ರಾತಿಕ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ ’ದಾಯ್ಜ್’ ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಸವಾಲಾಂಕ್ ಜಾಪಿ

ಹ್ಯಾ ಅಂಕಣಾಂತ್ ಇನಾಮಾಂಕ್ ಫಾವೊ ಜಾಲ್ಲ್ಯಾ ಸವಾಲಾಂಚೆಂ ಪೋಶಕ್ ಜಾವ್ನಾಸಾತ್ ಹಿಂ ಕೊಂಕ್ಣಿ ಪತ್ರಾಂ

Placeholder: the original page gave this picture no description, and none has been written yet. It came from daaiz\daaiz\column\sz\sz8.asp.

ದಿವೊ ಹಾಫ್ತ್ಯಾಳೆಂ

ಮಿತ್ರ್ ಹಾಫ್ತಾಳೆಂ

ಸೆವಕ್ ಮಯ್ನ್ಯಾಳೆಂ

ಅಂಕಣ್‌ಕಾರಾ ವಿಶ್ಯಾಂತ್

’ಮಿತ್ರ್’, ’ಝೆಲೊ’ ತಶೆಂಚ್ ’ಕಾಣಿಕ್’ ಪತ್ರಾಂಚೆಂ ಸಂಪಾದಕ್ಪಣ್ ಚಲಂವ್ಚೆ ಮಾರಿಫಾತ್, ಕೊಂಕ್ಣಿ ಪತ್ರಿಕೋಧ್ಯಮಾಂತ್ ಭರ್ಪೂರ್ ಅನ್ಭೋಗ್ ಆಸ್ಚೊ ದೊ|ಆಸ್ಟಿನ್ ಡಿ’ಸೋಜ್ ಪ್ರಭು ಪ್ರಸ್ತುತ್, ಅಮೆರಿಕಾಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರುನ್ ಆಸಾ. ಕೊಂಕ್ಣಿ ಭಾಸ್/ಸಾಹಿತ್ಯಾಚಾ ವ್ಹಾಡಾವಳೆಕ್ ಖಾಂದ್ ದಿಲ್ಲೊ ಹೊ ಏಕ್ ಸಂಘಟಕ್/ಮುಖೆಲಿ ತಶೆಂಚ್ ಕೊಂಕ್ಣಿ ಕಾರ್ಭಾರಿ ಜಾವ್ನಾಸಾ.

ಹಾಚಾ ವೆಕ್ತಿತ್ವಾ/ವಿಚಾರಾಂವಿಶಿಂ ಚಡ್ ಜಾಣಾಂ ಜಾಂವ್ಕ್ ಕೊಂಕ್ಣಿ ಕಾರ್ಭಾರಿ ಅಂಕಣಾಕ್ ಭೆಟ್ ದೀ.

[ಹೆಂ ಮಯ್ನ್ಯಾಳೆಂ ಅಂಕಣ್ ಜಾವ್ನಾಸಾ, ತುಮ್ಚಿಂ ಸವಾಲಾಂ ವಿಚಾರಾ, ಇನಾಮಾಂ ಜೊಡಾ]

ಮ್ಹಾಕಾ ರಾತಿಕ್ ನೀದ್ ಪಡಾನಾ ಪುಣ್ ದಿಸಾಕ್ ಜಾಗೊ ರಾವೊಂಕ್ ಜಾಯ್ನಾಂ ಕಿತೆಂ ಕರ್ಚೆಂ ಆಸ್ಟಿನಾ - ವಕಾತ್ ಸಾಂಗ್ಶಿಯ್ವೆ? [ಗಂಗು ಗಂಗೊಳ್ಳಿ, ಆತಾಂ ವಾರಣಾಸಿ]

ತುಜೆಂ ಕಾಮ್ ರಾತ್-ಫಾಲಿ ಕರ್; ಹಾತಾಕ್ ಮೆಳಾನಾಸ್ಚ್ಯಾ ಚಲಿಯಾಂ-ಸ್ತ್ರೀಯಾಂವಿಶಿಂ ಚಿಂತ್ಚೆಂ ಬಂಧ್ ಕರ್; ಜಬ್ಬೊರ್ ಸ್ತ್ರೀಯೆಲಾಗಿಂ ಲಗ್ನ್ ಜೋಡ್; ತಿಚ್ಯೆ ಪುರ್ಪುರೆ ಆಯ್ಕೊಂಕ್ ಸಕಾನಾಸ್ತಾಂ ಘಡ್ಯೆನ್ ನೀದ್ ಪಡ್ತೆಲಿ ತುಕಾ.

ಬೊಲ್ಯಾ ಇಡ್ಯಾಂತ್ ರಾವೊನ್ ಫಾತೊರ್ ಮಾರ್ನ್ ’ಭ್ಹಾದೂರ್’ ಮ್ಹಣ್ ಹರ್ಧೆ ಪೆಟ್ಚಾಂಕ್ ಕಿತೆಂ ಕರಿಜಾಯ್‌ಗಾ? [ವಿನ್ಸಿ ಬೆಂಗ್ಳುರ್]

ಪೆಂಕ್ಟಾಂತ್ ಬಳ್ ನಾಸ್‌ಲ್ಲ್ಯೊ ವಾಲಿ ಹ್ಯೊ - ಹಾಂಕಾಂ ಬೊಲ್ಯಾ ಮಧೆಂಚ್ ಏಕಾ ತೆಂಕ್ಡೆಕ್ ವಿಣ್ಗೆಂ ಭಾಂದುನ್ ತಾಂಚೆರ್ ಹುಂಬ್ಲೆ ಚರಂವ್ಕ್ ಜಾಯ್.

ಲೆಬನಾನಾಚೆರ್ ಇಸ್ರಾಯೆಲಾನ್ ಎಟ್ಯಾಕ್ ಕೆಲಾಂ ಮ್ಹಣೊನ್ ಮ್ಹಾಕಾ ಮ್ಹಜಿ ಬಾಯ್ಲ್ ಸೊರೊ ಪಿಯೆಂವ್ಕ್ ಸೊಡಿನಾಮೂ, ಕಿತೆಂ ಕರುಂ ಮ್ಹಣ್ತಾಯ್? [ದುಕೊರ್ ಬೊಸ್ತ್ಯಾಂವ್]

ತುಂ ಜುದೆವ್, ಹೆಜ್‌ಬೊಲ್ಲಾಲಾಗಿಂ ಕಿತ್ಯಾ ಲಗನ್ ಜಾಲೊಯ್? ಆತಾಂ ಕಿತ್ಯಾ ರಡ್ತಾಯ್ ತುಜಿಂ ಭಿಂರ್ಡಿ ಸೊಲಾಂ ಕರ್ಪಾಲಿಂ ಮ್ಹಣ್??

ಕೊಂಕ್ಣಿ ದಿವಸ್ ಕಿತ್ಲ್ಯಾ ವರ್ಸಾಂಕ್ ಏಕ್ ಪಾವ್ಟಿಂ ಯೆತಾ ಆಸ್ಟಿನಾಮಾ? [ಸಹನಾ ಕುವೇಯ್ಟ್] (ಎಕಾ ವರ್ಸಾಚಿ ಮಿತ್ರ್ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

ಕುವೆಯ್ಟಾಂತ್ ಕಿತ್ಲ್ಯಾ ವರ್ಸಾಂಕ್ ಏಕ್ ಪಾವ್ಟಿಂ ತೆಂ ನೆಣಾಂ ತರ್‌ಯೀ ಖರೆಂ ಸಾಂಗ್ಚೆಂ ತರ್, ಕೊಂಕ್ಣಿ ದಿವಸ್ ವರ್ಸಾಚ್ಯಾ ೩೬೫ ದಿಸಾಂನಿಯ್ ಯೇಂವ್ಕ್ ಜಾಯ್. ಕೊಂಕ್ಣಿ ದಿವಸ್ ಆಚರಣ್ ಜಾಲ್ಯಾರ್ ವರ್ಸಾಕ್ ಏಕ್ ಪಾವ್ಟಿ ಕರುವ್ಯೆತಾ. ಪುಣ್ ಕೊಂಕ್ಣಿ ದಿಸಾ ’ಕೊಂಕ್ಣೆಚೊ ಖರೊ ಹುಸ್ಕೊ’ ವಯ್ರ್ ಆಸಾಜಯ್ ಶಿವಾಯ್ ಮನ್ಶಾ ಪೊಕೊಳ್ ದಳ್ಬಾರ್ ನ್ಹಂಯ್!

ಹಾಂಗಾ ಥೊಡೆ ಕವಿತಾ ಮ್ಹಣೊನ್ ಹೆರಾಂಚೆರ್ ಜಾಳ್ ವೊಂಕ್ತಾತ್‌ಮೂ - ಕಸಲಿ ಪಿಡಾ ಹಿ? [ಸೆವ್ರಿನ್ ಶಿರ್ವಾಂ]

ತಾಂಕಾಂ ಕೊಣೆಂಗಿ ಬಲಾತ್ಕಾರಾನ್ ಗರ್ಭೆಸ್ತ್ ಕೆಲಾಂ! ಥೊಡೊ ತೇಂಪ್ ರಾಂವೊಂದಿತ್ ವೊಂಕೊನ್; ಉಪ್ರಾಂತ್ ಆಪ್ಶೆಂಚ್ ಥಂಡ್ ಪಡ್ತೆಲೆ ಭುರ್ಗೆಂ ಪೊಟಾಂತ್ ಖೊಟಾಂವ್ಕ್ ಸುರ್ವಾತ್ ಕರ್ತಾನಾ.

’ಆಮಿಂಚ್ ವಾಗ್ ಮಾರ್ಚೆ, ಹೆರಾಂನಿ ಉಂದಿರ್ ಮಾತ್ರ್’ ಮ್ಹಳ್ಳೊ ಮನೋಭಾವ್ ಆಸ್ಚೆ ಮುಖೆಲಿ ಜಾಂವ್ಕ್ ಫಾವೊಗಿ ಆಸ್ಟಿನ್ ಅಂಕಲ್? [ಶಾಲಿನಿ ವಾಲೆನ್ಸಿಯಾ] (ಎಕಾ ವರ್ಸಾಚಿ ದಿವೊ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

ಹಾಕಾಚ್ಚ್ ಲಾಗೊನ್ ಆಜ್ ಆಮ್ಚ್ಯೆ ಭಂವಾರಿಂ ಕೃತಕ್ ಮುಖೆಲಿ ಭರೊನ್ ಗೆಲ್ಯಾತ್; ಕಿತ್ಯಾ ತಸಲ್ಯಾಂನಿ ಏಕ್ ಜಳಾರ್ ಮಾರ್ಲ್ಯಾರೀ ತಾಂಚಿ ತಸ್ವೀರ್ ಮಾಧ್ಯಮಾಂನಿ ಪ್ರಕಟುನ್ ಯೆತಾ. ಅಸಲ್ಯಾಂಕ್ ಧುಂಪಂವ್ಚ್ಯಾಂಕ್ ಪಯ್ಲೆಂ ಖೊಟಾಂವ್ಕ್ ಜಾಯ್!

ತುಂ ದಿಸಾಕ್ ಜಲ್ಮಾಲ್ಲೊಯ್‌ಗಿ ವ ರಾತಿಕ್ ಕುಂಪಾರೆ? [ಕುಮಾದ್ರ್ ಕುಂದಾಪುರ್ ಆತಾಂ ಕುವೇಯ್ಟ್]

ದೊನ್ಪಾರಾಂಚ್ಯಾ ದೇಡಾ ವೊರಾರ್ ಕುಮಾದ್ರೆ, ತುಂ ಕೆನ್ನಾಂ ಮ್ಹಜ್ಯಾ ಮೊಗಾರ್ ಪಡ್ಲಿಯ್? ಕೊಣೆ ತರೀ ತುಕಾ ಮ್ಹಜಿ ವಿಣ್ಗಿ ತಸ್ವೀರ್ ಧಾಡುಂಕ್ ನಾಂಮೂ?

ಪರ್ಗಾಂವಾಂತ್ ಮೊಂತಿ ಫೆಸ್ತಾಚೆಂ ಗಡ್ದಾಯೆನ್ ಆಚರಣ್ ಕರ್ಚೆ ಥೊಡೆ ಫಿರ್ಗಜ್‌ಗಾರ್, ಪರ್ಗಾಂವಾಂತ್ ಆಸ್ಚಾ ಅಪ್ಲ್ಯಾಚ್ ಫಿರ್ಗಜೆಚಾ ಬೆಕಾರಿ ಬಾಂವ್ಡಾಂಕ್ ಕುಮೊಕ್ ಕರುಂಕ್ ಸಯ್ತ್ ವಚಾನಾಂತ್ - ಹೆಂ ಕಸಲೆಂ ಫೆಸ್ತ್‌ಗಾ? [ರೊಬರ್ಟ್ ಸೊಜ್, ಕುವೇಯ್ಟ್] (ಎಕಾ ವರ್ಸಾಚಿ ಸೆವಕ್ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

ಅಳೆ ರೊಬಟಾ, ತುಂ ಸ್ವಪ್ಣಾಂತ್ ಕೆಳಿಂ ಖಾತಾಯ್! ಕೊಣಾಕ್ ವೇಳ್ ಆಸಾ ಆನಿಂ ಕೊಣಾಲಾಗಿಂ ಪಯ್ಶೆ ಆಸಾತ್ ಗತ್ ನಾಸ್‌ಲ್ಲ್ಯಾಂಕ್ ಹಾತ್ ದೀಂವ್ಕ್? ಆಮಿಂ ಆಮ್ಚೊಚ್ಚ್ ಆಂಗ್ಗಾಲಾಪ್ ಸುಟಂವ್ಚೊ ಆನಿ ಹೆರಾಂಕ್ ಸುಕೊ-ಸೈಲಾಪ್ ದಾಖಂವ್ಚೊ.

ಗಾಂವ್ಚಾ ಇಸ್ಕೊಲಾಂನಿ ಕೊಂಕ್ಣಿ ಶಿಕಂವ್ಕ್ ಸುರು ಕೆಲ್ಲ್ಯಾಕ್ ಹಾಂಗಾ ಎಕ್ಲೊ ಮಂಗ್ಳುರ್ಚೊ ಹಡ್ಬೊ ಚಿಡ್ಲಾಮೂ? [ಪಿ.ಪಿ ಕುವೇಯ್ಟ್]

ತಾಕಾ ಧಾಡ್ ಮ್ಹಜ್ಯೆಲಾಗಿಂ, ಹಾಂವ್ ತಾಕಾ ಕಾಪಾತ್ ಕರುನ್ ಪಾಟಿಂ ಧಾಡ್ತಾಂ. ಉಪ್ರಾಂತ್ ತೊ ಥಂಡ್ ಪಡ್ತೊಲೊ; ದುಕ್ರಾಂಕ್ ಗಾಂವಾಂತ್ ತಸೆಂಚ್ ಕರ್ತಾತ್ ಥಂಡ್ ಪಡೊಂಕ್.

ತುಕಾ ಸೊರ್‍ಯಾಂತ್ ಆಮಾಲ್ ಜಾತಾಗಿ ಸುರೆಂತ್? [ಪರ್ಪೆಲ್ ಗುಡ್ಡಾ, ಕೊಡ್ಯಾಳ್]

ಹಾಂವ್ ಜಲ್ಮಾಲ್ಲ್ಯಾಕ್ ಎದೊಳ್ ವರೇಗ್ ಸೊರೊ ವ ಸುರ್ ಭಿಲ್ಕುಲ್ ಪಿಯೆಂವ್ಕ್ ನಾ; ಹಾಂವ್ ಫಕತ್ ಸ್ತ್ರೀಯಾಂಕ್ ಪಳೆತಾನಾ ಆಮಾಲ್ ಜಾತಾಂ! ಕೊಣೀ ಆಸಾತ್ ತುಜ್ಯಾ ಗುಡ್ಯಾರ್?

ತುಂ ಕವನಾಂನಿಂಚ್ ಇತ್ಲೊ, ತರ್ ನೀಜ್ ಜೀವನಾಂತ್ ಕಿತ್ಲೊ ಆಸ್ಟಿನಾ? [ಪ್ರಿಯಾ ಪಿಂಟೊ, ಬೆಂಗ್ಳುರ್]

ಫಕತ್ತ್ ಏಕ್ ಘಡಿ ಮ್ಹಜ್ಯೆ ಸಂಗಿಂ ಪಾಶಾರ್ ಕರ್ ಉಪ್ರಾಂತ್ ಪಳೆ!

ಸರ್ವಾಂಕ್ ದೇವಾನ್ಂಚ್ ರಸ್ಚೆಂ ತರ್, ಮನ್ಶ್ಯಾ ಮಧೆಂ ಇತ್ಲೊಯ್ ತಫಾವತ್ ಕಿತ್ಯಾಕ್? [ಓಲ್ವಿನ್ ಫೆರ್ನಾಂಡಿಸ್, ಮಂಗ್ಳುರ್]

’ದೇವ್ ಥೊಡ್ಯಾಂಕ್ ಹಾತ್ ಉಕಲ್ನ್ ದಿತಾ ಖಂಯ್ ಆನಿಂ ಹೆರ್ ಥೊಡ್ಯಾಂಕ್ ಪಾಂಯ್ ಉಕಲ್ನ್ ದಿತಾ ಖಂಯ್’ ಹೆಂ ಮ್ಹಜೊ ಆಬ್ ಮ್ಹಣ್ತಾಲೊ ದೋನ್ ಮುಟ್ಟ್ಯೊ ಸುರ್ ಖಾಲಿ ಕೆಲ್ಯಾ ಉಪ್ರಾಂತ್.

ಜರ್ ದಾದ್ಲೆ ಗುರ್ವಾರ್ ಜಾಲ್ಲೆ ತರ್ ಕಿತೆಂ ಗತ್ ಜಾತಿ ತಾಂಚಿ ಆಸ್ಟಿನ್ ಮಾಮಾ? [ವಿಜಯಾ, ವಾಲೆನ್ಸಿಯಾ]

ಜಸೊ ಆಗ್ಗೆವ್ ಭುರ್ಗ್ಯಾಂಕ್ ಬಾಳಾಂದ್ ಜಾವ್ನ್ ಆಪ್ಲೊ ಜೀವ್ ಸೊಡ್ತಾಗೀ ತಸೆಂಚ್ ಭುರ್ಗೆಂ ತಾಂಚ್ಯಾ ಪೊಟಾಂತ್ಲೆಂ ಭಾಯ್ರ್ ಯೆತಾನಾ ತೆ ಸರ್ಗಾಲೋಕಾಕ್ ಪಾವ್ತೆ ಸೊಸುಂಕ್ ತಾಂಕಾನಾಸ್ತಾಂ.

ಹಜಾರೊಂ ದುರ್ಬಳ್ಯಾಂಕ್ ಆಪ್ಲ್ಯಾ ಗರ್ಭಾಂತ್ ದವರ್ಚೆಂ ಅಮೇರಿಕಾ ಹೆರಾಂಕ್ ಕಿತ್ಯಾಕ್ ಕುಮಕ್ ಕರ್ತಾ? [ಪ್ರವೀಣ್ ಪಿಂಟೊ, ಕೆನಡಾ]

ಆಪ್ಲ್ಯಾ ದೊಳ್ಯಾಂತ್ಲೆಂ ಆಡೆಂ ಕೊಣಾಕ್ ದಿಸ್ತಾ ಪ್ರವೀಣ್? ಸವಯ್ ಜಾಲ್ಯಾ - ಆಪುಣ್ ಬುರಾಕಾಚಿ ಚಾಡ್ಡಿ ನ್ಹೆಸೊನ್ ಹೆರಾಂಕ್ ವಸ್ತುರ್ ದಾನ್ ಕರ್ಚಿ.

ಎಕಾ ವರ್ಸಾಚಿ ದೇಶಿ ವರ್ಗಣಿ ಹ್ಯಾ ಸಕಯ್ಲ್ಯಾಂಕ್ ಫಾವೊ ಜಾತಾ

’ಮಿತ್ ಹಾಪ್ತ್ಯಾಳೆಂ’

ಸಹನಾ ಕುವೇಯ್ಟ್

’ದಿವೊ ಹಾಪ್ತ್ಯಾಳೆಂ’

ಶಾಲಿನಿ ವಾಲೆನ್ಸಿಯಾ

’ಸೆವಕ್ ಮಯ್ನ್ಯಾಳೆಂ’

ರೊಬರ್ಟ್ ಸೊಜ್, ಕುವೇಯ್ಟ್

(ಇನಾಮಾಂ ಜಿಕ್ಪ್ಯಾಂಕ್ ತಾಂಚಿಂ ಇನಾಮಾಂ ತಾಣಿಂ ದಿಲ್ಲ್ಯಾ ವಿಳಾಸಾಕ್ ಪಾವ್ತೆಲಿಂ, ಚೂಕ್ ವಿಳಾಸಾಕ್ ಆಮಿ ಜವಾಬ್ಧಾರ್ ನಾಂವ್) - ಸಂ.

ತುಮ್ಚಿಂ ಸವಾಲಾಂ ಧಾಡುಂಕ್ ವಿಳಾಸ್: austinporob@gmail.com ವಾ editor@daaiz.com

ಹ್ಯಾ ಅಧ್ಲಿಂ ಸವಾಲಾಂ-ಜಾಪಿ: 1 , 2, 3 , 4 , 5, 6, 7