ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಸಮಾಜೆಸವೆಂ ಸ್ಪಂದನ್ ಕರ್ಚಿ ಶ್ಯಾಥಿ ಆಸ್ಚೊಚ್ ’ಖರೊ ಕವಿ’
[ಜೋಯ್ ಪಾಲಡ್ಕಾ ಸ್ವಾಗತ್ ಕರ್ತಾ]
"ಹರ್ಯೆಕ್ಲೊ ಮನಿಸ್ ಜಲ್ಮಾನ್ ಕವಿ ಜಾವ್ನ್ ಆಸ್ತಾ ಪುಣ್ ಭೋವ್ ಥೊಡೆ ಮಾತ್ರ್ ಕವಿ ಜಾವ್ನ್ ಜಿಯೆತಾತ್. ಕವಿತಾ ಕಾಳ್ಜಾಚಿ ಭಾಸ್. ಮತಿಂತ್ಲ್ಯಾ ಸಬ್ಧಾಂಕ್, ಭಗ್ಣಾಂಕ್ ಆನಿ ಉಮಾಳ್ಯಾಂಕ್/ವಿಚಾರಾಂಕ್ ಜೊ ಕೊಣ್ ಜೊಕ್ತ್ಯಾ ಉತ್ರಾಂನಿ ವಿಣುನ್ ಅಭಿವ್ಯಕ್ತ್ ಕರ್ತಾ, ತೆದ್ನಾಂ ತೊ ಕವಿತಾ ರಚುಂಕ್ ಸಕ್ತಾ. ಸಮಾಜೆಸವೆಂ ಸ್ಪಂದನ್ ಕರ್ಚಿ ಶ್ಯಾಥಿ ಎಕಾ ಕವಿಕ್ ಗರ್ಜೆಚಿ - ತಶೆಂ ಆಸ್ತಾಂ ಜೊ ಕೊಣ್ ಅಪುಣ್ ಜಾಣಾರಿ ಮ್ಹಳ್ಳೆಂ ಚಿಂತಾಪ್ ಮತಿಂತ್ ಘೆವ್ನ್ ಬೊಸ್ತಾ, ತೊ ಆಪ್ಲ್ಯಾ ಮತಿಚ್ಯಾ ಗಿನ್ಯಾನಾಚೆಂ ದಾರ್ ಧಾಂಪ್ತಾ, ಜೊ ಕೊಣ್ ಅಪ್ಣಾಕ್ ಅನಿಕ್ಯೀ ಶಿಕೊಂಕ್ ಆಸಾ ಮ್ಹಣ್ ಚಿಂತಾ ತೊ ಮಾತ್ರ್ ಗಿನ್ಯಾನ್ ಆಪ್ಣಾಂವ್ಕ್ ಸಕ್ತಾ" ಅಶೆಂ ಮ್ಹಣಾಲೊ ಕೊಂಕ್ಣೆಂತ್ಲೊ ನಾಮ್ಣೆಚೊ ಸಾಹಿತಿ, ಕವಿ ತಶೆಂಚ್ ದಾಯ್ಜ್.ಕೊಮ್ ಅಂತರ್ಜಾಳಿಚೊ ಸಂಪಾದಕ್ ವಲ್ಲಿ ಕ್ವಾಡ್ರಸ್. ತೊ ಹೆಚ್ಚ್ ಸಪ್ತೆಂಬರ್ 23 ತಾರಿಕೆರ್ ಕೊಂಕ್ಣಿ ಭಾಶಾ ಮಂಡಳ್ ಮಹಾರಾಶ್ಟ್ರಾ ಹಾಣಿಂ ಅಂಧೇರಿಂತ್ಲ್ಯಾ ಗ್ಯಾನ್ ಆಶ್ರಮಾಂತ್ ಆಸಾ ಕೆಲ್ಲ್ಯಾ ಅದೇಸಾಚೆಂ ಕವಿತಾ ಕಾಮಾಸಾಳ್ ಚಲಯ್ತಾಸ್ತಾಂ ತೊ ಅಶೆಂ ಮ್ಹಣಾಲೊ.
[ಕೊಂಕ್ಣಿ ಭಾಶಾ ಮಂಡಳಾಚೆ ಸಾಂದೆ]
ಕಾಮಾಸಾಳಾಚಿ ಸುರ್ವಾತ್ ಮಾಗ್ಣ್ಯಾ ಗಿತಾಂತ್ ಜಾತಚ್ಚ್ ಕಾರ್ಯೆಂ ನಿರ್ವಾಹಕ್ ಜೋಯ್ ಪಾಲಡ್ಕಾ (ಕೊ.ಭಾ.ಮಂ. ಚೊ ಕಾರ್ಯದರ್ಶಿ) ಹಾಣೆಂ ಹೆಂ ಕಾಮಾಸಾಳ್ ಚಲಂವ್ಕ್ ಆಯಿಲ್ಲ್ಯಾ ವಲ್ಲಿ ಕ್ವಾಡ್ರಸಾಕ್, ಉಗ್ತಾವ್ಪಿ ವಿತೊರಿ ಕಾರ್ಕಳ್, ಕೊ.ಭಾ.ಮಂ. ಉಪಾಧ್ಯಕ್ಶ್ ಮಾನೆಸ್ತ್ ಜೋನ್ ಡಿ’ಸಿಲ್ವಾ ಹಾಂಕಾಂ ವೆದಿಕ್ ಸ್ವಾಗತ್ ಕರುನ್ ತಾಂಚಿ ಮಟ್ವಿ ವಳೊಕ್ ಕರುನ್ ದಿಲಿ.
[ಆನ್ಸಿ ಪಾಲಡ್ಕಾ ಕಾಮಾಸಾಳಾ ವಿಶಿಂ ಉಲಯ್ತಾ]
ಹ್ಯಾ ಕಾಮಾಸಾಳಾಚಿ ಜವಾಭ್ದಾರಿ ಘೆವ್ನ್ ಭೋವ್ ಅಪುರ್ಭಾಯೆನ್ ಮಾಂಡುನ್ ಹಾಡ್ಲ್ಲ್ಯಾ ಆನ್ಸಿ ಪಾಲಡ್ಕಾನ್ ಕವಿತೆಚ್ಯಾ ಕಾಮಾಸಾಳಾಚಿ ಗರ್ಜ್ ವಿವರುನ್ ಸಾಂಗ್ಲಿ.
[ಮಾಲ್ಘಡೊ ಕವಿ ವಿ.ಡಿ’ಸಿಲ್ವಾ ಸ್ವಾಗತ್ ಕರ್ತಾ]
[ಮಾಲ್ಘಡೊ ಕವಿ ಕವಿರಾಜ್ ಜೆ.ಬಿ.ಸಿಕ್ವೇರಾ ಸ್ವಾಗತ್ ಕರ್ತಾ]
ವಿತೊರಿ ಕಾರ್ಕಳ್ ಹಾಣೆಂ ಉಗ್ತಾವಣ್ ಕರುನ್ "ಕವಿತಾ ಬರಂವ್ಚಿ ಫಕತ್ತ್ ಹವ್ಯಾಸಾಕ್ ಜಾಯ್ನಾಯೆ, ಬಗಾರ್ ಎಕಾ ಕವಿನ್ ನಿರಂತರ್ ಶಿಕೊನ್ ಆಸ್ಚಿ ಪ್ರಕ್ರಿಯಾ ಚಾಲು ದವರಿಜೆ" ಮ್ಹಳ್ಳೊ ಸಂಧೇಶ್ ದಿಲೊ.
[ಉಗ್ತಾವ್ಪಿ ವಿತೊರಿ ಕಾರ್ಕಳ್ ಅಪ್ಲೊ ಸಂಧೇಶ್ ಪಾಟಯ್ತಾ]
ತ್ಯೇ ಉಪ್ರಾಂತ್ ವಲ್ಲಿ ಕ್ವಾಡ್ರಸಾನ್ ಸವಿಸ್ತಾರ್ ರಿತಿನ್ ’ಕವಿತಾ ಮ್ಹಳ್ಯಾರ್ ಕಿತೆಂ?’ ’ಕವಿ ಮ್ಹಳ್ಯಾರ್ ಕೊಣ್?’ ’ಕವಿತೆಂತ್ ಕಿತೆಂ ಸರ್ವ್ ಆಸ್ತಾ?’ ’ಕವಿತೆಚಿ ಕೂಡ್ ಆನಿ ಅತ್ಮೊ ಖಂಚೊ?’ ’ಕವಿತೆಂತ್ ಕಸಲ್ಯಾ ಸಂಗ್ತೆಂಕ್ ಆಡಾಯ್ಜಯ್?’ ’ಕವಿತೆಚೆ ನೋವ್ ರಸ್ ಕಸಲೆ?’ ಆನಿ ’ಕವಿತೆಚೆ ವೆವೆಗ್ಳೆ ಪ್ರಕಾರ್ ಖಂಚೆ?’ ಹ್ಯಾ ಸರ್ವ್ ವಿಶ್ಯಾಂಚೆರ್ ಸವಿಸ್ತಾರ್ ರಿತಿನ್ ಮಾಹೆರ್ ದಿವುನ್ ಅಪ್ಲಿ ಸಮ್ಜೊಣಿ ಶಿಭಿರಾರ್ಥಿಂಸವೆಂ ವಾಂಟುನ್ ಘೆತ್ಲಿ.
[ಕವಿ ನಜ್ರೆತ್ ನೆರಿ ತಾಕೊಡೆ ಸಂವಾದ್ ಕರ್ತಾ]
ಹ್ಯಾ ಕಾಮಾಸಾಳಾಕ್ ಕೊಂಕ್ಣೆಂತ್ಲೊ ಮಾಲ್ಘಡೊ ಕವಿ; ಕೇಂದ್ರ್ ಸಾಹಿತ್ಯ್ ಅಕಾಡೆಮಿ ಪ್ರಶಸ್ಥಿ ಜಿಕ್ಪಿ ಮಾನೆಸ್ತ್ ಜೆ.ಬಿ.ಸಿಕ್ವೇರಾ, ಮಾನೆಸ್ತ್ ವಿ. ಡಿ’ಸಿಲ್ವಾ ಕಾಂಜೂರ್ಮಾರ್ಗ್, ನವೀನ್ ಕುಲ್ಶೇಕರ್, ವಿಕ್ಟರ್ ಕೊನ್ಸೆಸ್ಸೊ, ಹೆನ್ರಿ ಡಿ’ಸೋಜ್ ತಸಲೆ ಮಾಲ್ಘಡೆ ಸಯ್ತ್ ಉರ್ಭೆನ್ ಹಾಜರ್ ಆಸ್ಲ್ಲಿ ಭೋವ್ ಸಂತೊಸಾಚಿ ಗಜಾಲ್. ಹಾಂಚೆಸವೆಂ ಲಾರೆನ್ಸ್ ಡಿ’ಸೋಜಾ ಕಮಾನಿ, ಕ್ಲೆಮೆಂಟ್ ಎ. ಲೋಬೊ ನಕ್ರೆ, ಪ್ಲೋರಾ ಡಿ’ಸೋಜಾ ಜೆರಿಮೆರಿ, ಕ್ಲೆಮೆಂಟ್ ಮಡಂತ್ಯಾರ್, ಜ್ಯೋತಿ ಲಸ್ರಾದೋ ದೆರೆಬೈಲ್ D¤ ºÉgÁA¤ ¨sÁUï WÉvÉÆè.
[ಕವಿತಾ ಕಾಮಾಸಾಳಾಂತ್ ವಾಂಟೆಲಿ ಜಾಲ್ಲಿಂ]
[ಕವಿತಾ ಕಾಮಾಸಾಳಾಂತ್ ವಾಂಟೆಲಿ ಜಾಲ್ಲಿಂ]
ವರ್ದಿ: - ಆಮ್ಚೊ ಭಾತ್ಮಿ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
