कविता समजुंक तशेंच कोंकणी कविंच्या कवितेंचेर अध्ययन चलंवचें, आशावादी प्रकाशनान चलंवचें कामासाळ ’कवितापाठ’, मार्च २४ तारिकेर (आयतारा) दनपारां अडेज थावन साडेच्यार वोरापासोन, असुप्सांव कोंकणी संघटन कांदिवली हांच्या मजतेन कांदिवली इगर्जेच्या होलांत चलोंक आसतलें. गोंयचो नामणेचो, साहीत अकाडेमी पुरसकृत कवी बाब माधव बोर्कर हांच्या ’मोळबाचें जनेल’ कविताजम्याचेर समीक्षा ह्या कवितापाठाचेर चल्तली.
कवितापाठाचो दुस्रो भाग जावन बाय वसुधा प्रभू हिच्या अध्यक्षपणाखाल कोंकणी कविगोश्टी चल्तली, तांतूं मुंबयचीं नामणेचीं कवीं; बाय फिलोमेना सांफ्रान्सिसको, बाय रीटा आलबुकर्क, बाय हेलेन गोर्डिन्हो, बाय पद्मजा कुंदाजे, बाब शैलेंद्र मेहता, बाब प्रसन्न निड्डोडी अनी बाब वल्ली क्वाड्रस वांटेली जातले. कोंकणी साहीत/कवितेचेर आसक्त/उर्भा आसच्या समेसतांक मायामोगाचें अपवणें आसा.
