ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕಥಾದಾಯ್ಜ್ - 12
ಲಿಯಾಬ್
ಪೊಪಾಯೊ ಆನಿ ದೊಳೆ
ನಾಂವ್: ಲಿಯೊ ಜೋನ್ ಡಿ’ಸೋಜ್
ಲಿಖ್ಣೆ ನಾಂವಾಂ: ಲಿಯಾಬ್, ಕಾವ್ಯಾದಾಸ್.
ಜನನ್: 06 ಮಾಯ್ 1934.
ಜಲ್ಮಾಲ್ಲೊ ಗಾಂವ್: ಬೆಂದುರ್, ಮಂಗ್ಳುರ್.
ಆವಯ್-ಬಾಪಾಯ್ಚೆಂ ನಾಂವ್: ದುಲ್ಸಿನ್ ಡಿ’ಸೋಜ್ ಆನಿ ಮರಿಯಾಣ್ ಡಿ’ಸೋಜ್.
ಪತಿಣ್: ಮೇರಿ ಡಿ’ಸೋಜ್.
ಲಿಯಾಬ್, ಮಂಗ್ಳುರ್
ವಳೊಕ್:
ಕಾದಂಬರಿ:
ಪುತಾ ಪಾಟಿಂ
ಯೇ.
ಅಣ್ಕಾರ್ ಕೆಲ್ಲೆ ಬೂಕ್:
ಸಯ್ತಾನ್ ಕೆದಿಂಚ್ ನಿದಾನಾ,
ರಗ್ತಾಳೆಂ ರತ್ನ್,
ರಾಜು ಆನಿ ರಾಯ್ ಕುಂವರ್,
ಲೀಮಾಚೊ ಭುರ್ಗೊ,
ವಿಂಕಳಾಚಿ ಕಥಾ,
80
ದಿಸಾಂನಿ,
ಗಲಿವರಾಚಿ ಕಥಾ,
ಆಪಾಯಾಚೆ ವಾಟೆರ್,
ಸಂಶಯಾಚಿ ಸಾವ್ಳಿ,
ಜಾಕೊಬಾಚಿ ಕಥಾ,
ಮಾರ್ಸೆಲೀನೊ,
ಮೊಗಾಚೊ ಉಜೊ,
ಸದಾಚಾರದ ನಿಯಮಗಳು,
ದೆವಾಚಾ ಮೊಗಾಚಿ ಲ್ಹಾನ್ ವಾಟ್,
ದೇವರನ್ನು ಪ್ರೀತಿಸುವ ಕಿರಿಯಧಾರಿ,
ಕಾರ್ಮೆಲಿತ್ ಮೆಳಾಚ್ಯೊ ರುಲಿ ರೆಗ್ರೊ,
ನಾಟ್ಕುಳೆ:
ವೆವೆಗ್ಳ್ಯಾ ಫೆಸ್ತಾಂಚಾ ಸಂದರ್ಭಾರ್ ಖೆಳಂವ್ಕ್,
ತಶೆಂಚ್ ಆಕಾಶ್ವಾಣಿಚೆರ್ ಖೆಳಂವ್ಕ್ ಭುರ್ಗ್ಯಾಂ ಖಾತಿರ್
ನಾಟ್ಕುಳೆ ಬರಯ್ಲ್ಯಾತ್,
ಲೇಖನಾಂ:
ವೆವೆಗ್ಳ್ಯಾ ವಿಶ್ಯಾಂಚೆರ್ ಸುಮಾರ್ 3000
ವಯ್ರ್ ಲೇಖನಾಂ
ಕವಿತಾಂ/ಚುಟುಕಾಂ:
ಸುಮಾರ್ 3000
ವಯ್ರ್ ಕವಿತಾ ಬರಯ್ಲ್ಯಾಂತ್.
ಪರ್ಗಟ್
ಜಾಲ್ಲೆ ಸ್ವತಾಚೆ ಕವಿತಾಜಮೆ:
ದೇವ್ ಹಾಸ್ಲೊ.
And God smiled (English).
ಸಾಹಿತಿಕ್
ವಾವ್ರ್:
’ರಾಕ್ಣೊ’ ಪತ್ರಾಚೊ ಸಹ-ಸಂಪಾದಕ್ ಜಾವ್ನ್ ವಾವ್ರ್.
’ಕರ್ನಾಟಕ ಸೋಶಿಯಲ್ ಕ್ಲಬ್ ಬಾಹ್ರೇಯ್ನ್’ ಹಾಂಚಾ ಪತ್ರಾಚೊ ಸಂಪಾದಕ್ ಜಾವ್ನ್ ವಾವ್ರ್.
’ಬೆಂದುರ್ ಫಿರ್ಗಜೆ ಪತ್ರ್’ಚೊ ಸಂಪಾದಕ್ ಜಾವ್ನ್ ವಾವ್ರ್.
ಕೊಡಿಯಾಳ್ಬೈಲ್ಚ್ಯಾ ’ಇಮ್ಯಾಕ್ಯುಲೇಟ್ ಕನ್ಸೆಪ್ಶನ್’ ಸೊಡಾಲಿಟಿಚ್ಯಾ ಬುಲೆಟಿನಾಚೊ ಸಂಪಾದಕ್ ಜಾವ್ನ್ ವಾವ್ರ್.
’ಸಂದೇಶ’ ಪತ್ರಾಚೊ ಸಂಪಾದಕ್ ಜಾವ್ನ್ ವಾವ್ರ್.
ಭಾಗ್
ಘೆತ್ಲ್ಲಿಂ ಸಾಹಿತಿಕ್ ಸಮ್ಮೇಳಾಂ:
1.’ದಕ್ಶಿಣ್-ಪೂರ್ವ್ ಏಶಿಯಾ ಕಥೊಲಿಕ್
ಸಂಪಾದಕಾಂಚೆಂ ಸಮ್ಮೇಳ್ - ಕೊಲಂಬೊ, ಶ್ರೀಲಂಕಾ’ (1981)
ಆಪ್ಣಾಯಿಲ್ಲ್ಯೊ ಪ್ರಶಸ್ತ್ಯೊ/ಮಾನ್:
1.’ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್
ಅಕಾಡೆಮಿಚಿ ಪತ್ರಿಕೋಧ್ಯಮ್ ಪ್ರಶಸ್ಥಿ’ (2002)
2.’ಬೆಂದುರ್
ಫಿರ್ಗಜ್’, ’ರಾಕ್ಣೊ ಹಾಫ್ತ್ಯಾಳೆಂ’, ’ಕಥೊಲಿಕ್
ಆಕ್ಶ್ಯನ್ ಲೀಗ್’, ’ಕಥೊಲಿಕ್ ಸಭಾ’, ’ದಾಯ್ಜಿ
ದುಭಾಯ್’, ’ಎಮ್.ಸಿ.ಸಿ. ಖತಾರ್’ ಹಾಂಚೆ ಥಾವ್ನ್ ಮಾನ್.
ಚಿಂತಾಪ್ :
ಪನ್ನಾಸಾಂ ವಯ್ರ್ ವರ್ಸಾಂಚ್ಯಾಕೀ ಚಡಿತ್ ಸಾಹಿತಿಕ್ ಅನ್ಭೋಗ್ ಆಸ್ಚೊ ಲಿಯಾಬ್ ಏಕ್ ದೆಖಿಭರಿತ್ ಶಿಕ್ಶಕ್ ಜಾವ್ನ್ ಆಪ್ಲ್ಯಾ ಜಿಣ್ಯೆಚಿಂ ಚಡ್ತಾವ್ ವರ್ಸಾಂ ಘೊಳ್ಳಾ ದೆಖುನ್ ಸಹಜ್ ರಿತಿನ್ ಸಾಮಾಜಿಕ್ ಹುಸ್ಕೊ ಆನಿ ಮನ್ಶ್ಯಾಮೋಗ್ ಆಪ್ಲ್ಯಾ ಬರ್ಪಾಂನಿ ವೆಕ್ತ್ ಕರ್ತಾ. ಹಾಣೆಂ ವ್ಹಾಪಾರ್ಚಿ ಭಾಸ್ ಸಾದಿ ದೆಖುನ್ ಸಾದ್ಯಾ ಲೊಕಾಂಕ್ ತಿ ಸಲೀಸಾಯೆನ್ ಸಮ್ಜತಾ. ಕೊಂಕ್ಣೆಂತ್ ಆಸ್ಚೆಂ ಅಣ್ಕಾರ್ ಸಾಹಿತ್ಯ್ ಭೋವ್ ಉಣೆಂ ತರ್ಯ್, ಆಸ್ಚಾ ಆಣ್ಕಾರ್ ಸಾಹಿತ್ಯಾಂತ್ ಲಿಯಾಬಾಚೊ ವಾವ್ರ್ ಉಟೊನ್ ದಿಸ್ತಾ. ಲೇಖನಾಂ, ಕವಿತಾ ತೆಚ್ಚ್ಪರಿಂ ಅಪ್ರೂಪಾಯೆನ್ ತರ್ಯೀ ಮಟ್ವ್ಯೊ ಕಾಣ್ಯೊ ಬರಂವ್ಚಾಂತ್ ಅನ್ಭೋಗಿ.
ಕಥಾದಾಯ್ಜ್ - 12 . ಪೊಪಾಯೊ ಆನಿ ದೊಳೆ
"ಮಾಂಯ್, ರುಕಾಚ್ಯೊ
ಪೊಪಾಯೊ ಪಡ್ಲ್ಯಾತ್ಗೇ!"
ಬಾಂಯ್ಲಾಗಿಂ ಉದ್ಕಾಕ್ ಮ್ಹಣ್ ಗೆಲ್ಲೆಂ ಲೂಸಿ ಪಾಟ್ಲ್ಯಾ
ಬಾಗ್ಲಾಕಡೆ ರಾವೊನ್ ಆರಾಬಾಯೊ ದಿತಾಲೆಂ.. ಪುಣ್ ಹ್ಯಾ
ಪಾವ್ಸಾಚ್ಯಾ ಆವಾಜಾಕ್ ಕಾತ್ರಿನಾಮ್ಯೆಕ್ ಆಯ್ಕಾಜಾಯ್ಮೂ!
ಪಡ್ಲ್ಯಾತ್ ಮ್ಹಳ್ಳೊ ಸಬ್ಧ್ ತಿಚ್ಯಾ ಕಾನಾಂಕ್ ಪಡ್ಲ್ಲೊ ಆನಿ ಲೂಸಿ ಕಾಂಯ್
ಅಪುಣ್ ಪಡ್ಲ್ಯಾಂ ಮ್ಹಣ್ ಸಾಂಗ್ತಾ ದಿಸ್ತಾ ಮ್ಹಣ್ ತಿಣೆಂ ಲೆಕ್ಲೆಂ. "ಆನಿ ಕಿತೆಂ ದೊಳೆ ಮೊಳ್ಬಾರ್ ಜಾಲ್ಯಾತ್ವೇ ತುಜೆ?"
ಮ್ಹಣ್ ವ್ಹಡ್ಲ್ಯಾನ್ ಧೆಂಕ್ಣೊ ಘಾಲ್ನ್ ತಿ ಆಪ್ಲ್ಯಾ ಕಾಮಾಕ್
ಲಾಗ್ಲಿ. ಪೊಪಾಯೊ ಪಡ್ಲ್ಯಾತ್ ಮ್ಹಣ್ ತಿಕಾ ಕಿತೆಂ ಸ್ವಪಾಣ್
ಪಡ್ಲಾಂವೇ? ಆನಿ ಲೂಸಿನ್ ಭಿತರ್ ಯೇವ್ನ್ ಭೆಷ್ಟಾಂವ್ಚ್ಯಾ ತಾಳ್ಯಾನ್
ಸಾಂಗಾನಾ ಜಾಲ್ಯಾರ್ ತಿಕಾ ಸಾಂಜ್ ಮ್ಹಣಾಸರ್ ಕಳ್ತೆಂಚ್
ನಾ!
"ಸಾಂಗ್ಲ್ಲೆಂ ಆಯ್ಕನಾಯೆಗೆ ತುಕಾ? ಪೊಪಾಯೊ ಪಡ್ಲ್ಯಾತ್
ಮ್ಹಣ್ ಹಾಂವ್ ವ್ಹೊಡೊಲ್ ಥಾವ್ನ್ ಬೊಬ್ ಮಾರ್ತಾಂ ಆನಿ ತಿ
ಪಾಂಯ್ ಸೊಡ್ನ್ ಬಸ್ಲ್ಯಾ - ಹಾಂವ್ ಕಿತೆಂ ಫಟಿಂ ಮಾರ್ತಾಂ
ಮ್ಹಣ್ ಚಿಂತ್ಲೆಂಯಿಸ್ತಾ.." ಇಂಜಿನಾಚೊ ಧುಂವೊರ್ ಧಾಂವ್ಲ್ಲೆಬರಿ
ಸಣ್ಸಣ್ಲೆಂ ಲೂಸಿ. ಸದಾಂಚಿ ಸವಯ್ ನ್ಹಂಯ್ವೇ ತಿ!
ಕಾತ್ರಿನಾಮಿ ವಾಂಚ್ಲ್ಯಾಗಿ! ’ಪೊಪಾಯೊ ಪಡ್ಲ್ಯಾತ್’ ಮ್ಹಳ್ಳೆ
ಸಬ್ಧ್ ಕಾನಾಂತ್ ಪಡ್ಲ್ಲ್ಯಾಫರಾ ತಿಚ್ಯಾ ಮತಿಂತ್ ಕಿತೆಂ
ಸಕ್ಕಡ್ ಘುಂವ್ಲೆಂ ಆನಿ ಕಿತೆಂ ಪೂರಾ ತಿಣೆ ಮ್ಹಳೆಂ ತೆಂ
ವಿವರಾಂವ್ಕ್ ಮ್ಹಾಕಾ ನ್ಹಂಯ್, ಕಾತ್ರಿನಾಮ್ಯೆಕ್ಚ್ ಸಾಧ್ಯ್ ಜಾಂವ್ಚೆಂ
ನಾ. ನ್ಹಂಯ್ ಜಾಲ್ಯಾರ್!..
ಆಧ್ಲ್ಯಾ ದಿಸಾ ದನ್ಪಾರಾಂ ತೆಂ, ಜೆವಾಣ್ ಜಾವ್ನ್ ಪಾನ್ ಪೊಡ್ ಖಾಂವ್ಕ್
ಬಸ್ಲ್ಲಿ ಕಾತ್ರಿನಾಮಿ. ಆನಿ ಸದಾಂಚೆ ಸವಯೆನ್ ಲೂಸಿಯೀ ಯೇವ್ನ್
ಬಸ್ಲ್ಲೆಂ ಆನಿ ಮಾಗಿರ್ ಸಾಂಗಾಜಾಯ್ವೇ? ಆವಯ್ ಧುವೊ
ಪೆಲ್ಯಾ ವಿಷ್ಯಾಂತ್ ಉಲಂವ್ಚ್ಯಾಂತ್ ಕೆದಾಳಾ ಜಾಲ್ಯಾರ್ಯೀ ಮುಕಾರ್ ಆನಿ ಜೆವ್ಲ್ಯಾ ಉಪ್ರಾಂತ್
ಮೂ! ಕೊಣಾ ಕೊಣಾಚ್ಯೊ, ಖಂಚ್ಯೊ ಖಂಚ್ಯೊ ಆನಿ ಕಿತ್ಲ್ಯಾ ತೆಂಪಾಚ್ಯೊ ಖಬ್ರೊ
ಜಾಲ್ಯಾರ್ಯೀ ಜಾತಾತ್. ಆತ್ತಾಂ ಶಿಕಯಿಲ್ಲೆಂ ಆತ್ತಾಂ ಉಡಾಸ್ ಉರಾನಾ ಮ್ಹಳ್ಳ್ಯಾ ಖಾತಿರ್ ಇಸ್ಕೊಲಾ ಥಾವ್ನ್ ಕಾಡ್ಲ್ಲ್ಯಾ ಲೂಸಿಕ್
ಹ್ಯೊ ಪೆಲ್ಯಾಚ್ಯೊ ಖಬ್ರೊ ಖಂಚ್ಯಾ ಥರಾನ್ ಉಡಾಸಾಕ್ ಯೆತಾಲ್ಯೊ ಮ್ಹಳ್ಳೆಂ
ಸೆಜಾರ್ಚ್ಯಾಂಕ್ ಏಕ್ ಮಿಸ್ತೆರ್ಚ್ ಜಾಲ್ಲೊ. ಆತಾಂ ತಾಕಾ ಮಾತ್ತಿ ಘಾಲ್..
ಅಶೆಂ ಪಾನ್ ಪೊಡ್ ಖಾವ್ನ್ ಪೀಕ್ ಉಡಂವ್ಕ್ ಭಾಯ್ರ್ ಆಲ್ಲೆ ಕಾತ್ರಿನಾಮ್ಯೆಕ್ ಘರಾ
ಪಾಟ್ಲೊ ಪೊಪಾಯೆಚೊ ರೂಕ್ ದಿಶ್ಟಿಕ್ ಪಡ್ಲೊ. ರೂಕ್
ಜಾಲ್ಯಾರ್ಯಿ ಕಸಲೊ
ಮ್ಹಣ್ತಾಯ್! ಕಾತ್ರಿನಾಮ್ಯೆನ್ ಸಾಂಗಾಜಯ್ ತಾಚಿ ವ್ಹಡ್ವಿಕ್! ಅಹಾ! ತಸಲೊ ರೂಕ್
ಸಗ್ಳ್ಯಾ ಗಾಂವಾರ್ ಸೊಧ್ಲ್ಯಾರ್ಯಿ ಮೆಳಾನಾ.. ತಿಣೆಂ ಕಿತ್ಲ್ಯಾ ಕಷ್ಟಾಂನಿ ತೊ
ಹಾಡ್ಲ್ಲೊ ಆನಿ ಕಿತೆಂ! ತೊ ಎದೊ ವ್ಹಡ್ ಜಾಂವ್ಕ್ ತಿಣೆ ಕಿತ್ಲಿ ವಾಂವ್ಟ್ ಕಾಡ್ಲ್ಯಾ ಆನಿ ಕಿತೆಂ!.. ಆನಿ ತಾಚ್ಯೊ
ಪೊಪಾಯೊ ಕಿತ್ಲ್ಯೊ ರುಚಿಕ್, ಕಿತ್ಲ್ಯೊ ವ್ಹಡ್,.. ಛೆ , ಛೆ, ಛೆ!
ಸಗ್ಳೊ ದೀಸ್ ರಜಾ ಕಾಡ್ನ್ ಯೆಶಿ ಜಾಲ್ಯಾರ್ಯಿ ಕಾತ್ರಿನಾಮ್ಯೆಚ್ಯಾ
ಪೊಪಾಯೆಚ್ಯಾ ರುಕಾಚಿ ವ್ಹಡ್ವಿಕಾಯ್ ಆಯ್ಕೊನ್ ತುಕಾ
ಪುರೊ ಪಡ್ಚೆ ಬರಿ ನಾ!
ಆನಿ ತಸಲ್ಯಾ ಪೊಪಾಯೆಚ್ಯಾ ರುಕಾಕ್ ದೀಷ್ಟ್ ಪಡಾತ್
ಮ್ಹಣ್ ಕಾತ್ರಿನಾಮ್ಯೆನ್ ಏಕ್ ಪರ್ನಿ ವ್ಹಾಣ್ ಆನಿ ಖುಂಟೊ ಭಾಂದ್ಲ್ಲೊ.
ವ್ಹಯ್, ತಾಂತುಂ ಫಿತಿಸ್ಪಣ್ ಕಸಲೆಂ ಹಾಬಾ? ಅಳೆ ತೊ
ಸೆಜಾರ್ಚೊ ಧಾನ್ಯೆಲಾಮ್, ತಾಚ್ಯಾ ಹಿತ್ಲಾಂತ್ಲ್ಯಾ ಮಾಡಾಂಕ್
ಪರ್ಯಾಂತ್ ಭಾಂದ್ತಾ ವ್ಹಾಣೊ ಆನಿ ಖುಂಟೆ! ಆನಿ ಸದಾಂ ಮಿಸಾಕ್
ವೆಚೊ ಮನಿಸ್ ತೊ! ಅಳೆ ತಿ ದುಮ್ಗೆನ್ ಬಾಯ್ ತಿಚ್ಯಾ ರಾಂದ್ವಯೆಚ್ಯಾ ಹಿತ್ಲಾಕ್ ಥಂಯ್ ಥಂಯ್
ವ್ಹಾಣೊ ಆನಿ ಖುಂಟೆ ಭಾಂಧ್ತಾ! ತಿಣೆ ವಾಟೆರ್ ಪಡ್ಲ್ಲ್ಯೊ
ಪರ್ನ್ಯೊ ವ್ಹಾಣೊ ವಿಂಚುನ್ ಹಾಡ್ತಾನಾ ಕಾತ್ರಿನಾಮ್ಯೆನ್ ಖುದ್ದ್ ಪಳೆಲಾಂ! ಆನಿ ತಿ
ಪಾದ್ರ್ಯಾಬಾಚಿ ಆವಯ್! ತರ್ ಹಾಂವೆಂ ಕೆಲ್ಲ್ಯಾಂತ್ ಚೂಕ್ ಕಿತೆಂ -
ಸವಾಲ್ ಕಾತ್ರಿನಾಮ್ಯೆಚೆಂ, ತೆಂ ಆಸೊಂ!.
ಆನಿ ಅಶೆಂ ವ್ಹಾಣ್ ಭಾಂದ್ಲ್ಲಿ ತಿ ಕಾತ್ರಿನಾಮ್ಯೆಚ್ಯಾ ಪುತಾಕ್ ಸಿಲುಕ್ ಜಾಲೆಂ
ನಾ. ಫಿತಿಸ್ಪಣ್ ಮ್ಹಣಾಲೊ ತೊ. ವ್ಹಯ್, ತಾಕಾ ಕಿತೆಂ ಕಳಿತ್ ಆಸಾ
ದಿಷ್ಟಿಚಿ ಖಬರ್! ಆಧ್ಲ್ಯಾ ವರ್ಸಾ ತೆ ಸೊಬಿನಾಮ್ಯೆಚೆ
ದಿಷ್ಟಿನ್ ಗಾದ್ಯಾಂತ್ಲೆಂ ಭಾತ್ ಸಗ್ಳೆಂ ಪೋಲ್ ಜಾಲ್ಲೆಂ! ಎಲ್ಲುಬಾಯೆಗೆಲೆ ಕೊಂಬಿಯೆನ್ ತಾಂತಿಯಾಂ ದವರ್ಚಿಂಚ್
ಸೊಡ್ಲ್ಲಿಂ! ಹೆಂ ಸಕ್ಕಡ್ ಸಿಲುಕ್ ಕಿತೆಂ ಕಳಿತ್ - ಬಿಂಡಿ ಸೊಲಾಂಗೀ! ಆನಿ ಆವಯ್ಕ್ ಕಳಾನಾಸ್ತಾನಾಂಚ್ ತಿ
ವ್ಹಾಣ್ ಆನಿ ಖುಂಟೊ ಕಾಡ್ನ್ ಉಡಯ್ಲೊ ತಾಣೆ, ಆತಾಂ ಪಳೆನಾಂಯ್!
ತ್ಯೊ ಧರ್ನಿರ್ ಪಡ್ಲ್ಲ್ಯೊ
ಪೊಪಾಯೊ ಪಳೆವ್ನ್ ಕಾತ್ರಿನಾಮ್ಯೆಚ್ಯಾ ಪೊಟಾಕ್ ಆಯಿಲ್ಲೆ
ಲಾಸ್ ಹಾಂವ್ ಸಾಂಗನ್ ಜಾಲ್ಯಾರ್ ತುಮ್ಕಾಂ ತೀನ್ ದೀಸ್ ಶಿತ್ ರುಚ್ಚೆಂ
ನಾ. ಆನಿ ಕೊಣಾ ಕೊಣಾಚ್ಯಾ ದೊಳ್ಯಾಂಕ್ ದಿಲ್ಲೊ ತೊ ಶಿರಾಪ್
ಸಾಂಗ್ಲ್ಯಾರ್ಗೀ - ತುಮಿ ಪಂದಾ ಘಾಲ್ಲಿ ತಕ್ಲಿ ಸಾತ್ ದೀಸ್
ವಯ್ರ್ ಕಾಡ್ಚೆ ನಾಂತ್. ತಿತ್ಲೊ ರಾಗ್ ಆಯಿಲ್ಲೊ ತಿಕಾ. ಎಕೆಕ್ಚ್
ಪೊಪಾಯ್ ವಿಂಚ್ತಾಲಿ ತಿ - "ಅಳೆ ಹಾಂಗಾಸರ್ ದಿಸ್ತಾತ್ ಪಳೆ ತಾಂಚೆ ದೊಳೆ"
ಮ್ಹಣ್ತಾಲಿ ತಿ ಪೊಪಾಯಾಂಚೆರ್ ಆಸ್ಲ್ಲಿಂ ಖತಾಂ ಪಳೆವ್ನ್, ಅಪುರ್ಭಾಯೆಚೊ ರೂಕ್ ಅಸೊ ಜಾಲೊ ಮ್ಹಳ್ಯಾರ್
ಕೊಣಾಕ್ಯಿ ದೂಕ್ ಯೆಂವ್ಚೆಂಚ್ ಆನಿ ತೆಂಯಿ ಕೊಣಾ ಕೊಣಾಚ್ಯಾ ದೊಳ್ಯಾಂ
ವರ್ವಿಂ ಮ್ಹಣ್ತಾನಾ..!
ಸಿಲು ಕಾಮಾ ಥಾವ್ನ್ ಪಾಟಿಂ ಯೆತಾ ಮ್ಹಣಾಸರ್ ಕಾತ್ರಿನಾಮ್ಯೆಕ್ ತಡ್ವುಂಕ್ ಕಷ್ಟ್
ಮಾರ್ಲೆ. ತಾಣೆ ಭಾಗ್ಲಾ ಭಿತರ್ ರಿಗಾಜಯ್ ಜಾಲ್ಯಾರ್ ತಿಚೊ
ಪೊಪಾಯೆಚೊ ಶೆರ್ಮಾಂವ್ ಸುರು ಜಾಲ್ಲೊ. ತ್ಯಾ ರುಕಾವಿಶ್ಯಾಂತ್ ಕಾಣಿ, ತಿಣೆ ಕಾಡ್ಲ್ಲೆ ಕಶ್ಟ್,
ಪೆಲ್ಯಾಂಚೆ ದೊಳೆ ಆನಿ ತಾಂಕಾಂ ತಿಣೆ ಮಾಗ್ಲ್ಲಿ ಶಿಕ್ಷಾ - ಹೆಂ
ಸಕ್ಕಡ್ ಆಟಾಪುನ್ ಆಸ್ಲ್ಲೆಂ ಮ್ಹಣ್ ಸಾಂಗ್ತಾನಾ ತೊ
ಶೆರ್ಮಾಂವ್ ಕಸೊ ಆಸ್ಲ್ಲೊ, ಆನಿ ಕಿತ್ಲೊ ವೇಳ್ ಆಸ್ಲ್ಲೊ
ಮ್ಹಣ್ ವಾಚ್ಪ್ಯಾಂನಿ ಅಂದಾಜ್ ಕರ್ನ್ ಘೆವ್ಯೆತ್.
ಪುಣ್ ಸಿಲು ತ್ಯಾ ಶೆರ್ಮಾಂವಾಕ್ ತಯಾರ್ ಜಾವ್ನ್ಚ್
ಆಯಿಲ್ಲೊ ಜಾಲ್ಲ್ಯಾನ್ ತಾಕಾ ಅಜ್ಯಾಪ್ಯಿ
ದಿಸೊಂಕ್ ನಾ, ಬೆಜಾರ್ಯಿ ಜಾಂವ್ಕ್ ನಾ. ಅಪ್ಲೆ ಆಮ್ಚಿಂ ಥೊಡಿಂ ಕುರ್ಡಿಂ ಶಾಸ್ತಿರಾಂ ತೊ ಆದಿಂ ಥಾವ್ನ್ ಪಳೆವ್ನ್ ಆಸ್ಲ್ಲೊ ಆನಿ ತಾಂಕಾಂ ಕಾಂಟಾಳ್ತಾಲೊ..
ಪ್ಯಣ್ ತಿಕಾ ಸಮ್ಜಾಂವ್ಕ್ ತಾಣೆಂ ಕೆಲ್ಲೆಂ ಪ್ರಯತನ್ ಎದೊಳ್ ನಿರ್ಫಳ್ ಜಾಲ್ಲೆಂ.
ಫಿರ್ಗಜೆಂತ್ ತಾಣಿಂ ಏಕ್ ಲ್ಹಾನ್ ಮೇಳ್ ಘಡ್ಲ್ಲೊ, ಆನಿ ತ್ಯಾ ಮೆಳಾಚೆ
ಸಾಂದೆ ಲೊಕಾ ಮಧೆಂ ಕುರ್ಡಿಂ ಶಾಸ್ತಿರಾಂ ನಾಸ್ ಕರುಂಕ್
ಪ್ರಯತನ್ ಕರ್ತಾಲೆ. ಆಧ್ಲ್ಯಾ ದಿಸಾ ಆವಯ್ನ್ ವ್ಹಾಣ್ ಆನಿ ಖುಂಟೊ ತ್ಯಾ
ಪೊಪಾಯೆಚ್ಯಾ ರುಕಾಕ್ ಭಾಂದ್ತಾನಾ ತಾಣೆಂಯಿ ಪಳೆಲ್ಲೆಂ. ಅಪ್ಯಣ್
ವ್ಹಾಣ್ ಕಾಡಿನ್ ಜಾಲ್ಯಾರ್ ಪೊಪಾಯೊ ಪಡ್ತೆಲ್ಯೊ ಮ್ಹಣ್ ತಾಕಾ ಕಳಿತ್ ಆಸ್ಲ್ಲೆಂ.
ಪುಣ್ ಅಪ್ಲೆ ಆವಯ್ಕ್ ಆನಿ ಭಯ್ಣಿಕ್ ಏಕ್ ಲಿಸಾಂವ್ ಶಿಕಂವ್ಕ್
ಸಾಧ್ಯ್ ಆಸಾ ಮ್ಹಣ್ ತಾಕಾ ದಿಸ್ಲ್ಲೆಂ ಆನಿ ದೆಕುನ್ ವ್ಹಾಣ್ ಆನಿ ಖುಂಟೊ ರುಕಾರ್ ಥಾವ್ನ್ ದೆಂವೊನ್
ಪಯ್ಸ್ ಪಾವ್ಲ್ಲೊ.
"ತಿಚ್ಯಾ ದೊಳ್ಯಾಂನಿ ಅಶೆಂ ಜಾಲೆಂ", ಮ್ಹಣ್ ಕಾತ್ರಿನಾಮಿ ಆನಿ ತಿಚಿ ದೇಕ್ ಘೆವ್ನ್ ಲೂಸಿ
ಪೊಪಾಯೆಚ್ಯಾ ನಿಬಾನ್ ಕೊಣಾ ಕೊಣಾಕ್ ಗಾಳಿ ಯೆಟ್ತಾನಾ ಥಂಯ್ಚರ್
ಸಭಾರ್ ಲೋಕ್ ಜಮೊ ಜಾಲ್ಲೊ. ಹರ್ಯೆಕ್ಲೊಯೀ ತ್ಯಾ
"ಖಾರ್ ದೊಳ್ಯಾಂಕ್" ದುರ್ಸತಾಲೊ. ಅಪ್ಣಾಕ್ ಕಳಿತ್ ಆಸ್ಲ್ಲ್ಯೊ
ದಿಷ್ಟಿಚ್ಯೊ ಕಾಣಿಯೊ ಸಾಂಗ್ತಾಲೊ. ಎಕಾ ಪಿಡೆಸ್ತಾಕ್ ಆಸ್ಪತ್ರೆಕ್
ವ್ಹರೊಂಕ್ ಆಸ್ಲ್ಲೆಂ ಜಾಲ್ಯಾರ್ ತಾಂತ್ಲೊ ಎಕ್ಲೊಯಿ ಥಂಯ್ ಆಸ್ತೊನಾ,
ಹರ್ಯೆಕ್ಲ್ಯಾಕ್ಯಿ ಏಕ್ ನ್ಹಂಯ್ ಏಕ್ ಕಾಮ್ ಆಸ್ತೆಂ.
ಪುಣ್ ತೆಂ ಸಕ್ಕಡ್ ಆಮ್ಕಾಂ ನಾಕಾ ದುದಾಕ್ ಆಯಿಲ್ಲ್ಯಾಕ್ ಗಾಯ್ಚೆಂ
ಮೊಲ್ ಕಿತ್ಯಾಕ್ ಮ್ಹಣ್ ಸವಾಲ್ ಕೆಲ್ಲೆಂ ಖಂಯ್ ಆದಿಂ ಎಕ್ಲ್ಯಾನ್!
ತ್ಯಾ ದೀಸ್ ಸಿಲು ಕಾಮಾ ಥಾವ್ನ್ ಪಾಟಿಂ ಯೆತಾನಾ ಸೊಭಿನಾಮ್ಯೆಕ್ ಆನಿ ಕಾತ್ರಿನಾಮ್ಯೆಕ್
ಸೊಭಿತ್ ಉತ್ರಾಂನಿ ಉಲವ್ಣೆಂ ಜಾತಾಲೆಂ. ನಾ ಜಾಲ್ಯಾರ್ ಸೊಭಿನಾಮ್ಯೆಚ್ಯಾ ಹಿತ್ಲಾಂತ್ಲೊ ರೂಕ್ಯಿ
ಮೊರೊನ್ ಪಡಾಜಾಯ್ಗೀ! ತಿಕಾ ಕಾತ್ರಿನಾಮ್ಯೆಚ್ಯಾ ದೊಳ್ಯಾಂಚೊ ದುಭಾವ್. "ಹೆರಾಂನಿ ಬರೆಂ ಜಾಲ್ಲೆಂ ಪಳೆಂವ್ಕ್ ತಾಂಕಾನಾ ಜಾಲ್ಯಾರ್ ದೊಳೆ ಧಾಂಪ್"
ಮ್ಹಣ್ ಎಕ್ಲಿ ಬೊಬಾಟ್ತಾನಾ ಎನ್ಯೆಕ್ಲಿ ದುಸ್ರೆಂಚ್ ಉಲಯ್ತಾಲಿ. ದೋನ್ ಕೋಲ್ ಜಾಗ್ಯಾ
ಭಿತರ್ ದೊಗಾಂಯಿ ಆಸ್ಲ್ಲಿಂ ಜಾಲ್ಯಾರ್ಯಿ ತಾಂಚೊ ತಾಳೊ
ಮಾತ್ರ್ ದೇಡ್ ಮಯ್ಲ್ ಪಯ್ಸ್ ಆಸ್ಚೆ.. ಇಗರ್ಜೆಂತ್ಲ್ಯಾ ಚಾಮಾದೊರಾಕ್ಯಿ ಆಯ್ಕಾತೊ! ಭಂವ್ತೊಣಿಂ ಆಸ್ಲ್ಲಿಂ ರಾವೊನ್
ಸೊಭಾಯ್ ಪಳೆತಾಲಿಂ..
ಸಿಲುನ್ ಆಪ್ಲೆಂ ಕಾಮ್ ಸುರು ಕೆಲೆಂಚ್. ಸಕ್ಡಾಂಕ್ ಪೊಪಾಯೆಚ್ಯಾ ರುಕಾ ಮುಳಾಕ್ ಆಪವ್ನ್
ವ್ಹರ್ನ್ ಗೆಲೊ ತೊ. ಮುಳಾಂತ್ ಪೊಪಾಯೊ ಆಸ್ಲ್ಲ್ಯೊ ಆನಿ ಧಾರಾಳ್ ಉದಾಕ್ಯೀ ಆಸ್ಲ್ಲೆಂ.
ಪಾನಾಂ ಸಕ್ಕಡ್ ಹಳ್ಧುವಿಂ ಜಾವ್ನ್ ಆಯಿಲ್ಲಿಂ. ಹ್ಯಾ ಉದ್ಕಾವರ್ವಿಂ ರುಕಾಚಿಂ ಪಾಳಾಂ ಕುಸ್ಲಿಂ ಆನಿ ರೂಕ್
ಮೊರ್ತಾನಾ ತಾಚ್ಯೊ ಪೊಪಾಯೊ ಝಡೊನ್ ಪಡ್ಲ್ಯೊ
ಮ್ಹಣ್ ಲೊಕಾಕ್ ಸಮ್ಜಾಯ್ಲೆಂ ಸಿಲುನ್. ಲೊಕಾಕ್ ಖರಿ ಗಜಾಲ್ ಕಳಿತ್ ಜಾತಾನಾ ಲಜ್ ಭಗ್ಲಿ.
ಪುಣ್ ಸೊಭಿನಾಮ್ಯೆಚ್ಯಾ ದೊಳ್ಯಾಂ ವಿಷ್ಯಾಂತ್ ಚಿಂತುನ್ ಆಸ್ಲ್ಲ್ಯಾ ಕಾತ್ರಿನಾಮ್ಯೆಕ್ ತೆಂ ಖಂಯ್
ದಿಸ್ಲಾಂ? ತಿತ್ಲೆ ಸಲೀಸಾಯೆನ್ ಅಪ್ಲಿ ಚೂಕ್ ವಳ್ಕೊನ್ ಘೆಂವ್ಚಿ
ಸಾಣ್ ನ್ಹಂಯ್ ತಿ. ಪೊಪಾಯೆಚೊ ರೂಕ್ ಉದಾಕ್ ಚಡ್ ಜಾವ್ನ್ ಮೂಳ್ ಕುಸೊನ್
ಮೆಲ್ಲೊ ಮ್ಹಣ್ ಕುರ್ಡ್ಯಾಂ ಶಾಸ್ತಿರಾಚ್ಯಾ ಕಾತ್ರಿನಾಮ್ಯೆಕ್ ತಿತ್ಲ್ಯಾ
ಲೊಕಾ ಮುಕಾರ್ ಒಪುನ್ ಘೆಂವ್ಕ್ ಸಲೀಸ್ವೆ ತರ್? ತಿಣೆ
ಸೊಭಿನಾಮ್ಯೆಗೆರ್ಯಿ ತಶೆಂಚ್ ಜಾಲ್ಲೆಂ..
ಖಳಾನಾಸ್ತಾನಾ ಯೆಂವ್ಚೊ ಪಾವ್ಸ್ ಹ್ಯಾ ಕ್ರಿಸ್ತಾಂವಾಂಚ್ಯಾ
ಫಿತಿಸ್ಪಣಾಕ್ ಹಾಸ್ತಾಲೊ..
ಸಿಲುಚ್ಯಾ ಪ್ರಯತ್ನಾನ್ ಕಾತ್ರಿನಾಮಿ, ಸೊಭಿನಾಮಿ ಆನಿ ಗಾಂವ್ಚೊ
ಲೋಕ್ ಬರೆಂ ಲಿಸಾಂವ್ ಶಿಕ್ಲ್ಲೊ, ಶೆಜಾರಿ ಕುಟ್ಮಾಂ ಪರತ್
ಮೊಗಾನ್ ಜಿಯೆಂವ್ಕ್ ಶಿಕ್ಲಿಂ. ವ್ಹಾಣಾಂಕ್ ಆನಿ ಖುಂಟ್ಯಾಂಕ್ ತ್ಯಾ ಉಪ್ರಾಂತ್ ತೆಣೆ ಗ್ರಾಯ್ಕ್ ಉಣೊ ಜಾಲ್ಲೊ ಆನಿ ಕಾತ್ರಿನಾಮಿ ಆನಿ
ಸೊಭಿನಾಮಿ ಹೆರಾಂಚ್ಯಾ ದೊಳ್ಯಾಂಕ್ ಗುನ್ಯಾಂವ್ಕಾರ್ ಕರ್ಚ್ಯಾ ಬದ್ಲಾಕ್ ಅಪ್ಲೆಚ್ ಜಿಬೆಚಿ ಚತ್ರಾಯ್ ಕರ್ತಾಲಿಂ.
ದಿಷ್ಟಿಚೊ ದೆಂವ್ಚಾರ್ ಪಯ್ಸ್ ಪಾವ್ಲ್ಲೊ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
