[खबर] कथापाठ (अंतरराषट्रीय वेबिनार) शिंकळ - ५.
कथापाठ (अंतरराषट्रीय वेबिनार) शिंकळ - ५.
’मृगजळ’ कथा अध्ययनाचीं डिजिटल पुस्तकांचें विमोचन
आशावादी प्रकाशनान २००५ इस्वे थावन चलवन आयिल्लें कथेंचेर अध्ययन वेबिनार, २०२० इस्वेथावन अंतरराषट्रीय वेबिनार, आशावादी प्रकाशन आनी धेंपे कोलेज गोंय हांच्या मुखेल्पणाखाल श्री मल्लिकार्जून कोलेज, फा.आग्नेल कोलेज पिलार, कार्मेल कोलेज नुवें, रोसरी कोलेज नावेलीं, झेवियर्स कोलेक माप्सा, सर्कारी कोलेज पेर्णें, कोलेज आफ आर्ट्स देळें, गोवा कोलेज आफ आर्ट्स आल्टिन्हो तशेंच दल्गादो कोंकणी अकाडेमिच्या सहयोगांत कथापाठाची पांचवी शिंकळ ६ जुलाय थावन १० अगोस्त पऱ्यांत चल्ली. पयणारी २०२४ वर्साचो कथाकार ’डो.एडवर्ड एल. नज्रेताच्यो कथा’ ह्या शिंकळेंत अध्ययनाक विंचल्ल्यो.
उग्तावण: कोंकणी कथेंचेर अध्ययनाची अंतरराश्ट्रीय वेबिनार शिंकळ कथापाठ शिंकळ ५ उग्तावण
६ जुलाय: आशावादी प्रकाशन आनी धेंपे कोलेज गोंय हाणीं श्री मल्लिकार्जून कोलेज काणकोण, फा.आग्नेल कोलेज पिलार, कार्मेल कोलेज नुवें, रोसरी कोलेज नावेलीम, सैंट झेवियर्स कोलेज माप्सा, सर्कारी कोलेज पेर्नें, कोलेज आफ आर्ट्स अल्टीन्हो आनी दाल्गादो कोंकणी अकाडेमिच्या मजतेन चलंवच्या कोंकणी कथेचेर अध्ययनाची ’कथापाठ - पांचवी वेबिनार शिंकळेचें उग्तावण सन्वारा ६ जुलाय २०२४ तारिकेर देंपे कोलेजिची प्रिन्सिपाल डो.स्वाती पवार हिणें केलें. अपल्या उग्तावण उलवपांत डो.पवार म्हणाली; ’कोंकणी तसल्या राश्ट्रीय भासेंत आसच्यो लिपिच्यो बंधड्यो ह्या डिजिटल माध्यमान काडन उडयल्यो देकून आमकां समेस्तांक कन्नड लिपिंत आसच्या अपुर्भायेच्या कोंकणी कथेंचेर अभ्यास करुंक एक संधी करून दिंवचें हें भोव उपकारी उपक्रम, त्या पास्त वावर कर्पी समेस्तांची थोकणाय केली.
सूत्र संचालक, देंपे कोलेजिची प्राध्यापकी बाय विधिता शेट हिणें वेबिनाराची सुर्वातेर आयलेवार सरल्ल्या कोंकणी कथाकार पंचू बंटवाळाच्या अत्म्याक शांती मागोन एक मिनुटाचें मौन प्रार्थनांत सुर्वात कर्तच देंपे कोलेजिची कोंकणी विभागाची मुखेस्त बाय डो.अंजू साखरदांडेन सर्व मानेस्तांची ओळोक करून आशावादी प्रकाशन आनी देंफे कोलेजिच्या MOU विशीं तशेंच पाटल्या देड वर्सांनी चलल्ल्या वावराविशीं मोटवो विवर दिलो.
प्रस्तावीक उलवपी मानेस्त बालाजी सुतार (नाम्नेचो मराठी कथाकार) हाणें कोंकणी तसली भास इतली सोभीत आनी इतली मुकार पावल्ली गजाल भोव संतोसाची. मनीस काळाथावन अभिव्यक्त करून जियेवन आयला, जांव तें मौकीक आनी उपरांत लिखीत, आनी ह्या काळार मनीस अपलो आवाज सयत ह्या साहित्यासवें जोगावन दवरुंक सक्ता. खिणान पांत्रीक प्रगती जोडच्या ह्या आधुनीक काळार सयत आमी साहित्यांत पाटीं उरोंक न्हजो म्हळ्ळ्या इराद्यान असलीं अध्ययनां खूप महत्वाचीं म्हणालो.
मंगळूर युनिवर्सिटिच्या कोंकणी आध्ययन पीठचो संयोजक डो.जयवंत नायकान कोंखणीक डिजिटल माध्यमाक वरून तशेंच डिजिटल माध्यमांनी कोंकणी वाडोंक मिनत कर्च्या आशावादी प्रकाशनाची थोकणाय केली. मुखेल सयरो जावन हाजर आसलो पयणारी २०२४ वर्साचो कवी बाब प्रकाश द नायकान कोंकणी चळवळेची गर्ज आमकां कित्याख पडली आनी कोंकणी राज्यभास जातच आमची जवाभदारी संपोंक ना, बगार चडली, देकून त्या दिशेन आमी समेस्तांनी एका मनान वावर कर्ची गर्ज आसा म्हणालो. डो.आसटीन प्रभून अपल्या उलवपांत कथापाठ पयल्या शिंकळेथावन हांव सराग भाग घेवन आयलां आनी हीम अध्ययनां कसल्याच बंधडेविणें फकत कोंकणिच्या ग्रेस्त साहित्याची ओळोक करून दितात आनी विध्यार्थीं ह्या वेबिनारांचो फायदो जोडुंक सकोंदी म्हणालो. देंपे कोलेजिची नवो प्रिन्सिपाल डो.रामू मूर्ती अपल्या उलवपांत ’कोंकणी समग्र साहित्याची ओळोक तशेंच त्या साहित्याक लिपी-बोलीं मधें एकांएका पावंवचें डिजिटल साधन खरेंच थोकणायेचें, ह्या दिशेन वावर कर्पी समेस्तांक उल्लास म्हणालो.
डो.एडवर्ड एल नज्रेतान, एक कथाकार जावन अपणाक अपणाच्यो कथा चड लोकांक पावल्यार आनी तांची अभिपराय कळ्ळ्यार तोच भोव व्हड पुरस्कार. देकून ह्या पाशत आशावादी प्रकाशन आनी समेस्त कोलेजिच्या कार्भारिंक धिन्वास पाठयले. बाब शैलेंद्र मेहतान धिन्वास पाठयले,
वेबिनार - २: जुलाय १३ तारिकेर चलल्ल्या दूसऱ्या वेबिनारांत दोन प्रपत्रां सादर जालीं.
पयलें प्रपत्र शैलेंद्र मेहतान सादार केलें: ’डो.एडवर्ड एल नज्रेताच्या कथेंतलीं मनशा मौल्यां’
दुस्रें प्रपत्र लवी गंजिमठन सादार केलें: ’डो.एडवर्ड एल नज्रेताच्या कथेंतलीं स्त्रीयांचीं (अस्तुरेचीं) वेग-वेगळी रुपां’
गौरंग भांद्येन ह्या वेबिनाराचें सूत्र संचालन केलें.
वेबिनार - ३: जुलाय २० तारिकेर चलल्ल्या दूसऱ्या वेबिनारांत दोन प्रपत्रां सादर जालीं.
पयलें प्रपत्र मान्सी धावुस्कारान सादार केलें: ’डो.एडवर्ड एल नज्रेताच्या कथेंतलीं सामाजीक मौल्यां’
दुस्रें प्रपत्र डो.रेश्मा खोल्कारान सादार केलें: ’डो.एडवर्ड एल नज्रेताच्या कथेंतलीं संबंध (नातीं)’
दीपा रायकारान ह्या वेबिनाराचें सूत्र संचालन केलें.
वेबिनार - ४: अगोस्त ३ तारिकेर चलल्ल्या दूसऱ्या वेबिनारांत दोन प्रपत्रां सादर जालीं.
पयलें प्रपत्र मेगान डे सोजान सादार केलें: ’डो.एडवर्ड एल नज्रेताच्या कथेंत धर्म आनी समाज’
दुस्रें प्रपत्र रिया वेरोनिकान सादार केलें: ’डो.एडवर्ड एल नज्रेताच्या कथेचेर एक जेराल अभ्यास’
डो.जूडी पिंटो ह्या वेबिनाराची संचालकी जानासून, सादार जाल्ल्या प्रपत्रांचेर उलयली.
विधिता शेट हिणें ह्या वेबिनाराचें सूत्र संचालन केलें.
वेबिनार - ५: (निरोप वेबिनार) अगोस्त १० तारिकेर चल्लें. सूत्र संचालक शैलेंद्र मेहतान परिचयात्मक उलवप करून म्हणालो; कोंकणी भास एक, जांव हांतूं कितल्यो लिपी,बोली,धर्म,जाती आसूं, पूण एका मनांत कर्च्या वावराक डिजिटल माध्यम एक बरोच उपक्रम घडून दिता देकून आमचें अशेंच मिसां फुडें वेतेलें म्हणालो.
बाय अंजू साखरदांडेन येवकाराचें उलवप केलें. डो.पूर्णानंद च्यारीन कथापाठ मिसांवाच्या उर्वातेर थावन आज मेरेन आशावादी प्रकाशनान वेग-वेगळ्या देशांनी, प्रांत्यांनी मुखेल्पण चलवन केल्ल्या आनी आतां डिजिटल आध्यमांत खळमीत नास्तां करून आयिल्ल्या वावराची थोकणाय केली. तशेंच डिजिटल ई-पुस्तकां, डिजिटल आडियो पुस्तकांची ओळोक करून म्हणालो; २००५ थावन आज पऱ्यांत ४२ डिजिटल ई-पुस्तकां, आनी २०१८ थावन आज पऱ्यांत १७५ कोंकणी कथा यूट्यूबांतल्या आशावादी प्रकाशन च्यानलांत प्रसार कर्च्या पाटल्यान खळमीत नासचो वावर केल्ल्या आशावादी प्रकाशनासवें कोंकणी साहित्याचेर आध्ययन चलंवच्या इराद्यान २०१९ इस्वेंत श्री मल्लिकार्जून कोलेजीन आशावादी प्रकाशनासवें पयलें MOU (Memorandum of Understanding) करून कोंकणी साहित्य, कथा-कविता, पत्रिकुध्यमाचेर सभार काऱ्यीं तशेंच सेमिनार मांडून हाडुंक सकलें. त्ये उपरांत २०२२ इस्वेंत धेंपे कोलेजीन आशावादी प्रकाशनासवें MOU (Memorandum of Understanding) केलें. आनी आतां कांय गोंयच्या इक्रा कोलेजिचीं कोंकणी भुर्गीं ह्या वेबिनारांचो फायदो जोडतात ती कोंकणिच्या फुडाराक एक बरी गजाल म्हणालो.
गोंयच्या विध्यापाईठाची आधली कोंकणी विभागाची मुखेस्त डो.चंद्रलेख डिसोजान कथापाठाची गर्ज कित्याक म्हळ्ळ्या विश्याचेर उलवप केलें. कोंकणी साहित्याक जेराल नद्रेन पळेलें तर कन्नड आनी रोमी लिपियेंनी उत्कृश्ट साहित्य आसा आनी असलें साहित्य लिप्यंतर जालें तर तें लिपिच्यो गडी उत्रोन हेर लिपिच्या वाचप्यांक पावता. आनी कथापाठ तसलीं अध्ययनां जालीं तर, त्या साहित्याच्या ग्रेस्तकायेची ओळोक हेरांक मेळता. डिजिटल वेबिनारांनी कथापाठाच्या सुर्वातेर थावन हांव हाजर जावन आयल्यां देकून कथापाठांत सादर जांवचीं प्रपत्रां सयत गूणमट्टाचीं म्हणाली.
डो.रेश्मा अमीत खोल्कारान डो.एडवर्ड एल. नज्रेताच्या एकेका कथेंचेर अभ्यास कर्चो एक बरोच अनभोग, आनी ह्या कथेंनी आसच्या साद्या मनशाचें चित्रण,जिवीत आनी मानवीय मौल्यां खरिंच आमी जियेल्ल्या समाजेचें खरें दर्शन दिता अशें म्हणाली.
बाब इसिदोर दांतासान कोंकणी साहित्य, प्रत्येक जावन रोमी लिपिंत सुर्वात जाल्ल्या पत्रिकुध्यमाविशीं उलवन आज आमचेसमोर आसच्या वेग-वेगळ्या शर्थांचेर मोटव्यान उलवप केलें
डो. एडवर्ड एल. नज्रेताच्या वीस कथेंचें तशेंच स प्रपत्राचें डिजिटल पुस्तक (नागरी लिपिचें) ’मृगजळ’ डिजिटल विमोचन करून अपल्या उलवपांत गोंय कोंकणी अकाडेमिचें साहित्यीक जर्नल ’अनन्य’ची स्थापक संपादक डो.जयंती नायकान अपल्या उलवपांत वेग-वेगळ्या वठारांतल्यो कोंकणिंतल्यो काणियो कश्यो आमकां कोंकणिंत आसच्या ग्रेस्त साहित्याची गवाय दिता, आनी ह्या दिशेन लिप्यंतर जावपाची खूप गर्ज आसा म्हणाली.
डो. एडवर्ड एल. नज्रेताच्या वीस कथेंचें तशेंच स प्रपत्राचें डिजिटल पुस्तक (कन्नड लिपिचें) ’मृगजळ’ डिजिटल विमोचन करून अपल्या उलवपांत स्टीफन मसकरेन्हसान ’जशें वल्ली क्वाड्रसाच्या प्रस्तावनांत’ बरयिल्लेपरीं दोन वर्गाचो लोक कोंकणिंत आसा. डो.एडवर्ड एल. नज्रेत, वल्ली क्वाड्रस दूसऱ्या प्रकाराचे म्हणच्यांत कसलोच दुभाव ना. पूण हांव पयल्या प्रकाराचो. हांव दुडू दिल्लेशिवाय बरयना अशें म्हणालो.
डो.एडवर्ड एल. नज्रेत अपल्या उलवपांत ’अजीक पन्नास वर्साधीं, हांव एक कथाकार जावन उदेल्लों, पूण ह्या पन्नास वर्सांनी केदिंच, एका दिसा म्हज्यो कथा अध्ययनाक घेतलीं, आनी तांचेर प्रपत्रां साडर जातलीं म्हणून चिंतुंक ना वा त्या इराद्यान हांवें बरयिल्लें सयत ना. पूण ह्या पास्त मिनत केल्ल्या समेस्तांक हांव धिन्वास पाठयतां. प्रत्येक जावन म्हज्यो कथा डिजिटल आडियो पुस्तक तशेंच ई-पुस्तकारुपार हाडल्ल्या आशावादी प्रकाशनाक म्हजे धिन्वास’ म्हणालो.
डो.आसटीन डिसोज प्रबून फ्रेड्रीक क्वाड्रस स्मारक आशावादी प्रकाशनाचे डिजिटल पुरस्कार जिकप्यांचीं नांवां घोषण केलीं, कथापाठ पांच्या शिंकळेंत सादर जाल्ल्या स प्रपत्रांक इनामां फावो जालीं.
वल्ली क्वाड्रसान मथायस कुटम डबलीन प्रायोजकपणाचीं (डिजिटल आडियो पुस्तकाचेर कथा सादरीकरणाचीं) इनामां घोषीत केलीं. पयलें इनाम: शांती नोरोन्हा बाह्रेयन, दुस्रें इनाम: प्रीता मिरांदा, तिस्रें इनाम: लवी गंजिमठ आनी लिनेट डिसोजाक. हेर च्यारांक हुमेदिचीं इनामां फावो जालीं.
वल्ली क्वाड्रसान धिन्वास उलवप केलें. शैलेंद्र मेहतान सूत्र संचालन केलें.
