ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್ ’-ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಮಿರಾ ರೊಡಾಂತ್ ಕೊಂಕ್ಣಿ ಮಹೋತ್ಸವ್
ಮುಂಬಯ್, ಸಪ್ತೆಂಬರ್ 30: "ಕೊಂಕ್ಣೆಕ್ ಆಮ್ಚ್ಯಾ ದೀಸ್ಪೊಡ್ತ್ಯಾ ಜಿಣ್ಯೆಂತ್ ಮಹತ್ವ್ ಆನಿ ಪ್ರಾಮುಖ್ಯತಾ ದೀಂವ್ಕ್ ಜಾಯ್. ಆಮಿಂ ಜಿಯೆಂವ್ಚ್ಯಾ ಖಂಚ್ಯಾಯ್ ಪ್ರಾಂತ್ಯಾಂತ್ ಜಾಗತೀಕರಣಾಚ್ಯಾ ಗೊಂದೊಳಾ ಮಧೆಂಯೀ ಆಮ್ಚ್ಯಾ ಮಾಯ್ಭಾಸೆಚೊ ಮೋಗ್ ಜಿವಾಳ್ ದವ್ರಿಜಾಯ್ ತಶೆಂಚ್ ಮುಖ್ಲ್ಯಾ ಪಿಳ್ಗೆಕ್ ಹಿ ಭಾಸ್ ಬರ್ಯಾ ರಿತಿನ್ ಆಮಿ ಪಾವಂವ್ಕ್ ಜಾಯ್" - ಅಶೆಂ ಮಾನೆಸ್ತ್ ಗಿಲ್ಬರ್ಟ್ ಬ್ಯಾಪ್ತಿಸ್ಟ್ (ಮಲಾಯ್ಕಾ ಪಂಗ್ಡಾಚೊ) ಮ್ಹಣಾಲೊ.
[ಕೊಂಕ್ಣಿ ಮಾನ್ ಮನ್ಶ್ಯಾಂಕ್ ಸನ್ಮಾನ್ ಕಾರ್ಯೆಂ]
ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿನ್, ಕೊಂಕ್ಣಿ ಭಾಶಾ ಮಂಡಳ್ ಮುಂಬಯ್ ಆನಿ ಕೊಂಕ್ಣಿ ವೆಲ್ಫೇರ್ ಅಸೋಯಿಯೇಶನ್ ಮಿರಾ ರೋಡ್ ಹಾಂಚ್ಯಾ ಸಹಕಾರಾನ್ ಸಪ್ತೆಂಬ್ರಾಚ್ಯಾ 30 ತಾರಿಕೆರ್, ಮಿರಾ ರೊಡ್ ಫಿರ್ಗಜೆಚ್ಯಾ ಸೈಂಟ್ ಜೋಸೆಫ್’ಸ್ ಕಮ್ಯೂನಿಟಿ ಹೊಲಾಂತ್ ಎಕಾ ದಿಸಾಚೊ ’ಕೊಂಕ್ಣಿ ಮಹೋತ್ಸವ್’ ಆಸಾ ಕೆಲೊ.
[ಕೊಂಕ್ಣಿ ಮಹೋತ್ಸವಾಚೆಂ ಉಗ್ತಾವಣ್ ಕರ್ತಾತ್ ವಲ್ಲಿ ಕ್ವಾಡ್ರಸ್ ಆನಿ ಮಾ|ಬಾ|ರುಡೋಲ್ಫ್ ವಿ. ಡಿ’ಸೋಜ್]
ಕಾರ್ಯೆಂ ನಿರ್ವಾಹಕ್ ಮಾನೆಸ್ತ್ ಜೋಯ್ ಪಾಲಡ್ಕಾನ್ ಸಯ್ರ್ಯಾಂಕ್ ವೆದಿಕ್ ಸ್ವಾಗತ್ ಕರ್ನ್ ಮಟ್ವಿ ವಳೊಕ್ ಕರುನ್ ದಿಲಿ. ಮಾನೆಸ್ತ್ ಜೋನ್ ಡಿ’ಸಿಲ್ವಾನ್ ಸ್ವಾಗತ್ ಉತ್ರಾಂ ಉಲಯ್ಲೊ. ಕಾರ್ಯಾಚೊ ಉಗ್ತಾವ್ಪಿ ಜಾವ್ನ್ ಫಾಮಾದ್ ಕೊಂಕ್ಣಿ ವಾವ್ರಾಡಿ, ಕವಿ, ದಾಯ್ಜ್.ಕೊಮ್ ಚೊ ಸಂಪಾದಕ್ ವಲ್ಲಿ ಕ್ವಾಡ್ರಸಾನ್ ಪಣ್ತಿ ಪೆಟವ್ನ್ ಕೊಂಕ್ಣಿ ಮಹೋತ್ಸವಾಚೆಂ ಉಗ್ತಾವಣ್ ಕೆಲೆಂ. ಕಾರ್ಯಾಚೆಂ ಅಧ್ಯಕ್ಶ್ಪಣ್ ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿಚೊ ಅಧ್ಯಕ್ಶ್ ಬಾಬ್ ಎರಿಕ್ ಒಝೇರಿಯೊ, ರೆಜಿಸ್ತ್ರಾರ್ ಶ್ರೀ ಎಸ್. ಎಚ್. ಶಿವರುದ್ರಪ್ಪ, ಮಿರಾ ರೋಡ್ ಫಿರ್ಗಜೆಚೊ ಯಾಜಕ್, ಫಾಮಾದ್ ಬರಯ್ಣಾರ್ ಮಾ|ಬಾ|ರುಡೋಲ್ಫ್ ವಿ. ಡಿ’ಸೋಜ್ ಕಾರ್ಮೆಲಿತ್, ಕೊಂಕ್ಣಿ ವೆಲ್ಫೇರ್ ಅಸೋಯಿಯೇಶನಾಚೊ ಅಧ್ಯಕ್ಶ್ ಮಾನೆಸ್ತ್ ಜೋನ್ ಕ್ರಾಸ್ತಾ, ವೊವ್ಯೊ ವೇರ್ಸ್ ಚಲಯ್ಣಾರಾಂ ಮಾನೆಸ್ತಿಣ್ ಹಿಲ್ಡಾ ಡಿ’ಸೋಜ್, ಮಾನೆಸ್ತಿಣ್ ಐರಿನ್ ರೆಬೆಲ್ಲೊ ತಶೆಂಚ್ ಕೊಂಕ್ಣಿ ಭಾಶಾ ಮಂಡಳಾಚೊ ಉಪಾಧ್ಯಕ್ಶ್ ಮಾನೆಸ್ತ್ ಜೋನ್ ಡಿ’ಸಿಲ್ವಾ ಹಾಜರ್ ಆಸ್ಲ್ಲಿಂ.
[ಕೊಂಕ್ಣಿ ಮಹೋತ್ಸವಾಚೆಂ ಉಗ್ತಾವಣ್ ಕರ್ತಾತ್ ಬಾಬ್ ಎರಿಕ್ ಒಝೇರ್ ಆನಿ ಜೋಯ್ ಪಾಲಡ್ಕಾ]
ಉಪ್ರಾಂತ್ ಬಾಬ್ ಎರಿಕ್ ಒಝೇರಾಚ್ಯಾ ಮುಖೇಲ್ಪಣಾಖಾಲ್ ವೊವ್ಯೊ ವೇರ್ಸ್ ಕಾರ್ಯಾಗಾರ್ ಚಲ್ಲೆಂ.
[ಉಗ್ತಾವ್ಪಿ ಆನಿ ಅಧ್ಯಕ್ಷ್ ಉಲಯ್ತಾನಾ]
[ವೊವ್ಯೊ ವೇರ್ಸ್ ಕಾರ್ಯಾಗಾರ್ ಚಲವ್ಪಿಂ ಆನಿ ಕೊಂಕ್ಣಿ ವೆಲ್ಫೇರ್ ಅಸೋಸಿಯೇಶನಾಚೆ ಮುಖೆಲಿ]
[ನೊಂದಾವಣ್ ಕಾರ್ಯೆಂ ಚಲವ್ಚಿಂ ಉರ್ಭೆವಂತ್ ವಾವ್ರಾಡಿಂ]
ಸಾಂಜೆರ್ ಫಾಮಾದ್ ಕೊಂಕ್ಣಿ ಸಾಹಿತಿ ಮಾ|ರುಡೋಲ್ಫ್ ವಿ. ಡಿ’ಸೋಜ್ ತಶೆಂಚ್ ಫಾಮಾದ್ ನಾಟಕಿಸ್ತ್ ಡಾ|ಚಂದ್ರಶೇಖರ್ ಶೆಣಯ್ ಹಾಂಕಾ ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿನ್ ಮಾನ್ ಕೆಲೊ.
ಹ್ಯಾ ಕಾರ್ಯಾಕ್ ಅಕಾಡೆಮಿಚೊ ಸಾಂದೊ ವಿತೊರಿ ಕಾರ್ಕಳ್, ಮಾನೆಸ್ತ್ ಜೋನ್ ಕ್ರಾಸ್ತಾ, ಕೊಂಕ್ಣಿ ಭಾಶಾ ಮಂಡಳ್ ಮಹಾರಾಶ್ಟ್ರ ಅಧ್ಯಕ್ಶ್ ಪಿ.ಎನ್.ಶ್ಯಾನ್ಭಾಗ್ ಹಾಜರ್ ಆಸ್ಲೆ.
[ಕೊಂಕ್ಣಿ ಕೊವ್ಳ್ಯೊ ಆನಿ ಕೊಂಕ್ಣಿ ಬೂಕ್ ಘೆಂವ್ಕ್ ಲೊಕಾಂಚಿ ಖೆಟ್ - ಭೋವ್ ಅಪ್ರೂಪ್ ಪಿಂತುರ್]
[ರುಚಿಕ್ ಜೆವ್ಣಾಂತ್ ಧಾದೊಶಿ ಜಾಂವ್ಚೊ ಲೋಕ್]
[ಕೊಂಕ್ಣಿ ವಾವ್ರಾಡಿ ಸಾಂಗಾತಾ ಬಸೊನ್ ಜೆಂವ್ಚಿ ಸೊಭಾಯ್ ಪಳೆಯಾ]
[ಮಂಗ್ಳುರ್ ಜಾಂವ್ ಮುಂಬಯ್ ಜಾಂವ್ - ಕೊಂಕ್ಣಿ ಭಾಸ್ ಏಕ್]
[ಸಾಂಜೆಚ್ಯಾ ಕಾರ್ಯಾಕ್ ಹಾಜರ್ ಆಸ್ಲ್ಲೊ ಲೋಕ್]
ಮಾನೆಸ್ತ್ ಜೋಯ್ ಪಾಲಡ್ಕಾನ್ ಉಪ್ಕಾರ್ ಆಟವ್ಣಿ ಕೆಲಿ.
ವರ್ದಿ - ಆಮ್ಚೊ ಭಾತ್ಮಿ
About us | Feedback | Contact us
Copyright ©
2005 DAAIZ.COM All rights reserved.
Page concept, designed, hosted and maintained by Ashawadi Publications
