[ವಳೊಕ್]: 6. ಬರ್ನಾಡ್ ಜೆ. ಕೋಸ್ತಾ
ಚಾಳಿಸಾಂ ವಯ್ರ್ ಬೊಲಿಂನಿ ಪಾಂಚ್ ಲಿಪಿಯಾಂನಿ ಪ್ರಚಲಿತ್ ಜಾವ್ನಾಸ್ಚ್ಯಾ ಕೊಂಕ್ಣಿ ಭಾಸೆಚಿ ಗ್ರೇಸ್ತ್ಕಾಯ್ ವರ್ಣಿಜಾಯ್ ಜಾಲ್ಲೆ ಆಮಿ ಲಿಪಿ/ಬೊಲಿ/ಪ್ರಾಂತ್ಯ್ ನಾಂವಾಂನಿ ಎಕಾಮೆಕಾಚೆಂ ಮಾಸಾಂ ಖಾವ್ನ್ ಅಮ್ಚೊಚ್ಚ್ ದಾಂಗ್ರೊ ಮಾರ್ತಾಂವ್. ಕೊಂಕ್ಣಿ ಮ್ಹಳ್ಯಾರ್ ಕಾನಡಿ ಲಿಪಿಯೆಂತ್ಲಿ ಮಾತ್ರ್ ನ್ಹಯ್, ಕೊಂಕ್ಣಿ ಮ್ಹಳ್ಯಾರ್ ಕ್ರಿಸ್ತಾಂವಾಂನಿ ಉಲಂವ್ಚಿ ಭಾಸ್ ಮಾತ್ರ್ ನ್ಹಯ್, ಕೊಂಕ್ಣಿ ಮ್ಹಳ್ಯಾರ್ ಮಂಗ್ಳುರ್ ಶೆರಾಂತ್ ವಸ್ತಿ ಕರ್ತೆಲ್ಯಾಂಚಿ ಮಾತ್ರ್ ಆಸ್ತ್-ವಸ್ತ್ ನ್ಹಯ್. ಪುಣ್ ’ತೊ/ತೆ ಅಮ್ಕೊ ಯಾ’ ಮ್ಹಣುನ್ ಎಕಾರಿತಿನ್ ಹಲ್ಕ್ ಕರುನ್ ಹೆರಾಂಕ್ ಖೆಳ್ಕುಳಾಂ ಕರ್ಚೆ ಕೊಂಕ್ಣಿ ವರ್ತುಲಾಂತ್ ಮಾತ್ ಯಥೇಶ್ಟ್ ಮಾಪಾನ್ ಆಸಾತ್, ದುರ್ಭಾಗ್ಪಣಾಂತ್ ಕೊಂಕ್ಣೆಂತ್ಯೀ ಆಸಾತ್, ಆನಿ ತಾಂತುಂಯ್ ವ್ಹಡ್ ದುರಂತ್ ಮ್ಹಳ್ಯಾರ್ ಅಸಲೆಚ್ಚ್ ಥೊಡೆ ಸಂಪಾದಕ್ (?) ಆನಿ ಪರ್ಗಟ್ಣಾರ್ (?). ಹ್ಯಾ ಪರಿಗತೆಂತ್ ಜೊ ವಾವ್ರ್ ಕರುನ್ ಆಸಾ ತೊ ಅಪ್ಲೊ ವಾವ್ರ್ ಕರುನ್ ಆಸ್ತಾನಾ ತಸಲ್ಯಾಂಕ್ ಮಾನ್ ಕರ್ಚೊ ಸೊಡ್ಯಾಂ, ವಳ್ಕುಂಚೆಂ ಸಯ್ತ್ ಕೊಣಾಕ್ ಪಡುನ್ ಗೆಲಾಂ? ಆಮ್ಚೆ ಆಸ್ಚೆ ಕೊಂಕ್ಣೆಚೆ ನಾಂವಾಚೆ ಕುಡ್ಡೆ ಸಂಸ್ಥೆ ಎಕಾಮೆಕಾ ಬಿಸ್ಕುಟ್ (ಪುರಸ್ಕಾರ್) ವಾಂಟುಂಕ್ ಲಾಗ್ಲ್ಯಾತ್ ವಾ ಬೊಲ್ಸಾಂ ಭರ್ಚಾಂತ್ ಪಡ್ಲ್ಯಾತ್ ತರ್ ಅನಿ ಕೊಣಾಕ್ ಸರ್ಕಾರಾಚ್ಯಾ ದುಡ್ವಾಕ್ ಪುರುಂಕ್ ಕಸಲೊ ಫೊಂಡ್ ಖೊಂಡ್ಯೆತಾ ಮ್ಹಳ್ಳೆ ಘುಟ್ಮಳೆಂತ್ ದೀಸ್ ಲೊಟ್ತಾತ್. ಅಕಾಡೆಮಿ ಆನಿ ಭಾಶಾಮಂಡಳ್ ಸೊಡ್ಯಾಂ - ಹಾಂಕಾಂ ವೆದಿಚಿಂ ಕಾರ್ಯಿಂ ಆನಿ ಅಪ್ಣಾಕ್ ಖಾಯ್ಸ್ ಜಾಲ್ಲ್ಯಾಂಕ್ (ತಿಂ ಕೊಣ್ಯೀ ಆಸುಂ, ತಾಂಚಿ ಸಾಹಿತಿಕ್ ಕ್ಷಮತಾ ಕಸ್ಲೀಯ್ ಆಸುಂ) ವೆದಿಚೆರ್ ಆಪವ್ನ್ ಮಾನ್ ಕರ್ಚೆಂಚ್ ಕೊಂಕ್ಣಿ ವಾವ್ರ್ ಮ್ಹಣುನ್ ಚಿಂತಾತ್ ಮಾತ್ ನ್ಹಯ್ ಪಾತ್ಯೆತಾತ್ ಸಯ್ತ್.
ಬರ್ನಾಡ್ ಜೆ. ಕೋಸ್ತಾ ಕಾಂಯ್ ಮ್ಹಜ್ಯಾ ಸಾಹಿತಿಕ್ ಸುರ್ವಾತಿಲ್ಯಾ ದಿಸಾಂನಿ ಭೋವ್ ವ್ಹಳ್ಕೆಚೆಂ ನಾಂವ್, 1989 ಇಸ್ವೆಂತ್ ಕಾಣಿಕ್ ಪತ್ರಾಚೊ ಸಹಾಯಕ್ ಸಂಪಾದಕ್ ಜಾವ್ನ್ ವಾವ್ರ್ ಕರ್ನ್ ಆಸ್ಚೆವೆಳಾರ್ ಸಯ್ತ್ ’ಬರ್ನಾಡ್ ಜೆ. ಕೋಸ್ತಾ ಇರಾಕ್’ ಲಿಖ್ಣೆನಾಂವಾರ್ ಯೆಂವ್ಚ್ಯಾ ಕಾಣ್ಯಾಂಕ್ ಪರ್ಗಟ್ ಕೆಲ್ಲೊ ಉಡಾಸ್ ಅಜೂನ್ ಜಿವಾಳ್ ಆಸಾ. ತರ್ಯೀ ಚಡ್ತಾವ್ ಜಾವ್ನ್ ’ಪಯ್ಣಾರಿ’ ಜಾವ್ನ್ ಜಿಯೆತೆಲ್ಯಾ ಮ್ಹಾಕಾ ಹಾಕಾ ಮುಖಾಮುಖಿ ಮೆಳ್ಚೊ ಸಂದರ್ಭ್ ಲಾಭ್ಲ್ಲೊಚ್ಚ್ ಆಯ್ಲೆವಾರ್. ಹಾಕಾ ಮೆಳುನ್, ಹಾಚೆವಿಶಿಂ ಸಮ್ಜುನ್ ಇತ್ಲೆಂಚ್ ಭಗ್ಲೆಂ; ಆಜ್ ಕೊಂಕ್ಣಿ ಜರ್ಥರ್ ಇತ್ಲಿ ವಿಸ್ತಾರುನ್ ಜಿವಾಳ್ ಉರ್ಲ್ಯಾ ತರ್, ಕಾಂಯ್ ಶೆರಾಂನಿ ವಸ್ತಿ ಕರ್ತೆಲ್ಯಾ ಲೊಕಾಥಾವ್ನ್ ನ್ಹಯ್, ಬಗಾರ್ ಅಸಲ್ಯಾ ಗ್ರಾಮೀಣ್ ಪರಿಸರಾಂತ್ ವಾವ್ರ್ ಕರ್ತೆಲ್ಯಾಂ ಥಾವ್ನ್.
ಮಂಗ್ಳುರ್ ಥಾವ್ನ್ ಕುಂದಾಪುರ್ ಕಾಂಯ್ ಶೆಂಭೊರ್ ಕಿಲೊಮೀಟರ್ ಪಯ್ಸ್ ಆಸಾ, ಮಂಗ್ಳುರಾಂತ್ ಚಡ್ ಜಾವ್ನ್ ಕೊಂಕ್ಣಿ ಲೋಕ್ ಸಯ್ತ್ ತುಳ್ವೆಂತ್ ಉಲಯ್ತಾ ಪುಣ್ ಕುಂದಾಪುರಾಂತ್ ಕೊಂಕ್ಣಿ ಭಾಸೆಚೊ ವ್ಹಾಪರ್ ಚಡ್ ಮ್ಹಣ್ ಮ್ಹಜಿ ಖಾಸ್ಗಿ ಪಾತ್ಯೆಣಿ. ಪುಣ್ ಹಾಂಚಿ ಬೊಲಿ ಕಾಂಯ್ ವೆಗ್ಳಿ ತರ್ಯೀ, ಹಾಂಚ್ಯಾ ಕಾಳ್ಜಾಂತ್ ಆಸ್ಚೊ ಕೊಂಕ್ಣಿ ಮೋಗ್ ಮಾತ್ರ್ ಭಿಲ್ಕುಲ್ ಉಣೊ ನ್ಹಯ್ ಮ್ಹಣ್ಚೆಂ ಧಯ್ರ್ ಘೆತಾಂ. ಕಾನಡಿ ಭಾಸೆಂತ್ ಸಯ್ತ್ ಬರಂವ್ಚೊ ಬರ್ನಾಡ್ ಜೆ. ಕೋಸ್ತಾ, ಕೊಂಕ್ಣೆಚ್ಯಾಕೀ ಚಡ್ ಕಾನಡಿಂತ್ ಲೊಕಾಮೊಗಾಳ್, ಪುಣ್ ಅಪುಣ್ ಕೊಂಕ್ಣಿ ಬರಯ್ಣಾರ್ ಆನಿ ಮ್ಹಜಿ ಪಯ್ಲಿ ವ್ಹಳೊಕ್ ಕೊಂಕ್ಣಿ ಮ್ಹಣ್ ಖಾಲ್ತೆಪಣಿಂ ಸಾಂಗುನ್ ಆಸ್ಚಾ ಹಾಚಿ ಸಾಹಿತಿಕ್ ಪರಿಚಯ್ ವಾಚ್ತಾನಾ ತುಮ್ಕಾಂಚ್ ಗಮ್ತೆಲೆಂ ಕಿತ್ಯಾಕ್ ಆಮ್ಚೆ ಕೊಂಕ್ಣೆಂತ್ ’ದೂರ್-ದೃಶ್ಟೆಚೆ’ ಸಂಪಾದಕಾಂಚೊ ಬೊರ್ಗೊಳ್ ಆಸಾ ಮ್ಹಣುನ್.
-ಸಂ
ಬರ್ನಾಡ್ ಜೆ. ಕೋಸ್ತಾ
ಬರ್ನಾಡ್ ಜೆ.ಕೋಸ್ತಾ, ಕುಂದಾಪುರ್ ಹ್ಯಾ ಲಿಖ್ಣೆ ನಾಂವಾನ್ ಲಿಖಲ್ಯಾ ಸಾಹಿತ್ಯಾಚಿ ಎಕ್ ಝಳಕ್
ಕೊಂಕಣಿ ನಾಟಕಾಂ - 22
1 ) ಅನುಪ್ಕಾರಿ
2 ) ಪೊಲೀಸ್ ಪಾಸ್ಕು
3 ) ಸ್ವಾರ್ಥಾಚಿ ಧಾವ್ಲಿ
4 ) ವಿಣಲ್ಲೊ ಫಾಸ್
5 ) ಪವಿತ್ರ್ ದೊಳೆ
7 ) ನವ್ರ್ಯಾಚೊ ಮಿಸ್ತೇರ್
8 ) ಬಲಿಯೆಚಿ ಶೆಳಿ
9) ಪೊಸ್ಕೊ ಪುತ್
10 ) ಭಾಂಗಾರಾಚೆ ಫುಲ್
11 ) ಹೊಕಾಲ್ ಬಾಯ್
12 ) ತಿರಸ್ಕಾರ್
13 ) ತಾಂಬ್ಡಿ ಕಾಲ್ಸ್
14 ) ಮಹಾ ಪಿಟ್ಟಾಷಿ
15) ಬೊಸ್ತುಚಿ ಕುಸ್ತಿ
16 ) ಕಾನಾಂಚೊ ಗುನ್ಯಾಂವ್
17 ) ಬಾಯ್ಲಾಂಚಿ ಧಾವ್ಲಿ
18 ) ನಾರಿ ನಾ ಉಣ್ಯಾರಿ
19 ) ಆಮಿ ಸರ್ವ್ ಏಕ್
20) ಮೊಗಾಚಿ ಕಾಣಿಕ್
21 ) ಮಾಯ್ ಮಾಯ್
22 ) ಹಾ ಕಟಾ ಕಟಾ ಸಂಸಾರಾ
23) ಕೋಣಯಿ ಕಾಂಯ್ ಉಣ್ಯಾರ್ ನಾ
ಕೊಂಕಣಿ ನಾಟ್ಕುಳೆ - 32
1) ಸಾಸುಮಾಯ್
2) ನೀಬ್
3) ಭರ್ವಸೊ
4) ಸೆಜಾರಿ
5) ಕೊಂಕಣಿ ಮಾತಾ
6) ಅಮರ್ ಬರ್ಕ್ಸ್ಮೇನ್
7) ಪವಿತ್ರ್ ಗೊವ್ಳಿ ಅತ್ಮ್ಯಾನ್ ಭರ್ಲಲೊ ಗೊವ್ಳಿ
8) ಲಾಜರಸ್ ಭಾಯ್ರ್ ಯೆ
9) ಸ್ತ್ರೀ ತುಂ ವಿಚಿತ್ರ್
10) ಪತಿಣ್ ತಿ ಪ್ರೇರಣಾಚಿ
11) ಬಾಯ್ಲಾಂ ಕಾಂಯ್ ಉಣ್ಯಾಚಿ ನ್ಹಯ್
12) ಪಯ್ಲ್ಯಾ ಶಿಸಾಂಚೆಂ ಆಪವ್ಣೆ
13) ಮೇಸ್ತ್ರಿ ಆನಿ ಶಿಸ್
14) ದಾವಿದ್ ಶ್ರೇಶ್ಠ್
15) ಅಬ್ರಾಹಾಮಾಚೆ ಬಲಿದಾನ್
16) ಥೊಂಟೊ ಉಟೊನ್ ಚಲ್ತಾನಾ
17) ಸ್ವೀಕಾರ್ ಕೆಲಿ ತರ್ ತುಮಿ
18) ಮಾಧ್ಯಮಾಚೊ ಫಾಸ್
19) ಆಧುನಿಕ್ ನಲಿಯೊ
20) ಸ್ತ್ರೀ ಕುಟ್ಮಾಚಿ ದಿವ್ಟಿ
21) ನಾರಿ ತಿ ಮಾನಾಚಿ
22) ಬಾಯ್ಲಾಂನೂ ತುಮ್ಕಾ ವ್ಹಡ್ಲೊ ನಮಸ್ಕಾರ್
23) ತುಂ ನ್ಹಯ್ ಸಾಧರ್ಣಾಚಿ
24) ರೊಜಾರ್ ಮಾಯೆ ನಮಾನ್ ತುಕಾ
25) ಅಪೂರ್ವ್ ಪತಿ
26) ಮಹಾನ್ ಕಾರ್ಮೆಲ್ ಕುಟಾಮ್
27) ಕಾತ್ರಿಂತ್ ಶಿರ್ಕಾಲ್ಲೊ ಬಾತ್ತಿ
28) ಭುರ್ಗ್ಯಾಂಚೊ ಮೋಗ್
29) ನಾಕಾ ಸಾಯ್ಬಿಣೆ ನಾಕಾ
30) ಜೆಜು ಆನಿ ಜಾಕೆವ್
31) ತೇಗ್ ಚಾಕೊರ್
32) ವಾಡೊ ಆನಿ ಗುರ್ಕಾರ್
(ಹೆ ನಾಟಕ್ ಆನಿ ನಾಟ್ಕುಳೆ ಚಡಾವತ್ ಜಾವ್ನ್ ಪ್ರದರ್ಶನ್ ಜಾಲ್ಲೆ ನಾಟಕ್, ಕುಂದಾಪುರ್, ಬಸ್ರೂರ್, ಬಾರ್ಕೂರ್, ಬ್ರಹ್ಮಾವರ್, ಬೈಂದೂರ್ ಪರಿಸರಾಂತ್ ಐ.ಸಿ.ವಾಯ್.ಎಮ್. ಹಾಂಚ್ಯಾ ರುಪ್ಯೋತ್ಸವಾಕ್ ನಾಟಕ್ ಪ್ರದರ್ಶನ್ ಜಾಲ್ಲೆ, ತಶೆಂಚ್ ಅಖೀಲ್ ಭಾರತ್ ಕೊಂಕಣಿ ಪರಿಷತ್ ಸಂದರ್ಭಿ, ಆನಿ ಕೊಂಕಣಿಕ್ ಆಟ್ವ್ಯಾ ವೊಳೇರಿಂತ್ ಸ್ಥಾನ್ ಮಾನ್ ಮೆಳ್ಚ್ಯಾ ಖಾತಿರ್, ಪ್ರಪ್ರಥಮ್ ಕೊಂಕಣಿ 27 ಪ್ರಭೆದಾಂಚ್ಯಾ ಲೋಕಾಂಕ್ ಸಂಗಾತಾ ಹಾಡ್ನ್ ಬ್ರಹತ್ ಸಮಾವೇಷ್ ‘ವೈಭವ್’ ಕಾರ್ಯಾವೇಳಿ ನಾಟಕ್ ಪ್ರದರ್ಶನ್ ಜಾಲ್ಲೊ ವಡ್ವಿಕಾಯ್. ಹೊ ನಾಟಕ್ ಪ್ರದರ್ಶನ್ ಆರಂಭ್ ಜಾತಾನಾ, ರಾತ್ ಉತರ್ನ್ ದುಸ್ರೊ ದೀಸ್ ಉದೆಲ್ಲೊ ತರಿ, ನಾ ಡಿಸೋಜಾ ತಸಲೆ ಸಭಾರ್ ಮಹಾನ್ ಸಾಹಿತಿ ಸಾಕ್ಸ್ ಜಾಲ್ಲೆ. ಅಖೀಲ್ ಭಾರತ್ ಕೊಂಕಣಿ ಪರಿಷತ್ 2009 ತ್ ಚಲಲ್ಯಾ ಉತ್ಸವ ವೇಳಾರ್ ಕೊಂಕ್ಣೆಂತ್ ತೀನ್ ಪ್ರಭೆದಾಚ್ಯಾ ಭಾಶೆನ್ (ಕ್ರಿಸ್ತಾಂವ್ ಕೊಂಕಣಿ, ಜಿ.ಎಸ್.ಬಿ. ಕೊಂಕಣಿ ಆನಿ ನವಾಯಿತಿ ಕೊಂಕಣಿ (ಮುಸ್ಲಿಮ್ ಉಲಯ್ತಾತ್ ತಿ) ನಾಟಕ್ ಬರವ್ನ್ ಯಶಸ್ವೆನ್ ಪ್ರದರ್ಶನ್ ಕರ್ನ್ ಸಂಘಟಕಾ ಥಾವ್ನ್ ಶಾಭಾಸ್ಕಿ.
ಪ್ರಕಟ್ ಜಾಲ್ಲೆಂ ಸಾಹಿತ್ಯ್
ಮಟ್ವೆ ಕಾಣಿಯೊ (ಚಡ್ ಉಣೆ 260)
7 ಸಾಂಖಳ್ ಕಾಣಿಯೊ (ಪಾಟಿಂ ಘುಡಾಕ್, ಅಪ್ರೂಪ್ ಫುಲ್, ತಾಂಬ್ಡಿ ಕಾಲ್ಸ್ ಸ್ವಾಭಿಮಾನಿ, ದೇಷ್ವಾಟ್ಲೊ ಫುಡಾರ್, ವೊಲ್ಗಾ, ಮೋಗ್ ತೊ ಕಾಳ್ಜಾಚೊ)
2 ಕಾದಂಬರಿ – (ತಿರಸ್ಕಾರ್, ಅನುಪ್ಕಾರಿ)
400 ವಯ್ರ್ ಚುಟುಕಾಂ + ಕವಿತಾಂ
ಸಭಾರ್ ವಿನೋದ್ ಕತಾಂ
400 ವಯ್ರ್ ಮಟ್ವೆ ವಿನೋದ್
ತಶೆಂ ಅನೇಕ್ ಸಮಾಜಿಕ್ ಲೇಕನಾಂ
[ಸ್ವತಾಚ್ಯಾ] ಪ್ರಜ್ವಲ್ ಪ್ರಕಾಶನಾ ಥಾವ್ನ್ ಪ್ರಕಟಿತ್ ಕೆಲ್ಲಿಂ ಪುಸ್ತಕಾಂ
ತಿರಸ್ಕಾರ್ (ಕಾದಂಬರಿ) – 1
ಫೊಳೆರ್ (ಕವಿತಾ ಸಂಗ್ರಹ್) -1
ದಿರ್ವೆಂ - ಭುರ್ಗ್ಯಾಂಚೊ ಕಾಣಿಯೊ ಕತಾ ಪುಂಜೊ - 1
ಮ್ಹೊವ್ ಮೋಗ್ ಆನಿ..
ಚುಟುಕಾಂ ಸಂಗ್ರಹ್ – ನವ್ರ್ಯಾಚೊ ಮಿಸ್ತೇರ್ (ನಾಟಕ್)
ಪಾವ್ಲಿನಾಚೊ ನವ್ರೊ (ನಾಟಕ್)
ಘೋವ್ ರಡ್ಲೊ (ಮಟ್ವ್ಯಾ ವಿನೊದಾಂಚೊ ಪುಂಜೊ)
ಕಾಣಿಯ್, ಹಾಸ್ಯ್ ಲೇಕನ್, ಕವಿತಾ ಆನಿ ಸಮಾಜಿಕ್ ಲೇಕನ್ ಹ್ಯಾ ಸರ್ವ್ ವಿಭಾಗಾನಿ ಇನಾಮಾ ಅಪ್ಣಾಯ್ಲ್ಯಾತ್
ಕನ್ನಡ ಸಾಹಿತಿಕ್ ವಾವ್ರ್
ಕನ್ನಡ ನಾಟಕಾಂ - 9
1 ) ಆಹುತಿ
2) ಪಾಪಿ ಬಾಳು
3) ಭಗವಾನ್ ಎಸು ಕ್ರಿಸ್ತರು
4) ಬಲಿ ಪಶು
5) ಪಾಪದ ಮಡಕೆ
6) ರಾಜಾಧಿ ರಾಜಾ
7) ನಾವೆಲ್ಲರೂ ಒಂದೇ
8) ನಮ್ಮ ಶಾಲೆ ರೋಜಾರಿಯೊ
8) ಪ್ರೀತಿ ಬೇಕು ಪ್ರೀತಿ
ಕನ್ನಡ ನಾಟ್ಕುಳೆ - 17
1 ) ಗುರು ಕಾಣಿಕೆ
2) ಮುದ್ದು ಮಗ
3) ಶಿಕ್ಷಣವೇ ರಕ್ಷಣೆ
4) ವಿದಾಯ
5) ಅತ್ತೆ
8) ಮಹಾ ಪಾಪಿ
9) ನೆರೆ ಮನೆಯವರು
10) ಎಸುವೆ ನೀ ಮತ್ತೆ ಹುಟ್ಟಿ ಬಾ
11) ಪ್ರಕೃತಿ ವಿಕ್ರತಿ ಮಾನವನ ಅವನತಿ
12) ಪರಿಸರ
13) ಮಾನವ ಕಾಡು ಉಳಿಸು
14) ಬೇಡ ಮಾರಾಯ್ತಿ ಬೇಡ
15) ಮರಳಾಗುದೆ ಆಯಿತು
16) ಶುಭವಾಗಲಿ
17) ನಂದಾ ದೀಪ
ಪ್ರಕಟಿತ್ ಕನ್ನಡ ಕೃತಿಯೊ
1 ) ಹ್ರದಯ ದೀಪ (ದಾರಾವಾಹಿ ಕಾದಂಬರಿ)
2) ವೊಲ್ಗಾ (ದಾರಾವಾಹಿ ಕಾದಂಬರಿ)
3) ಮರಳುಗಾಡಿನ ಗಲ್ಪ್ ಕತೆಗಳು (22 ಕತೆಗಳು)
4) ಮರಳುಗಾಡು ಇರಾಕಿನ ಕತೆಗಳು (25 ಕತೆಗಳು)
ಸಣ್ಣಕತೆಗಳು - 10
ಚುಟುಕು – ಕವಿತೆಗಳು – 50
ಕೊಂಕ್ಣಿ ದಾಯ್ಜ್, ರಂಗ್ ತರಂಗ್, ಲುವೀಸ್ ಮಸ್ಕರೇನ್ ಜಲ್ಮ ಶತಾಬ್ದಿ, ಸಾಹಿತ್ಯ್ ಪುರಸ್ಕಾರ್, ಕೊಂಕಣಿ ವೈಭವ್ ಸನ್ಮಾನ್, ಅಖೀಲ್ ಭಾರತ್ ಕೊಂಕಣಿ ಪರಿಷತ್ ಥಾವ್ನ್ ನಾಟಾಕಾಕ್ ಮಾನ್ ಸನ್ಮಾನ್, ಕೊಂಡಾಟದ ಕುಡಿ, ಕುಂದಾಪುರ, ಸೌತ್ ಕೆನರಾ ಫೊಟೊ ಗ್ರಾಫರ್ಸ್ ಅಸೋಸಿಯೇಶನ್ ಕನ್ನಡ ರಾಜ್ಯೋತ್ಸವ ಸಮ್ಮಾನ್ ಹ್ಯೊ ಪ್ರಶಸ್ತ್ಯೊ ಅಪ್ಣಾಯ್ಲ್ಯಾತ್.
[ಬರ್ನಾಡ್ ಜೆ.ಕೋಸ್ತಾ ಆನಿ ತಾಚ್ಯೆ ಪತಿಣೆಸವೆಂ ವಲ್ಲಿ ಕ್ವಾಡ್ರಸ್]
