಚೊ ಉಪ್ಯೋಗ್ ಕರುಂಕ್ ಪ್ರೇತನ್ ಕರ್ಯಾಂ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
