ಕವಿತಾकविताPoem
ರೋಡ್ರಿಗಸ್,
This poem is available in its original Kannada only.
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕವಿತಾಝರ್
ಭುರ್ಗಿಂ
ಸರ್ವ್ ಭುರ್ಗ್ಯಾಂಕ್ ಶಿಕ್ಷಣ್ ಮ್ಹಣ್ತಾ ಆಮ್ಚೊ ಸರ್ಕಾರ್
ಸರ್ಕಾರಾಚೊ ಧ್ಯೇಯ್ ಉರ್ಲಾ ಕೇವಲ್ ಪರ್ದ್ಯಾರ್
ಚವ್ದಾ ವರ್ಸಾ ಸಕಯ್ಲಿಂ ಭುರ್ಗಿಂ ಘೊಳ್ತಾತ್ ಆಮ್ಚಾ ದೇಸಾಂತ್
ತರ್ ಖಂಯ್ ಉರ್ಲೆಂ ಆಮ್ಚೆಂ ಸರ್ಕಾರಿ ಕಾನೂನ್?
ವ್ಹಡಾ ಮನ್ಶಾಂಚಾ ಘರಾಂನಿ ಘೊಳ್ತಾತ್ ಲ್ಹಾನ್ ಭುರ್ಗಿಂ
ರಸ್ತ್ಯಾಚ್ಯಾ ಬಾಂದ್ಪಾಚಾ ಹೊಟೆಲಾಚಾ ಕಾಮಾನ್ ದಿಸ್ತಾತ್ ಆಮ್ಕಾಂ ಭುರ್ಗಿಂ
ಅಪಾಯ್ಕಾರಿ ಕಾರ್ಖಾನ್ಯಾಂನಿ ಕಂಪೆನಿಂನಿ ಘೊಳ್ತಾತ್ ಭುರ್ಗಿಂ
ತರ್ ಖಂಯ್ ಉರ್ಲೆಂ ಆಮ್ಚೆಂ ಸರ್ಕಾರಿ ಕಾನೂನ್?
ಥಂಯ್ ಹಾಂಗಾ ವರ್ಸಾಕ್ ಏಕ್ ದೋನ್ ಪಾವ್ಟಿಂ ವಾಂಚಯ್ತಾತ್ ಹ್ಯಾ ಭುರ್ಗ್ಯಾಂಕ್
ಆಜ್ ವರೇಗ್ ಮಾರ್ ದಾಗ್ ಅತ್ತ್ಯಾಚಾರ್ ಚಲ್ತಾ ಹ್ಯಾ ಭುರ್ಗ್ಯಾಂಚೆರ್
ಕಾಮುಕಿ ತೃಪ್ತಿ ವ್ಹಡಾಂಚಿ ಭಾಗಂವ್ಕ್ ವಿಕ್ತಾತ್ ಹ್ಯಾ ಭುರ್ಗ್ಯಾಂಕ್
ತರ್ ಖಂಯ್ ಉರ್ಲೆಂ ಆಮ್ಚೆಂ ಸರ್ಕಾರಿ ಕಾನೂನ್?
ಲ್ಹಾನ್ ಭುರ್ಗ್ಯಾಂನಿ ಗೊಳ್ಲ್ಲೆಂ ಆರಾಯ್ತಾತ್ ತಾಂಚೆ ಥಾವ್ನ್ ವ್ಹಡಿಲಾಂ
ಕುಟ್ಮಾಚಾ ಪರಿಗತೆಕ್ ಥೊಡಿಂ ಲ್ಹಾನ್ ಭುರ್ಗಿಂ ಘೊಳ್ತಾತ್ ತಿಂ ಸದಾಂ
ವರ್ಸಾಕ್ ಏಕ್ ಪಾವ್ಟಿಂ ಮಂತ್ರಿ ಹಾಚೆ ಸಂಗಿಂ ರಾವೊನ್ ಕಾಡ್ತಾ ತಸ್ವೀರ್
ತರ್ ಖಂಯ್ ಉರ್ಲೆಂ ಆಮ್ಚೆಂ ಸರ್ಕಾರಿ ಕಾನೂನ್?
ಪರ್ಗಾಂವಾ ಥಾವ್ನ್ ಹಾಡಯ್ತಾ ಸರ್ಕಾರ್ ಹಾಂಚೆ ಖಾತಿರ್ ಕುಮೊಕ್
ಹ್ಯಾ ಖಾತಿರ್ ಕಾಮ್ ಕರುಂಕ್ ಆಸಾತ್ ಸಭಾರ್ ಸಮಾಜ್ ಸೆವಾ ಸಂಸ್ಥೆ
ಹಾಂತ್ಲೆ ಕಿತ್ಲೆ ಕಾಸ್ ಭಿತರ್ ಕಿತ್ಲೆ ಕಾಸ್ ಕಾಮಾಕ್?
ತರ್ ಖಂಯ್ ಉರ್ಲೆಂ ಆಮ್ಚೆಂ ಸರ್ಕಾರಿ ಕಾನೂನ್?
ಕವಿತಾಝರ್ - 156
- ರೋಶನ್ ರೋಡ್ರಿಗಸ್, ದುಭಾಯ್
ಎಕಾ ಕವಿಕ್ ಆಸಾಜಯ್ ಜಾಲ್ಲಿ ಅರ್ಹತಾ ಜಾವ್ನಾಸಾ ಸವಾಲಾಂ ಕರ್ಚಿಂ. ಆನಿ ಜೆದ್ನಾಂ ಕವಿ ಆಪ್ಲಿ ನದರ್ ಮಾತ್ಸಿ ಗುಂಡಾಯೆನ್ ಸಂಸಾರಾಚೆರ್ ಚರಯ್ತಾ, ತೆದ್ನಾಂ ತಾಕಾ ಸವಾಲಾಂಚೊ ದಾಳೊಚ್ಚ್ ಉಭೊ ಕರ್ಯೆತಾ ಮ್ಹಣ್ಚಾಕ್ ಕಾಂಯ್ ಹೆಂ ಕವಿತಾ ಗೊವಾಯ್ ದೀತ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.